خريجو جامعة أسيوط لمزيد من التواصل

[imported_الجيلي عبد الله الريح]

اقتباس:
المشاركة الأصلية كتبت بواسطة Wad Elbeck
اقتباس:
المشاركة الأصلية كتبت بواسطة برعى محمد دفع الله
اقتباس:
المشاركة الأصلية كتبت بواسطة Wad Elbeck

عضة على الرمال ..

الوادى الجديد .. العام 1987 ..

يا الجيلى جبنا ليك صاحبك فيصل تانى ..

زملائى واصدقائى الاسايطه الكرام العيد مبارك عليكم جميعا وكل عام تامين وسالمين. ولاخى الحبيب محمد الامين اقول ماعاملين طناش متابعين ومواكبين المنتدى لكن والحمد لله والمنه زحمه الشغل وضيق الوقت يخلوا الواحد مقصر فلكم المعذره وياود البيك الجماعه فى الصوره من اليمين كالاتى: مهدى الاسد, ماهر عوض الكريم واقفا, الصوره ماواضحه لكنى اعتقد انه عبدالماجد صديق, بهاءالدين,مجدى جادكريم, عبدالمنعم ابو لفته,عمار عباس,مكى الصوفى, واخيرا على حسن ولا ريكم شنو



برعى .. سلامات ..
ما شاء الله الذاكرة لسه حديد ..
بس الزول الجالس فى المقدمة ده أخونا فيصل وليس مجدى جاد الكريم ..




تآآآآآني ياود البك ؟؟؟؟
الظاهر إنت قاصدنا عديل ... وكايس ليك شكله ..؟؟؟
شنو اللخبطه ديه ... مره مدثر ومره مجدي جاد الكريم ...؟؟
الزول ده مجدي جاد كريم ؟؟؟ وكان ما مجدي يكون مدثر حسن ؟؟؟

[imported_الجيلي عبد الله الريح]

اقتباس:
المشاركة الأصلية كتبت بواسطة ودالفكي
شكرا يا احباب د.هرون واسامه وودالبيك وبيقيه العقد
طبعا انا متزوج شقيقه محمد الفاتح تجاره واب لاربعه ابناء وبنت

التقيت في اكتوبر الماضي ب د.الطيب علي ابكر بيطره بمدينه الدندر قرب السوكي وهو بخير واصبح ماشاء الله رجل اعمال(ثلاثه صيدليات) واب لبنتين.
وكذلك التقيت بالاخ محمد محمود احمد جادكريم تجاره خريج 1988 ابونعامه وهوايضا رجل اعمال (اب لثلاثه ابناء وبنت )وهو رجل عصامي امتحن تاني ودرس صيدلانيات وهو ايضا يعمل في مجال الادويه.

معي ناديه عيسي في ضرائب كوستي
وناديه عراقي وهي في الصندوق القومي للتامين الاجتماعي-ربك

دي محاوله لرفع صوره التخرج اتمني ان تكون واضحه

د.محمد احمد سوف اكون في كنانه السبوع القادم اتمني ان تدينا تاشيره نقابلك بيها يا مدير نسلم عليك ونشوفك ياخي طبعا مصطفيlocal
وصل من الحج وهو شقيق المدام تلفوني مرفق

سلامي للكل



يآآآآآمرحبا بودالفكي ... أبقى داخل لي جوه وحبابك عشره ...
المجلس نوّر بيكم ...

[imported_الجيلي عبد الله الريح]

اقتباس:
المشاركة الأصلية كتبت بواسطة Mohamed Ahmed Haroun
اقتباس:يا الموسيقار تحيه
الواقف الماعرفته ده المعلم احمد قسم الله طب
وهل يخفى القمر؟؟؟؟؟
المشاركة الأصلية كتبت بواسطة برعى محمد دفع الله
اقتباس:
المشاركة الأصلية كتبت بواسطة Wad Elbeck

عضة على الرمال ..

الوادى الجديد .. العام 1987 ..

يا الجيلى جبنا ليك صاحبك فيصل تانى ..

زملائى واصدقائى الاسايطه الكرام العيد مبارك عليكم جميعا وكل عام تامين وسالمين. ولاخى الحبيب محمد الامين اقول ماعاملين طناش متابعين ومواكبين المنتدى لكن والحمد لله والمنه زحمه الشغل وضيق الوقت يخلوا الواحد مقصر فلكم المعذره وياود البيك الجماعه فى الصوره من اليمين كالاتى: مهدى الاسد, ماهر عوض الكريم واقفا, الصوره ماواضحه لكنى اعتقد انه عبدالماجد صديق, بهاءالدين,مجدى جادكريم, عبدالمنعم ابو لفته,عمار عباس,مكى الصوفى, واخيرا على حسن ولا ريكم شنو



سلامات يآآبن هارون ..
نحن شربنا شربوت وقلنا مدثر حسن ؟؟
تجي إنت تقول لي أحمد قسم الله ؟؟؟
الجاب أحمد قسم الله شنو لي ماهر عبد الله؟؟؟
يظهر المولاص أخد مفعوله ...؟

[imported_الجيلي عبد الله الريح]

الأخ أبو داؤد ... أن شاء الله حجه مبروكه
وندعوه سبحانه وتعالى أن يجعله حجا مبرورا وذنبا مغفورا ..
تحياتي

[imported_الجيلي عبد الله الريح]

اقتباس:
المشاركة الأصلية كتبت بواسطة أسامة الكاشف
الأحباب الأسايطة
كل سنة وانتو طيبين/تامين/لامين وسعيدين
عدنا من رحلة عيد صغيرة للبلد
الناس بخير إلا العيشة صعبة
ربي يعينهم ويرفع عنهم البلاء والابتلاء

مرحب ود الفكي نورت البوست
وعوداً حميداً يا مكي
[flash=http://www.youtube.com/v/UdSoAdHq2uU?fs=1&hl=en_GB" type="application/x-shockwave-flash" allowscriptaccess="always" allowfullscreen="true" width="480" height="385">]WIDTH=350 HEIGHT=400[/flash]

أنا من قبيل حاسي إنوالمنتدى ديه فيه زول ماكل ليه باسطه من الشانزليزيه في ودأزرق ..؟؟؟ وشكلو كده جاي كداري من المكتبه الوطنية بعد ماإشترى ليه مجموعه جرايد وفك ليه ريالات في السوق الكبير وقال أحسن أتمشى شويه من السوق للبيت عشان نشوف الحاصل شنو ؟؟
ود الكاشف حمدا لله على السلامه ومرحب بيك ..

[imported_أسامة الكاشف]

الجيلي يا حبيب
تسلم

مدني منوره بي ناسها
رغم صعوبة العيشة

وبتسلم عليك حجر حجر

[imported_Wad Elbeck]

كانت لنا أيام ...

هذه اللمه الجميلة كانت بمدينتنا العامرة ودمدنى ..
المناسبة كانت زواج شقيق الأخ والزميل عصام محمود حسن ..
يا لها من أيام ..

[imported_ودالفكي]

العزيز ودالبيك تعال يا اسمر يا جميل

البت جضمت الاغنيه تقول مولوده في حي دردق

اسعفنا بالاسماء ياحبيب العيون فيها

الصوره روعه بس هس الصيوانات بقت اووووو...

[imported_Wad Elbeck]

اقتباس:
المشاركة الأصلية كتبت بواسطة ودالفكي
العزيز ودالبيك تعال يا اسمر يا جميل

البت جضمت الاغنيه تقول مولوده في حي دردق

اسعفنا بالاسماء ياحبيب العيون فيها

الصوره روعه بس هس الصيوانات بقت اووووو...



ود الفكى .. سلامات ..
هذه الصورة كانت فى العام 1984 "على ما أعتقد" .. وفى تلك الحقبة الزمنية كانت صيوانات كزّام وأفراح الشمالية هى المسيطرة على ساحة المناسبات بحلوها ومرها .. وهم أول من أدخل خدمة تركيب الصيوان مما أراح أيادى الشباب مما كان يصيبها من بُقاق وتقرحات جراء عملية الحفر بالعتلة ..
طبعاً قبل ناس كزام فى مدنى كان فى عمك محمد خليل الشامى هو المسيطر على الساحة لكن الجماعة ديل أكلوا منه الجو ..
مؤخراً ومن خلال فيدوهات المناسبات التى تصلنا فى بلاد الغربة، أذهلنى كثيراً شكل الخيّم المسقوفة والزينة المبهرجة .. غير أن عقارب الذاكرة لدى ما زالت متوقفة عند العام 1992 حيث تركت السودان .. حيث صيوانات كزام .. الكراسى ذات السيور البلاستكية .. صحون الكوكتيل الورقية والتى عادةً ما تحوى على سلطة الأسود .. قطعة لحمة .. عدد واحد طعمية .. قطعة خيار مخلل .. بيضة مسلوقة .. وقطعة صغيرة من الباسطة ..
وما زال الليلُ طفلٌ يحبو ..

الموجودون فى الصورة من يمين الشاشة هم الإخوة:
مكى الصوفى، عمار عباس، عبد الماجد صديق، ثم محمد سيدأحمد (ودالبيك) ..وهم جميعاً من دفعة زراعة المتخرجة فى العام 1987 ..

[imported_Abood]

اقتباس:
المشاركة الأصلية كتبت بواسطة Muawia Elzaki
العريس : حذيفة الخواض (شغلو الذاكرة)
الزمان : الجمعة 26.11.2010
الدعوه : عشاء
المكان : نادى المستشارين القانونيين - غرب مركز عفراء

نتمنى تجمع أكبر عدد من الاسايطة المتواجدون بالخرطوم



[frame="1 80"]
الف الف الف مبروك حذيفة الخواض
بيت مال وعيال
نتمني لكما حياة زوجية سعيدة
[/frame]

[imported_ودالفكي]

يا ناس الخرطوم ما اكدتو لينا

نقول مبروك للعريس لحين نشوف الصور

نتمني لك حياة زوجية سعيدة يا حبيب مع عروستك

[imported_Wad Elbeck]

يا صعايدة سلام ...
البيت ده صانّى كده مالو!!
يا ربى الناس دى مشت تقبض البريزة ولا شنو!!

[imported_ودالفكي]

العزيز ودالبيك عام هجري جديد ملئ بالعمل والانجازات

الصعايده اتمني ان يري المنتدي لقاءات كبيره حتي يعم الترابط اكثر

ود البك هل سمعت ب بشير كوكو كولا yes

ونحن في البنك لاستلام البريزه عمك البوليس بينده في الاسماء

نادي اخونا في تربيه بشير كوكو لايس الز حاجه انو بشير متابع كويس


يا جماعه اظهرو كباشي وكمتور كل عام وانتم بخير

[imported_Wad Elbeck]

اقتباس:
المشاركة الأصلية كتبت بواسطة ودالفكي
العزيز ودالبيك عام هجري جديد ملئ بالعمل والانجازات

الصعايده اتمني ان يري المنتدي لقاءات كبيره حتي يعم الترابط اكثر

ود البك هل سمعت ب بشير كوكو كولا yes

ونحن في البنك لاستلام البريزه عمك البوليس بينده في الاسماء

نادي اخونا في تربيه بشير كوكو لايس الز حاجه انو بشير متابع كويس


يا جماعه اظهرو كباشي وكمتور كل عام وانتم بخير



هههههه ...
قلت لى كوكو إتحوّل بقدرة قادر إلى كوكوكولا .. شئ عجيب ..
تعرف يا ود الفكى برضو من الأسماء الكانت مجهجه ليك المصريين إسم أخونا الجيلى عبدالله الريَّح .. حيث كانوا ينطقون الريَّح وكأنها الريح (التى جمعها رياح) ..
لك ولكل الأسايطة أجمل الأمنيات بعام هجرى جديد مبارك ..

[imported_ودالفكي]

الاخ د.محمد احمد هرون

السلام عليكم زرنا كنانه الجمعه 10 ديسمبر كما وعدتك وسالت منك وقالو سافرت علي العموم لو زرت كوستي قول لينا عووووك تحياتي ليك وللاسره

تحياتي لناس اسيوط بكنانه مهندس ابوبكر حسب الرسول وغيرهم....

وكل عام هجري وانتم بخير