رحلة البحث عن .... رقـم .... وطني ... مميز - الصفحة 2

معتصم الطاهر · 06-08-2012, 10:50 AM

سجم امك المابديت يا معتصم ..

imported_طارق صديق كانديك · 06-08-2012, 12:19 PM

يا لها من رحلة ، ويا لها من تفاصيل .. !

شكرا كتير

imported_خالد الأيوبي · 06-08-2012, 06:53 PM

.
برجع ليكم
.
ماشي المدرسة مع بتي و جايي (علي الأقل ناس المشرق يكونوا فطروا )
.

imported_فتحي مسعد حنفي · 06-08-2012, 07:05 PM

تعرف ياخالد للأسف في السودان كلو ماشي بالواسطة والمحسوبية وكلامك الحكيتو كلو صحيح 100% ودي حكاية مؤسفة للغاية..
أنا شخصيا كنت قبل رمضان في السودان وفكرت أطلع الرقم الوطني والبطاقة الا أن الفرق بيني وبينك أنا كان عندي بت أخوي شغالة في السجل المدني وهي في الخدمة الالزامية بعد التخرج يعني غير ذات صفة.لكن عليك أمان ألله ما وقفت في صف ولا في زول قال لي كلمة كانت هي شايلة ورقي من جوة وأنا مباريها من برة الكاونتر وكانت بس بتشاور علي لغاية ما اتصورت وبعد داك قعدتني في مكتب العقيد الأصر يجيب لي شاي وفي الآخر قال لي تعال بكرة استلم رقمك وقدم طوالي للبطاقة وحتستلما بعد اسبوع وبالفعل بعد اسبوع كانت بطاقتي في جيبي..
الزول الاستفاد من الموضوع دا كان أخونا دكتور أحمد محمد زين الفكر يعمل بطاقة وفعلا عمل بطاقتو واستلمناها من بت أخوي في البيت..
ياهو دا السودان يابطل وأحمد ربك انك خلصت في النهاية..

imported_طيبان · 06-08-2012, 08:41 PM

سلامات يا خالد ومبروك الرقم الوطني .
أخوك سمع بالرقم الوطني دا أيّام كان ترف قبل يربطوهوا بباقي الإجراءات ،مشيت مكتب السجل المدني في الحلفايا ،دخلت عشرة صباحا وكنا حوالي عشرة أشخاص ، بعد ساعة ونص كان الرقم في جيبي .

بعد كم شهر مشيت مع الوالد لإستخراج رقمو الوطني في ذات الحلفايا ،اترزعنا من دغش الرحمن حتى الساعة خمسة والله هوّن اليوم التاني استلمنا الرقم .

بعدها بي فترة ودّيت زوجتي وولدي لإستخراج الرقم ، فقلت ياخي مافي داعي للمثالية الشديدة دي ،عبر صديق سلّمت الأوراق لموظفة في السجل ،سحبت لينا الإستمارة ، وقالت تجوني آخر اليوم ، وصلناها الساعة اتنين ضهر ومن كاونتر لي كاونتر زي عم فتحي استلمت الرقمين الوطنيين وبقيت مارق .

هناك مشكلة كبيرة اسمها ربط الرقم الوطني بالجواز الجديد ،فلو طلعت جواز وبعدو مشيت للرقم الوطني ح تتبهدل لو ماجبت سيرة ،السيستم ماح يقبلك كان نطّطت .
هذه المعلومة لن يقولها لك أحد ولكن حين تصل للمرحلة الأخيرة ح يردموك فارغة شديدة ، وليه ما اتكلمت ، وليه ماورّيتنا ، وانت قاصد تعذّبنا وتبدا تتعذّر وكأنك عالم غيب شهير ، لتكتشف في النهاية انو الجواز الجديد فيهو رقم اسمو الرقم الوطني ويفترض يكون هو ذات الرقم الحيطلع ليك من السجل المدني .

__

طيبان .
وطني غيور ..ومستخرج أربعة أرقام وطنيّة ,رقم ينطح رقم .

علاء ابو حريرة · 06-08-2012, 09:07 PM

الرقم الوطني ده مش المفروض انه قاعدة بيانات قومية .. يتم من خلال حصولك عليه التسجيل والتاكد من كل بياناتك خلال المستندات القدمتها ليهم وعملوا ليها اسكنر واعتمدوا الفيها .. بعد ده كله لما تجي لي اي اجراء حكومي اول حاجة بطلبوا منك الرقم الوطني ومن ثم يطالبوك بي كل المستندات التي قدمتها اول طيب الفائدة شنو ؟؟ انا الشئ الاتخيلته انه كل بياناتنا نزلت في قاعدة بيانات ويتم ربطها بي كل المصالح الحكومية الخدمية ؟؟ جوازات ... احصاء مرور سجل مدني ؟؟ ولا هو صرف في الفارغة والسلام ؟؟ يا الله الناس ديل قاصدين شنو ؟؟ سبحانك لا علم لنا الا ما علمتنا

عكــود · 06-08-2012, 09:19 PM

سلام يا خالد،

معاناة الحصول على الرقم الوطني، تجرّعها كل من توكّل على الحي الذي لا يموت، وقدّم له.
نفس التجربة خضتها في نوفمبر الماضي، ويخوضها أولادي الآن.
الفرق، كتابتك عنها بهذه التفاصيل الأنيقة المدهشة.

سلام يا علاء وحمد الله على السلامة،،
كلامك صاح.
طلّعت الرقم الوطني وبعدها بيوم قدّمت للجواز الالكتروني، وبرضو إجراؤه يتطلب البصمة والتصوير مرة تانية. قول التصوير ده عندو مبرّر، يمكن عجّزت من أمس لليوم؛ أها البصمة تاني لزومها شنو؟
يكون عندك أصبع إتقطع مثلاً!!

imported_فتحي مسعد حنفي · 06-08-2012, 11:10 PM

اقتباس:

المشاركة الأصلية كتبت بواسطة عكــود

سلام يا خالد،

معاناة الحصول على الرقم الوطني، تجرّعها كل من توكّل على الحي الذي لا يموت، وقدّم له.
نفس التجربة خضتها في نوفمبر الماضي، ويخوضها أولادي الآن.
الفرق، كتابتك عنها بهذه التفاصيل الأنيقة المدهشة.

سلام يا علاء وحمد الله على السلامة،،
كلامك صاح.
طلّعت الرقم الوطني وبعدها بيوم قدّمت للجواز الالكتروني، وبرضو إجراؤه يتطلب البصمة والتصوير مرة تانية. قول التصوير ده عندو مبرّر، يمكن عجّزت من أمس لليوم؛ أها البصمة تاني لزومها شنو؟
يكون عندك أصبع إتقطع مثلاً!!

البصمة لضمان عدم انتحال شخص به شبه لصاحب الصورة الفي الرقم الوطني ويقوم باستخراج جواز سفر جديد بدلا عن صاحب الرقم الوطني وبالذات بين الاخوان..فبأخذ البصمة للمرة الثانية تتم المقارنة ببصمة صاحب الرقم الوطني للتأكد من انه نفس الشخص..ياعكود أنا كنت في الامارات أول ما مشيت وقبال ما أطلع رخصة السواقة بسوق بي رخصة مجدي أخوي وكنت كمان بخش المرور وأشاكل ومافي زول بيدقق في الصورة عشان يكتشف اني ما مجدي..يعني عادي كنت ممكن بي شهادة الجنسية بتاعتو أطلع جواز وممكن هو بي الرقم الوطني بتاعي يطلع جواز سفر لولا البصمة التانية في استخراج الجواز..تعرف أنا في مرة سافرت السودان من دبي بي تزكرة ابن خالي صلاح محمود..سقتو معاي المطار وخليتو يقيف في الكاونتر لغاية ما أخد البوردنج باس وشلتو منو ختيتو في جوازي ومشيت الجوازات وعملت خروج وسافرت وبتاع الجوازات ما حاول يشوف الاسم الفي البوردنج باس ويقارنو مع الاسم الفي الجواز..

imported_سارة · 07-08-2012, 12:22 AM

اقتباس:

المشاركة الأصلية كتبت بواسطة معتصم الطاهر

سجم امك المابديت يا معتصم ..

سيم سيم يا باشا
رمضان كريم عليك وعلى حالد الايوبى وضيوفه

علاء ابو حريرة · 07-08-2012, 12:24 AM

اقتباس:

المشاركة الأصلية كتبت بواسطة فتحي مسعد حنفي

البصمة لضمان عدم انتحال شخص به شبه لصاحب الصورة الفي الرقم الوطني ويقوم باستخراج جواز سفر جديد بدلا عن صاحب الرقم الوطني وبالذات بين الاخوان..فبأخذ البصمة للمرة الثانية تتم المقارنة ببصمة صاحب الرقم الوطني للتأكد من انه نفس الشخص..

'طيب البصمة عرفناها شهادة الجنسية والميلاد واسم الوالدة ديل تاني دايرين بيهم شنو ؟؟

imported_فتحي مسعد حنفي · 07-08-2012, 01:16 AM

اقتباس:

المشاركة الأصلية كتبت بواسطة علاء ابو حريرة

'طيب البصمة عرفناها شهادة الجنسية والميلاد واسم الوالدة ديل تاني دايرين بيهم شنو ؟؟

دا ياعلاء روتين عقيم ما ليهو داعي عشان المعلومات دي كلها موجودة في البطاقة .لامن تدخل رقم البطاقة المعلومات كلها بتظهر قدامك بخلاف البصمة الأنا شايفا مهمة تعرف الفورمات البتطلع بيها الجواز فيها كل الأسئلة دي والجواز الجديد الكتروني بيكتب تفاصيلو الموظف بتاع الكومبيوتر المفروض يقارن بين المعلومات الفي الرقم الوطني والمعلومات الكاتبا مقدم الطلب في حالة وجود أي تغيير غير مقصود في معلومة وحتي الجنسية ممكن يطلبوها في حالة استخراج جواز لأول مرة لكن حيازة جواز قديم بيكون فيهو رقم وتاريخ الجنسية..
تعرف دا كلو كسل موظفين ما دايرين يطلعو المعلومة من الكومبيوتر وبيستسهلوا نقلها من الطلب..وفي الخطوة الأخيرة قبل ما يدوس انتر عشان يطبع المعلومات الجهاز بيقارن بين المعلومات الكتبا الطالب والمعلومات الموجودة علي الرقم الوطني.

imported_خالد الأيوبي · 07-08-2012, 01:59 AM

اقتباس:

المشاركة الأصلية كتبت بواسطة حافظ حسين

قيس دا قاصد يقل أدبه و بما أنه اللهم إني صائم ما حأرد عليه الا بالليل

و الله يا خالد أنا قريت الحكاية بتاعتك دي مرتين و في المرتين ما أتذكرت غير رواية بقرأ فيها اليومين دي لكاتب افغاني و إنشاء الله حالك (بقي هسي أفغاني أمريكي) , الرواية إسمها a Thousand splendid suns بالضبط الراوية عن مسرح العبث الواحد البحصل في البلدان الرب غاضب عليها زي حالتنا دي .... أجمل ما في الأمر خالد حسيني الكاتب الافغاني دا قال فيما معناه (كتاب العالم الثالث ما محتاجين لخيال شديد عشان يكتبوا كل الحاجات عندهم جاهزة ما عليهم الا أن يضعوا مؤخراتهم في الكراسي و يمسكوا القلم)
من الأخر كدا يا خالد صدقني الكتبته دا درافت أولي لرواية و أي زول بعيد يقراها يقول يا الله يا خي دا كاتب ذو خيال آخااااااااذ

فتك بعافية و أنت حتكون كاتبي المفضل بدل قيس قليل الادب دا

كدي أول شئ نتفق حول قيس دا بعدين نشوف الأفغاني ... الراجل بحب المزاح ... وإن شاء الله إنت برضو تكون بتمزح ؟؟

تانيا: أتفق مع وجهة نظر الكاتب الأفغاني حول توفر المادة الخام - إن صح التعبير - في دولنا الصغري حيث الحياة أكثر زخما و فوضي وتضج بالصور المتعددة التي تغري و تستفذ الكتاب و المبدعين . بعكس البلدان المتقدمة .. حيث شدة النظام تتحول إلي رتابة أحيانا. و الحياة عندنا أكثر ديناميكية
الأمر ليس مطلق بالطبع: ولكن قارن فنان يحمل كاميرا يطوف في سوق شعبي في دولة أفريقية و آخر يدخل يتجول في (مول ) في أخد العواصم الأوربية. أيهما سيكون أكثر سعادة وهو يلتقط صوره ؟؟

أشكر لك إشادتك التي لها معني كبير عندي . وسأبحث عن الرواية في النت .. لو عندك نسخة (رقمية) ممكن أرسل ليك إيميلي لتشركني في قراءتها.
مرة تانية: سعيد بمرورك و تسلم
.

imported_خالد الأيوبي · 07-08-2012, 02:10 AM

اقتباس:

المشاركة الأصلية كتبت بواسطة ماريل

يا خالد
تانى حمدالله على السلامة
والله ما عايزة اقول ليك
سرد شيق وما عارف شنو كده
خليت الكلام ده لى ناس تانيين
حيردموك بيهو ردم جد
لكن والله حكيت عننا كلنا ياخى
غايتو نف ف ف ف ف س السيناريو
مع اختلاف الرقم المتسلسل(158)
يا سيدى انا لمن زهجت بقيت اجى كل يوم
لابسة قميص ابيض نظيييييييييييييييييف
وعامله فيها موظفة وارمى لى دمعتيين
لزوم ناس الشغل بعد كده حيفصلونى
حتين ربك حنن بعض القلوب على
وانتهيت من الاجراء البايخ ده
تالت حمدالله على السلامة
(المرة دى سلامة الرقم الوطنى)

ورابع الله يسلمك و سعيد و الله بي كل زول هنا و سعيد أني رجعت لي بيتي و داري
..
بالمناسبة عجبتني (نف ف ف ف ف س ) دي ...
و قريتها بي نف ف ف ف ف س الطريقة الإنت عاوزة توصليهل بيها .
وكمان ( نظيييييييييييييييييف ) دي معبرة جد.
دا أنا من الليلة حأسميه (( الكلام بالكتابة )) و طبعا براءة الإختراع حتكون حقتك.

لك كل الود
خالد

imported_خالد الأيوبي · 07-08-2012, 06:12 AM

اقتباس:

لشريف مبسوط منك
والله بختك ياخالد
انا غايتو بعد الفطور بجي احكي عن معاناة النص الحلو مع الرقم الوطني
والتي انتهت والحمدلله ب
-لاشكر على واجب ياحبيبتي

إنت لسـه ما فطرت يا جوجي ؟
نحن في إنتظارك. طيب إذا كان معاناة النصف الحلو تستحق تتحكي ... و مال معاناة النصف الما حلو حتكون كيف ؟؟.

تحياتي لكما النصفين

imported_خالد الأيوبي · 07-08-2012, 06:19 AM

اقتباس:

المشاركة الأصلية كتبت بواسطة معتصم الطاهر

سجم امك المابديت يا معتصم ..

سلامات يا باش ...

عاد أغشك؟ بالجد ما تحاول تتفاءل خالص.
كمان ما تتشــاءم لدرجة (سجم أمك) ولكن خليك في حدود (سجم شخصكم المحترم) فقط
و تســـلم

06-08-2012, 10:50 AM	#[16]
معتصم الطاهر :: كــاتب نشــط::	سجم امك المابديت يا معتصم ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

06-08-2012, 12:19 PM	#[17]
imported_طارق صديق كانديك :: كــاتب نشــط::	يا لها من رحلة ، ويا لها من تفاصيل .. ! شكرا كتير
imported_طارق صديق كانديك :: كــاتب نشــط::	التوقيع: الشمس زهرتنا التي انسكبت على جسد الجنوب وأنت زهرتنا التي انسكبت على أرواحنا فادفع شراعك صوبنا كي لا تضيع .. ! وافرد جناحك في قوافلنا اذا اشتد الصقيع واحذر بكاء الراكعين الساجدين لديك إن الله في فرح الجموع الفيتوري .. !!

06-08-2012, 06:53 PM	#[18]
imported_خالد الأيوبي :: كــاتب نشــط::	. برجع ليكم . ماشي المدرسة مع بتي و جايي (علي الأقل ناس المشرق يكونوا فطروا ) .
imported_خالد الأيوبي :: كــاتب نشــط::

06-08-2012, 07:05 PM	#[19]
imported_فتحي مسعد حنفي :: كــاتب نشــط::	تعرف ياخالد للأسف في السودان كلو ماشي بالواسطة والمحسوبية وكلامك الحكيتو كلو صحيح 100% ودي حكاية مؤسفة للغاية.. أنا شخصيا كنت قبل رمضان في السودان وفكرت أطلع الرقم الوطني والبطاقة الا أن الفرق بيني وبينك أنا كان عندي بت أخوي شغالة في السجل المدني وهي في الخدمة الالزامية بعد التخرج يعني غير ذات صفة.لكن عليك أمان ألله ما وقفت في صف ولا في زول قال لي كلمة كانت هي شايلة ورقي من جوة وأنا مباريها من برة الكاونتر وكانت بس بتشاور علي لغاية ما اتصورت وبعد داك قعدتني في مكتب العقيد الأصر يجيب لي شاي وفي الآخر قال لي تعال بكرة استلم رقمك وقدم طوالي للبطاقة وحتستلما بعد اسبوع وبالفعل بعد اسبوع كانت بطاقتي في جيبي.. الزول الاستفاد من الموضوع دا كان أخونا دكتور أحمد محمد زين الفكر يعمل بطاقة وفعلا عمل بطاقتو واستلمناها من بت أخوي في البيت.. ياهو دا السودان يابطل وأحمد ربك انك خلصت في النهاية..
imported_فتحي مسعد حنفي :: كــاتب نشــط::	التوقيع: [frame="1 80"]شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..[/frame]

06-08-2012, 08:41 PM	#[20]
imported_طيبان :: كــاتب نشــط::	سلامات يا خالد ومبروك الرقم الوطني . أخوك سمع بالرقم الوطني دا أيّام كان ترف قبل يربطوهوا بباقي الإجراءات ،مشيت مكتب السجل المدني في الحلفايا ،دخلت عشرة صباحا وكنا حوالي عشرة أشخاص ، بعد ساعة ونص كان الرقم في جيبي . بعد كم شهر مشيت مع الوالد لإستخراج رقمو الوطني في ذات الحلفايا ،اترزعنا من دغش الرحمن حتى الساعة خمسة والله هوّن اليوم التاني استلمنا الرقم . بعدها بي فترة ودّيت زوجتي وولدي لإستخراج الرقم ، فقلت ياخي مافي داعي للمثالية الشديدة دي ،عبر صديق سلّمت الأوراق لموظفة في السجل ،سحبت لينا الإستمارة ، وقالت تجوني آخر اليوم ، وصلناها الساعة اتنين ضهر ومن كاونتر لي كاونتر زي عم فتحي استلمت الرقمين الوطنيين وبقيت مارق . هناك مشكلة كبيرة اسمها ربط الرقم الوطني بالجواز الجديد ،فلو طلعت جواز وبعدو مشيت للرقم الوطني ح تتبهدل لو ماجبت سيرة ،السيستم ماح يقبلك كان نطّطت . هذه المعلومة لن يقولها لك أحد ولكن حين تصل للمرحلة الأخيرة ح يردموك فارغة شديدة ، وليه ما اتكلمت ، وليه ماورّيتنا ، وانت قاصد تعذّبنا وتبدا تتعذّر وكأنك عالم غيب شهير ، لتكتشف في النهاية انو الجواز الجديد فيهو رقم اسمو الرقم الوطني ويفترض يكون هو ذات الرقم الحيطلع ليك من السجل المدني . __ طيبان . وطني غيور ..ومستخرج أربعة أرقام وطنيّة ,رقم ينطح رقم .
imported_طيبان :: كــاتب نشــط::	التوقيع: [align=center][/align]

06-08-2012, 09:07 PM	#[21]
علاء ابو حريرة :: كــاتب نشــط::	الاخ خالد حمد الله علي سلامة الوصول لي نقطة البداية ؟؟ الرقم الوطني ده مش المفروض انه قاعدة بيانات قومية .. يتم من خلال حصولك عليه التسجيل والتاكد من كل بياناتك خلال المستندات القدمتها ليهم وعملوا ليها اسكنر واعتمدوا الفيها .. بعد ده كله لما تجي لي اي اجراء حكومي اول حاجة بطلبوا منك الرقم الوطني ومن ثم يطالبوك بي كل المستندات التي قدمتها اول طيب الفائدة شنو ؟؟ انا الشئ الاتخيلته انه كل بياناتنا نزلت في قاعدة بيانات ويتم ربطها بي كل المصالح الحكومية الخدمية ؟؟ جوازات ... احصاء مرور سجل مدني ؟؟ ولا هو صرف في الفارغة والسلام ؟؟ يا الله الناس ديل قاصدين شنو ؟؟ سبحانك لا علم لنا الا ما علمتنا
علاء ابو حريرة :: كــاتب نشــط::	التوقيع: من يبيعني حلماً حلمي اضعته في زحمة صفوف الباحثين عن وطن وطني رهنته عند بائعة الخمر لاجل كاس ينسيني ان في وطني من يسرق الاحلام

06-08-2012, 09:19 PM	#[22]
عكــود Administrator	سلام يا خالد، معاناة الحصول على الرقم الوطني، تجرّعها كل من توكّل على الحي الذي لا يموت، وقدّم له. نفس التجربة خضتها في نوفمبر الماضي، ويخوضها أولادي الآن. الفرق، كتابتك عنها بهذه التفاصيل الأنيقة المدهشة. سلام يا علاء وحمد الله على السلامة،، كلامك صاح. طلّعت الرقم الوطني وبعدها بيوم قدّمت للجواز الالكتروني، وبرضو إجراؤه يتطلب البصمة والتصوير مرة تانية. قول التصوير ده عندو مبرّر، يمكن عجّزت من أمس لليوم؛ أها البصمة تاني لزومها شنو؟ يكون عندك أصبع إتقطع مثلاً!!
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.