رفقا بسودانيات

[سماح محمد]

تحياتي ياخالد

في تقديري نحن نعاني من قصور في ثقافة الإختلاف عموما
ويظهر ذلك في ملامح ضيقنا بالآخر ومحاولة إقصائه، شخصنة الحوارات وما إلى ذلك..

اول أيامي في سودانيات في جو مشحون بالتوتر كان لي بوست اسمه (لماذا الحوار؟؟!) .. ربما لم يجد حظه من النقاش
كنت أقصد منه لفت النظر الى مسئولية الكتابة في حد ذاتها..
وما تضيفه لنا وللآخر
ومامعنى ان نتحاور وأهداف ذلك

أعتقد لو أن كلاً منا سأل نفسه هذا السؤال قبل أن يشرع في إفتراع أي بوست أو إضافة أي مداخلة ، لإرتقينا كثيرا بفكرة الحوار وتناول القضايا المختلفة بصورة تضيف للجميع

عموما..
هذا هو الواقع ولا يغيره الا الفعل الموجب .. فلنوقد المزيد من الشموع بحوارات هادفة ومداخلات بناءة

شكرا للجميع

[حسين عبدالجليل]

المشاركة الأصلية كتبت بواسطة خالد الصائغ

ليهو سنتين يا هيثم
لكن زي كأنو كتبناهو هسة
لأنو بديت أحس إنو في طريقنا للعودة لي نفس المربع المحبط الكنا فيهو قبل سنتين

سودانيات يا هيثم تستحق منا الدأب علي نسيجها
تستحق منا أن تكون مساحة للإضافة
و شحذ الطاقة الإنسانية الإيجابية و المثمرة.

تعرف ياخالد بوستك الزي أغاني الحقيبة (ودا بالمناسبة شكر لكونه صالحا لكل زمان بسودانيات) ذكرني قصة زول مواطننا آخر مرة إشتري جريدة سودانية كان في الستينات ثم وضعها تحت مخدتو وحلف مايقرأ أي جريدة سودانية جديدة. ومنذ ذلك الحين وحتي كتابة هذه السطور قيل - والعهدة علي الراوي- أنو كل مايشتاق لمعرفة أخبار السودان يطلع جريدتو القديمة من تحت المخدة و يقرأ فيها أخبار السودان الحالية مثل "الاعداد لدستور جديد", "الصادق/الترابي يصرح ...", "مشكلة الهوية", "حرب الجنوب"...الخ...الخ.

وبمناسبة الشكلات المابتنتهي دي أنا زمان كنت إقترحت أنو يضعوا بجانب إسم العضو , تاريخ التسجيل, المشاركات, "عدد الشكلات التي خاضها " , "تصنيفه وفق ذلك" وهذا التصنيف يمتد من "عدواني جدا", "عدواني" ....حتي "من ناس قرعيتي راحت" و "الكديسة تاكل بوستاتو".

[سارة]

المشاركة الأصلية كتبت بواسطة حسين عبدالجليل

تعرف ياخالد بوستك الزي أغاني الحقيبة (ودا بالمناسبة شكر لكونه صالحا لكل زمان بسودانيات) ذكرني قصة زول مواطننا آخر مرة إشتري جريدة سودانية كان في الستينات ثم وضعها تحت مخدتو وحلف مايقرأ أي جريدة سودانية جديدة. ومنذ ذلك الحين وحتي كتابة هذه السطور قيل - والعهدة علي الراوي- أنو كل مايشتاق لمعرفة أخبار السودان يطلع جريدتو القديمة من تحت المخدة و يقرأ فيها أخبار السودان الحالية مثل "الاعداد لدستور جديد", "الصادق/الترابي يصرح ...", "مشكلة الهوية", "حرب الجنوب"...الخ...الخ.

وبمناسبة الشكلات المابتنتهي دي أنا زمان كنت إقترحت أنو يضعوا بجانب إسم العضو , تاريخ التسجيل, المشاركات, "عدد الشكلات التي خاضها " , "تصنيفه وفق ذلك" وهذا التصنيف يمتد من "عدواني جدا", "عدواني" ....حتي "من ناس قرعيتي راحت" و "الكديسة تاكل بوستاتو".

اقتراحك دا يا حسين مافى مصلحتى لانى وبجدارة ممكن اصنف
عدوانى جدا رغم انى وحات قطاعتك مرات كتيرة لا ايدى لا كراعى
المهم زى ما قالت سماح مسألة تقبل الاخر دى مشكلتنا الاساسية
سقطنا فيها كسودانيين بامتياز والحمد والشكر لى الله

[حسين عبدالجليل]

المشاركة الأصلية كتبت بواسطة سارة

اقتراحك دا يا حسين مافى مصلحتى لانى وبجدارة ممكن اصنف
عدوانى جدا رغم انى وحات قطاعتك مرات كتيرة لا ايدى لا كراعى
المهم زى ما قالت سماح مسألة تقبل الاخر دى مشكلتنا الاساسية
سقطنا فيها كسودانيين بامتياز والحمد والشكر لى الله

عارفك ياسارة مسكينة زي أخوك والكديسة تفتل بوستاتك , لو سمعتي كلام الشافع الفي بروفايلك لن تصيبك اي نيران صديقة . بس ركزي علي كلاما الجنا العلي يمينك دا .