اقتباس:
المشاركة الأصلية كتبت بواسطة بابكر عباس
أقول ليك السبب
أنا من ناثري الوعي والإستنارة، والإسلام دا، تم تحنيطة سنين عددا ودايرين مخرج ونبحث عن طبعة تفكنا من سطوة الإعتقاد والمعتقدين البتقول زي كلامك الصعب الفي المداخلة الفاتت وانو انك ممكن لو ثبت ليك انو الدين قال أقتلو زول لانو غير دينو بتقتلو!
معقول؟
لو ما خايف ناس أون لاين يزعلوا مني (خاصة الجكس) كنت نزعت منك البرفايية حالا ودون "أن يرتد إليّ طرفي"
ونوع القنابل بتاعة محمد محمود دي، بترفع لينا اسقف مطالبتنا بتحييد الدين عن الدولة.
|
يا بكة ياخي، إنت مش بتاع حرية و حقوق إنسان ؟!
ياخي أنا مواطن سوداني في الثلث الأخير من العمر علي قولك، من حقي أعتقد ما أشاء، و أخلي الدين يسطو علي حياتي إن شاء الله ما يفضل لي هلله، ليه داير تخليني نسخة منك و من الجيلي.
بعدين يا بكة، خلبتة الكلام ( على قول حبوبتي الله يرحمها ) ما كويسة خاصة انك في السدس الأخير من العمر
، وين أنا قلت ( لو ثبت ليك انو الدين قال أقتلو زول لانو غير دينو بتقتلو! ) نحن مواطنين لا بنسأل زول لا بنستتيبو لا بنكتلو، بعدين أنا قلت إنو ما بحثت في المسألة أصلا، عارف إنو فيها خلاف لانو مافي آية بتأكد حد الردة و الاحاديث حولها مجهجهه لو اسعفتني الذاكرة .
واضح جدا إنو رؤيتنا للامر و مرجعيتنا فيه مختلفة، أنا مرجعتي آية بتقول لي إنو ما عندي خيار غير الاذعان لكلام الله و رسولو، و إنت مرجعيتك رأيك اللي أنا ما بثق فيه يوصف لي مواصلات الكلاكلة بوين !!
