خريجو جامعة أسيوط لمزيد من التواصل

[imported_برعى محمد دفع الله]

العزاء للاخ العوض فى خاله ونسال الله العظيم لفقيده الرحمه والمغفره
ياود البك
اخر عهد لى بمولانا احمد كان بالكليه
وارجو ان حصلت على عنوانه ان تزودنى به

[imported_د عباس الرضى]

للعزاء للزول
مع خالص الدعاء للمتوفى بان يرحمه الله ويغفر له وان يلهم اهله
الصبر والسلوان

[imported_البشارى]

المشاركة الأصلية كتبت بواسطة يوسف عبدالله محمد عثمان

( انا لله وانا اليه راجعون ) نسأل الله للفقيد الرحمة و المغفرة و لكم حسن العزاء الهم تقبله قبولاً حسناً .. احر التعازي لك وللاسرة الا العوض ..

اللهم فى ظل ممدود وماء مسكوب انزل غليه شابيب رحمتك واغسله بالماء والثلج والبرد نقه من الخطايا كما ينقى الثوب الابيض من الدنس وانا لله واتا اليه راجعون للفقيد الرحمة ولاله وذويه الصير وحسن العزاء

[imported_يوسف عبدالله محمد عثمان]

السلام عليكم و رحمة الله ..
تحياتنا لكل الاخوان و الشباب يا ود البك .. الصورة دي بتوضح الصورة الاولي شوية كدة ..

[imported_Wad Elbeck]

سلامٌ عليكم ..
فعلاً الصورة دى أوضح من سابقتها ..
لكن الذاكرة مشخشخه شوية ..

[imported_يوسف عبدالله محمد عثمان]

المشاركة الأصلية كتبت بواسطة Wad Elbeck

سلامٌ عليكم ..
فعلاً الصورة دى أوضح من سابقتها ..
لكن الذاكرة مشخشخه شوية ..

سلام عليكم جميعاً ..
و يا ود البك ما اعترفت بشخشخة الذاكرة نقول ليك الاسماء ( لكن يا ود البك شخشخة دي قديمة ناس الزمن ده - زمن الديقتال - ق وليس ج - مابعرفوها ) طيب الجماعة الاربع من اليمين كلهم هندسة - عبد المنعم ابراهيم النافع - ابو حمد مقرات - مجذوب عثمان محمد صديق - الفاضلاب عطبرة - هاشم حسين - اصلا من عطبرة لكن جاء الي اسيوط من قطر - ثم عصام ابراهيم الشهير بعصام مولانا من الصحافة - اما البقية فهم د / عمر محمود - عطبرة - الشهير بعمر الحلبي و اخيرا ابوبكر حمودة من الابيض -بيطرة - تخيل كل هذه الكوكبة غير معلومة الاتجاه عدا مجذوب عثمان فهو في التخطيط العمراني نهر النيل عطبرة -

[imported_يوسف عبدالله محمد عثمان]

المشاركة الأصلية كتبت بواسطة شبارقة

شكرا ً يا يوسف ويا ود البيك على هذه الصورة الأولى لبعض من كوكبة هندسة

طبعا ً أنا حكيت قبل كده عن علاقتنا بناس هندسة وبالذات عبد الحميد علي عبد الله وجوهر آدم الطاهر وأحمد أبو القاسم...والإخوة المشار إليهم بالأرقام في الصورة وهم :

1- قاسم عثمان 2- عصام 3- صديق كاكوم

كنا في ليبيا في التسعينيات وعملنا في منطقة واحدة وتلاقينا كثيرا ً ثلاثتنا (عصام وقاسم وأنا) أما صديق كاكوم فلم ألتقيه منذ تخرجنا

تمام يا شبارقة .. المجموعة كالأتي :-
اولا ومن اليمين : هاشم حسين هندسة- وابو كباية دة باص بعد الاعتذار - ثم صديق كاكوم جلوسا هندسة -ثم سيد متر بيطرة - ويظهر من الخلف ابو قميص كاروهات عبدالمنعم النافع هندسة - القافل فمه ده والله احتمال يكون ياسر تميم او البرلوم نادر عبداللطيف هندسة مع الاستعانة بنجدة اخونا نزار يوسف - ثم قاسم عثمان سعيد و مولانا عصام ابراهيم و مجذوب عثمان محمد صديق -ابوجلابيه - ثم دكتور عمر محمود ..

[imported_Wad Elbeck]

هذه الصورة أخذت فى العام ١٩٨٣ بمنطقة تل العمارنة بمناسبة إستقبالنا كبرالمة ..
الأخ محمد عبدالله جبارة .. يرقد متكئاً فى الصورة كنت كثيراً ما أمازحه بهذه الصورة وأقول ليهو "يا برلوم راقد كده زى حارس المرمى بتاع الروابط" ..
ياود جبارة وينك مختفى ! ..
عساك طيب وبخير! ..

[imported_مكي محمد الحسن]

اقتباس:
المشاركة الأصلية كتبت بواسطة Wad Elbeck



نسأل الله له الرحمة والمغفرة وأن يجعل مثواه الجنة ..
أحر التعازى للأخ العوض وأسرته الكريمة ..



(انا لله وإنا اليه راجعون)
خالص العزاء للأخ الدكتور العوض (الزوول) اللهم ارحم الفقيد والهم آله وزويه الصبر والسلوان

[imported_مكي محمد الحسن]

سلام عليكم يا صعايده
الواحد يغيب ويجي يلقاكم لسع في ( حجيتك ما بجيتك ) بقيتوا زي الحبوبات يا أخوانا إمتحانات الذاكرة دي كويسة والموقع شعاره ( سودانيات للتواصل ) يعني ما للامتحانات والمحن الداخلين فيها دي ..اعتقد المقصود هو ( مابين الأمس واليوم ) مع الإعتزار لإسم البرنامج التلفزيوني السوداني الشهير ( من أجمل ما تقدمة الشاشة وتحول الإسم الي الشاشة 50 مؤخراً) فأرجو الإفادة بالأخبار والتواصل عبرها بالصور (قديمها وجديدها معاً) ...
الاخوة عمر عود وودالنحاسو يوسف مشكورين بالله نشطوا ناس السودان بالتواصل وافيدونا بالاخبار لكم الاجر في المسعي ..
ويا ناس (الخارج) ايضاً.. وزي ما بيقولوا (السكة حديد قربت المسافات - اها الانترنت قرب يخش في النفوس ذاتها ) ...
بعض الإخوة تواصل هنا وإنقطع ثم واصل في مواقع أخري من بينها موقع الفيس بوك ...والكثيرين منهم هناك لهم حساب هنا ..
يلا فتناكم بعافيه ..والعفو والعافيه للجميع
عا أقول ايه !!.. ولا بلاش

[imported_صلاح الدين هجو النحاس]

اقتباس:
المشاركة الأصلية كتبت بواسطة مكي محمد الحسن
سلام عليكم يا صعايده.الاخوة عمر عود وودالنحاسو يوسف مشكورين بالله نشطوا ناس السودان بالتواصل وافيدونا بالاخبار لكم الاجر في المسعي ..
ويا ناس (الخارج) ايضاً.. وزي ما بيقولوا (السكة حديد قربت المسافات - اها الانترنت قرب يخش في النفوس ذاتها ) ...
بعض الإخوة تواصل هنا وإنقطع ثم واصل في مواقع أخري من بينها موقع الفيس بوك ...والكثيرين منهم هناك لهم حساب هنا ..
يلا فتناكم بعافيه ..والعفو والعافيه للجميع
عا أقول ايه !!.. ولا بلاش



لكم التحابا وانحنا فى الداخل -- ------- ما عارف اقول شنو محبط
لكل من فاتنا لهم العزاء واى حاجه حلوه لهم التهنئه

[imported_يوسف عبدالله محمد عثمان]

دعاء يوم الجمعة علي طريقة قناة الجزيرة .. ربنا يجعل سعادتكم (بلا حدود) وعملكم للخير ( سري للغاية ) وطريق الشر في ( الاتجاه المعاكس )و الطريق الصالح ( الشريعة والحياة ) و الملائكة للحسنات ( مراسلون ) و ان لا يكون في عقيدتكم ( اكثر من رآي ) ... ( جمعة مباركة علي الكل )

[imported_أسامة الكاشف]

سلام كارب يا أسايطة
ود البك من غير ما نجهد الذاكرة هاك مداخلة أولى:

وقوف من اليمين: الطيب عبد القادر، مصطفى مركز، يحيى، مجدي جاد كريم، حاتم سلفاب، رمضان الجالية، ود البك
الجلوس من اليمين: المرحوم عمار عباس، كريم، صالح ابوشوك، ود المصطفى، عبد المنعم ابولفته، مكي الصوفي وحارس المرمى محمد جبارة

برجع ليك في الفطيتهم.

تسلموا

[imported_د عباس الرضى]

التحية للاسايطة اينما كانو ولود البيك ومكي وصلاحالدين النحاس ولشاب الذاكرة اسامة الكاشف وادونا الجديد مع القديم لانو بالقديم عايشين في الجديد نحنا الاسايطة لانو كل واحد مرحلة اسيوط بتعني ليهو الكثير الكثير ومازلنا بحاجة لبركات نقد والبروف كمال محجوب وذكريات النميس والتظليل

[imported_د عباس الرضى]

مضت مدة طويلة إنزوى فيها البوست ولم يعد عنواناً حاضراً بالصفحة الاولى
اين الاسايطة ؟؟؟؟؟؟؟؟؟؟؟؟ سرقهم الفيسبوك والتويتر ؟؟؟
والله إنشغلوا مع امتحانات مرحلة الاساس في السودان ؟؟؟؟؟؟؟؟؟؟؟؟؟؟
والله الدوري الما منقول دا
وينكم ؟؟؟؟؟؟؟؟؟؟؟؟؟؟ وحشتونا