واين تختبئ انت من خالد الكد !!!!!

[AMAL]

المشاركة الأصلية كتبت بواسطة بدر الدين اسحاق احمد

[gdwl]خالد الكد دا عاش بعد مذبحة قصر الضيافة وانقلاب الشيوعيين لاكثر من 30 عاماً ..
هل يوم واحد قدم إعتذار عن مشاركته فى هذا الانقلاب الشيوعى ؟
هل يوم واحد قدم إعتذار عن سلوكه الانقلابى لتغيير النظام ؟
هل يوم واحد قدم إعتذار لاسر الضحايا الذين تمت تصفيتهم فى قصر الضيافة ؟[/gdwl]


كلامى دا مصر عليهو خلى واحد من الشوايعة يجيب مقال / مقولة / تصريح / كتاب / قصيدة مارس فيها خالد الكد اى شكل من اشكال الاعتذار / الاعتراف / التوبة عن مذبحة قصر الضيافة / إنقلاب هاشم العطا / يوليو ..

جيبي وثيقة بعد داك شوفى الدلااليك دا كان ما تنقــد ....
وبــس ...

والله عينك قوية وسنك ملوية
ياحرامي الاسافير والمقبوض ريد هاندد
وثيقة اجيبا ليك انت !!!!
كدي جاوبني اول
النائب الهارب دا خارجتو كيف من المذكرة دي
والهارب الكبير وين بدسا من لاهاي
التي لابد منها وان طال الهروب

[خضر حسين خليل]

زول شارك فى انقلاب قتل بسبب هذا الانقلاب عشرات الناس ظلماً وغدراً من الشيوعيين

ازيك يا بدر الدين
قبل فترة قرأت لك بوست كان موضوعاً علي (أسنة المنبر) تحدثت فيه عن سمات الشخصية السودانية في مبحث قرأته بإهتمام منقطع النظير . جاء في إفتتاحيته الآتي نصه يا عزيزي :
اقتباس:

1. تقوم المنهجية العلمية فى هذا البحث على ضوء تحديد السمات العامة المكونة للشخصية السودانية فى بعدها الإيجابى والسلبى بعيداً عن التعاطف والولاء الاعمى

وبما أننا لا نملك شيئاً للمفاهمة مع الآخر سوي آلية (ما كتبت يداه) فإنني يا عزيزي أتلهف لمعرفة أي منهج إستخدمته لإصدار حكمك في ما يخص قتل الشيوعيين لعشرات الناس عقابيل يوليو 71 م هذا مع احترامي وشكري .

[AMAL]

المشاركة الأصلية كتبت بواسطة رأفت ميلاد

يا أمال ما تستعجلى يمكن هم ماشين يعتذروا .. قصة عادل أمام قال ليهم (أنا بعد ما كتلتو موش قلت ليكم سورى)

ياخ ده زول هبود ساكت ما تفقعى مرارتك .. هى موش حاجة تحير لامن الكيزان يطلعوا جرائم لى غيرم .. ياخ دى عين قوية شديد خلاص .. زمن عجيب شديد ياخ

يارأفت مرارة شنو البفقعها ابضان دا
سراريق قوقل المابختشو ديل
قايلين الناس عميانة من جرائم
وبكل بجاحة بطالب باعتذار
ياخ هم مفروض يعتذروا للبشرية
عن وجودم في الكوكب دا
they are really waste of space

[رأفت ميلاد]

المشاركة الأصلية كتبت بواسطة بدر الدين اسحاق احمد
[gdwl]خالد الكد دا عاش بعد مذبحة قصر الضيافة وانقلاب الشيوعيين لاكثر من 30 عاماً ..[/gdwl][gdwl]
هل يوم واحد قدم إعتذار عن مشاركته فى هذا الانقلاب الشيوعى ؟
هل يوم واحد قدم إعتذار عن سلوكه الانقلابى لتغيير النظام ؟
هل يوم واحد قدم إعتذار لاسر الضحايا الذين تمت تصفيتهم فى قصر الضيافة ؟[/gdwl]



كلامى دا مصر عليهو خلى واحد من الشوايعة يجيب مقال / مقولة / تصريح / كتاب / قصيدة مارس فيها خالد الكد اى شكل من اشكال الاعتذار / الاعتراف / التوبة عن مذبحة قصر الضيافة / إنقلاب هاشم العطا / يوليو ..

جيبي وثيقة بعد داك شوفى الدلااليك دا كان ما تنقــد ....
وبــس ...

أنا عندى وثيقة لامن كان عمرى سبعة سنوات

هو خالد الكد رحمه الله كان ضالع فى مذبحة قصر الضيافة .. يبقى مذكرة علوب موصوها وأشربوا مويتا .. أنتو أقريتو الأعدامات كلها بجريرة ما حدث فى قصر الضيافة .. طيب العفو عن خالد الكد ما بلغى حجة محكمة وتحقيق وهيبة قانون .. ويعضض كل الشكوك .. ويثبت أن من أُعدم بأمر نميرى طالما العفو كان بأمره ..

ياخ أختشى على كلامك النى ده

[خضر حسين خليل]

الباقيات الصالحات يا رأفت ياخ
انا ماشي انوم (تماماً) يا قول المثقفين

[مهند الخطيب]

هل يوم واحد قدم إعتذار عن سلوكه الانقلابى لتغيير النظام ؟

يابدر الدين ياخ شكرا ليك من أجل هذه الابتسامة ياخ

معا نحو تغيير النظام لا انقلابيا ياخ

ماهو البشير بين قوسين بشة ده بتذكرو لمن جا بانتخابات سنة 89 ....

ونسبتو كانت كويسة ممكن تدخلو طب ام صفقا عراض ....

قال السلوك الانقلابي قال !!

[AMAL]

يامهند محتاجين قنبور وجدي داك والقنابير المجاورة
شان نرد علي بدرالدين


وقال مصر كمان
مؤنة كم شوال من الدهشة والخلعة


ياخضر
دي حالة اخير منها النوم

[بدر الدين اسحاق احمد]

المشاركة الأصلية كتبت بواسطة AMAL

والله عينك قوية وسنك ملوية
ياحرامي الاسافير والمقبوض ريد هاندد
وثيقة اجيبا ليك انت !!!!
كدي جاوبني اول
النائب الهارب دا خارجتو كيف من المذكرة دي
والهارب الكبير وين بدسا من لاهاي
التي لابد منها وان طال الهروب

يا أنثــى ..
الهضرية حقتك الفوق دا ما عندها علاقــة بالكلام بتاعى دا .. كلام محدد وواضح وسهل الاجابة عليه ....
[gdwl]
زول شارك فى انقلاب قتل بسبب هذا الانقلاب عشرات الناس ظلماً وغدراً من الشيوعيين ..
هرب وإختبئ حتى تخفت الغضبة التى إنتشرت فى السودان من جراء مذبحة الشيوعيين فى قصر الضيافة ..
نقول ليهو شنو ( أحسنت / كتر الف خيرك / ...)
خالد الكد دا عاش بعد مذبحة قصر الضيافة وانقلاب الشيوعيين لاكثر من 30 عاماً ..
هل يوم واحد قدم إعتذار عن مشاركته فى هذا الانقلاب الشيوعى ؟
هل يوم واحد قدم إعتذار عن سلوكه الانقلابى لتغيير النظام ؟
هل يوم واحد قدم إعتذار لاسر الضحايا الذين تمت تصفيتهم فى قصر الضيافة ؟[/gdwl]


_______
أقعدي حومى حول اسئلتى الى حين ستجديننى أجاوب عليها وستكون الاجابة مؤلمة جداً لاناس كتار ( لذلك أحسن الاجابة على الاسئلة اعلاهـ )

[بدر الدين اسحاق احمد]

المشاركة الأصلية كتبت بواسطة خضر حسين خليل

ازيك يا بدر الدين
قبل فترة قرأت لك بوست كان موضوعاً علي (أسنة المنبر) تحدثت فيه عن سمات الشخصية السودانية في مبحث قرأته بإهتمام منقطع النظير . جاء في إفتتاحيته الآتي نصه يا عزيزي :
اقتباس:


وبما أننا لا نملك شيئاً للمفاهمة مع الآخر سوي آلية (ما كتبت يداه) فإنني يا عزيزي أتلهف لمعرفة أي منهج إستخدمته لإصدار حكمك في ما يخص قتل الشيوعيين لعشرات الناس عقابيل يوليو 71 م هذا مع احترامي وشكري .

خدر أزيك يا زول ولعلك طيب ...
منهجية البحث العلمى فى ذاك البحــث ( العلمى ) ..
_______
لكن هنا فى ملجــة امال ورأفت الهجان دا
مع دلاليك الكسمبر ديل
من جنس منهجيتهم يكون الحرف / الفكرة / البسط
إنت ما سمعت فإن عاقبتم فعاقبو بمثل ما عوقبتم بــه ( انت دا قايلها فى المحاكم والغزوات )
الشوايعة يسعون بكل صلف وغرور وإرهاب لتزيين التاريخ الدموى للمشاركين فى انقلاب هاشم العطا والتبرؤ من مذبحة بيت الضيافة
وتجميل وتزيين صورة وتاريخ كل من شارك فى تلك المذبحة
ولكن هيهات ولا جن ولا سحر بقادرين على ان يمحو أثار تلك الدماء التى تجمدت فى قلوب ابناء الشهداء

[بدر الدين اسحاق احمد]

المشاركة الأصلية كتبت بواسطة رأفت ميلاد

أنا عندى وثيقة لامن كان عمرى سبعة سنوات

هو خالد الكد رحمه الله كان ضالع فى مذبحة قصر الضيافة .. يبقى مذكرة علوب موصوها وأشربوا مويتا .. أنتو أقريتو الأعدامات كلها بجريرة ما حدث فى قصر الضيافة .. طيب العفو عن خالد الكد ما بلغى حجة محكمة وتحقيق وهيبة قانون .. ويعضض كل الشكوك .. ويثبت أن من أُعدم بأمر نميرى طالما العفو كان بأمره ..

ياخ أختشى على كلامك النى ده

انا قلت ليك من قبل .. إنت راجل طيب ومسكين ..
خليك من الشوايعة ديل ( أمسك فى كتابك ورسولك )
_________
اهــا أنا لو قلت ليك الموضوع دا عندو علاقة بكلام تحدثت بــه نعمات مالك عن ناس بيت المال بخصوص عبد الخالق محجوب بتقول شنو !!!!


ما قلت ليك يا حواء السودانية أحسن تجاوبي على الهترشــة حقتى دا !!!

[بدر الدين اسحاق احمد]

المشاركة الأصلية كتبت بواسطة مهند الخطيب

يابدر الدين ياخ شكرا ليك من أجل هذه الابتسامة ياخ

معا نحو تغيير النظام لا انقلابيا ياخ

ماهو البشير بين قوسين بشة ده بتذكرو لمن جا بانتخابات سنة 89 ....

ونسبتو كانت كويسة ممكن تدخلو طب ام صفقا عراض ....

قال السلوك الانقلابي قال !!

هل تصدق يا مهند أنو الحزب الشيوعى السودانى الى اليوم لم يدين إنقلاب هاشم العطا ..
ولن يدين إنقلاب هاشم العطا
بتعرف لماذا ؟

[فتحي مسعد حنفي]

المشاركة الأصلية كتبت بواسطة بدر الدين اسحاق احمد

[gdwl]خالد الكد دا عاش بعد مذبحة قصر الضيافة وانقلاب الشيوعيين لاكثر من 30 عاماً ..
هل يوم واحد قدم إعتذار عن مشاركته فى هذا الانقلاب الشيوعى ؟
هل يوم واحد قدم إعتذار عن سلوكه الانقلابى لتغيير النظام ؟
هل يوم واحد قدم إعتذار لاسر الضحايا الذين تمت تصفيتهم فى قصر الضيافة ؟[/gdwl]


كلامى دا مصر عليهو خلى واحد من الشوايعة يجيب مقال / مقولة / تصريح / كتاب / قصيدة مارس فيها خالد الكد اى شكل من اشكال الاعتذار / الاعتراف / التوبة عن مذبحة قصر الضيافة / إنقلاب هاشم العطا / يوليو ..

جيبي وثيقة بعد داك شوفى الدلااليك دا كان ما تنقــد ....
وبــس ...

وخالد الكد دخلو شنو بمذبحة قصر الضيافة.. انت مالك ياخوي بقيت تهضرب..أنا معاك في انو الانقلاب كان بعلم الحزب الشيوعي ولكن ما بتدبير الحزب ومعاك انو الانقلاب كان خطأ كبير عشان اتسبب في ضرب أكبر حزب شيوعي في الشرق الأوسط لكن الحزب الشيوعي ما ليهو علاقة بي المذبحة ولا حتي الارتكبا القالو عليهم ارتكبوها مذبحة قصر الضيافة والهم معظمهم أصدقاء لي..ود الزين وأب شيبة التواتي ود حلتي وعبد الحي وأحمد جبارة وعبدو مصطفي خليل وكل المجموعة الخططت للانقلاب في برنو بتشيكوسلوفاكيا.ومحمد محجوب عثمان زميل الدراسة وزوج شقيقة خالد الكد.. ارتكبوها جنود من أتباع النميري بالخطأ وللعلم الدبابة الضربت القصر الجمهوري كان هدفا قتل النميري وليس انقاذه ولولا عصمت عبد الرحمن عابدين ابن مدير شل وهو من أبناء حلة حمد لكانت جهة تالتة استلمت الحكم....

[فتحي مسعد حنفي]

المشاركة الأصلية كتبت بواسطة بدر الدين اسحاق احمد

هل تصدق يا مهند أنو الحزب الشيوعى السودانى الى اليوم لم يدين إنقلاب هاشم العطا ..
ولن يدين إنقلاب هاشم العطا
بتعرف لماذا ؟

الحزب الشيوعي لا يحتاج لادانة الانقلاب عشان مؤتمر الأحزاب الشيوعية في موسكو أدان الانقلاب وهذا يكفي..

[بدر الدين اسحاق احمد]

المشاركة الأصلية كتبت بواسطة فتحي مسعد حنفي

وخالد الكد دخلو شنو بمذبحة قصر الضيافة.. انت مالك ياخوي بقيت تهضرب..أنا معاك في انو الانقلاب كان بعلم الحزب الشيوعي ولكن ما بتدبير الحزب ومعاك انو الانقلاب كان خطأ كبير عشان اتسبب في ضرب أكبر حزب شيوعي في الشرق الأوسط لكن الحزب الشيوعي ما ليهو علاقة بي المذبحة ولا حتي الارتكبا القالو عليهم ارتكبوها مذبحة قصر الضيافة والهم معظمهم أصدقاء لي..ود الزين وأب شيبة التواتي ود حلتي وعبد الحي وأحمد جبارة وعبدو مصطفي خليل وكل المجموعة الخططت للانقلاب في برنو بتشيكوسلوفاكيا.ومحمد محجوب عثمان زميل الدراسة وزوج شقيقة خالد الكد.. ارتكبوها جنود من أتباع النميري بالخطأ وللعلم الدبابة الضربت القصر الجمهوري كان هدفا قتل النميري وليس انقاذه ولولا عصمت عبد الرحمن عابدين ابن مدير شل وهو من أبناء حلة حمد لكانت جهة تالتة استلمت الحكم....

كدا خلينى من الجماعة ديل ..
إنت ذاتك يا فتحــى غادرت السودان بعد الانقلاب بكم يوم / اسبوع / شهر
ومعرفتك بالانقلاب شنو وجاءت من وين هذه المعرفــة ..
إنت قايل رفاق دربك ما فيشين ولا شنو
اعمل حسابك إنت ذاتك من المتواطئين بالصمــت على هذا التاريخ

_____
اها البيهضرب منو

[بدر الدين اسحاق احمد]

المشاركة الأصلية كتبت بواسطة فتحي مسعد حنفي

الحزب الشيوعي لا يحتاج لادانة الانقلاب عشان مؤتمر الأحزاب الشيوعية في موسكو أدان الانقلاب وهذا يكفي..

يعنى حســى دا مراقتهم من (السيــك )
معقول هذا الارتهان الى الخارج الشيوعى
يا فتحى خلى الجماعة ديل يجاوبو على اسئلة الامتحان برأهم ..



______
إنت يا فتحى كنت شيوعى زمن ؟
وعلاقتك شنو بالشيوعيين الدبرو للانقلاب فى اوربا الشرقية