خريجو جامعة أسيوط لمزيد من التواصل

[imported_Wad Elbeck]

المشاركة الأصلية كتبت بواسطة الجيلي عبد الله الريح

سلآآآآآم يا ود البك ...
يظهر ان الصورتين كانتا في وقت واحد ...
ولم يظهر كيشو في الصورة الاولى... وظهوره في الصورة التانيه
يدل انه كوكب...؟؟
الاخ مجدي/هندسه/امدرمان.يتوسط الصورة ,مكي يحاول ابعاد الصورة عنه...
الاخوان عبدالماجد وعمار على اليسار...
عصام محمود الرجل الطيب يبتسم وودالبك يطالع اخبار اليوم قبل
فرشها في الطاوله للعضه...؟؟ا

والله يا الجيلى خطييير عديل.. ما شاء الله...
فعلاً هو الأخ مجدى سليمان... كلية هندسة-معمار..من الخرطوم بحرى ... الغريبة عدا أنا ومجدى الباقين كلهم من أم درمان..
أما بخصوص الجريدة فكنت أفضل جريدة الأهرام لأنو أهم حاجة كان ورقها كتير.. وكنت أقرأ فيها العمود بتاع أبراهيم نافع بالإضافة لحل الكلمات المتقاطعة... قبل ما نفرشها للعضة..

[imported_صلاح الدين هجو النحاس]

المشاركة الأصلية كتبت بواسطة فتحي مسعد حنفي

يازول انت قايل البوست دا بخشوهو بي كلمة سر ولا شنو؟مالك داير تجيب لينا الحكومة بي جايالواحد ما صدق قفل جبهة انت داير مالك تفتحا بي جاي..
الظاهر انتو ناس قطر في فايروس طقاكم خللاكم قمتو تهضربو

ياحاج فتحى زى مابيقولو الدم بيحن اهو بيتك مطرحك
وكيشو ما عايزك تلبد لانو الجماعه بيهناك مدورينها والميثاق وانت قدرو
وتانى مرحب بيك

[imported_أسامة الكاشف]

سلام مربع يا جدع لزيارة فتحي مسعد
(العايز يرقص يرقص هو بقى)

يا كيشو بطل حركات الجيش دي
يعني عشان نقول الود عرف الجماعة يقوم يقول ليك
أخبار عصام محمود شنو
طيب ناس ياسر وتميم ديل ما تجيب سيرتهم

ملحوظة:
كفرتوا للعوض
قالوا تلب عليهم حرامي عدمهم نفاخ النار
وأهم حاجة شال معاه سحارة الكاشف أقصد العوض

[imported_د.عصام الدين عليش]

المشاركة الأصلية كتبت بواسطة الجيلي عبد الله الريح

اهلا وسهلا الأخ عصام عليش ...
نأمل أن تكون الاسرة بخير ...طولت الغيبه ..
ياخوي نحن زمن الكوامر والهنتر وسايق الفيات والابيض ضميرك ده ما بنتذكره
إلا نجد مساعده من الزول ...؟؟

[align=justify]
الاخ العزيز د الجيلي
السلام عليكم ورحمة الله وبركاته
الف شكر على السؤال عن الصحة والاسرة والله نحن مقصرين معاكم لكن تظل المحبة والمودة والذكرى الخادة لكم و لكل الاحبة الاسايطة في كل بقاع الارض هي الباقية في قلوبنا لك ولكل الاسايطة كل التحايا وألى لقاء


[/align]

[imported_كيشو]

المشاركة الأصلية كتبت بواسطة أسامة الكاشف

سلام مربع يا جدع لزيارة فتحي مسعد
(العايز يرقص يرقص هو بقى)

يا كيشو بطل حركات الجيش دي
يعني عشان نقول الود عرف الجماعة يقوم يقول ليك
أخبار عصام محمود شنو
طيب ناس ياسر وتميم ديل ما تجيب سيرتهم

ملحوظة:
كفرتوا للعوض
قالوا تلب عليهم حرامي عدمهم نفاخ النار
وأهم حاجة شال معاه سحارة الكاشف أقصد العوض

[align=justify]أنا وفتحي كنا في عرضة حااارة، وبطبيعة الحال (ذي ما بقول غسان بن جدو) بطبعية الحال أخوك هرب إلى بيت الأسايطة، وفتحي لحقني هنا عشان يكمل كلامو ويلومني على الزوغة[/align]

[imported_د.عصام الدين عليش]

المشاركة الأصلية كتبت بواسطة Wad Elbeck

والله يا الجيلى خطييير عديل.. ما شاء الله...
فعلاً هو الأخ مجدى سليمان... كلية هندسة-معمار..من الخرطوم بحرى ... الغريبة عدا أنا ومجدى الباقين كلهم من أم درمان..
أما بخصوص الجريدة فكنت أفضل جريدة الأهرام لأنو أهم حاجة كان ورقها كتير.. وكنت أقرأ فيها العمود بتاع أبراهيم نافع بالإضافة لحل الكلمات المتقاطعة... قبل ما نفرشها للعضة..

[align=justify]
الاخ العزيز ود البيك
السلام عليكم ورحمة الله وبركاته
ماشاء الله على المرابطة تحياتي لك وذكرتني العضة خاصة عندما تكون فرخة ولاانسى يوم من الايام زارني ابن عمي من السودان ومعه صديقه معاوية سيد احمد شقيق د/مامون سيد احمد ( حاليا استشاري طب باطني ببرطانيا ) اتفقت مع الاخ مأمون لتكريم الضيوف ابن عمي وشقيقه بالاشتراك في فرخة وبعد ان تمت كل اجرآت الطبخ وتم وضع الفرخة في التربيزة هنا تذكرت قول خطيب الجماعة الاسلامية بأن هذه الفرخة غير مذبوحة اسلاميا فكان للأسف لم ناكل الفرخة

[/align]

[imported_د.عصام الدين عليش]

[QUOTE=هاشم أبوزيد نقد;170596]

المشاركة الأصلية كتبت بواسطة د.عصام الدين عليش

د. عصام ...لك التحية ... عارفك بتمزح ... الزهايمر ما مدينا فرصة و ما بتذكر ياربي برنسات و لا أطباق طائرة و لا إيواكس لكين الدفعه التي سبقتنا كان إسمها (الكوامر)

[align=justify]
الاخ العزيز د هاشم
السلام عليكم ورحمة الله وبركاته
اتمنى ان تكون بخير واشكرك على التواصل بخصوص الدفعات براكمة العام الدراسي 77/78 ديل انتو البرنسات على موضة البكاسي في الخرطوم بعدها الرهائن في العام 78/79 وذلك للرهائين الامريكيين في السفارة الايرانية بطهران بعد الثورة الخمينية بعدها الاطباق الطائرة بعد الاخبار في ذلك العام عن الاطباق بعدها الواعديين بعد كثرة الفنانين الواعديين وبعدها الفدائيين بعد احداث لبنان والفدائيين الفاسطينيين
هذه كل البرالمة الذي كانو بعدنا وحتى تخرجنا بعدهم ناس ود البيك الجيلي يواصلوا من الذكريات اول يوم في اسيوط كان علبة المارلبولو تزين جيب قميصي ولكن بعد فترة اتغيرت لكليوباترا واستقرت في النهاية نفرتيتي
بالمناسبة من رسائلك في هذا البوست اعتقد بأنك في الرياض بالسعودية وانا في الشرقية لكن ارجوا الا اكون مخطئا ممكن انت لو كان كلامي صحيح تكون رابط كل الاخوان الاسايطة في الرياض خاصة القدامي ممكن حسن برعي ممكن عادل عبدالله
لك الف تحية


[/align]

[imported_Wad Elbeck]

[align=center][/align]
[align=center]الكوكاكولا على التِرعة الإبراهيمية... العام 1985 ..[/align]

الزملاء من اليمن الشقيق كانت لهم علاقة وطيدة وود خاص مع السودانيين بأسيوط... يظهر منهم فى الصورة الإخوة محمد سعيد ثابت .. ومحمد أحمد سعيد..

[imported_محمد الامين مصطفي]

بسم الله الرحمن الرحيم

ود البك يا معتق 00 الصورة جميلة 00والزمن سمح 00 والناس سمحين 00 يا سمح 00 محمد سعيد ده نكتو من وين 00سبحان الله سحارتك عامرة حتي بالاشقاء اليمنيين 00دمت موثقا مدهشا يا مدهش00

[imported_محمد الامين مصطفي]

بسم الله الرحمن الرحيم

لزم الفراش الابيض بمستشفي اسيا بام درمان شيخ العرب واخو الاخوان وود القبايل الزول القامة علي العلامة 00 علي مردس اثر جلطة جات سليمة بعون الله تعالي 00وقدر الله ولطف بان تمت له عملية قسطرة ناجحة مية المية واكد لي بان اطمئنكم جميعا اخوتي وبقول ليكم الحمد لله الواحد الاحد الفرد الصمد بانو تعافي تماما 000 ويسالكم الدعوات 00 اللهم رب الناس ، اذهب الباس ، اشف وأنت الشافى ، لاشفاء إلا شفاؤك ، شفاء لايغادر سقما 00 للتواصل مع علي 00249122220709

[imported_أسامة الكاشف]

ا

لعزيز محمد الأمين
حاولت الاتصال بي علي مردس
الساعة اتنين ظهر
لكن هاتفو مغلق
بالله بلغو تحياتنا وتمنياتنا له بالشفاء العاجل

"أللهم اذهب عنه البأس وعافه
أللهم البسه ثوب العافية والصحة"

الوصية في الذمة يا محمد

حاشية: ود البك، مجدي ومحمد ودالناير
والله مخضرين الصورة (زراعيين وكده)

[imported_شبارقة]

المشاركة الأصلية كتبت بواسطة محمد الامين مصطفي

بسم الله الرحمن الرحيم

لزم الفراش الابيض بمستشفي اسيا بام درمان شيخ العرب واخو الاخوان وود القبايل الزول القامة علي العلامة 00 علي مردس اثر جلطة جات سليمة بعون الله تعالي

[align=justify]ألف حمدا ً لله على سلامة أخونا وحبيبنا علي مردس ... ندعو له الله بعاجل الشفاء وتمام الصحة والعافية .

شكرا ً لك أخي محمد الأمين ونرجو أن تبلغه تحياتنا وسؤالنا عنه ... حاولنا الإتصال عليه ولكن يبدو أن هاتفه مغلق[/align]

[imported_محمد الامين مصطفي]

بسم الله الرحمن الرحيم
العزيزان 00اسامة 00شبارقة 00 بلغنا تحاياكم لمردس 00 ويشكركم علي السؤال والاهتمام 00 ويغريكم السلام وهنالك نمرة شقيقه عبد الماجد مردس وعبره يتم التواصل وهي 00249915042867 دمتم سالمين

[imported_Wad Elbeck]

الهم لا شفاء إلاشفاؤك.. أنت الشافى من كل داء..
نسأل الله عاجل الشفاء للأخ على مردس
وكامل الصحة والعافية..
جزيل الشكر على المعلومة يا أبو اللمين..

[imported_Wad Elbeck]

المشاركة الأصلية كتبت بواسطة محمد الامين مصطفي

بسم الله الرحمن الرحيم

ود البك يا معتق 00 الصورة جميلة 00والزمن سمح 00 والناس سمحين 00 يا سمح 00 محمد سعيد ده نكتو من وين 00سبحان الله سحارتك عامرة حتي بالاشقاء اليمنيين 00دمت موثقا مدهشا يا مدهش00

أبو اللمين..سلامات...
صاحبك محمدأحمد سعيد يكون هسه بقى وزير الزراعة..