راكوبة المجادعات.. النمة والدوباي

[حسين يوسف مكى]

شن وداك لى بلدا يزازى جديها؟
ريالا ريال سجم يووت الجيوب خاتيها
اخير مننا البزرع ارضو وإدفن فيها
واخير يابكرى الحارس البلاد حاميها

[سجمان]

المشاركة الأصلية كتبت بواسطة مي هاشم

نحن التقوى حارسانا صغار وكبارنا
ما بنقرب حرام بنراعي حرمة جارنا
حرفتنا المديح والحلقة يوت في دارنا
بنريد الرسول والريدة هيلنا ستارنا (قديمة)

إنت الشكر سيدو وماني جايبة جديد
نسل الكرام نسبك عزيز وفريد
حاشاك السّجم ماك اللّتخ وبليد
انشا الله الكريم عمرك مديد وسعيد

بي حب الرسول مليانة ديمة كؤوسك
والدايرك يمين في الحضرة يمشي يكوسك
سمعينا الطار ودقي لينا نحوسك
خل النسوح في حب نبينا ننوسك

فوق العوين ماك المناقرة تخاتي
وفي شكرك بقول عسى ما تخيب تخّاتي
عروقك في الترى مي محتاجة لي بخاتي
ناعمة جليد وندية كترت معاك أخّاتي

[سارة]

المشاركة الأصلية كتبت بواسطة مي هاشم

الصحبة ياختي صُحبة مطر وحرازه
بي وجع الصديق قلبك يشيل ويترازا
وان درتيه من وجعك يزوغ يتزازا
هوي..العدو والصديق واحد مافي فرازه

مشتاقة ليك..

الشوق ياغالية غالب وربى عالم بيهو
كيفنو العقاب؟؟ فى بالى يوت طاريهو
قليب اختك نجض والهم منوسر فيهو
باللوح والقلم اطريهو واقرى عليهو

[سجمان]

المشاركة الأصلية كتبت بواسطة سارة

كان بيعرف حضارة ما اظن بريد المتلى
وقدامو البنات ناديات ولونن تبرى
يالسجمان عدوك اناحالى بس لو تدرى
ممكون وصابر لو روحى بس ترجعلى

باكر من صباح أقوم فجر واتشطف
البكسي الجديد تنكيو ملان ومستف
يالسارة الرويحة علي لقاك تتحدف
بعد القاك خلاص أنا حالي تب اتصدف

[مي هاشم]

المشاركة الأصلية كتبت بواسطة حسين يوسف مكى

[align=center]الغربة النفاق غير العذاب شن فيها؟
ريالا تقول ريال فزعة شيوخ ونديها
كتير فى الغربة ناس راجيا الكريم إديها
دا الراتب قليل العيشة م ناطيها..
بكرى احمد على [/align]

الغربة فيها العيشة ساهلة رخيّة
بي قِلّ الدراهم بتعيّش الماهيّة
عِلاّبلدنا ذالاّنا صباح وعشيّة
إن عندك قِرِش وإن مافي برضو أسيّة


الغربة فيها البريدو سيد الروح
من فرقو انقطع القليب مجروح
يا ربي الكريم لحّقني ليه أروح
قبال المنيّة تحين وتنسرب مني الروح

[سجمان]

المشاركة الأصلية كتبت بواسطة الأغبش

متابع من قبيييييييل شايف السجيم متجلي
من درر الحديث شايل سبيط متدلي
لي مي والسروره ياربي أرفع وعلي
كملتو الشكر كفاية قومو نصلي

السجمان أخوك اصلو سجم رماد ومسجم
من يلقالو نمة يقوم عليها اتهجم
قبال الوكت قوم للسحور اتجغم
بعد نماتنا دي شكلو الصيام اتسجم

[مي هاشم]

المشاركة الأصلية كتبت بواسطة سجمان

بي حب الرسول مليانة ديمة كؤوسك
والدايرك يمين في الحضرة يمشي يكوسك
سمعينا الطار ودقي لينا نحوسك
خل النسوح في حب نبينا ننوسك

فوق العوين ماك المناقرة تخاتي
وفي شكرك بقول عسى ما تخيب تخّاتي
عروقك في الترى مي محتاجة لي بخاتي
ناعمة جليد وندية كترت معاك أخّاتي

لساني انخرس بلنمّة جد لجّمتو
ما بتلحق لا معنا لا ترجمتتو
قولي شِن يسوا والله لي سجّمتو
والعربي الفصيح معاك أنا عجّمتو

[سجمان]

المشاركة الأصلية كتبت بواسطة حسين يوسف مكى

[align=center]الغربة النفاق غير العذاب شن فيها؟
ريالا تقول ريال فزعة شيوخ ونديها
كتير فى الغربة ناس راجيا الكريم إديها
دا الراتب قليل العيشة م ناطيها..
بكرى احمد على [/align]

الغربة اللعينة ضقناها ضقنا عذابا
وبرضو ضقنا كمان ما لذ فيها وطابا
السمحة أم رشوم واقفين صفوف خطابا
يجيها المغترب تكشح خشومنا ترابة

[فخري الزين]

المشاركة الأصلية كتبت بواسطة سجمان

الغربة اللعينة ضقناها ضقنا عذابا
وبرضو ضقنا كمان ما لذ فيها وطابا
السمحة أم رشوم واقفين صفوف خطابا
يجيها المغترب تكشح خشومنا ترابة

الغربه اللعينه لي الليله نحن معاها
كل يوم نجقم من مر عذابها وماها
شحت الخلق الارض وعدلها وسواها
بين يوم ولليله نرجع بلدنا وننساها

[سجمان]

المشاركة الأصلية كتبت بواسطة مي هاشم

لساني انخرس بلنمّة جد لجّمتو
ما بتلحق لا معنا لا ترجمتتو
قولي شِن يسوا والله لي سجّمتو
والعربي الفصيح معاك أنا عجّمتو

في الغنا والنميم يا مي وصلتي القمة
فوق فن العروض فقتيهو تب ذي الرمة
حاشاك الخرس خشمي التجيهو الطمة
اقدلي فوق عديلك خاتياك اي مزمة

[مي هاشم]

المشاركة الأصلية كتبت بواسطة فخري الزين

الغربه اللعينه لي الليله نحن معاها
كل يوم نجقم من مر عذابها وماها
شحت الخلق الارض وعدلها وسواها
بين يوم ولليله نرجع بلدنا وننساها

غربةً في البلد الأمين والله نعم حبابا
إن جرّعتني الحنضل بضوقو حالي شرابا
بيت الله الحرام والروضة فاتح بابا
أسأل الكريم أتوارا جوّة ترابا

[مي هاشم]

المشاركة الأصلية كتبت بواسطة سجمان

في الغنا والنميم يا مي وصلتي القمة
فوق فن العروض فقتيهو تب ذي الرمة
حاشاك الخرس خشمي التجيهو الطمة
اقدلي فوق عديلك خاتياك اي مزمة

لا..كده جد خرستني..
أخير اقوم انوم!!

[سارة]

المشاركة الأصلية كتبت بواسطة سجمان

باكر من صباح أقوم فجر واتشطف
البكسي الجديد تنكيو ملان ومستف
يالسارة الرويحة علي لقاك تتحدف
بعد القاك خلاص أنا حالي تب اتصدف

شوفتك لينا عيد نرجاهو فى كل حول
يا صبى العروض خاتى المقال والقول
يالرمدان عدوك ما تخلى وعدك يطول
على حر الجمر انا فى رجاك يا زول

[سجمان]

المشاركة الأصلية كتبت بواسطة فخري الزين

الغربه اللعينه لي الليله نحن معاها
كل يوم نجقم من مر عذابها وماها
شحت الخلق الارض وعدلها وسواها
بين يوم ولليله نرجع بلدنا وننساها

حبابك والله .. نورت أم شعب..

عارفين الجسوم من العذاب انهدو
إلا انفتحلك باب فوق الرزق لا تسدو
الناس الهنا صعب الظروف اتحدو
ما نافع معاهم كان سبدرات أو شدو

[سجمان]

المشاركة الأصلية كتبت بواسطة مي هاشم

لا..كده جد خرستني..
أخير اقوم انوم!!

والله انت براااااااااااك ما تتصاقعي ما قصرتي تب..

تمشي تنومي كيف وانا حالي جايط جوطة
لي دمعي الدفق منديلي أصبح فوطة
يالفي "مايرنو" داك طالبك تسوي الحوطة
لي ساقي الهوى يملا الدنان ويسوطة