قاموس المفردات العامية فى اشعار حميد

[أزهري سيف الدين]

المشاركة الأصلية كتبت بواسطة ماريل

ودَّاها فوق قُوز الرماد
كان ظنُّو يوم يومين تلاتِة
المُوية تنزِل والبحرْ يشرد شُراد
يفضل تَرا .
يبراهُو بالسلُّوكة من ورا

في رأيي المقطع دا دقيق جداً جداً، تحديداً في حتة (من ورا) دي.
المقصود انو الضو كان فاكر زيادة البحر حتكون لأيام بسيطة وبعدها البحر يشرد (يتراجع لمستواه الطبيعي).
والأرض القدّام البحر مباشرة (الجرف) تصبح مبلولة (ترا) ومهيئة للزراعة، ويبدا الضو يحفرا بالسلّوكة (آلة زراعية تُضغط بالرِجل لحفر الأرض).

الدقة بتجي في إنو أحسن طريقة لحفر الجرف بالسلّوكة إنو الزول يبدأ من الحتّة القريبة من الموية ويجي لي برّا (وليس العكس)، يعني يبدأ (من ورا) عشان لو بدأ من قدام ما يضطر يجي ماشي فوق الحفر بعد ما يخلّص.

والله أعلم.

السلّوكة:

رسمة توضيحية لمنظر الجرف المحفور بالسلّوكة والبحر:


...

[أبوبكر عباس]

المشاركة الأصلية كتبت بواسطة أزهري سيف الدين

صباح الخير يا بابكر
ما أعتقد عدد أحزاب المصالحة ستة، لكن ما زلت شايف انو ربط الرقم 6 بالأحزاب مقبول ما لم يجينا زول بتفسير آخر.

صباح النور يا ازهري،،
إستنكار حميد لذبح ست خرفن وتيس، وشوفو لي انو العدد دا، عدد كبير، بخالف ثقافة كرم الضيوف (حتى بالنسبة لناس البيئة ديك*) بالسودان. الخراف والتيس ديل رمز سياسي للأحزاب زي ما إنت قلت.
تعليقك حول تحليلي لرقيص الشول بأنو فرحة المضطهدين بقدوم الثورة (الغنايين)، يهمني.
هامش:
*وحات سيدي الحسن، بهظّر

[ماريل]

المشاركة الأصلية كتبت بواسطة أزهري سيف الدين

في رأيي المقطع دا دقيق جداً جداً، تحديداً في حتة (من ورا) دي.
المقصود انو الضو كان فاكر زيادة البحر حتكون لأيام بسيطة وبعدها البحر يشرد (يتراجع لمستواه الطبيعي).
والأرض القدّام البحر مباشرة (الجرف) تصبح مبلولة (ترا) ومهيئة للزراعة، ويبدا الضو يحفرا بالسلّوكة (آلة زراعية تُضغط بالرِجل لحفر الأرض).

الدقة بتجي في إنو أحسن طريقة لحفر الجرف بالسلّوكة إنو الزول يبدأ من الحتّة القريبة من الموية ويجي لي برّا (وليس العكس)، يعني يبدأ (من ورا) عشان لو بدأ من قدام ما يضطر يجي ماشي فوق الحفر بعد ما يخلّص.

والله أعلم.

السلّوكة:

رسمة توضيحية لمنظر الجرف المحفور بالسلّوكة والبحر:


...

ازهرى
ده اجتهاد لا يسعنى الا ان اشكرك عليه
شكرا جميلا وافرا وغزيرا........
لا ادرى اين هربت منى الحروف
اجدها فى صًغار عاجزة عن التعبير
كن هنا
و
كن بخير

[عبدالمنعم الطيب حسن]

المشاركة الأصلية كتبت بواسطة أزهري سيف الدين

في رأيي المقطع دا دقيق جداً جداً، تحديداً في حتة (من ورا) دي.
المقصود انو الضو كان فاكر زيادة البحر حتكون لأيام بسيطة وبعدها البحر يشرد (يتراجع لمستواه الطبيعي).
والأرض القدّام البحر مباشرة (الجرف) تصبح مبلولة (ترا) ومهيئة للزراعة، ويبدا الضو يحفرا بالسلّوكة (آلة زراعية تُضغط بالرِجل لحفر الأرض).

الدقة بتجي في إنو أحسن طريقة لحفر الجرف بالسلّوكة إنو الزول يبدأ من الحتّة القريبة من الموية ويجي لي برّا (وليس العكس)، يعني يبدأ (من ورا) عشان لو بدأ من قدام ما يضطر يجي ماشي فوق الحفر بعد ما يخلّص.

والله أعلم.

دَّاها فوق قُوز الرماد
كان ظنُّو يوم يومين تلاتِة
المُوية تنزِل والبحرْ يشرد شُراد
يفضل تَرا .
يبراهُو بالسلُّوكة من ورا

..........................................

العزيز ازهري كيفك
دعني اقرا اللوحة اعلاهو بصورة مغايرة لما توصلت اليه
مستندا الى كوني مزارع مغمور والسلوكة دي قصت ضهرنا ،
البحر هو المخاطب ومركز الفكرة
فهو يشرد شراد كما تفضلت ورسمتها
يتحول الى ترا وهي ارض انحسر منها الماء ومازالت مترية ولينة وسهلة للزراعة
يبراهو بالسلوكة من ورا
اي يباري البحر ويزرع من الجهة البعيدة من النهر تلك التي انحسر عنها واصبحت ترا
ويواصل البحر في الشرود وتتواصل الارض في كونها ترا
والسلوكة بارية البحر من ورا كلما انحسر انقرزت في باطن الارض الترا واخرجت اللالي من هذا القرير ،
اذن الزراعة تبدا من الجهة الابعد من النهر وماشا في اتجاهه من ورا
وليس العكس كما تفضلت ،
بعدين ياخ الواطة الترا المزروعو لتوها دي
المزارع بنوم فيها عديل باردة وحلوة
وبي المرة يصبح كما الهمبول للطير البحاول يتغذى على البذرة التي لتوها مغروسة

[أبوبكر عباس]

المشاركة الأصلية كتبت بواسطة أزهري سيف الدين

في رأيي المقطع دا دقيق جداً جداً، تحديداً في حتة (من ورا) دي.
المقصود انو الضو كان فاكر زيادة البحر حتكون لأيام بسيطة وبعدها البحر يشرد (يتراجع لمستواه الطبيعي).
والأرض القدّام البحر مباشرة (الجرف) تصبح مبلولة (ترا) ومهيئة للزراعة، ويبدا الضو

المشاركة الأصلية كتبت بواسطة عبدالمنعم الطيب حسن

دعني اقرا اللوحة اعلاهو بصورة مغايرة لما توصلت اليه
مستندا الى كوني مزارع مغمور والسلوكة دي قصت ضهرنا ،

لا هذا ولا ذاك.
الزول دا، قاعد في جزيرة، ورا وقدام هنا بحددن إتجاه جريان النيل.

[اسامات]

ماريل مالك جايطة الدنيا ؟
انا لاهسّه في ست الدار مشيتي جبتي الضو مالك ..؟
-
ست الدار مجموعة شعرية تحكي عن رسائل متبادلة بين الزين ود حامد وست الدار وهي لاتتجزأ شأنها شأن القصة والسيناريو لذا لابد من عرضها كاملة طالما اننا بدأنا نوثيق لهذه المسيرة بعرض ماجاء فيها وتفسيره وشرح مفرداته ..
كنت اعتقد انو باعتبار انك ست البيت حا تخلينا نساهم معاك بما عندنا وبي حبة اجتهاد ممكن نقيف علي جانب من هذه المسيرة ..
ماعرف انت ليه بترتي النقاش وقطعتي عرض هذه المجموعة ومشيتي لقصيدة الضو ؟؟

خالص التحايا ..


.
.

[ماريل]

المشاركة الأصلية كتبت بواسطة اسامات

ماريل مالك جايطة الدنيا ؟
انا لاهسّه في ست الدار مشيتي جبتي الضو مالك ..؟
-
ست الدار مجموعة شعرية تحكي عن رسائل متبادلة بين الزين ود حامد وست الدار وهي لاتتجزأ شأنها شأن القصة والسيناريو لذا لابد من عرضها كاملة طالما اننا بدأنا نوثيق لهذه المسيرة بعرض ماجاء فيها وتفسيره وشرح مفرداته ..
كنت اعتقد انو باعتبار انك ست البيت حا تخلينا نساهم معاك بما عندنا وبي حبة اجتهاد ممكن نقيف علي جانب من هذه المسيرة ..
ماعرف انت ليه بترتي النقاش وقطعتي عرض هذه المجموعة ومشيتي لقصيدة الضو ؟؟

خالص التحايا ..


.
.

سلام يا اسامات
يبدو انى اسعجلت؟؟
المهم النقاش حول جوابات ست الدار
كان جميل جدا الا انو عادتنا كسودانيين
فى الاكثار من (الكلام) ممكن ترجع بينا
لى ونسات جانبية و(فتل) وهذا ما جعلنى اخاف
على الحوار الجميل الحصل واحاول الحفاظ
عليه بالشكل الذى تم به ونمشى بى نفس الحماس
لى (نص)تانى نتناولوا بذات التشريح....
بعتذر منك يا اسامات ويا ريت لو انك نزلت باقى
الجوابات مع مداخلتك قبل الاخيرة(جواب ست الدار الاخير)
بى كده ممكن تتدارك الخطأ الذى ارتكبته انا دون قصد...
بعتذر منك تانى ويا ريت همتك ما تفتر....

[أسامة معاوية الطيب]

المشاركة الأصلية كتبت بواسطة بابكر عباس

صباح النور يا ازهري،،
إستنكار حميد لذبح ست خرفن وتيس، وشوفو لي انو العدد دا، عدد كبير، بخالف ثقافة كرم الضيوف (حتى بالنسبة لناس البيئة ديك*) بالسودان. الخراف والتيس ديل رمز سياسي للأحزاب زي ما إنت قلت.
تعليقك حول تحليلي لرقيص الشول بأنو فرحة المضطهدين بقدوم الثورة (الغنايين)، يهمني.
هامش:
*وحات سيدي الحسن، بهظّر

تكويت لوجه التاريخ
وليعلم الجميع أن هذا الدرب القبيح لسنا سائريه بإذن الله !!

[نغم]

طيب نرجع تانى


ست الدار

فى الباين لى كدى ان التفسير و الشرح و محاولة ايضاح المعانى و تفكيك الصور و المشاهد فى القصيدة القامة فتحت نوافذ لمساهمات مقدره هنا بتخدم غرض البوست وقفت هنا ساعدونا نعرف المفردات هنا

الناس الفي الفيها ...
ومرة يدّعن .... ومرة نديها
وموسى الفَطقة موّدر شبطو
وفطّة عكفة مع الخواجة
الخواجة يقوم .. عكفة يصفق
يرقد يقعد عكفة يصفق ..
طق طق طق
يسكت.. يرطن .. عكفة يصفق
طق طق طق
قام العمدة وشيهو اتغير
حمّر فيهو عيونو وطيّر
الخواجة مرق يتسيّر صفق عكفة
العمدة اتحيّر
ولغاية الليلي السقا يشولت
واطات الله دي ست رشّاها
ما في غنوتاً ما غناها
ما في مدحتاً ما سواها
حمارو صبح لحق أمات طه
دمّع وسب والأمريكان
جنس بدع
زولك ده يحيّر
ينزع توب فوق توب ويغير
توب الفلهمه تلقى يجرجر
و توب الدين شفاف وقصير
تقع الحارة مراكبو تغرّب
عند الجد كان أدّه ينقنق
وقت الفارغة يشيل ويبعزق
وكل الدنيا مدودي ملاريا
أي بشر يخدم صــــايدا
خلق الله طول ليلا تساري
حـُمى الشارع من تـــبدأ
من راس داك تلُب فوق ده
و المستشفى زيارتك زفـّة
الاهمال وبعوضة تنقــّد
رقّد خرّج ... خرّج رقــّد
خمسة حُـقن بندول ودرب
حُمّى غريبي .. الاغرب وين
قامت ندوة قبل يومين
وكان يا الزين راي ناس الدين
انو قدر مكتوب ويصيب
قلنا سمح
نطرى الله يختانا قريب
قالوا اكلوا زبيب
بيض كبدة حليب
قالوا اكلوا التين
اكلوا الزيتون
رشـّو الحشرات
واشربو عرديب
وكل الحسبوك باكر جلبوك
جابوك من وين
من وين جابوك
شوف عينا التين
شفنا الزيتون

الفطقه ما عرفتا ادونا المعنى
يشولت :بمعن ماشى جاى ولا مو كدى
ست : كلها
لحق امات طه : مثل لكن طه اماتو الحصلن شنو ما خبرتو؟
اده : اعطى و بنقولا المدا

ساعدونا نعرف

[عبدالمنعم الطيب حسن]

المشاركة الأصلية كتبت بواسطة بابكر عباس

لا هذا ولا ذاك.
الزول دا، قاعد في جزيرة، ورا وقدام هنا بحددن إتجاه جريان النيل.

هذا لو سماكي اما المزارع فلا ...
كونه في جزيرة لن يقدم الامر شيئا ولن يؤخر ...
بابكر قعدت الطويلة مع الاغنام اثرت عليك
فاصبح تفكيرك غنمي غنمي ...

[نغم]

فى حاجه تانى

ما شايفه فى كل اشعار حميد عدم رضائه عن تجربتو الحزبيه و عملو السياسى

حميدنا بصور الاحداث بمفرادة محددة و متقنه و متسقه مع سياق القصة و حبكتها و القارئ يؤمن بانه شاعر و قاص فى كل اشاعره و تعيش مع النص من الاول للنهاية زى ما ختاهو وينقلك للمشاهد فى تسلسل بديع و متقن


كمان رايو واضح و ما بضاريهو

[ماريل]

المشاركة الأصلية كتبت بواسطة نغم

لحق امات طه : مثل لكن طه اماتو الحصلن شنو ما خبرتو؟


ساعدونا نعرف
[/RIGHT]
[/CENTER]

سلامات يا نغم
تعالى اقول ليك قصة (امات طه)
(طه)ده كان ولد فرد واحد عند امو
وخالاتوا كلهن كمان ما عندهن ولاد
وكان عزيز جدا على امو وخالاتوا
وخالاتوا ديل كلهن كانن بحسبن طه
ده ولدن نسبة لانهن ما عنهن اولاد
اها (طه) ده غرق فى البحر
وقامت (امو)و(خالاتوا)كلهن وقعن
البحر........
ومن هنا جاء المثل(لحق امات طه)
تحياتى يا نغم
شايفا ايقاعك بدأ يضبط

[ماريل]

المشاركة الأصلية كتبت بواسطة نغم

الفطقه ما عرفتا ادونا المعنى

ساعدونا نعرف
[/RIGHT]
[/CENTER]

غايتو يا نغم طلعتى فصاحة لسان ساكت
الفطقة:مفردة مقصود بيها الزول الاهبل العوير الدلاهة العبيط
(الحاجات دى كلها مع بعض فى فرد زول شفتى الكارثة)

[نغم]

المشاركة الأصلية كتبت بواسطة ماريل
غايتو يا نغم طلعتى فصاحة لسان ساكت
الفطقة:مفردة مقصود بيها الزول الاهبل العوير الدلاهة العبيط
(الحاجات دى كلها مع بعض فى فرد زول شفتى الكارثة)

اسكتى لا تجيبى سيرتو
ههههههه
الغريبه بسمعا الفطه و القاف دى خلتنى ابعد المعنى
وما ناسيا انو بعض الحروف عندنا سيلانت

واصلى ماريل
وبقلل من الونسى

[على ماجداب]

المشاركة الأصلية كتبت بواسطة الجيلى أحمد

طيبان يازول مبسوط عافية المنطق,

ربط حديث حميد بالارث اليسارى والنضالى فى مسيرة الشعب السودانى أمر يكرس ل(سجن المعنى) ...واكثار ربطها بالرمز الشيوعى يجعلها تبدو حجرآ عليه, وعلى تفسير الكلمات ودلالتها "الليلية متلح ليك كلمة دلالتها دى تليحة بى مزاج"..
ليس من شئ أكثر ابهارآ فى شعر حميد أكثر من تطويره لصورة الشعر فى المخيلة الشعبية ..
هذه المخيلة شعبية التعبير, ومحلية الكلمة ..وكونية الفهم والهضم

حميد ليس بحوجة لشرح فى المعنى
حميد عالم من الدهشة بشهيق عالى ومدوى ..

الجيلى سلامات مايغشاكَ شر
كلامك فيهو تحييد لليسار والنضال من العصير البكوّن بدقه حميد ..اللى هو نفسو ما أختار يبعدا عن نصو .. وبصوره عامه المعانى لا تُسجن بالقضايا والنضال ..فإن كان يعنيها حقيقة فى نصه عبر ترميز عالى كان لنا تفكيكها ولا حرج ..فهو أيضا على شاعريته الحميمه يُعمل المهاره والحذق والذكاء مما يدفع للتفكير الحسابى جنبا الى جنب مع التفكير الجمالى