أغاني .. و أغاني .. 2011

[الزوول]

الحلقة التاسعة - الجزء الثالث والأخير

....

http://www.youtube.com/watch?v=9YlIiSrW8BA

...

ونواصل شكرنا للأخ وليد الحسين على مجهوده المقدر

[قيقراوي]

المشاركة الأصلية كتبت بواسطة الزوول

[*]لذيذ انت والله يا شريف الفحيل... حيوية وأداء جميل ، بعد الأغنية زاتا ملحنة لحن راقص جميل ... بس دايرين زول يأصل لنا كلمة (غرويدة) أو (قرويدة) ....

الغرودة مش هي سبيل العيون ذاااتا!؟

و قيل كتيلين ..







-------

اسمع لما تجيب " النعيم ود حمد " فيها مقطع تقريباً كدا :
عزيمتو ما بردخا .. و البتسبي* للضيف بضبحا

وقيل البتسبل ..

* يا اخوانا عاوزين لينا راعي يشرح لينا دي ياخ!
مع اني ما فاهم بالضبط معنى الكلمة - و لا متاكد من الاسبلينغ - لكن المعنى العام :
البهيمة العاوزة تلد

اها قصرت معاكم!؟

قيقا راعي
خبير اجنبي

[سمراء]

اقتباس:
المشاركة الأصلية كتبت بواسطة قيقراوي

* يا اخوانا عاوزين لينا راعي يشرح لينا دي ياخ!
مع اني ما فاهم بالضبط معنى الكلمة - و لا متاكد من الاسبلينغ - لكن المعنى العام :
البهيمة العاوزة تلد

ماهو انت راعى كويس جداً تحمد سيدك
قيقا جايط هاو اريو انت بالله فى هذه الهنيهة ؟

بالله رايك شنو فى انو حلقة امس كانت عبارة عن بيضة كبيرة !
والجماعة كووولهم كانو عبارة عن جداد بطرى عيان

هو الحاصل شنو السنة دى !!؟
على بالقسم زول واحد يحلفو بيهو ماف !
شكلهم كلهم مهنضبين مهنضبين !
اكسبت غايتو الجنيات البقولوهم طه هناى ده والشافع تالتن داك !
ديل الوحيدين الماسكاهم ام فريحانه ..يتكشبو ساى فى خلاهم ...

اما عصام السنة دى ..حدث ولا حرج ! ظنيتو عندو (رنينق )
اى مبطون كترجمة للنص

[قيقراوي]

المشاركة الأصلية كتبت بواسطة سمراء

ماهو انت راعى كويس جداً تحمد سيدك
قيقا جايط هاو اريو انت بالله فى هذه الهنيهة ؟

بالله رايك شنو فى انو حلقة امس كانت عبارة عن بيضة كبيرة !
والجماعة كووولهم كانو عبارة عن جداد بطرى عيان

هو الحاصل شنو السنة دى !!؟
على بالقسم زول واحد يحلفو بيهو ماف !
شكلهم كلهم مهنضبين مهنضبين !
اكسبت غايتو الجنيات البقولوهم طه هناى ده والشافع تالتن داك !
ديل الوحيدين الماسكاهم ام فريحانه ..يتكشبو ساى فى خلاهم ...

اما عصام السنة دى ..حدث ولا حرج ! ظنيتو عندو (رنينق )
اى مبطون كترجمة للنص

ما ارف ما بقدر اتفق معاك مية مية ..

مع اني حضرت الحلقة مقطعة ...

لكن امكن عشان زيدان حسيت حميميتها .. و كمية الفرح الفيها

غايتو!




--------

قرفة عصام العجب قبل امس!
زي الزول الممتعض بي ليمونة كدا

[سمراء]

اقتباس:
المشاركة الأصلية كتبت بواسطة قيقراوي
قرفة عصام العجب قبل امس!
زي الزول الممتعض بي ليمونة كدا

ممتعض شنو ؟
على بالقسم ده معطنا ومعط المشاهدين جت بالدبرسة العظيمة دى !!
ياخ والله بقيت احن عليهو
غايتو ...

[طارق جبريل]

Quote:
Originally Posted by قيقراوي
اخونا المغاربي الصهيوني
حليلك انت الزمانك فات ياخ!

هاك الرش دا :

http://www.youtube.com/watch?v=e1ybi...ature=youtu.be



تاني بتجي!!؟



ياهو طبعكم يا رشاشات
عاد دايرين تبدلوه

[الزوول]

..
غايتو لو سألوني عن أكتر أغنية معبرة ومتكاملة كلماتا مع الموسيقى الحزينة مع الصوت الدافي ما عندي غير في الليلة ديك
يقيني أن من يستمع لأغنية (في الليلة ديك ) ولا يلين قلبه ويتأثر بها فعليه أن يتحسس محاسيسو
في الليلة ديك
لا هان علي ...أرضى وأسامحك
لا هان علي أعتب عليك
ذكرتني درس (Grammar) الزمان داك
“ Neither … nor ”

وأقترح انو يقرروها ضمن مقررات الأمنجية ... عسى أن تلين قلوبهم
...
غايتو المخرج ده أنا شاميهو اليومين ديل جنس شمة
ياخي الدخلات الصولو دي داير ليها زول فنان يحس بيها
ما ممكن عوض أحمودي مثلاً يكون شغال صولو ...وينقرش وينقز لامن مقرّب يقع
وتكون مركز الكاميرا على محمدية ..البيكون في الوقت ده موقف العزف ومنتظر انتهاء صولو عوض أحمودي.
.....

...

[الزوول]

الحلقة العاشرة - الجزء الأول

....

http://www.youtube.com/watch?v=1LUbLy2s2iw

...

[الزوول]

الحلقة العاشرة - الجزء الثاني

....

http://www.youtube.com/watch?v=a9KhdYYkkKs

...

[الزوول]

الحلقة العاشرة - الجزء الثالث والأخير

....

http://www.youtube.com/watch?v=zbdnjtPcuWs

...
الشكر أجزله للأخ وليد الحسين في منتديات الراكوبة
...

[قيقراوي]

المشاركة الأصلية كتبت بواسطة سمراء

ممتعض شنو ؟
على بالقسم ده معطنا ومعط المشاهدين جت بالدبرسة العظيمة دى !!
ياخ والله بقيت احن عليهو
غايتو ...

لكن الليلة كيف مع " في الليلة ديك"؟
ياخ ابو الماتشينغ ذاااتو !!؟
حولااااااا!!

او كما قال الزوول




-------

تعرفي يا سمارة دا درب مفاهمة عابرة اجيال جميلة جداً جدن .. حتى آدم همسلف

خاصة مع ذكر - مستقبل الود الواعد " قدور " - و الشئ بالشئ يذكر
الله يرحم الفنان الجميل الفاضل سعيد و يبشبش الطوبة التحت راسو ياخ!
لطافة قدور ذكرتني بت قضيم لمن كانت بتتكلم عن مستقبلا!

ياخ حلقة الليلة دي هيجت اشجان و اشجان .. و شجن
فتحت طاقات كل النستولجيا ياخ!

لاحظتي اننا منطلقين من منصتين مختلفتين خالص لتقييم الحلقتين ..
دا بشكل اساسي يبدو لي لاننا بنمثل جيلين مختلفين ..

اها يا عوض و عكود و بقية المخضرمين ( دي ما عندها علاقة بناضر خدر ) ..
يدكم معانا ياخ نجسر الهوة دي؟
و لّ شنو؟

[سمراء]

غايتو عمر الشاعر الناس ديل تعبوهو رسمى وشعبى !!

حلقة تقريبا ...10/1....

[قيقراوي]

المشاركة الأصلية كتبت بواسطة سمراء

غايتو عمر الشاعر الناس ديل تعبوهو رسمى وشعبى !!

حلقة تقريبا ...10/1....

لاحظت لي دي انا برضو ...

ياريت تجسيرة - فنية - هنا من الناس الفاهمين الكنتة ..

المشكلة كانت وين؟

امس طه سليمان .. و الليلة افراح!

[سمراء]

اقتباس:
المشاركة الأصلية كتبت بواسطة قيقراوي
لكن الليلة كيف مع " في الليلة ديك"؟
ياخ ابو الماتشينغ ذاااتو !!؟
حولااااااا!!

او كما قال الزوول


بالظبط !! ابدع فيها ليه عارف ؟ لانو راكب نفس موجة الاغنية المليانه شجن دى ..يعنى طه بفرحتو دى ماكان حاتظبط معاه
بالله شفتة الكوبلى بتاع -
حسيت معانى الفرقة حسسسسسسسسسسسسسسسسيت بالوجود
ماخد سواد من حنتك ....اححححح ياخ

-------
لاحظتي اننا منطلقين من منصتين مختلفتين خالص لتقييم الحلقتين ..
دا بشكل اساسي يبدو لي لاننا بنمثل جيلين مختلفين ..

والله النصيحه منصتك دى شكلها مهوية رسمى وشعبى !
يازول الحلقة دى شايلة " عمر الشاعر همسيلفو الله يعلم ويشهد !!
اى زول باصو ليه اغنية ..خنقتو الا يجى يجرها ذى عربات الونش ..
الله يعلم قلعة من حلق افراح قلع بعد حاولت تبلعه

انت اظنو المحاثيث والباك قراوند بتاعتته عملت ليك هبشة جوة وكدة ..

[قيقراوي]

المشاركة الأصلية كتبت بواسطة سمراء

والله النصيحه منصتك دى شكلها مهوية رسمى وشعبى !
يازول الحلقة دى شايلة " عمر الشاعر همسيلفو الله يعلم ويشهد !!
اى زول باصو ليه اغنية ..خنقتو الا يجى يجرها ذى عربات الونش ..
الله يعلم قلعة من حلق افراح قلع بعد حاولت تبلعه

انت اظنو المحاثيث والباك قراوند بتاعتته عملت ليك هبشة جوة وكدة ..

ما ياهو الكنتة هنا دا ذاااتو ياخ!

لكن لسة مصرررررررر انو المنصة مختلفة ...
طه سليمان و افراح مغنين جيدين اعتقد .. و ما شفنا ليهم اخطاء واضحة قبل كدا ..
اها دا ما بقول انو الكنتة فارق احساس سااااي!؟




--------

مرة بنات اخت سارة - المدام - لفتوني بسؤال تعسفي من النوع ابو كديس داك :
عمو انت بتحب ( الزول ) دا؟ .. نحن ما بنحب غناو!!
لكم ان تتخيلوا انو منو؟ .. لا لازمن تتخيلوا ..
ما قادر اقول .. انا ما بقدر اصرّح ..
ببقى تجديف عديييل دا

مرة تانية - و دي مختلفة خالص عن المرة الاولى ديك - و مسرحا جوووة العربية .. عربيتي شخصياً - و مال ايه!؟ - مكتوب في استمارتا، خانة اسم المالك " قيقارواي ابن ام قيقا.. وحده لا شريك له " .. اها و بناءاً على الملكية المنفردة دي، انا زول ديكتاتوري جداً - خصوصاً فيما يخص الاستماع - الاستماع داخل البص دا على مسئولية صاحبه ( أي البص ) ..
ما علينا و ما علينا .. و لا على ندى القلعة
كنت ماري بـ [ المرحلة الوردية ] وكتها .. المقرر كلو كان وردي خالص .. الدنيا ذاتا كانت وردية ..
مرة وصلت بنات جيرانا مشوار - و الله ببلاش - من شغلت وردي، البنات ديل اتحيلن بكل الطرق انهن يوقفنو .. المفاوضات كانت شايكة جداً لتعنت الطرفين .. نزلن بسقف مطالبن انو اخفض الصوت ساااي .. طبعاً ما كان ممكن اقبل .. ابو الورود ما بقبل فيو و الله!!
انقري ما ختن ليك شنطن في السماعات الوراء و كتمن بيهن الصوت .. و المشكلة الفارهة بتاعتي دي ما فيها غيرين .. على نهج الكيزان الما قويم رامية قدام وراء مؤمّن
في ي ي ذمتك دا جيل و لّ جل سااااي!!
و الله جيل الجل دا الله يكفينا شرو بس!

بعد دا ممكن اوريكم ( الزول دل ) كان منو بعد بعدنا منها ..

الباشكاتب همسلف!!
فتاملوا .. و تجهموا!!
و ادوا ربكم العجب!!