بيوت الأشباح هى البيوت الآمنة !!

[أميرى]

المشاركة الأصلية كتبت بواسطة رأفت ميلاد

الله أعلم كيف ما لافقة كيف ياللخو .. يعنى العالم د. عصام قلت لى حشرتها حشر .. شاحت الله يحشروك فى الفردوس مع 82 حورية وقنطار فياقرا ..

الأخ ده ما الزوول .. ده زول الله .. يزاولوا ليك ستة صعايدة العاقل فيهم .. خليهو ساكت

معترض على الله يعلم ؟ .. وبعدين كان بيوت الأشباح من زمن نميرى بررت شنو .. حبوبتى القبطية كانت بتقول ما أسخم من ستى إلا سيدى .. يعنى برطوشين ..

هسة أنت قلت (الله أعلم) ما لافقا .. ده مشروع تكفير ..

ههههههاي والله إتا عسل يا مقدس

الحزام الأخضر جنوب الصحافة يا مقدس كانت فيو غرف علي إمتداد طرفه الجنوبي
غرف صغيرة للتعذيب وقتل معارضي نميري
جهاز أمن الإنقاذ هو إبن شرعي لجهاز أمن نميري
وأعتقد جزء كبير من كوادره في سنوات الإنقاذ الأولي كانت من أمن نميري
وبرضو والله أعلم

[احمد سيداحمد]

المشاركة الأصلية كتبت بواسطة زول الله

المقدس ودميلاد وجنابو النور مساكم الله بالخير
اسمح لي ياجنابو -رغم علمي بخبرتك هنا- اخالفك قليلاً وأيضاً انت يامقدس
فأيام حكم النميري هي التي أنتجت هذه التسمية(بيوت الأشباح)
بإدارة مباشرة من نائب الرئيس
وكان عرابها الأساسي الملازم وقتها ع.كباشي
وتوزعت مواقعها حسب مهامها مابين الجناح107 في (فندق مشهور) و(مكاتب أخرى) خارجه
ومسمياتها مختلفة لكنها تتفق جميعها في التسمية الـ تحت تحت(بيوت الاشباح)
هذا والله أعلم





اقول قولي هذا واستغفر الله لي............

رأفت وزول الله سلامات

ع.كباشي مش هو عاصم كباشي الذي توفى نتيجة اصابته بمرض السرطان ولّ انا غلطان

تحياتي

[يحي عثمان عيسي]

الاحباب جميعا لكم الود والتحايا

رحم الله شهداء هذه البيوت

السؤال الذي يحيرني كيف يستطيع النوم والعيش ذلك الذي يتسبب في تعذيب انسان مثله ويتسبب في موته ... ؟؟؟ او ذاك الذي يعطي الامر ؟؟؟
هل هم اناس غيرنا ؟؟؟
انتزع الله من قلوبهم الرحمه والانسانية ؟؟؟
ام ان السلطة والجاه تُسكر وتعمي ؟؟؟؟
الاسلام والمسيحية يا رأفت بريئة من امثال هؤلاء
و الله يمهل ولا يهمل

[رأفت ميلاد]

المشاركة الأصلية كتبت بواسطة عادل عسوم

طالما يسميك البعض ب(المقدس) فنقول آمين لدعوة الفردوس والحوريات بس بدون فياجرا
وعذرا للزوول وزول الله فبالجد غير مقصودة
أما تبريري...فقط وددت أن الفت نظرك الى أنك -دوما-تصر على رأيك وان ابان لك الغير خطأ تصورك يارأفت ...ولك أن تعود الى بوست التاريخ الاسلامي أو ماشابه لترى ذلك!
على كل حال رأفت من حق القارئ عليك أن تتقبل نقاط نظام أو (تصحيحات) البعض ان ابانوا لك بأن المعلومة التي تود ايصالها للناس هي خطأ*
ـــــــــــــ
المعلومة التي تود ايصالها (هنا) هي أن بيوت الاشباح من صنع ناس الانقاذ ودا خطأ يااستاذنا
أما الشيخ الدكتور عصام البشير فأسأل الله أن يطيل عمره لينفع الناس بعلمه ولغته الباذخة
كن بخير يارافت

اللهم طولك يا روح .. أولاً يا اللخو (مقدس) بقروها بكسر الميم والقاف والدال .. مصطلح للزول الحج بيت المقدس .. من بلاوى فتحى .. يعنى ما بضم القاف الفى بالك ..
تانياً أنا وزول الله مافى بينا أى خلاف .. أكدت ليهو ما سمعت بيها ربما بسبب الغياب وده الحشر (الله يعلم) بناءً على بتاعتو الختم بيها .. أنت كان كلفت نفسك وقريت المداخلة رقم 2 لجنابو وردى عليها .. كان صميت خشمك وما كلفتنا العناء ده

الفاجرا مهمة عشان تجيب ليك هارد أتاك لا تحصل جنة لا حور .. ورفقة بالبكونوا هناك ..

سألت د. عصام من بيتو الباعو .. قبل الوزارة

[رأفت ميلاد]

المشاركة الأصلية كتبت بواسطة أميرى
ههههههاي والله إتا عسل يا مقدس

الحزام الأخضر جنوب الصحافة يا مقدس كانت فيو غرف علي إمتداد طرفه الجنوبي
غرف صغيرة للتعذيب وقتل معارضي نميري
جهاز أمن الإنقاذ هو إبن شرعي لجهاز أمن نميري
وأعتقد جزء كبير من كوادره في سنوات الإنقاذ الأولي كانت من أمن نميري
وبرضو والله أعلم

برضو أنت الله يعلم يا يسورى .. شيل شيلتك .. تعرف غرف الحزام الأخضر تكون كمبو الحزام .. هناك دفن ساكت .. يكون بقى هسة بترول ..

[رأفت ميلاد]

المشاركة الأصلية كتبت بواسطة اسمر

رأفت وزول الله سلامات

ع.كباشي مش هو عاصم كباشي الذي توفى نتيجة اصابته بمرض السرطان ولّ انا غلطان

تحياتي

يحول السؤال لزول الله يا أسمر.. هسة أقول لك أعلم أبقى فى حيص بيص

[عمر صديق]

الاخ رافت ميلاد
خالص التحايا
بوست يكشف المستور ويعرى الديكتتاتوريات
لكن استوقفنى كلامك قلت بانو عهد النميرى لم يشهد تعذيب انت عايشت تلك الفترة
ولكن الشواهد كلها تدل ان عهد النميرى كان هو بداية التعذيب فى السودان فى العصر الحديت لو استثنينا عهد الخليفة عبد الله كان فيهو التعذيب والقتل والابادة الجماعية ولكن ما بمفاهيم حديثة
عهد النميرى حسب ما يحكى عنه كان هو بداية التعذيب بالاساليب الحديثة
وديل جوا واتوسعوا فيه

[عادل عسوم]

الفاجرا مهمة عشان تجيب ليك هارد أتاك لا تحصل جنة لا حور .. ورفقة بالبكونوا هناك

مقبولة منك يا(مقدس)...
قلت لي بكسر الميم والقاف والسين
...
أما أنا فأسأل الله لك طول العمر...
والهداية ...
(بتاعت كيشو الله يطراه بالخير)

[رأفت ميلاد]

المشاركة الأصلية كتبت بواسطة يحي عثمان عيسي

الاحباب جميعا لكم الود والتحايا


رحم الله شهداء هذه البيوت

السؤال الذي يحيرني كيف يستطيع النوم والعيش ذلك الذي يتسبب في تعذيب انسان مثله ويتسبب في موته ... ؟؟؟ او ذاك الذي يعطي الامر ؟؟؟
هل هم اناس غيرنا ؟؟؟
انتزع الله من قلوبهم الرحمه والانسانية ؟؟؟
ام ان السلطة والجاه تُسكر وتعمي ؟؟؟؟
الاسلام والمسيحية يا رأفت بريئة من امثال هؤلاء
و الله يمهل ولا يهمل

سلامات يا يحى
هؤلاء قبيلة من (أين أتى هؤلاء) الذى أبلغ الطيب صالح فى وصفهم .. هؤلاء يأكلون ويشربون ويعاشرون زوجاتهم ..

فما فعلون يستقون منه المتعة .. الحقد حاسة موجودة ونقص هكذا يكملونه

[رأفت ميلاد]

المشاركة الأصلية كتبت بواسطة عمر صديق
الاخ رافت ميلاد
خالص التحايا
بوست يكشف المستور ويعرى الديكتتاتوريات
لكن استوقفنى كلامك قلت بانو عهد النميرى لم يشهد تعذيب انت عايشت تلك الفترة
ولكن الشواهد كلها تدل ان عهد النميرى كان هو بداية التعذيب فى السودان فى العصر الحديت لو استثنينا عهد الخليفة عبد الله كان فيهو التعذيب والقتل والابادة الجماعية ولكن ما بمفاهيم حديثة
عهد النميرى حسب ما يحكى عنه كان هو بداية التعذيب بالاساليب الحديثة
وديل جوا واتوسعوا فيه

ده كلام شنو يا عمر .. متين قلت أنا كدة .. عهد نميرى وتخبطه العشوائى كان بداية كل السوء فى البلاد .. على يده بدأ الإنهيار الأقتصادى والسياسى والأجتماعى .. هو من قتل وعذب وطغا .. وأول من رعى الإسلايين سياط على الرقاب ..

الحديث عن بيوت الأشباح .. وقال النور يوسف .. بأن السجون والتعزيب كانت كنت ملحقة بمبانى الأمن .. فنحن لا ننفى سوء معاملة البشر .. ولم نلغى وجود البيوت الأمنة .. ولكن قلنا هم أول من أساء إستغلالها .. ويرى البعض (زول الله وأميرى) النميرى من بدأ بذلك وها أنت أزرتهم .. وهذا ليس خلاف جوهرى ..

[فتحي مسعد حنفي]

ياجماعة ما تفتو ساكت..رأفت ما غلط الا في الفياجرا الكتبا فاجرا..رأفت ما نفي انو يكون في تعذيب لكن قال مافي بيوت أشباح بالمفهوم الحالي ودا كلام صحيح 100%
عليكم ألله في زول بيعمل مكان للتعذيب في غرفة فندق بعدين أنا زمن نميري ما حضرتو لكن أصحابنا وزملاءنا اتقبض عليهم وقعدوا معتقلين لمدد طويلة وكمثال المرحوم محمد محجوب عثمان ومحمد وردي وشيوعيين كتار وسياسيين من جميع الأحزاب والشي المعروف انهم كلهم كانوا بيودوهم كوبر والمعتقل السياسي كان من حقو راديو ترانزيستور وممكن يجيبو ليهو كتب وجرايد وما بشتغلو زي باقي المساجين ودا كلام محمد محجوب الأنا محال أشك في كلامو ومكن شوقي بدري يأكد كلامي دا..
بيوت الأشباح اتعملت عشان مافي زول مسجون عادي يسمع ولا يشوف البحصل شنو للشخص المعتقل وحسب قانون جهاز الأمن من حق الجهاز استعمال كل الوسائل لانتزاع الاعترافات..أفتكر انكم متفقين معاي في انو مافي فئة عانت زمن النميري أكتر من الشيوعيين ورغم كدا مافي زول قال دخلوهو بيت وسووا فيهو كيت ولا كيت ودا في زمن النميري وبالذات قبل الشهيد هاشم العطا..

[زول الله]

ايوا يا أسمر هو نفسه عاصم كباشي إبن غرب السودان (أب زبد)
ويامقدس إذا لم تكن حاضراً تلك الفترة ف عندك فجوات كتيرة مفروض تردمها
عمنا فتحي كلامك دا إذا كان قبل هاشم العطا كما تفضلت
ف انت لم تعايش فترة جهاز أمن النميري
أسأل الناس العايشوها أسأل عن(أبسبعة) أسأل عن (عمر كايرو) أسأل عن(الجنيد)
تلك الغرف بالفنادق ياعمنا لم تكن مفروشة لشهر العسل





اقول قولي هذا واستغفر الله لي...............

[بدر الطائف]

المشاركة الأصلية كتبت بواسطة فتحي مسعد حنفي

ياجماعة ما تفتو ساكت..رأفت ما غلط الا في الفياجرا الكتبا فاجرا..رأفت ما نفي انو يكون في تعذيب لكن قال مافي بيوت أشباح بالمفهوم الحالي ودا كلام صحيح 100%
عليكم ألله في زول بيعمل مكان للتعذيب في غرفة فندق بعدين أنا زمن نميري ما حضرتو لكن أصحابنا وزملاءنا اتقبض عليهم وقعدوا معتقلين لمدد طويلة وكمثال المرحوم محمد محجوب عثمان ومحمد وردي وشيوعيين كتار وسياسيين من جميع الأحزاب والشي المعروف انهم كلهم كانوا بيودوهم كوبر والمعتقل السياسي كان من حقو راديو ترانزيستور وممكن يجيبو ليهو كتب وجرايد وما بشتغلو زي باقي المساجين ودا كلام محمد محجوب الأنا محال أشك في كلامو ومكن شوقي بدري يأكد كلامي دا..
بيوت الأشباح اتعملت عشان مافي زول مسجون عادي يسمع ولا يشوف البحصل شنو للشخص المعتقل وحسب قانون جهاز الأمن من حق الجهاز استعمال كل الوسائل لانتزاع الاعترافات..أفتكر انكم متفقين معاي في انو مافي فئة عانت زمن النميري أكتر من الشيوعيين ورغم كدا مافي زول قال دخلوهو بيت وسووا فيهو كيت ولا كيت ودا في زمن النميري وبالذات قبل الشهيد هاشم العطا..

عم فتحى والجميع تحياتى
لا احد ينكر وجود بيوت الاشباح فى عهد النميرى ونتفق بان ما يحدث الان قد فاق حد الوصف.بالنسبة للمعتقلين الذين كانوا يحولوا الى سجن كوبر هم من كبار السياسين المعروفين لدى عامة الشعب السودانى ولكن بالنسبه للكودار السريه والنشطاء الغير معروفين الوضع يختلف فيتم حجزهم بمكاتب الامن وتعذيبهم بصورة بشعه . تحديدا فى مدينة ودمدنى سياسين امثال عثمان عمر الشريف ومجدى سليم والمحامى جنكون دائما ما يحولوا الى المعتقل سجن ودمدنى العام .اين الطاهر حلاوه الذى اختفى بعد اعتقاله من جهاز امن النميرى ولا يعرف له مكان حتى الان وكذلك ود البدرى.

[فتحي مسعد حنفي]

المشاركة الأصلية كتبت بواسطة بدر الطائف

عم فتحى والجميع تحياتى
لا احد ينكر وجود بيوت الاشباح فى عهد النميرى ونتفق بان ما يحدث الان قد فاق حد الوصف.بالنسبة للمعتقلين الذين كانوا يحولوا الى سجن كوبر هم من كبار السياسين المعروفين لدى عامة الشعب السودانى ولكن بالنسبه للكودار السريه والنشطاء الغير معروفين الوضع يختلف فيتم حجزهم بمكاتب الامن وتعذيبهم بصورة بشعه . تحديدا فى مدينة ودمدنى سياسين امثال عثمان عمر الشريف ومجدى سليم والمحامى جنكون دائما ما يحولوا الى المعتقل سجن ودمدنى العام .اين الطاهر حلاوه الذى اختفى بعد اعتقاله من جهاز امن النميرى ولا يعرف له مكان حتى الان وكذلك ود البدرى.

تعرف يابدر الحكومات الدكتاتورية أو العسكرية مرتبطة ارتباط وثيق بالقمع وأدواتو أما حكاية انو كوبر كانت لكبار السياسيين فدي مشكوك فيها عشان أنا بعرف ناس عاديين من صغار الشيوعيين كانو بقبضوهم وطوالي علي كوبر..أما بيوت الأشباح فدا اختراع أساسو من أمريكا اللاتينية وبعدهم المصريين الكانوا بعذبو السياسيين في سجن القلعة ومارسوا أبشع أنواع التعذيب مع الأخوان المسلمين بعد محاولة قتل عبد الناصر في منشية الاسكندرية..أما بيوت الأشباح فدي الغرض منها اخفاء أماكن المعتقلين ومنعهم من الاتصال بذويهم عن طريق السجناء الآخرين في السجون وكشف ما يتم فعله معهم..

[رأفت ميلاد]

المشاركة الأصلية كتبت بواسطة زول الله
ويامقدس إذا لم تكن حاضراً تلك الفترة ف عندك فجوات كتيرة مفروض تردمها

هو الله عفانى أقوم أردم .. الفجوات دى خلينا نتنفس بيها ..
هسة يا زول الله أنت نميرى لامن خلعوه .. أنت كان عمرك كم سنة .. ياخ أنت فجواتك غربال .. قلت ليك أنا ما حضرت فترة قوانين سبتمبر .. وقبال أسافر كنت بشرب البيرة ساااقطة فى أراك هوتيل .. لكن كنت فى جدة والأخبار معانا ..

الأسامى الجبتها دى ما مشكك فيها .. لكن تعذيب الجماعة ديل هتلر يدق ليهم تعظيم