اقتباس:
المشاركة الأصلية كتبت بواسطة رشا
ماريل صاحبة سماح انشاءاللة تكوني متمردة زي سماح,,مرحب بيك وتحياتي
|
رشا سلامات
احكى ليك القصة دى
(وانا طالبة فى خامسة جامعة ولظرف كده كان لازم اشتغل ومعاى واحدة صاحبتنا انا وسماح اسمها نهاد لقيت لى اعلان فى جريدة عن فرصة عمل قمت كلمت نهاد وبعد المحاضرة الاولى مشينا اها يا (سحبتى)مع زحمة المواصلات وكده وصلنا بعد الزمن المحدد بى نص ساعة السكرتيرة قالت لينا وصلتو متاخرين لكن كدى نسال المدير
السكرتيرة دخلت للمدير... صحبك(المدير)جاء كشف لينا من بعيد اظن(وان بعد الظن اثم)صاحبك عجبناهو(كنا صغااااااااااااار وحلوين واسياد التحشيش)المدير اتجاوز عن تاخيرنا وطلب من السكرتيرة تدخلنا...اها دخلنا لقينا ناس كتاااااااااااار جوه بيدوهم محاضرة عن فن التسويق المدير طبعا لازم يدينا هرشة قدام الناس لاننا متاخرين
وبدا يردح(شو ها التاخير؟؟)اصلو طلع من اخوانا الشوام
(وانا اتقرنت ليه فى رقبتو وندمتو على الكليمة الوقعت من خشمو بقصد القشرة وكده)
(انت ما عارفنا جينا متاخرين وبرضو سمحت لينا ندخل المحاضرة ولا لازم تعمل فيها شخصية قدام الناس ديل هسه ما فات شئ تقعد ولا نمشى)
صاحبنا اتهجم واتبهت ورد(لك شو ها الشخصيى انتى شخصيتك اكتير اوية لك والله والله وحيات من جابنى هون ما ترجعى اتفضلى يا نمرودة)
اها انتى رايك شنو اخير المتمردة ولا النمرودة والبعجبك انا ببقى عليهو
