هسع الزوول يقول شنو؟

[شبارقة]

نقول منو ونقول شنو ...ما عارفين نقول شنو.. نقول سمح ..نقول حلو ما هو الجمال مكملو

أخوي الزول أهلاً بيك في بيتك .. ونقول غنوات ونقول غنوات

[الزوول]

المشاركة الأصلية كتبت بواسطة آلاء فتحي مسعد

احلي شئ انك تحس اننا عيلة واحدة وهو ده هدف سودانيات

أولاً : مرحب بيك يا آلاء
منورة البورد والبوست
وثانياً : لك الشكر على المرور والتعليق
وثالثاً: مافي شك انو ناس سودانيات ناس عسل
لكن الحكماء قالوا قديماً
حينما يكون الملح مطلوباً ، فإن السكر لا يجدي شيئاً
وجود الناس المكاجرين بتاعين المشاكل مهم برضو
................
تعرفي يا آلاء
الكتابة ليك صعبة جداً
لأنو كل ما أكتب شوية أرجع لقائمة ممنوعات والدك وشاعرنا فتحي مسعد حنفي
وأراجع يا ربي الكلام الكتبتوا ده دخل فيها والا لا
كل الود

[منير]

الزول الفات الكبار والقدرو سلامات
والله فعلا منتدى سودانيات نعم الدار والاخوة الكرام الواحد بشعر بنفس الاسايطة فى هذا الموقع (ناس فيهم بشاشة اهلنا) ونتمى ان يدوام هذا التواصل مع كل الاخوة وحايا خاصة للاخوان عكود والحاج وللجميع

[منير]

المشاركة الأصلية كتبت بواسطة آلاء فتحي مسعد

احلي شئ انك تحس اننا عيلة واحدة وهو ده هدف سودانيات

وانا كمان

[اسامه عثمان" ابوشيبة"]

المشاركة الأصلية كتبت بواسطة الزوول

السلام عليك
عصام ازيك
تعرف


غلط !!!!
الصاح هو
دليت قوم كرام على قوم كرام


غلط يا كيشو
الحوش الهنا ده خلاص بقى ما بتاع زول
بتاعنا كلنا
وشايف ناس سودانيات برضو ما مقصرين
وطبعاً ناس سودانيات ديل أنا من زمان عندي رأي سلبي مشهور فيهم
وهو : إنهم أصدقاء وأحباب أكتر من اللازم
وده عيب أساسي في دنيا المنابر
عليك الله امشي أقرأ البوست ده وشوف الناس ديل حلوين كيف
http://sudanyat.org/vb/showthread.php?t=2023

ايوه والله صدقت .. أنا قريت البوست ..
وفعلا الناس ديل حلويين ورائعيين ..وعيلة واحدة كمان ..
وشايف عاصم بقي من العيلة من تاني يوم..
وواقف جنب الباب بيرحب بالناس الداخلين ..

مودتي ..

[كيشو]

عكود والزول
عملتوها والله
رحلتونا وفتحتو دكاكينكم
بوستاتكم بتكبر على أكتاف الشعب الأسيوطي
بوستاتكم تمتص عرق الشعب الأسيوطي
زمان قلنا لي عكود ضيعت علينا بيت العرس
(دخلتونا سودانيات.... ودخلتو ؟؟؟؟؟؟)
هسع نسوي معاكم شنو
نسخة إلى:
البوست الكبير
بوست عكود
يا زول وزع النسخ دي ولا عليك أمر(دا خليجي)

[الزوول]

المشاركة الأصلية كتبت بواسطة الجيلى أحمد

حباب الزول البركة

شوفتك بحق تسعد

وسألنا منك كتير


عودآ حميدآ ياصديق

شيخنا الجيلي
ينجدنا
والله عارفك ما بتقصر
وانت الأصيل
عِلّ مسعول من الخير
زولنا داك غاتس وين ؟
اكان شوفتو ... قولو آ زول نحن ما عندنا شغلة غير مساككتك من منبر لمنبر؟

[الزوول]

المشاركة الأصلية كتبت بواسطة شليل07

حبابك آآزول.. وعوداً حميداً.

الأخ/الأخت شليل
شكرا لك على المرور والترحيب
وشايفك زول/ة نشيط/ة جداً
عيني باردة
4 شهور ومداخلات اضعاف الزوول الكسلان
....
تخريمة

ياخي قومت/ي نفسي بالكتابة المزدوجة دي
كل الود

[الزوول]

المشاركة الأصلية كتبت بواسطة معتصم الطاهر

وانا بقول الزول دا جايي اسمح من زمان ليه ؟

معتصم الفنان
والله انت الوحيد الكنت قايل المكنات دي مابتمشي فيهو
قال عكود والخال قال ..بقوني سمح
ديل... عالم الله .... يلموا في السمح يبقوهو شين

الشكية لله

يا خوي انا من الله خلقني سمح
ما سمعت الكابلي
الزوول السمح فات الكبار والقدرو
( الكبار ديل ناس الخال وعكود وناس .... خمسين )
شكراً للمرور والتعليق

[الزوول]

المشاركة الأصلية كتبت بواسطة شبارقة

نقول منو ونقول شنو ...ما عارفين نقول شنو.. نقول سمح ..نقول حلو ما هو الجمال مكملو

أخوي الزول أهلاً بيك في بيتك .. ونقول غنوات ونقول غنوات

عاصم كيفك
تعرف
خطوة مجيئنا لسودانيات دي كانت خطوة موفقة جداً
والناس فعلاً هنا يشبهونا ونشبههم
قد نكون مختلفين ايدلوجياً وسياسياً وكل أنواع الإختلاف
ولكن هذا لا يفسد للود قضية
وهذه هي سودانيات
وكذلك كانت أسيوط
و
شبهينا واتلاقينا

ودي الكثير

[عكــود]

الزوول،

هسّع الواحد يحتفي بعودتك دي كيف؟
بارك الله في الأسايطة والله . .

وفي خالد الغنّى ليك الأغنية ديك:

إنت كت قايلني بجىء ساكت ؟
لو ما الخال وعكود جوا غنوا لي الغنوة دي سخسياً ؟

والله أنا بس شِلت معاهو . .
هو الغنّى.

يا زوول إتوهّط في حُضُن سودانيات وأبدِع . .
مالك قاعد في طرف العنقريب؟

الجابك يجيب كل الأحباب الذّين آثروا الغيبة عن سودانيات . .
وما غابوا عن خواطرنا،
يشهد الله.

[الزوول]

المشاركة الأصلية كتبت بواسطة منير

الزول الفات الكبار والقدرو سلامات
والله فعلا منتدى سودانيات نعم الدار والاخوة الكرام الواحد بشعر بنفس الاسايطة فى هذا الموقع (ناس فيهم بشاشة اهلنا) ونتمى ان يدوام هذا التواصل مع كل الاخوة وحايا خاصة للاخوان عكود والحاج وللجميع

السلام عليكم
ما قلت الا الحق يا ريس منير
الله لا جاب يوم شكرهم
وبس
تخريمة:
يا خوي نحن منتظرين منك الكتير بس شد حيلك كده
اليومين ديل مضيفنك
لكن بعد شوية كدة حا نرشحك لمجلس ادارة سودانيات
طبعاً خبرة الإتحادات والبرلمانات دي لازم نستفيد منها

[الزوول]

المشاركة الأصلية كتبت بواسطة اسامه عثمان" ابوشيبة"

ايوه والله صدقت .. أنا قريت البوست ..
وفعلا الناس ديل حلويين ورائعيين ..وعيلة واحدة كمان ..
وشايف عاصم بقي من العيلة من تاني يوم..
وواقف جنب الباب بيرحب بالناس الداخلين ..

مودتي ..

السلام عليكم
اسامة ابو شيبة
تذكر زماااااااااان
لما كنا الواحد يمشي القاهرة أو الأسكندرية
يستحيل ينزل في فندق أو لوكاندة
لأنو لو بيعرف اي طالب سوداني ولو معرفة سطحية
فده معناهو انو عادي ممكن يقضي معاهم الصيف كلو
دي مع ناسنا ناس سودانيات ديل الموضوع على اكبر شوية .. يعني عالمي
تمشي استراليا تمشي هولندا تمشي دبي
تلقي اي ( سودانياتي)
بكل بساطة كأنك في بيتك
المودة ليك وليهم

[الزوول]

المشاركة الأصلية كتبت بواسطة كيشو

عكود والزول
عملتوها والله
رحلتونا وفتحتو دكاكينكم
بوستاتكم بتكبر على أكتاف الشعب الأسيوطي
بوستاتكم تمتص عرق الشعب الأسيوطي
زمان قلنا لي عكود ضيعت علينا بيت العرس
(دخلتونا سودانيات.... ودخلتو ؟؟؟؟؟؟)
هسع نسوي معاكم شنو
نسخة إلى:
البوست الكبير
بوست عكود
يا زول وزع النسخ دي ولا عليك أمر(دا خليجي)

السلام عليكم
عصام ازيك
اكتشفت برلمة المنابر البرلمناكم ياها ؟
انت قايل الخبرة دي بالمجان؟
ولا نامت أعين الجبناء
مودتي

[الزوول]

المشاركة الأصلية كتبت بواسطة عكــود

الزوول،

هسّع الواحد يحتفي بعودتك دي كيف؟
بارك الله في الأسايطة والله . .

وفي خالد الغنّى ليك الأغنية ديك:
والله أنا بس شِلت معاهو . .
هو الغنّى.

يا زوول إتوهّط في حُضُن سودانيات وأبدِع . .
مالك قاعد في طرف العنقريب؟

الجابك يجيب كل الأحباب الذّين آثروا الغيبة عن سودانيات . .
وما غابوا عن خواطرنا،
يشهد الله.

السلام عليكم
عكود ازيك
تعرف غايظاني حاجتين
الأولى معتصم ود الطاهر قايلكم انت وخالد غنيتو لى فعلياً وما عارفني انا زول مهذب ومسكين ساكت
التانية
اني ما بقدر انزل الغنية المهذبة بتاعتكو ...هني
الا قسماً عظماً
ما تنقرعوا
الا انزلها
واخلي الما بيشتري يتفرج
ومحل ما رهيفي تنقدّ