ود مدني

[شبارقة]

المشاركة الأصلية كتبت بواسطة رأفت ميلاد

.. أما أنا إتحكرت فى قلب الشبارقة .. دفعتنا كتير من الشبارقة فى المدينة عرب الوسطى ومدنى الثانوية .. وفى واحد شيوعى ناسى إسمه .. لكن بكوسه ليك .. فى المناسات الوطنية كان بتدسى عندنا فى بركات من الإعتقال ..

[align=justify]شكرا ً عزيزنا رأفت

شرّفتنا اليوم بمعرفتك بالشبارقة ... (ومن يوم الليلة تاني ما ح ألبد ليك في مداخلاتك )

طبعا ً كبري حنتوب عمل على ربط بورسودان وكسلا والقضارف ومشروع الرهد الزراعي وقرى شرق النيل بمدينة ود مدني ..

15 كيلومتر من حنتوب تجيك العريباب و 10كم من العريباب تجيك الدناقلة و5كم من الدناقلة تجيك المغاربة و5 كم تاني وتجيك الشبارقة ... ولو قطعت البحر بالمركب من الشبارقة بتنزل في الشـُكـّابة (ناس حبيبنا / طارق كانديك) ومنها إلى أم سنط ومارنجان (حلة حسن) .. يعني مدني رمشة عين بالمركب ... هناك كبري مقترح حاليا ً ما بين العريباب ومدني ... زمان أهلنا بينقلوا الخضروات والفواكه إلى مدني عن طريق المراكب والحمير .. وأحيانا ً من المركب إلى مدني بالعربات (كانت هناك عربية واحدة فقط للمرحوم الأمين علي جراد بالشكابة). [/align]

[شبارقة]

المشاركة الأصلية كتبت بواسطة رأفت ميلاد

لكن مش فى شبارقة غرب كمان ؟

[align=justify]هناك شبارقة واحدة فقط وهي شرق مدني على النيل الأزرق

كثير من الناس يخلطون ما بين الشبارقة والبشاقرة (البشاقرة بالقرب من الخرطوم وهما قريتان ... البشارقة شرق والبشارقة غرب) كما أوضح أخونا أبو خليفة.

يا بابكر عباس ... إنت البوست ده عن مدني ولا ّ عن الشبارقة [/align]

[شبارقة]

المشاركة الأصلية كتبت بواسطة أبو خليفه

حاشية :
شبارقه (محمد شبارقه الفنان قريبك ولا ود حلتكم بس ) عشان لو قريبك عندنا معاك كلام بعدين

[align=justify]قريبي بالحيل ....

وما عندك أي مشكلة ...لو عندك حفلة ح نخش ليك واسطة ونعمل ليك ديسكاونت معتبر [/align]

[أسامة الكاشف]

تعظيم سلام لي بابكر وكل ضيوفه
(بعضهم بقى سيد بيت عديل ولا شنو يارأفت)
هناك وجه آخر للمدينة
الإبداع
رابطة الجزيرة للآداب والفنون
شعرائها الكبار محمد محي الدين، محمد الفاتح، عادل عبد الرحمن ، عبد العظيم عبد القادر وغيرهم
قصاصها: أحمد الفضل ، مجدي النعيم ، خالد عايس ونقادها مجذوب عيدروس ، علي مؤمن ومحمد عز الدين
وتشكيليها علما، خالد كودي، صلاح سليمان، اسماعيل عبد الحفيظ، الشهيد طه يوسف عبيد، محمد عبد النبي، والأروع بشير زمبة وكثيرين
مكتبات الرصيف التي تظللها أشجار الزونيا
حديقة وقيع الله وجنينة كعكاتي (دي غايتو رأفت بعرفها ذي جوع بطنو)
نادي الاتحاد ومكتبة الفجر والمكتبة الوطنية والسينما الوطنية
نادي الخرجين والسينما الخواجة
الأعهلية أ وب وميدان بانت
كلية المعلمات والإدارة المركزية (الحتة دي بقت تخوف يا كانديك)
أم سويقو والعشير
ود أزرق جوهرة البلد
محمد سيد الطعمية (الله يرحمه) أبو التاج طعمية
ركن بيتنا ولمة العصرية
برش الصلاة في الشارع
مدرسة البندر وأولاد دفعتنا
حيدر عابدين وخضر قسم السيد وبدر الدين النو
والناس القدامنا
ابوزعبل وعادل فاندقس
دكان ابراهيم سعيد ومحمد أحمد سيد اللبن
لمة البنات في عصرية رمضان
(شمش قمر نجوم باليل)
نادي الفناني أبو الأقوان والحردلو وابوالكيلك ومحمد سلام
شارع اتجاه واحد والصائم ديمة واستوديو الساعة
مدني تداعي لا ينتهي
شكراً بابكر عباس

[مي هاشم]

سلام كل الشباب

شبارقة (بالجد عندنا حنة شهر 12..من هسي حاجزين)



اسامة الكاشف
عندنا نسب مع ناس محمود الكاشف..ساكنين حي الدرجة..من اول يوم سألت عنك قلت يمكن قريبيهم..
عندك بيهم علاقة ولا اسم ساي؟؟

تحياتي

[أسامة الكاشف]

العزيزة مي
سلام
عمي أخو أبوي لزم
أولاده عبد العظيم، محمد، هشام، سهير ، سمر، سحر
ساكنين في الحوش
الطلع منو
د. حسن كاشف
مدير مستشفى أم درمان
مقابل مدرسة الجزيرة ابوبكر
(قصرت معاك.. )

[مي هاشم]

المشاركة الأصلية كتبت بواسطة أسامة الكاشف

العزيزة مي
سلام
عمي أخو أبوي لزم
أولاده عبد العظيم، محمد، هشام، سهير ، سمر، سحر
ساكنين في الحوش
الطلع منو
د. حسن كاشف
مدير مستشفى أم درمان
مقابل مدرسة الجزيرة ابوبكر
(قصرت معاك.. )

ما قصرت

طلعنا نسابة..أخوي معاذ متزوج سمر
وانا سكنت معاهم سنتين في الامارات
وعمك د.حسن جارنا هنا في الصافية

والله فرصة سعيده
واذا جينا مدني بسأل منك عشان الاقيك

مودتي

[أبوبكر عباس]

مرحب بكل الاحباب
و البوست مفتوح ما زى بوستات خالد الحاج!!
الدايرنو قولوهو...

تعرفوا علاقة الشبارقة برافت ميلاد شنو؟

ناس الشبارقة بهربوا القماش و السجائر عبر البطانة و الاقباط في مدني هم البصرفوا البضاعة..

حا ارجع للمداخلات من غير نظام..

سوف أقوم برشوة اسامة الكاشف بقصيدة عشرة لوحات للمدينة و هي تخرج من النهر لمحمد محي الدين في رثاء المرحوم طه يوسف عبيد
عشان يقيف معاي في البوست أو على اقل تقدير نحيدوا!!

[أبوبكر عباس]

المشاركة الأصلية كتبت بواسطة رأفت ميلاد

كدى نشوف آخرة بابكر قبال إحتلال البوست .. الزول من مواليد مدنى .. يكون شيخ الجيلى قريبه ولا شيخ أبوزيد .. يصقعنا بى فاتحة

صحيح شيخ أبو زيد رجل بر و إحسان لكن الشياخة بتاعتو جاتو من التجارة و على ما أعتقد كان شيخ الجزاريين
شيخ الجيلي رجل دين و ما بعيد يصقك بالفاتحة عشاني لانو كان صديق شخصي لجدي لوالدتي الشيخ الطيب أبو قناية..

تعرف يا رأفت الثقافة الصوفية في السودان قوية جدا وانت متأثر بها بشدة و كان ممكن تدريجا الاقباط ديل يتحولوا للاسلام الصوفي لو لا المهدية و الانقاذ...
يعني انت لو لا الانقاذ اولاد اولادك كانوا حا يتحولوا للصوفية من غير ما تشعروا...

طفيلية نشاة ام درمان ما ناسيها

[أبو خليفه]

شبارقه أزيك ياااااااااخ
نشكرك على الدنسكاونت
لكن بجيك برواقه الشغله شي تاني ..

المشاركة الأصلية كتبت بواسطة شبارقة

[align=justify]
البشاقرة (البشاقرة بالقرب من الخرطوم )
[/align]

هنا مظبوطه 100%

المشاركة الأصلية كتبت بواسطة شبارقة

[align=justify]
(البشارقة شرق والبشارقة غرب)
[/align]

لكن والله هنا كوجنتها كوجان .. سطها بعود مره واحده

[شبارقة]

المشاركة الأصلية كتبت بواسطة أبو خليفه

شبارقه أزيك ياااااااااخ
نشكرك على الدنسكاونت
لكن بجيك برواقه الشغله شي تاني ..

هنا مظبوطه 100%

لكن والله هنا كوجنتها كوجان .. سطها بعود مره واحده

[align=justify]العتب على النظر ... أصلو يا أخوي الكـُبـُر حصل ... فتشابكت موجاتنا القصيرة والطويلة (العاملة منها والغير عاملة ) [/align]

المشاركة الأصلية كتبت بواسطة أبو خليفه

شبارقه أزيك ياااااااااخ
نشكرك على الدنسكاونت

[align=justify]أها ... قول واحد

واحدة بواحدة ... ما برانا [/align]

[شبارقة]

المشاركة الأصلية كتبت بواسطة مي هاشم

شبارقة (بالجد عندنا حنة شهر 12..من هسي حاجزين)

[align=justify]أنا لي فترة خارج السودان (ممكن تقولي رحلة فنية ) ... لكن ما عندك مشكلة ... الحجز معتمد ...وح نصدح ليكم ملح سااااااي [/align]

[أبوبكر عباس]

اختار المهدي وخليفته، ود الصوفي أميرا على المنطقة التي تقع بين قرية الرميلة جنوب غرب الخرطوم حتى سنار واتخذ ود الصوفي من ود مدني عاصمة لولايته. وقع على عاتق ود الصوفي مسئولية جمع المون و المحاصيل من صغار الزراع لاعاشة جيوش المهدية المعسكرة بأم درمان مما حدا بكثير من المزارعيين ترك حياة الاستقرار و الزراعة تفاديا لهذا التعسف و الانضمام للجهادية. كانت ود مدني في تلك الفترة مصدر التمويل الاول للجهادية بأم درمان (القصة دي لي هسع مدورة، من المحاصيل لحدي لعيبة الكورة).

[مي هاشم]

المشاركة الأصلية كتبت بواسطة شبارقة

[align=justify]أنا لي فترة خارج السودان (ممكن تقولي رحلة فنية ) ... لكن ما عندك مشكلة ... الحجز معتمد ...وح نصدح ليكم ملح سااااااي [/align]

يا ناس
كلكم معزومين يوم12\12 حفلة في الصافية شارع النقطة بشبارقة

وناس مدني اساسيين

شكرا يا شباؤقة ياخ


اخونا بابكر
التحية ليك..

[أبوبكر عباس]

المشاركة الأصلية كتبت بواسطة شبارقة

[align=justify]
مدني هي كل شئ ..لنا ولكل السودان .. هي قلب مشروع الجزيرة ... هي مولد الإبداع السياسي والعلمي والثقافي والرياضي والإجتماعي ... إلخ (وسنظل نردد هذه الأسطوانة بنشوة ونحن نتمايل طربا ً معها وهو ترديد يختلف عن ترديد الأسطوانة المشروخة لأن الأسطوانة المشروخة تصيبك بالملل والكلام عن مدني يبعث فيك الحياة والأمل) [/align]

شبارقة كيف حالك؟
ياباني جاء ماشي بشرق الجزيرة مع واحد سوداني لقوا ليهم ناس متجمعة سأل السوداني: ديل بسوا في شنو؟
السوداني: بصلوا في صلاة الاستسقاء
الياباني: طيب القطعناهو بالبنطون هسع دا شنو؟
السوداني: النيل
الياباني: طيب هسع الناس ديل بالمعلقة ما بقدروا يسقوا زراعتهم من النيل دا؟!!

يا شبارقة المساحة المروية بواسطة سنار أكثر من 2 مليون فدان دا غير الاراضي العندكم بالشرق و الناس جيعانا و مشردة!! ابداع شنو؟؟ ما في اي ابداع....لا سياسي.. لا علمي..
بعدين ابداع رياضي وين؟ كل 25 سنة بنهزم الهلال مرة واحدة و السبب هو الفقر و كل ما يكون عندنا لعيبة كويسين يجوا ناس الهلال و المريخ يفرتقوا لينا التيم..
عليك الله شفتا ليك زول جيعان مبدع؟!
وريني اي فنان بعد الجيل الاتنعم بخير الانجليز (الخير دا استمر لحدي بداية السبعينات) اضاف اي شئ للاغنية السودانية...
يا أخي دا مجرد اجترار بس..