يا أخي الكُبر دآ حاجة ثقيلة بشكل

[imported_بدور التركي]

المشاركة الأصلية كتبت بواسطة بابكر مخير

أخي الحبيب الدبلوماسي جداً، إبراهيم عبد المنعم
هو يشكي وأنا أشكي من؛
الوجع والآلام والفتر
الأمنيزيا
الزهج...
بعفوية شديدة قال ليا:
يا أخي دآ كان مستخبي لينا وين؟؟
وهو يقصد الكُبر....
مدخل لموضوع!!
معايش من العديدين ومستغرب من التانيين
والتالتيين أخير ليهم يفتحوا عيونهم..
ما الفنانة قالت:
الما ضاقهو
وأنا أقول:
أكييييييييييييد بيضوقهو...

ما عايزين نضوقو
نضوق السمح نحن 😁

[imported_فيصل سعد]

ازييك يا بدور و عساك طيبة،،
و مرحب بعودتك و ايابك الجميل..

[بابكر مخير]

المشاركة الأصلية كتبت بواسطة بدور التركي

ما عايزين نضوقو
نضوق السمح نحن 😁

الإفراط هو نوع من المبالغة في أيتها شئ، مثلن المحبة ممكن تزيد وتكتر بي مبالغة لمن تزهج، العواطف لمن تكتر بتغلبك، الشوق لمن يتراكم بيطويهو النسيان، الزعل الشديد بوصل لي مرحلة عدم الإكتراث...
لكن جنس فرحتي الليلة دي (طبعن في السودان الليلة دي عدييييل كدآ بتعني اليوم وما شغالين بي صباح ولا نهار ولا مغرب ولا مساء،، لمن يقول ليك واصل الليلة بس رابط في المطار لمن الطيارة ترك)
آها فرحتي الليلة دي. إفراط في المبالغة ظاتها ومبالغة بإفراط..
ظهر القمر في شأن يجمل "الكُبر" وبي لمسة متل مايدس فورة الشباب هجمت.
رد الشباب وإتملى المشيب بالروح...
كدآ ولا بلاش
يلا!!
بلا كُبر بلا مشيخ
مرحب بنيتي وليك شوق

[بابكر مخير]

المشاركة الأصلية كتبت بواسطة فيصل سعد

ازييك يا بدور و عساك طيبة،،
و مرحب بعودتك و ايابك الجميل..

مش كدآ بالله يا الحبيب النسيب.
بعد دآ! الثقيل دآ "الكُبُر"، إن ما هو ختانا.
إحنا بنملصه ونرميهو في المالح

المالح، تطلق على البحر أيتها إن كان وتنسب لمائه المالح

[imported_فيصل سعد]

المالح بعد خجة غريق
اعمل حسابك، الملح الكثير، بيرفع الضغط و كدا

[بابكر مخير]

شوف بقآ بيقولوا: شنهو ما عارف هنآي الكدآ
ما يعادل الكٌبر هو طلاق المتع والأمل...
الدبرسة بالنسبة ليهو، صف أول
الهم بيغنوا ليهو وينقال: يوماتي.....
الزهج لزقة سلانبس يحرق الجلد ،، طبعن المدهش في لزقة السلانبس وأغلب لزق ودهانات "الرطوبة" فيها مستخلص "الشطة" الحارة الهندية الأصلية، يعني الزهج حار وبيحرق الملازمة.
الحزن فيهو جد.....
الحزن على اللذي مضىو.. ممكن يكون شئ ملموس أو أمر محسوس لكن الحزن الحآآآآآآآآآآآآآآآر بيكون لفقد شخص لك ولي غيرك معناهو وحقيقتهو كبير وكبيرة وحتى لو كان أو كانت كبير أو كبيرة في العمر...
حزنت بفقد الخالة "ستنا بدري" الجميلة والفنانة. إفتقدتها مع أني سنين ما لاقيتها لوقت يشبعني منها ونسة وحكاوي...
حزنت لرحيل عميدة آل بدري الرابط بين الأجيال العظيمة وحملة الإرث..
عليها الرحمة


[youtube]https://www.youtube.com/watch?v=m-SqUvlblwQ[/youtube]

[imported_بدور التركي]

المشاركة الأصلية كتبت بواسطة فيصل سعد

ازييك يا بدور و عساك طيبة،،
و مرحب بعودتك و ايابك الجميل..

دائما ببالي
انا ما نسيتك بس ضاعت احلام الطفولة
يسعد صباحك يا جميل

[imported_بدور التركي]

المشاركة الأصلية كتبت بواسطة بابكر مخير

الإفراط هو نوع من المبالغة في أيتها شئ، مثلن المحبة ممكن تزيد وتكتر بي مبالغة لمن تزهج، العواطف لمن تكتر بتغلبك، الشوق لمن يتراكم بيطويهو النسيان، الزعل الشديد بوصل لي مرحلة عدم الإكتراث...
لكن جنس فرحتي الليلة دي (طبعن في السودان الليلة دي عدييييل كدآ بتعني اليوم وما شغالين بي صباح ولا نهار ولا مغرب ولا مساء،، لمن يقول ليك واصل الليلة بس رابط في المطار لمن الطيارة ترك)
آها فرحتي الليلة دي. إفراط في المبالغة ظاتها ومبالغة بإفراط..
ظهر القمر في شأن يجمل "الكُبر" وبي لمسة متل مايدس فورة الشباب هجمت.
رد الشباب وإتملى المشيب بالروح...
كدآ ولا بلاش
يلا!!
بلا كُبر بلا مشيخ
مرحب بنيتي وليك شوق

اولا
من قال عنك كبير
انت كبير بعقلك وذوقك وأخلاقك السودانية الأصيلة
وطفل بقلبك البريء الجميل
ومشتاقة لك كثير
أتوقع مني زيارة قريبا 😘
احبك يا ابوي

[ناصر يوسف]

ربنا يرحمها ويغفر ليها يا دكتور بابكر

[imported_شبارقة]

المشاركة الأصلية كتبت بواسطة فيصل سعد

المالح بعد خجة غريق

خجة غريق ومنار بيرجّع التايهين 😜

[imported_فيصل سعد]

المشاركة الأصلية كتبت بواسطة بدور التركي

دائما ببالي
انا ما نسيتك بس ضاعت احلام الطفولة
يسعد صباحك يا جميل

من جديد جيت تاني تكسر
صمتي بالنظرة الخجولة

يديك العافية..

[imported_فيصل سعد]

المشاركة الأصلية كتبت بواسطة شبارقة

خجة غريق ومنار بيرجّع التايهين 😜

انت يا عاصم مالك بقيت تجلي و تنسى، نجدة غريق و منار بيرجع التايهين، زورق الالحان للباشكاتب "ماهو يا تغنوا انتوا "
اما ،خجة غريق تلقاها في قصيدة حميد في رثاء مصطفى سيد احمد :

عين الشمش زي التقول متشوشة
أو مرشوشة بي حمرة غضب..
زبد الحَمار زي رغبة المالح
بعد خجة غريق
والليل دخل كبت الفريق
قنعت نصيرة من البلد
قنعت نصيرة من الدقيق

ارقد عافية..

[imported_فيصل سعد]

البركة فيكم يا دكتور بابكر، رحم الله الفقيدة و اسكنها عالي الجنان، و جملكم بالصبر، احبابها و اهلها و ذويها.. انا لله و انا اليه راجعون..

[بابكر مخير]

(sentimentality)
كلمة جميلة بالإنجليزي وترجموها بالعربي؛
العاطفية
حساسية
الانفعالية
مفهوم عاطفي
والبيحصل مع الكُبر شنو؟؟
دموع ترقرق لو حتى حرف من كلمة سمحة سمعتهو
شعرة جلدك تكلب لمن زولن دفعة يجيك ناطي في الواتساب
تجعر عديل لو طراطيش شكرن ليك نسمت عليك...
القصة وما فيها؟!
دخل عليا في الواتساب أخي الحبيب (بروفسير) محمد زين في الواتساب من لندن، بيسأل، يتفقدني وأنه متواصل مع بنتي وأحفادي في لندن..
زول قمة في الإحساس الجد، يعني sentimentality..
ديمة شيته بي عاطفة جياشة
حبه للناس بعاطفة
صداقته بي عاطفة
حتى معارضته بقمة ما يمكن أن توصف بيهو العاطفة...

[youtube]https://www.youtube.com/watch?v=ttVAhJ1h7z4[/youtube]

[imported_الجيلى أحمد]

المشاركة الأصلية كتبت بواسطة بابكر مخير

الإفراط هو نوع من المبالغة في أيتها شئ، مثلن المحبة ممكن تزيد وتكتر بي مبالغة لمن تزهج، العواطف لمن تكتر بتغلبك، الشوق لمن يتراكم بيطويهو النسيان، الزعل الشديد بوصل لي مرحلة عدم الإكتراث...
لكن جنس فرحتي الليلة دي (طبعن في السودان الليلة دي عدييييل كدآ بتعني اليوم وما شغالين بي صباح ولا نهار ولا مغرب ولا مساء،، لمن يقول ليك واصل الليلة بس رابط في المطار لمن الطيارة ترك)
آها فرحتي الليلة دي. إفراط في المبالغة ظاتها ومبالغة بإفراط..
ظهر القمر في شأن يجمل "الكُبر" وبي لمسة متل مايدس فورة الشباب هجمت.
رد الشباب وإتملى المشيب بالروح...
كدآ ولا بلاش
يلا!!
بلا كُبر بلا مشيخ
مرحب بنيتي وليك شوق

يامساء الوورد