أبــــــو أمـــاني .. يريد أن يعـرف !!!

[بابكر مخير]

يبدو لي أن صاحب البوست "دآ"
نسي كلمات في المقدمة وهي:
لمن هم في عمري وأصغر بي شوية، أبو أماني يريد أن يسأل..
ولكن ترك البوست كدآ ساكت
بيسبب "روكة" فان الاعمار "والتي هي بيد الله" متفاوتة هنانا،،
في العواجيز متل روفي وتوحة وود فالح ود خالي بلالي وهلما جرآ
كما في الشباب منتصف العمر ناس الباشمهندس معتصم و"الجيلي"
وفي ناس عمر الزهور متل "كوكي" عكود وأميري
وفي ناس بين وبين ذي نصوري ومهند وأبراهيم الحبيب
وفي ناس تانية ما منسية لكن "الخوض في امورهن" أخير نتحاشهو..
حسي يا أبو أماني خلاااااااص بقت علي كدي..
ربنا يسلط عليك مداخلة من التي هي
ونشوف أسئلتك حتوديك لي وين..
إتا ما جيت عرس بتي ليييييييييييييه
ليك شوق رغم السؤال
"الذي لا يغني ولا يشبع من جوع"
(ما هي الحالة الفي البلد)
الشحمت أبشعر منكوش "أمين عمر" وضعفت صلاح كوش

[معتصم الطاهر]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة معتصم الطاهر
عارف يا أبو أماني دا بوست دسم من زول دمث

و أزيدك

شنو ولادة السجم و الرماد .. و ليه بقولوا دا ولادة السجم والرماد .
و لو عرفنا الرماد شنو السجم.
و انتو سجيمان وين ؟

الحبيب تكعيب المعتصم الطاهر .. يا أخي إسمك ظاااطو يعبر عنك حق وحقيقي .. معتصم وطاهر .. بورك فيك وفي أبو أهلك كمان .. مشتاقين .. ولا أقول ليك سارة مأثرة فوقي .. مشتاقوووووون ! طبعا سؤالك حرقني بلحيل عشان كده دخت السبعة دوخات لما لقيت الحل عند واحد قريبنا (كهنة) يعني أزغر منك بعشرة سنة كده الرماد معروف .. أما السجم فهو مجاور للرماد وهو السكن الذي يتجمع أسفل صاج العواسة .. والله أعلم ! عليك الله كل ما تلقى نصيبة زي دي تعال جاي ..وأنا بتحداك لحدي ما نشوف البقيف ويفتر منو .. موافق؟ طيب يلا تشششاااووو

سلام يا حبيب ..

نعم السجم هو السكن أسفل الصاج ..

أما ولادة السجم و الرماد .. هو ذلك المولود الذى يسمونه ( ولادة الدعوة) يجي بعد تعب و شحدة و فقراء و غيره و دائما تلداهو المرة الخمسينية أو الألربعينية ..

و لذا بقوموا بدخلوهو تحت الصاج من هنا و بمرق من هناك( سبر) ..بين رماد النار و سجم الصاج .. و بطلعوا مدلعين وبقواوا عليهم ( ولادة السجم والماد)

أها فى شفع كدى براهم بدخلوا تحت الصاج من هنا و بمرقوا من هناك ..ديل برضو ولادة السجم و الرماد .. وسخانييييين ..
ما تعرف تغسلوا من الرماد ولا السجم ..

[معتصم الطاهر]

* السؤال :-
ما معنى إطيقيش .. وإن عرفنا الكوع فما هو (البوع) ؟؟

* عندما يصيح الطفل في أمه بإلحاح.. يمة أنا جعان .. ويكررها يجي خمسين مرة.. تنفعل أمه وتدعوا عليه قائلة .. أريتك بجوع الكرشة ..

[معتصم الطاهر]

الكود الدهن و سمك ناشف برضو ..

ووجع اللغود ..وجع اللغاليغ و المعنى واضح ..

[أبو أماني]

اقتباس:
المشاركة الأصلية كتبت بواسطة معتصم الطاهر
الكود الدهن و سمك ناشف برضو ..

ووجع اللغود ..وجع اللغاليغ و المعنى واضح ..

معتصم يا أخ أقول ليك شنو ؟ غير أحبك .. وعشان ما تقلق .. (في الله)!! تسلم وواصل مساجلاتك وردودك المقنعة وحررررم ما بفتر عيلا أفترك .. كلما تحل شئ أجيب ليك حاجة من بيت الكلاوي .. لك معزتي ..


اقتباس:
المشاركة الأصلية كتبت بواسطة بابكر مخير
يبدو لي أن صاحب البوست "دآ"
نسي كلمات في المقدمة وهي:
لمن هم في عمري وأصغر بي شوية، أبو أماني يريد أن يسأل..
ولكن ترك البوست كدآ ساكت
بيسبب "روكة" فان الاعمار "والتي هي بيد الله" متفاوتة هنانا،،
في العواجيز متل روفي وتوحة وود فالح ود خالي بلالي وهلما جرآ
كما في الشباب منتصف العمر ناس الباشمهندس معتصم و"الجيلي"
وفي ناس عمر الزهور متل "كوكي" عكود وأميري
وفي ناس بين وبين ذي نصوري ومهند وأبراهيم الحبيب
وفي ناس تانية ما منسية لكن "الخوض في امورهن" أخير نتحاشهو..
حسي يا أبو أماني خلاااااااص بقت علي كدي..
ربنا يسلط عليك مداخلة من التي هي
ونشوف أسئلتك حتوديك لي وين..

كلام صاااح يا دوك .. لاكين الفرز لزومه شنو .. ما نحن عاوزين القدرنا والأكبر والأزغر (على قلتهم) يتعلموا مننا ويعلمونا .. أسئلتي حتودينا أنا وإنت .. ما براي .. ووين والله ما عارف .. أبقى طيب يا الحبيب ..

إتا ما جيت عرس بتي ليييييييييييييه


والله على عيني ورأسي كان أحضر وفي وجداني زينب هي أماني ولا فاطنة .. لاكين ربك أمر .. شديد كانديك (القوي) هو الحرمني أجمل لحززززة ... عموما خيرها في غيرها ما عندك حيتيل حيتأهل قريب .. قبال نودع البطولة؟؟ ليك العمر الطويل يا الحبيب ...

ليك شوق رغم السؤال
"الذي لا يغني ولا يشبع من جوع"
- وشوقي ليك ما ليه حد .. والله العزيم ..!!

(ما هي الحالة الفي البلد)
الشحمت أبشعر منكوش "أمين عمر" وضعفت صلاح كوش
- الحالة يعلمبها خالك يا .. إبني .. خلي الطابق مستور وما تقلب علينا المواجع .. على القسم بديت أشك في وطنيتي وكدت أقتنع بأن هذا الشعب غيروه .. ليس لهم أي علاقة بشعب أكتوبر واحد وعشرين يا رجل ..!!
بابكر مخير ما تخليني يا أخ !! يكون البشير والشيخ الغرير والليمب العوير عملوا لي الشعب عمل ودفقوه في نهر النيل؟؟؟ أحيييييييييييييييي أنا يا ود أمي .. الإجارة على الله .. يلا تشششااااووو

[أبو أماني]

لقيتك يا ود الطاهر مرجع معلوماتي تراثي ختيييير .. وده الشجعني أواصل معاك وأوريك النجوم عزّ الضهر و :-
1/ المكشن بلا بصل ..و
2/ شدر أب عشة ... و
3/ الما بيشبه ... و
4/ المغتى .. ومغرق شطة
وكان قدرت كمان وريني إتا .. لما العروس ما تعجب النسابة .. يتلمن النسوان الكبار وينتفن ليك ريشها .. وواحدي تقول لهن .. بري يا يمة ولدنا جاب ليو عروس .. تشبه الكجوج واللجوج ونسيت طناشك لجوع الكرشة مالك ما جاوبت عليو؟؟ و.. لنا لقاء عقب ردك المفحم ... تشششاااووو

[أبو أماني]

* يقال للزول الطويل القامة .. طويل (عنقوق)...!
فما هو العنقوق؟

* تقول حبوبتي رحمها الله عندما تصف مكانا بعيدا .. بانه يقع في أم صفقا عراض ... فهل من تعريف لأم صفقا عراض هذه؟

* كذلك يوجد مقال مشابه للحالة أعلاه ..وهو .. سقط لقط ..؟

* كذلك يقال للذي يخرج الناس من مكان لا يرضون الخروج منه يقولون .. فلان طلعنا من الجنة وسقطها ..!! فما المقصود هنا؟
يلا .. تشششااااووو ولنا عودة ..

[معتصم الطاهر]

شنو نلعب ون تو ؟

[أبو أماني]

اقتباس:
المشاركة الأصلية كتبت بواسطة معتصم الطاهر
شنو نلعب ون تو ؟


شنو يا باش .. ده نظام إنسحاب تكتيكي ولا شنو .. ننتظر والله ...

[فتح العليم]

هرشك تاكل لحم كرشك
ماذا يعنى هذا القول يا ابواماني
شاكرا لك

[أبو أماني]

اقتباس:
المشاركة الأصلية كتبت بواسطة فتح العليم الإمام
هرشك تاكل لحم كرشك
ماذا يعنى هذا القول يا ابواماني
شاكرا لك



شكرا ليك على الطلة البهية .. لاكين صدقني سامعها مليون مرة وماعارف معناها .. أكيد عجوز غابرين اللي إسمه الباش معتصم ده بكون عارفها أصلو مولود سنة حفروا البحر وقيل إنو عاصر المهدي كمان!! .. يلا يا باش .. على بلاطة كده ما تتدسدس عارفك يا با ما إت(القرقاب ود الصلب).. كمان قول ما عارفها .. محبتي ننتظر طلعتك البهية إنت والأستاذ فتح العليم يلا.. تشششاااووو مؤقتا