قهوة النشاط !

[rubs]

المشاركة الأصلية كتبت بواسطة نزار حسن علي

ابوالوجاهة والمكمل القيافة
ابوامانى
كيتنا علي الحساد وام عيونن حمر كمان
يا سيدي انت في زيك هن عارفين كده نهايتن حا يقولوا تلحقنا يا ابواماني
ربويه
نهارك قشطه عديل كده
شفتي معزتك غاليه كيف جبنا ليك نكته من بيت الكلاوى عشان ترضي عنا يا جميل
النكته

قالوا بنت متزوجه راجل قيافة جدا جدا وقاعدين مع امها وحبوبته قامت امها عجبه راجل بتها كل مرة البنت تجي داخله لامها تلقي راجله ماسك يد امها ومتلصق فيها وكل مرة تسال امها ده شنو امها تقول ليها يا بت دة علاج اقفلي الباب وتكرر الموقف كم مرة في النهايه مشت لحبوبته قالت ليها شوفي امي بتعمل في شنو كل ما اساله تقول ليه ده علاج حبوبته قالت ليها خلاص انتي وامك اتعالجوا وخلي حبوبتك تموت

ودقي يا مزيكه

اهاهاههاهاها والله دى رهيبه ..كسرتنى عديل كدا ..انت بتجيب النكت دى من وين بيت الكلاوى بتاعك دا ما بقى مخزن ومافيه ولا كليه ... والله يا نزار انت ظريييييف بس اكان ختيت جنس ناس ابو امانى ما بتجيك عوجه تب

[نزار حسن علي]

سيد الجمال والسعاده والفرح
صباحك عسل ووليداتك وكل الحولك عالم من الجمال والفرح
يا سيدي الحريم ديل شايفن ما عايزات يقعدن في الواطة راكبين راسن لكن انت عارف براهن بقولوا الروووووووب ويا ابواماني تلحقنا من الورطنا نفسنا فيهو
يجوا عايدين ناس تحفه والباقين يا الله
ربويه
صباحك عسل
خليك خفيف علي نزوري
نكته الصباح
قالوا دينق عامل مشكلة في البيت مع مونيكا شكله رهيبه طلع من البيت زعلان ركب تاكسي قام بتاع التاكسي سالوا ماشي وين قال لبتاع التاكسي انا مونيكا ما قلت ليها ماشي وين اقول ليك انت
ودقي يا مزيكة

[rubs]

المشاركة الأصلية كتبت بواسطة نزار حسن علي

سيد الجمال والسعاده والفرح
صباحك عسل ووليداتك وكل الحولك عالم من الجمال والفرح
يا سيدي الحريم ديل شايفن ما عايزات يقعدن في الواطة راكبين راسن لكن انت عارف براهن بقولوا الروووووووب ويا ابواماني تلحقنا من الورطنا نفسنا فيهو
يجوا عايدين ناس تحفه والباقين يا الله
ربويه
صباحك عسل
خليك خفيف علي نزوري
نكته الصباح
قالوا دينق عامل مشكلة في البيت مع مونيكا شكله رهيبه طلع من البيت زعلان ركب تاكسي قام بتاع التاكسي سالوا ماشي وين قال لبتاع التاكسي انا مونيكا ما قلت ليها ماشي وين اقول ليك انت
ودقي يا مزيكة

رووووب ..روب شنو ؟؟ والله الا ملاح روب قصدك ...يا نزار يا ود امى عليك الله امشى اتوضاء وصلى ليك ركعتين واترض ناس ابو امانى وشلتهم المزعومه عشان تعيش بى سلاااام وافهمها دا تهديييد عدييييييييييييييييييييل كدا ولا ازر وايز موضوعك بايظ

[نزار حسن علي]

الفايت الناس قيافة
مساءك جميل يا فن يا هندسة
تحفه حواء
لا لقيناك وفرحنا لا نسيناك واسترحنا
ربويه
تهديد عديل كده ما غريب عليكم الارهاب ده عاملين مشاكل مع ثمانية دول بجواركم منكم خوفه عديل كده شئ ارهاب وشئ تهديد وشئ محايات وكتابه ورتن رهيب نقول شنو زي ما بتقول ست الحبايب ده حال الدنيا يا بتي استغفري وقولي يا لطيف شوفي انا عندي معاك شرط واحد بعد كده بسمع كلامك بس قولي والله العظيم ابواماني ده لا وجيه ولا قيافة ايه رايك منتظر ردك يا جميل عندي ليك نكته كاربه بكرة انشاء الله
ودقي يا مزيكة

[أبو أماني]

[frame="7 80"]

المشاركة الأصلية كتبت بواسطة AMAL

انا جييييييييت

مشتاقين ياجميلات القهوة ونوارات سودانيات

اما الباقين

فابقوا معنا لاننا بنسخن وكدا

شليل
كما كت بالله
زح لينا شوية من ابو اماني دا

[/frame]

*****
هوي .. هوي .. اللابتين جووه ديل .. أبو المجتبى .. شليل .. شبارقة .. قيقراوي .. هوي يا قيقا وشبارقة كدي عليكم الله بناتكم العاجبات العالم ديل مسكوهن أماتن.. وتعالوا لينا مارقين جاي .. ما تخافوا .. والله الحبة ما بتجيكم .. ما تشوفوا هرشة ناس شنكبة عنكبة ديل .. والله هرشة عتوت قدام مرفعين .. قال بتسخن قال .. ولي هسع لا حس لا خبر .. بتسخني يا إيمولا؟ الرسول هاك ال Heater ده !! مالك بقيتي لي زي تسخاني بتاع الهلال ؟..
هييييع عافي منك أبو أماني .. يا طويل الباع والكف .. أب معجباتن واقفات صف ..وناس تحفة وسارة وأمال قاعدات رف..روبس بعد كل صلاة..تتدعى وتقول يالله من أبو أماني بينا إتلطف وكان لعادل عسوم .. خلاس تاب ورجع لينا سرا .. وبطل الدوران واللف.. وقدام بيت العميد فيصل سعد شفناه وقف .. أها عاد بعد الفارس عدولة ما فتح ليكم .. بتقعوا مننا بي وين؟؟؟ نزار .. أجمع قواتك وأعمل إستاند باي .. ووزع على حسابي لكل رواد النشاط .. بارد وقهوة وشاي .. ومنتظرين .. طلة حبائب حلوين .. بحضورهم الجو يتغيير .. زي ناس المعتصم وود مخيّر ونغني ونقول .. يجوا عائدين .. أحلى وأروع .. جلاكين .. يا الله ... وعلى قولة العزيز نزار .. دقي يا مزيكة ....

[نزار حسن علي]

سيد الوجاهة والقيافة
صباحك خير وفرح وسعاده ورحمه انت وكل المعاك قول يا آميييييييييييييييييييييييييييين
والله الحريم ديل حكايتن حكايه غايتو نهايتن معروفه بعدين عشان كده احسن يفرفروا من هسه لانو بعدين ما في نقاش ولا نقه الشاغليننا بيها دي ولا شنو غصبا عنهم يصنقرن في الواطه ويستغفرن الله ويشوفوا التنشنه بتاعتن دي والقلق طبعا هم بطبعهم وردين قلق يا قلق يا ناس
ربويه
صباحك عسل مشتاقييييييييييييييييييييييييييييييييييييييييييييي ين برجع ليك للنكته وحاضرين تامر يا جميل
مودتي بلا حدود

[معتصم الطاهر]

المشاركة الأصلية كتبت بواسطة أبو أماني

معقولة بس يا معتصم كاتم ده كله في قلبك وساكت ..؟! يا أخي والله تقول إنت ملاك راسو عديل كده !!.. أنا شخصيا متفق معاك في كل ماذهبت إليه .. بس عاوزك توضح لي خفايا الفقرة التالية .. أصلي ما فهمت قصدك ..
[frame="6 80"]* ....


.[/frame]أنتظر على أحر من الجمر .. ولك ودي ...!!!

أديك سرها

أعمل كوتيشن ..

الخمجانات ديل بعرفنها كدا ..
لكن ما مشكلة نحن ما دغيلين زيهن

[نزار حسن علي]

ابوالفرح والسعادة
وين يا راجال يا وجيه وين تلقوا زي دة ابواماني العسل ده كيتن في الحساد والمباريات الفقراء والكتابه وناس السويد ادروب ولوف يا وجيه حنو للبعر تاني الله كريم كمان جابت ليها محنه غنم وبعر
ناس غيب وتعال
وينكم
مودتي بلا حدود

[AMAL]

[motr]شماااااار حارررررر[/motr]

[معتصم الطاهر]

المشاركة الأصلية كتبت بواسطة AMAL

[motr]شماااااار حارررررر[/motr]

هــــــــــاك الغربال ..

[نزار حسن علي]

ناس غيب وتعال
الكلام حصل في امدرمان
قالوا واحدة شغاله لزوجها شغل تقيل كتابه وفقرا ومحايات ما تسمع فكي او دجال تمشي ليهو المشكله انو زوجها مسكين جدا وكمان وجيه وجاهة كان شفتو يا تومات عطبرة ربى وتحفه حواء اولا القصة بدات بالغيرة بتغير عليهو من اي شي المهم الفكي بتاع امدرمان اتفنن فيها يقول ليها الحبشية قالت دايرة خروف ومره غنماية بس ما حصلت جماعتنا بتاعين البعر المهم كملت معاهو كل انواع الحيوانات وبعد كده لما شاف انها ساذجة ومتابعاهو قال ليها الحبشية عايزة ثوب لونه كده وكده وبعد شوية عايزة ثلاثجة وطبعا الغبيانه دي تسمع في كلام الفكي والحبشية دايرة ريحة انواع والفكي متباع الموضة في الثياب وفي الريحة والماركات ومرة ضرب ليها تلفون تسعة مساء قال ليها الحبشية عايزة خاتم فضة ووصف ليها الخاتم ما قدرت تطلع لانو زوجها موجود عندها جارته غبيانه زيها رسلته للفكي مشت سلمتو الخاتم المهم الفكي اخد راحتو معاها اي طلب ما بتقصر والغريبة ما يف اي شي حصل لزوجها يعني وجاهتو وقيافتو وسماحتو زادت زيادة وهي الخوف جننه من قيافتو وكل مرة الفكي يقول ليها شربي الحاجة دي هنا خافت ما شربته المويه البديها ليها الفكي خافت ولما تمشي للفكي تكضب تقول ليهو شربة ونام طوالي
وفي مرة من المرات حدثت المفاجأه
غدا نواصل
ودقي يا مزيكة

[AMAL]

المشاركة الأصلية كتبت بواسطة معتصم الطاهر

هــــــــــاك الغربال ..

مغربل جاهز
بس مابنفتو بالساهل
لما يتلمو الجميلات نقش الكمنجات هنا دا
ونعمل احتفال رسمي
لفت الشماررر الحارررر





بي تحت
ياباش امانة
اضرب تلفون لي الرشيد علي عمر
خليه يحكي ليك نكتة مهندس كنانة
تلاتة يوم بضحك زي المجنونة
في الشارع وفي البيت وفي الكلية

[Nour]

ناس القهوة سلام وامال ازيك وحمدلله علي السلامة
واحد الشمار شنو
اتنين مهندس كنانة مالو

[عمر كبير]

سلام اليقائد الحبيب ابو اماني
سلام كل الشباب الحلاوة من معسكر الصامدين والهاربين هروب تحفة وأخواتها.
رجعنا والشوق دافرنا دفر للمعارك اصلو الواحد فينا تلاتة يوم لو ما لقي ليه شكلة بصدع عديييييل..
دحين وصفوا لي العدو بس وين النلحقو ليكم امات طه..
امال دي ما زمان رفعت راية بيضا اسي جات مارقة من وين
ليهم شهر لابدين..
لكن حجيناك يا ابو اماني وزع شرباتك بس وابشر بالخير

[عمر كبير]

بي تحت
ياباش امانة
اضرب تلفون لي الرشيد علي عمر
خليه يحكي ليك نكتة مهندس كنانة
تلاتة يوم بضحك زي المجنونة
في الشارع وفي البيت وفي الكلية

[/color][/B][/QUOTE]

امال سلامات
شكلنا كدي ح نتصالح لأنك مرقتي من آل البيت ولا معارفهم...
الرشيد ده...لميتي فيهو وين ما تكوني بت عمنا وبنحارب فيك؟؟؟؟؟