*** مصطلحات عامّية سودانية ***

[فيصل سعد]

[QUOTE=شبارقة;87332]وأنا أضيف ليهن : زنقة كلب في طاحونة

المشاركة الأصلية كتبت بواسطة Babiker Mukhayer

المندولا وغرب السودان والغبش وأهلي،،، بالغتا وتجي تقول ليا: المندلين.
يا أخي إحنا العود ما لينا فيهو وحتى الربابة والطنبور جونا مع الجلابة

لقد ذكرت يا حبيبنا ود مخير قبل فترة إنو هناك مطعم في لندن إسمو الماندولا ولذلك تبادر إلى الذهن إنو الماندولا لها علاقة بالطعام لكن قلنا نزعلكم شوية بالإتفاق مع فيصل سعد عشان تجونا وتردوا علينا .. وشكراً على التوضيح

مية مية يا ود عمك ، عرفتليو تمام مخير؟؟ و اهو الشرك صاد تمام التمام..

[شبارقة]

المشاركة الأصلية كتبت بواسطة Babiker Mukhayer

المندولا وغرب السودان والغبش وأهلي،،، بالغتا وتجي تقول ليا: المندلين.
يا أخي إحنا العود ما لينا فيهو وحتى الربابة والطنبور جونا مع الجلابة
المهم المندولا بمفهوم المكان: مطعم في قلب مدينة لندن؛ وحسب أهل الغرب هي إناء مربوط بالطعام
ودا السبب الخلى سيد مطعم المندولا يسميهو بلإسم دا، لأنو أصولو من غرب السودان.
على آي حال من يرى غير ذلك!!!! ممكن ليهو أن يغير وعهد مني أني ما بكون متحير ولا متغير

لقد ذكرت يا حبيبنا ود مخير قبل فترة إنو هناك مطعم في لندن إسمو الماندولا ولذلك تبادر إلى الذهن إنو الماندولا لها علاقة بالطعام لكن قلنا نزعلكم شوية بالإتفاق مع فيصل سعد عشان تجونا وتردوا علينا .. وشكراً على التوضيح

[شبارقة]

المشاركة الأصلية كتبت بواسطة فتحي مسعد حنفي

5- الماروق هو السماد (السماد الطبيعي ..روث البهائم ..بلا مؤاخذه)
4- ام مالبينا هو جزء من معدة الخروف يستعمل في الطبخ (وقد تكون رحم إناث البهائم .. وقد تكون الضرع كذلك)
3-الرقراق هو الظل (خطأ)
1- النفاج هو فتحة (هو فتحة فعلاً ولكن ....ويمكنك الرجوع للصفحة السابقة أو التي قبلها) في الحائط لتصريف ماء المطر
2- السلباية أو الخلالة هو مسلة خشبية تستعمل في المشاط (خطأ)

حمداً لله على السلامة وعوداً حميداً يا إبن النيل .. إفتقدناك كثيراً

تجد تصويبي باللون الأحمر أعلاه ..نديك 50 % ..وندي فرصة لغيرك .. وشكراً

[شبارقة]

المشاركة الأصلية كتبت بواسطة Babiker Mukhayer

حلبي : أول ناس لونهم أحمر يدخلوا السودان في ذاك العهد كانوا من مدينة حلب بسوريا ولذلك أصبحت تطلق حتى يومنا هذا على كل ذي بشرة حمراء في السودان
جلابي : ممكن نسأل عنها باقان أموم
أهل ود العوض : جاءت حديثاً من الفكاهي/ محمد موسى ويقصد بيها العروب (عرب الجزيرة)
فريق فنقر : PASS
الحواتا :صيادي السمك ... وهناك قرية في السودان تسمى الحواتا
مايرنو: قرية بالقرب من سنار
المسالمة : لي في المسالمة غزال
سلافة : يا سلافة الفن ولهفة البتمنا يا هدية من الله والله بدي الجنه
والسالفاب : ود سالفاب البنعرفها قرية بالقرب من الحصاحيصا ..وذكرتنا المرحوم المبدع/ مصطفى سيد أحمد

عمنا ود مخير إن شاء الله ما تتحير ...تجد تعليقي باللون الأحمر أعلاه ..

[شبارقة]

المشاركة الأصلية كتبت بواسطة فتحي مسعد حنفي

- السلبابة أو الخلالة هو مسلة خشبية تستعمل في المشاط

ههههههه مسلة خشبية؟ شعر ده ولا دُباره؟ أظنك قاصد المخرز والمخرز من المعدن ولكن مخروز في قطعة خشبية

وفعلاً السلبابه أو الخلاله لها علاقة بالنسوان (علاقة بالثياب بالذات) أها يطلعوا شنو؟

[شبارقة]

جيناكم ..وهاكم إلى أن نلقاكم :

1- التندل (بكسر التاء)

2- البتاب (ضم الباء)

3- القرهاب

4- الشلاتيت

5- يقولون في المثل البلدي : أندمس في وطاتك (أها دي كناية عن شنو؟)

6- يقولون في المثل البلدي : أضان الحامل طرشا (أها قاصدين شنو والمناسبة ذاتا شني ولشنو؟)

[فيصل سعد]

المشاركة الأصلية كتبت بواسطة شبارقة

جيناكم ..وهاكم إلى أن نلقاكم :

1- التندل (بكسر التاء) PASS

2- البتاب (ضم الباء) PASS

3- القرهاب PASS

4- الشلاتيت PASS

5- يقولون في المثل البلدي : أندمس في وطاتك (أها دي كناية عن شنو؟) يعني روق في علبك..

6- يقولون في المثل البلدي : أضان الحامل طرشا (أها قاصدين شنو والمناسبة ذاتا شني ولشنو؟)

يعني صهين ، و انسى و سلفني البينسة..

[أشتر]

المشاركة الأصلية كتبت بواسطة فيصل سعد

يعني صهين ، و انسى و سلفني البينسة..

دا لو عندو بينسة يسلفك ليها ...

وصاحبك يا فيصل ... الثرو باص يخلو ليهو ... لمن يدق في المدرجات الشمالية
بالغت لكن ...
ما قلتو .................


اها الكنيزر يطلع شنو ...
وفجأة كدا أم بوقبوق ههههههه

[همس الشوق]

ازيكم يا ناس التكل

مالوا الليلة مضللللم كدا

جبت رتينتي وجيت ............

[شبارقة]

المشاركة الأصلية كتبت بواسطة شبارقة

1- التندل (بكسر التاء) : كوم كبير من الجالوص المتهدم والمتراكب فوق بعضه..... وكانوا يقولون : فلان ده تندل سااي (كناية عن الخمالة واللطاخه وقلة المرؤة وهكذا )

2- البتاب (ضم الباء) : الغطاء الذي يحمي قندول الذرة وكل الحبوب مثل القمح والشعير و..إلخ

3- القرهاب : الحوجة الشديدة

4- الشلاتيت : الملابس المهترئة والممزقة

أديناكم زمن كافي وزيادة وحصل الجميع على صفر من 4 (قديتو كلكم ) عشان كده حليناها ليكم بالأحمر ونشوفكم في الجايات إن شاء الله.... وما ح نكتر المحلبية ولا السرتية

[شبارقة]

- السلبابه أو الخلاله : هي الطرف من التوب الذي يوضع في الكتف عندما تلبس نساؤنا التوب .. وتياب زمان تختلف عن تياب هسع ... ويا حليل السلبابه أو الخلاله مع تياب الربط
- الرقراق : أشعة الشمس البتدخل رواكيبنا و أوضنا وقطاطينا ...من فتحات صغيرة ..(ظنيت سعد الدين إبراهيم وأبوعركي كانوا قاصدين الرقراق)



أديناكم زمن كافي ونسيناكم كمان ...وبرضو قديتو كلكم ..ويلا صفقوا كلكم ... وتجدون الحل باللون الأحمر ... ونرجاكم قدام

[منال]

المشاركة الأصلية كتبت بواسطة شبارقة

- السلبابه أو الخلاله : هي الطرف من التوب الذي يوضع في الكتف عندما تلبس نساؤنا التوب .. وتياب زمان تختلف عن تياب هسع ... ويا حليل السلبابه أو الخلاله مع تياب الربط
- الرقراق : أشعة الشمس البتدخل رواكيبنا و أوضنا وقطاطينا ...من فتحات صغيرة ..(ظنيت سعد الدين إبراهيم وأبوعركي كانوا قاصدين الرقراق)

مصطفى برضو غنى ادفقى ما تبقى رقراق ابقى يا ضل يا شمس يعنى شنو يا شبارقة


أديناكم زمن كافي ونسيناكم كمان ...وبرضو قديتو كلكم ..ويلا صفقوا كلكم ... وتجدون الحل باللون الأحمر ... ونرجاكم قدام

فا تتنى حاجات كتيرة خلاله و سمعت بيها بعملوها للسخلة من الخشب فى فكها عشان ما ترضع امها و يلقو لبن شاى الصباح شاهى بى لبن غنم
تخريمة
التوب ذاتو خلو يا عمنا و ربط و لا تعب

[بابكر مخير]

على من؟؟؟؟؟؟ يطلق:
الغبيان
السجمان
الرمدان
البغران
الطبرا
العرا
الدلاها
الكآآآآآآواي
شجرة المزاح

في أي الحالات تستعمل التعابير هذه في غير معناها الأصلي
الحمام
اللمام
تباري الجداد يوديك الكوشا
الجكس
فردا
عينا
شرط

[شبارقة]

المشاركة الأصلية كتبت بواسطة منال

فا تتنى حاجات كتيرة خلاله و سمعت بيها بعملوها للسخلة من الخشب فى فكها عشان ما ترضع امها و يلقو لبن شاى الصباح شاهى بى لبن غنم
تخريمة
التوب ذاتو خلو يا عمنا و ربط و لا تعب

[align=justify]هههههه ... ...الخلاله أوالسلبابه التي أقصدها هما الإثنين إسم لشئ واحد هو ما تم شرحه أعلاه ...و الخلاله التي ذكرتيها هي أيضاً صحيحة ... وشهيتينا شاي لبن الغنم والضان ..ذلك الشاهي التقيل الذي قال فيه أحد الظرفاء : سيدي الحسن أب قبةً لالايا ... أكتب لي حجاب لي فاطنه بت التايا ...الشاهيها التقيل الفرطق الكبايه

أما التوب الخلوها ده فزمان لما كنا طلبه في واحد كتب قصيدة حلمنيشية أثارت بعض الجدل قال في جزء منها:

وأختاري توب شفاف تمسو الليد وما يشوفو البصر
والتوب زاتو أرميهو بعيد .. التوب خسار التوب بزار ما بتاع عمل و التوب زمان راح وإندثر
بالشارلي بالماكسي بالإسكيرت بالميني الخطر
بي جكسا في خط ستة ...جكسا في خط خمسة ..جكسا في خط الصفر

وهذا الكلام كان قبل عصر العولمة .... فأين نحن وزمن زمان .... النسى قديمو تاهـ [/align]

[شبارقة]

المشاركة الأصلية كتبت بواسطة Babiker Mukhayer

على من؟؟؟؟؟؟ يطلق:
الغبيان
السجمان
الرمدان
البغران
الطبرا
العرا
الدلاها
الكآآآآآآواي
شجرة المزاح

في أي الحالات تستعمل التعابير هذه في غير معناها الأصلي
الحمام
اللمام
تباري الجداد يوديك الكوشا
الجكس
فردا
عينا
شرط

[align=justify]عمنا ود مخير الخلانا نتحير ... الكلام الفوق داك حقنا هو كلام حبوباتنا و بنعرفو إلا الطبرا دي شني؟ ما عرفتها.. وشجرة المزاح هل المقصود بيها كثير المزاح؟
أما الكلام التحت داك فخلينا نسأل عنو المساعديه والشماشة في السوق العربي [/align]