ما بين ابو صلاح ومسعد حنفي

[مجدي مسعد حنفي]

انا موضوع الشاعر عتيق ماعارف هو قال شنو بالظبط وقالو لمنو
لكن انا بتذكر تماما اثناء مداخلاتي مع الدكتور احمد القرشي في سودانيز
ان احد الاخوه المتداخلين كتب كلام واضح انو في مرّه سمع من عتيق مباشره
وسط مجموعه ان الاغنيتين لمسعد حنفي ودا كلام موجود ومسجل في بوست
الحزن في الاغنيه السودانيه واكيد عتيق عاصر المشكله وشاف كتاب الاغاني وقرا الاعلان في ملتقى النهرين وممكن كمان يكون قرا القصه بتفاصيلا في مجلة هنا
امدرمان يعني مااظن انو يكون قال الاغاني لابو صلاح
بالمناسبه كتاب امير الاغاني لما نزل السوق سبقت كلمات وجه القمر سافر عباره
بتقول وهاك هذه القصيده التي هي اشهر من نار على علم يعني زي ماقلت ليك
الاغاني دي كانت اصلا الناس سامعاها وعارفه انها من كلمات ابو صلاح
فياريت نفكر بعقلنا ونركن العواطف عشان نقدر نستوعب الحقائق
وانا اعتقد ان السبب في الجدل الحاصل دا احنا ابناء المرحوم مسعد لاننا سكتنا ومازلنا ساكتين على كل الافتراءات البتتقال كل يوم في حق الوالد ولو كنا رفعنا قضيه على بدوي من زمان كان سكت هو وكل البطبلوا ليهو

[احمد علي الامين]

المشاركة الأصلية كتبت بواسطة بابكر مخير

بما أني قريب من تلك الحقبة،،
فعلن بتذكر يا حمادة،،
أنك كان في أزمة حبر باركر......

يابا تعرف حكاية مغمور دي
ما بتعني أنه الشخصية نكرة،،
عندي جدي وبعتز بيهو وإسمه مالي السودان من عمل قام بيهو،،
لكنه وللحكمة مغمور هنانا في الخليج القرييييييييييب دآ،،
"بابكر بدري"
والشهرة معناها الحقهو وما حقهو يبقآ حقهو..
نافع دآ ما مشهور والأكثر شهرة منه الجآز وسيد الشهرة علي عثمان،،
يعني لو قالوا هم أصحاب "عزة في هواك" الجوها جديد،،
نصدقهم..
حمادة
لينا عندك حق العرب

لن أغير وجة البوست وادخل معك في مهاترات لا معني لها ... هذا حوار جاد فإذا أردت أن تهزل وتخفف دمك فليكن ذلك بعيداً عني أرجوك.
ما زالت حجة الأخوان ضعيفة وصيت ابو صلاح واسلوب نظمه وطريقة كتابته هي الأقرب.

[فتحي مسعد حنفي]

المشاركة الأصلية كتبت بواسطة احمد علي الامين

تحياتي للمتداخلين

واضح من حديث الاخوة فتحي ومجدي أن حجتهما الدامغة ودليلهم القاطع هو نشر الشاعر مسعد حنفي (تحدي) للشاعر ابو صلاح في صحيفة او مجلة هنا ام درمان وأن ابو صلاح لم يحرك ساكناً ولم يتصدي إليه ... لذلك أصبحت الاغنية ملكية خالصة لمسعد حنفي ... هل هكذا تثبت الحقوق ؟ هل لمجرد عدم رد الشاعر أبو صلاح تصبح الاغنيتين محل النزاع ملك للطرف الآخر ؟
من يعلم الظروف التي منعت الشاعر أبو صلاح من عدم الرد علي الشاعر مسعد حنفي ؟ مسعد حنفي في ذلك الوقت وبشهادة أقرب الناس له (أبنائه) كان مغموراً ولا يعرفه أحد وابو صلاح فاقت وطغت شهرته وتسيد الساحة دون منازع .. هل تعتقدوا أنه كان محتاجاً للدخول في معارك مع شاعر لا يعرفه أحد (في ذلك الوقت) من أجل قصيدتين وهو الذي كتب مئات القصائد وهو الشاعر الذي يتباري عليه مطربو ذلك الزمان ليتغنوا باشعاره ؟

يا أحمد تلك كانت الوسيلة الوحيدة لاتاحة اثبات الحق..ثم ان أبو صلاح لم يدع كتابة الأغنيتين وفعلا أبو صلاح لا يحتاج لادعاء ملكية ما ليس له ولكنه لم يفعل ولم يدع فكان السبيل الوحيد هو ما فعله الوالد الذي لو لم يكن واثقا من كلامه لما غامر باتهام من هو يعد من أشهر شعراء تلك الحقبة والحمد لله أنا متأكد ان والدي في كامل قواه العقلية..أما حكاية مغمور فما قال الأخ بابكر ان مغمور لا تعني نكرة..كل ما في الأمر ان الوالد لم تكن له أي علاقة بالمطربين في تلك الأيام بعكس أبو صلاح وحتي علاقته بأبي صلاح فقد أوضحها بالتفصيل في المذكرات..
ياخ أنا بصراحة زهجت من الكلام في الموضوع دا والعايز يصدق انو الأغاني كتبا أبو صلاح هو حر يصدق العايزو ومسعد حنفي الشاعر السوداني المغمور دا الأغنية التي يغنيها صلاح مصطفي وهي مناجاة قد فازت بالجائزة الأولي في مهرجان السلام في موسكو لأصالة معاني كلماتها التي قام بترجمتها الي الروسية اتحاد الطلاب السودانيين هناك وبعد فوزها أرسلوا رسالة شكر للوالد وأبلغوه بفوز الأغنية بالجائزة الأولي..يعني مسعد حنفي ما محتاج لشهرة من السطو علي حق الغير..مسعد حنفي لم يكن يوما كاذبا ولا أبو صلاح كان كاذبا ولكن الكاذب هو من يدعي ان الاغنيتين من نظم أبو صلاح..

[فتحي مسعد حنفي]

المشاركة الأصلية كتبت بواسطة احمد علي الامين

لن أغير وجة البوست وادخل معك في مهاترات لا معني لها ... هذا حوار جاد فإذا أردت أن تهزل وتخفف دمك فليكن ذلك بعيداً عني أرجوك.
ما زالت حجة الأخوان ضعيفة وصيت ابو صلاح واسلوب نظمه وطريقة كتابته هي الأقرب.

يا أحمد ياخ عمك بابكر ياهو دا الاسلوب البكتب بيهو طول عمرو يعني ما بهزل فما تفهمو غلط وبعدين ياخ مخاطبتو ليك بحمادة دي براها مفروض تخليك تتعامل معاهو برقة وما تفهمو غلط..تعرف يا أحمد تفسير كلام الناس بشكل خاطئ هو 90% من أسباب المشاكل..يعني أنا ممكن أقول ليك كلامك الكتبتو معناه انك بتقول أبوي كضاب.عشان لما يقول كلام في مذكراتو وانت تجي تقول دا ما صح معناهو انو كضاب..ولا كيفلكن أنا عشان بعرفك ومتأكد انو دا ما ممكن يكون قصدك أخدتا الكلام ببساطة وواصلت معاك..take it easy man..

[احمد علي الامين]

المشاركة الأصلية كتبت بواسطة مجدي مسعد حنفي

انا موضوع الشاعر عتيق ماعارف هو قال شنو بالظبط وقالو لمنو
لكن انا بتذكر تماما اثناء مداخلاتي مع الدكتور احمد القرشي في سودانيز
ان احد الاخوه المتداخلين كتب كلام واضح انو في مرّه سمع من عتيق مباشره
وسط مجموعه ان الاغنيتين لمسعد حنفي ودا كلام موجود ومسجل في بوست
الحزن في الاغنيه السودانيه واكيد عتيق عاصر المشكله وشاف كتاب الاغاني وقرا الاعلان في ملتقى النهرين وممكن كمان يكون قرا القصه بتفاصيلا في مجلة هنا
امدرمان يعني مااظن انو يكون قال الاغاني لابو صلاح
بالمناسبه كتاب امير الاغاني لما نزل السوق سبقت كلمات وجه القمر سافر عباره
بتقول وهاك هذه القصيده التي هي اشهر من نار على علم يعني زي ماقلت ليك
الاغاني دي كانت اصلا الناس سامعاها وعارفه انها من كلمات ابو صلاح
فياريت نفكر بعقلنا ونركن العواطف عشان نقدر نستوعب الحقائق
وانا اعتقد ان السبب في الجدل الحاصل دا احنا ابناء المرحوم مسعد لاننا سكتنا ومازلنا ساكتين على كل الافتراءات البتتقال كل يوم في حق الوالد ولو كنا رفعنا قضيه على بدوي من زمان كان سكت هو وكل البطبلوا ليهو

التحايا للأخ مجدي

انا موضوع الشاعر عتيق ماعارف هو قال شنو بالظبط وقالو لمنو

لو حضرت الحلقة التي بثت أمس علي تلفزيون السودان عن الشاعر أبو صلاح كنت سمعت الشاعر الكبير أبو قرون متحدثاً بأن الشاعر العملاق عتيق هو من قال له شخصياً هذا الكلام .. انا شخصياً لا أري أن لأبو قرون مصلحة في الوقوف مع طرف ضد الآخر .. كل الموضوع شهادة أدلي بها وهو مسئول أمام الله عنها.

ولو كنا رفعنا قضيه على بدوي من زمان كان سكت هو وكل البطبلوا ليهو

هذا من حقكم وهو بنظري الخطوة التي ستحسم وتغلق هذا الملف للأبد وهنا يتبادر الي ذهني سؤال يا أخ مجدي ... لماذا لم يلجأ الشاعر مسعد حنفي للقضاء لحسم هذا الموضوع بدلاً من نشر تحدي في الصحف ؟

[فتحي مسعد حنفي]

المشاركة الأصلية كتبت بواسطة احمد علي الامين

التحايا للأخ مجدي

هذا من حقكم وهو بنظري الخطوة التي ستحسم وتغلق هذا الملف للأبد وهنا يتبادر الي ذهني سؤال يا أخ مجدي ... لماذا لم يلجأ الشاعر مسعد حنفي للقضاء لحسم هذا الموضوع بدلاً من نشر تحدي في الصحف ؟

لماذا يلجأ للقضاء والراحل أبو صلاح لم يصرح في يوم انه صاحب الأغنيتين..
ثانيا هل هناك ما يحتاجه أكثر من اعتراف الاذاعة بملكيته للأغنيتين وتسجيلهما باسمه في الاذاعة.!!!!!
هل عليه أن يلجأ الي القضاء شاكيا ظن الناس ان أبو صلاح هو من كتبهما؟؟؟؟؟؟؟؟؟؟أم سيشتكي بدوي أبو صلاح الذي لم يكن قد ولد بعد..وهل اذا شكونا بدوي أبو صلاح في المحكمة وحكمت لنا المحكمة.هل سيكون هذا هو الدليل الذي نبحث عنه؟؟؟؟؟؟أبو قرون قال سمع من عتيق فما الدليل علي صحة ذلك ولا تقل لي انه لا يكذب..طيب وهل مسعد حنفي يكذب عندما روي حقيقة ما حدث؟؟ونشرها في أشهر مجلة تكتب عن الفن ولم يقل عن أبي هريرة..

[احمد علي الامين]

المشاركة الأصلية كتبت بواسطة فتحي مسعد حنفي

يا أحمد ياخ عمك بابكر ياهو دا الاسلوب البكتب بيهو طول عمرو يعني ما بهزل فما تفهمو غلط وبعدين ياخ مخاطبتو ليك بحمادة دي براها مفروض تخليك تتعامل معاهو برقة وما تفهمو غلط..تعرف يا أحمد تفسير كلام الناس بشكل خاطئ هو 90% من أسباب المشاكل..يعني أنا ممكن أقول ليك كلامك الكتبتو معناه انك بتقول أبوي كضاب.عشان لما يقول كلام في مذكراتو وانت تجي تقول دا ما صح معناهو انو كضاب..ولا كيفلكن أنا عشان بعرفك ومتأكد انو دا ما ممكن يكون قصدك أخدتا الكلام ببساطة وواصلت معاك..take it easy man..

الأخ فتحي لك التحية والتقدير
أولاً وبكل صدق أنا لا معرفة شخصية تجمعني بالشاعرين الكبيرين وبالتالي ليست لدي مصلحة سوي النقاش المثمر الهادف المنطقي من خلال السرد المطروح للنقاش وفي النهاية هم شاعرين نعتز ونفخر بهما وبإسهاماتهم المقدرة في الفن السوداني.

واضح يا اخ فتحي أنك وبابكر تعرفان بعضكما جيداً ولكنه لا يعرفني ولا يدري إن كنت أتقبل هذه الكلمة أم لا ، نحن نتحاور في أمر أراه جاداً فليكن كذلك وإلا لا داعي لتحويل البوست لمشادات لا نفع منها.

.يعني أنا ممكن أقول ليك كلامك الكتبتو معناه انك بتقول أبوي كضاب.عشان لما يقول كلام في مذكراتو وانت تجي تقول دا ما صح معناهو انو كضاب..ولا

اولاً يا أخ فتحي الحديث ليس عن (أبوك) بقدر ما هو عن الشخصية العامة الشاعر مسعد حنفي في قضية عامة تهم كل من يهتم بهذا الجانب من الشعب السوداني ، التحاور والنقاش يدور حول المعطيات والوقائع المذكورة وكلٌ يدلي بدلوه في إطار من الحوار الجاد المنطقي المحترم حتي يخرج المتداخلين بفائدة ونتيجة تقنع الجميع.

[احمد علي الامين]

المشاركة الأصلية كتبت بواسطة فتحي مسعد حنفي

لماذا يلجأ للقضاء والراحل أبو صلاح لم يصرح في يوم انه صاحب الأغنيتين..
ثانيا هل هناك ما يحتاجه أكثر من اعتراف الاذاعة بملكيته للأغنيتين وتسجيلهما باسمه في الاذاعة.!!!!!
هل عليه أن يلجأ الي القضاء شاكيا ظن الناس ان أبو صلاح هو من كتبهما؟؟؟؟؟؟؟؟؟؟أم سيشتكي بدوي أبو صلاح الذي لم يكن قد ولد بعد..وهل اذا شكونا بدوي أبو صلاح في المحكمة وحكمت لنا المحكمة.هل سيكون هذا هو الدليل الذي نبحث عنه؟؟؟؟؟؟أبو قرون قال سمع من عتيق فما الدليل علي صحة ذلك ولا تقل لي انه لا يكذب..طيب وهل مسعد حنفي يكذب عندما روي حقيقة ما حدث؟؟ونشرها في أشهر مجلة تكتب عن الفن ولم يقل عن أبي هريرة..

وانا اعتقد ان السبب في الجدل الحاصل دا احنا ابناء المرحوم مسعد لاننا سكتنا ومازلنا ساكتين على كل الافتراءات البتتقال كل يوم في حق الوالد ولو كنا رفعنا قضيه على بدوي من زمان كان سكت هو وكل البطبلوا ليهو

الإقتباس أعلاه من مداخلة إبن الشاعر مسعد حنفي مجدي وهو يري أن اللجوء للقضاء حلاً يُسكت الإفتراءات علي حد تعبيره لذا تساؤلاتك الاخ مجدي هو الاقدر علي إجابتها بإعتبار أنه هو صاحب فكرة رفع قضية علي بدوي ابو صلاح.

[مجدي مسعد حنفي]

السلام عليك اخوي احمد
انا في مداخلتي الاولى طلبت من الاخوه المنضمين جديد للمنتدى قراءة البوست القديم عشان حيلقوا فيهو المذكرات البتوضح ملابسات نسب الاغنيتين لابو صلاح لكن واضح انك ماقريت البوست عشان كدا رديت بتسرع ومسكت العصايه من آخرا لا موضوع المجله وقبلو الجريده سبقم نزول الاغنيتين ضمن قصايد الوالد في كتاب امير الاغاني او الاغنيه السودانيه مع وجود قصايد لابو صلاح في نفس الكتاب وفي وقت كانت فيهو وجه القمر سافر مكسره الدنيا إن جاز التعبير يعني ياخوي احمد لما يجي واحد زي مسعد حنفي كما وصفته بالمغمور وينزل الاغنيتين باسمو في الكتاب في وجود قصايد ابو صلاح مااظن ممكن نقول عليهو يامجنون ولا حرامي عينو قويه وبعدين لما يلقى الناس ماصدقت ملكيتو للاغاني يقوم ينزل اعلان في جريده يوميه معروفه ويتحدى فيهو اي زول يدعي ملكيته لاي حرف في الاغنيتين وابو صلاح لابد وساكت وبعد داك يحكي القصه كلها زي ماجات في المذكرات وتمشي نسخه لابو صلاح ويمر شهر كامل وبرضو ساكت وتقول بعد دا كلو ماعارفين الظروف المنعت ابو صلاح من الرد شنو
بعدين تعال مسعد حنفي يرفع قضيه بمناسبة شنو وعلى منو اذا كان ابو صلاح لغاية مامات ماحصل نطق او صرح في اي وسيله اعلاميه انو صاحب الاغاني والاغاني مسجله في الاذاعه السودانيه باسمو يعني لو في زول مفروض يرفع قضيه فمفروض يكون ابو صلاح او اولادو من بعدو لو هم شايفين ليهم حق
اما موضوع عتيق وابو قرون فعتيق زي ماقال ابو قرون انو سمع منو الاغاني لابو صلاح فبرضو في السمع منو ان الاغاني لمسعد حنفي وابو قرون زيو وزي ناس كتير ماعاصرت الموضوع وبتردد كلام سمعتو من غير ماتتاكد وعتيق ماهو ملاك وتضارب اقوالو دليل على عدم امانته وحسابو عند الخلقو ماعندنا
عموما ياريت تحاول تقرا المذكرات بتروي وهدؤ

[أميرى]

المشاركة الأصلية كتبت بواسطة احمد علي الامين

اولاً يا أخ فتحي الحديث ليس عن (أبوك‏)‏

لغاية ما (أبوك) تبقي (والدك)
لنا الحق كاملا في عدم إهدار الوقت في قراءة هكذا مداخلات

زعلتا؟
بووووم

[فتحي مسعد حنفي]

المشاركة الأصلية كتبت بواسطة احمد علي الامين

الإقتباس أعلاه من مداخلة إبن الشاعر مسعد حنفي مجدي وهو يري أن اللجوء للقضاء حلاً يُسكت الإفتراءات علي حد تعبيره لذا تساؤلاتك الاخ مجدي هو الاقدر علي إجابتها بإعتبار أنه هو صاحب فكرة رفع قضية علي بدوي ابو صلاح.

مجدي قال من زمان يعني في بداية الموضوع لكن هسة الموضوع بقي واضح لكل من ليس مبرمجا علي عدم الاقتناع وديل احنا ما شغالين بيهم ولا عندنا خلق نكوس ليهم سوفت وير ننزلو ليهم عشان يقتنعوا.وبعدين يا احمد انا وعمك بابكر عمرنا عدي الخامسة والستين يعني ما معقول تخاطبنا بالأخ..وبابكر أعمل حسابك منو عشان ما يقوم يستعمل معاك لؤم الرباطاب

[احمد علي الامين]

المشاركة الأصلية كتبت بواسطة أميرى

لغاية ما (أبوك) تبقي (والدك)
لنا الحق كاملا في عدم إهدار الوقت في قراءة هكذا مداخلات

زعلتا؟
بووووم

المشاركة الأصلية كتبت بواسطة فتحي مسعد حنفي

يا أحمد ياخ عمك بابكر ياهو دا الاسلوب البكتب بيهو طول عمرو يعني ما بهزل فما تفهمو غلط وبعدين ياخ مخاطبتو ليك بحمادة دي براها مفروض تخليك تتعامل معاهو برقة وما تفهمو غلط..تعرف يا أحمد تفسير كلام الناس بشكل خاطئ هو 90% من أسباب المشاكل..يعني أنا ممكن أقول ليك كلامك الكتبتو معناه انك بتقول أبوي كضاب.عشان لما يقول كلام في مذكراتو وانت تجي تقول دا ما صح معناهو انو كضاب..ولا كيفلكن أنا عشان بعرفك ومتأكد انو دا ما ممكن يكون قصدك أخدتا الكلام ببساطة وواصلت معاك..take it easy man..

أميري ... سلام

يا خي ما تزعل عليك الله ... الموضوع ما زي ما إنت فهمتا .. ده كان رد علي تعبير ذكرو الاخ فتحي دون أي قصد مستتر زي ما فهمت إنت ... وما تزعل يا سيدي .. نستبدل ابوك بي والدك .. بس عشان نستفيد من إثراء النقاش بوجودك.

[فتحي مسعد حنفي]

المشاركة الأصلية كتبت بواسطة احمد علي الامين

أميري ... سلام

يا خي ما تزعل عليك الله ... الموضوع ما زي ما إنت فهمتا .. ده كان رد علي تعبير ذكرو الاخ فتحي دون أي قصد مستتر زي ما فهمت إنت ... وما تزعل يا سيدي .. نستبدل ابوك بي والدك .. بس عشان نستفيد من إثراء النقاش بوجودك.

يازول كان داير تثري النقاش بوجود أميري أخير لينا الفلس

[احمد علي الامين]

المشاركة الأصلية كتبت بواسطة فتحي مسعد حنفي

مجدي قال من زمان يعني في بداية الموضوع لكن هسة الموضوع بقي واضح لكل من ليس مبرمجا علي عدم الاقتناع وديل احنا ما شغالين بيهم ولا عندنا خلق نكوس ليهم سوفت وير ننزلو ليهم عشان يقتنعوا.وبعدين يا احمد انا وعمك بابكر عمرنا عدي الخامسة والستين يعني ما معقول تخاطبنا بالأخ..وبابكر أعمل حسابك منو عشان ما يقوم يستعمل معاك لؤم الرباطاب

تحياتي للأخ فتحي مسعد

يا اخ فتحي أنا عمري تعدي الخمسين عاماً ولله الحمد يعني ما ممكن أقول ليك يا عمي لانو الفرقة بينا ما كبيرة لي درجة إنو اقول ليك يا عمي.

اما قصة البرمجة البتقول عليها دي ، أنا في مداخلة سابقة قلت أنا ما عندي مصلحة في إنو القصيدتين ديل ينسبو لي منو وواضح إنو الخلاف ده لسه ما إتحسم زي ما بتقول إنت والاخ مجدي طالما لسه في الإعلام القصة متداولة ومن ناس معرفتهم بالمجال والوسط ده (كبيرة .. ودي برضو ما برمجة علي عدم فهم لانو ده الشئ الحاصل.)

وبابكر أعمل حسابك منو عشان ما يقوم يستعمل معاك لؤم الرباطاب

أول حاجة الرباطاب ما لئيمين علي حد علمي فهم مشهورين بي سرعة البديهة والذكاء ... بعدين أنا ما شايف سبب للتحذير ده لاني ما غلطت عليهو ولا وجهت ليهو أي إساءة .. كل ما في الامر أنني لم أتقبل طريقة مخاطبته لي ... وده من حقي .. ولا إنت رايك شنو ؟

[فتحي مسعد حنفي]

المشاركة الأصلية كتبت بواسطة احمد علي الامين

تحياتي للأخ فتحي مسعد

يا اخ فتحي أنا عمري تعدي الخمسين عاماً ولله الحمد يعني ما ممكن أقول ليك يا عمي لانو الفرقة بينا ما كبيرة لي درجة إنو اقول ليك يا عمي.

اما قصة البرمجة البتقول عليها دي ، أنا في مداخلة سابقة قلت أنا ما عندي مصلحة في إنو القصيدتين ديل ينسبو لي منو وواضح إنو الخلاف ده لسه ما إتحسم زي ما بتقول إنت والاخ مجدي طالما لسه في الإعلام القصة متداولة ومن ناس معرفتهم بالمجال والوسط ده (كبيرة .. ودي برضو ما برمجة علي عدم فهم لانو ده الشئ الحاصل.)




أول حاجة الرباطاب ما لئيمين علي حد علمي فهم مشهورين بي سرعة البديهة والذكاء ... بعدين أنا ما شايف سبب للتحذير ده لاني ما غلطت عليهو ولا وجهت ليهو أي إساءة .. كل ما في الامر أنني لم أتقبل طريقة مخاطبته لي ... وده من حقي .. ولا إنت رايك شنو ؟

ما عندي رأي نستني مالك يجي يفتي براهو..