من نوادر أصحاب شوقي بدري (أولاد أمدرمان) - الصفحة 6

محمد معتصم فضل · 10-09-2012, 10:40 PM

ههههههههههههههههههههه
انا قمتا لقيتم اهلي وناسي
انتا الوداك عليهم شنو

ولا الطيور علي اشكالها ترك

فتحي مسعد حنفي · 11-09-2012, 12:00 AM

اقتباس:

المشاركة الأصلية كتبت بواسطة هشام ديدي

يا عمنا سلام

الزوول عثمان قاصد شلليات ما شلاليه..بالمناسبه ديل نسب مع المريوماب حله حمد

وعم الشفيع السيد العمده مقبول متزوج شلاليه شقيقه المرحوم محمد خوجلي صالحين.

يا عمنا بالمناسبه انت من زمن الشفيع في حله حمد

والله مستمتع مع الكل بهذا السرد الجميل منك تحياتي

حكاية انو الشفيع متزوج شلالية دي أول مرة أسمع بيها..
في الحقيقة أنا دفعة المرحوم عمر السيد(شرشور) والشفيع أكبر مننا بي سنتين ودرسنا الثانوي سوا وبعدين هو مشي روسيا وأنا مشيت تشيكوسلوفاكيا الا أنه لم يوفق هناك فترك روسيا وجاء الي براغ وقعد معانا فترة ثم غادر الي الدنمارك القاعد فيها لغاية اليوم..لغاية الوقت داك الشفيع ما كان متزوج والوحيد الاتزوج كان المرحوم عمر الذي توفاه الله بعد شهور قليلة من زواجه ومحمد نور الأخ الأكبر مازال عازبا حتي اليوم وعلي توفي صغيرا وهو كما أظن دفعة طارق ديدي ويقال انه مات منتحرا في الدنمارك وان كنت أستبعد ذلك وهو ما أكده لي أيضا معاوية حسين ود ناس الصعيدي قريب المرحوم لول..ما تستغرب لمعرفتي بكل هذه التفاصيل ففي زمنا كان أي واحد من أولاد حلة حمد بيعرف ناس الحلة كلهم نساءا ورجالا صبيان وبنات وكانت الحلة عبارة عن أسرة كبيرة وأنا شخصيا كنت بعرف ناس حلتكم كلهم .زناس فيصل حسين وناس عزت وعصمت طاهر رمزي وكل آل أحمد كمال وبيت جدي كان لصق بيت ناس حمزة.

اشرف السر · 11-09-2012, 01:20 AM

سلام يا عم فتحي

بوست لذيذ جدا

ساهرت بينا ياخ

والظاهر نوعنا دا مخو خفيف
قراية ساي انصقعت

واصل...

فتحي مسعد حنفي · 11-09-2012, 12:12 PM

اقتباس:

المشاركة الأصلية كتبت بواسطة اشرف السر

سلام يا عم فتحي

بوست لذيذ جدا

ساهرت بينا ياخ

والظاهر نوعنا دا مخو خفيف
قراية ساي انصقعت
واصل...

اتلع من دورك..في زول بمشي النخيل يكون راسو ومخو خفيف..سلم لي علي عمر صديق..

اشرف السر · 11-09-2012, 12:16 PM

اقتباس:

المشاركة الأصلية كتبت بواسطة فتحي مسعد حنفي

سلم لي علي عمر صديق..

يصل ان شاء الله

تصدق (انا) ما عارف بيتهم بي وين!!gapgap

فتحي مسعد حنفي · 11-09-2012, 12:50 PM

اقتباس:

المشاركة الأصلية كتبت بواسطة اشرف السر

يصل ان شاء الله

تصدق (انا) ما عارف بيتهم بي وين!!gapgap

أمشي المهندسين وأقيف في الزلط وكورك ياعمر صديق بجيك مارق ولا تمش

ي النخيل وتسأل الشباب الهناك بدلوك.ولا أقول ليك أمشي أسأل ناس الأدب البتقعدو معاهم ممكن تلقاهو قاعد معاهم بيناقشوا في كتاب..

هشام ديدي · 11-09-2012, 07:47 PM

اقتباس:

المشاركة الأصلية كتبت بواسطة فتحي مسعد حنفي

حكاية انو الشفيع متزوج شلالية دي أول مرة أسمع بيها..
في الحقيقة أنا دفعة المرحوم عمر السيد(شرشور) والشفيع أكبر مننا بي سنتين ودرسنا الثانوي سوا وبعدين هو مشي روسيا وأنا مشيت تشيكوسلوفاكيا الا أنه لم يوفق هناك فترك روسيا وجاء الي براغ وقعد معانا فترة ثم غادر الي الدنمارك القاعد فيها لغاية اليوم..لغاية الوقت داك الشفيع ما كان متزوج والوحيد الاتزوج كان المرحوم عمر الذي توفاه الله بعد شهور قليلة من زواجه ومحمد نور الأخ الأكبر مازال عازبا حتي اليوم وعلي توفي صغيرا وهو كما أظن دفعة طارق ديدي ويقال انه مات منتحرا في الدنمارك وان كنت أستبعد ذلك وهو ما أكده لي أيضا معاوية حسين ود ناس الصعيدي قريب المرحوم لول..ما تستغرب لمعرفتي بكل هذه التفاصيل ففي زمنا كان أي واحد من أولاد حلة حمد بيعرف ناس الحلة كلهم نساءا ورجالا صبيان وبنات وكانت الحلة عبارة عن أسرة كبيرة وأنا شخصيا كنت بعرف ناس حلتكم كلهم .زناس فيصل حسين وناس عزت وعصمت طاهر رمزي وكل آل أحمد كمال وبيت جدي كان لصق بيت ناس حمزة.

عم فتحي/السلام عليكو

الشفيع السيد عندو 3 اعمام اخوان ابوه لزم العمده مقبول الصديق هو احد اعمام
الشفيع والعمده مقبول الصديق متزوج شلاليه. ده القصد ما الشفيع

الشفيع علي ما اعتقد متزوج سويديه.
تحياتي

فتحي مسعد حنفي · 11-09-2012, 09:14 PM

اقتباس:

المشاركة الأصلية كتبت بواسطة هشام ديدي

عم فتحي/السلام عليكو

الشفيع السيد عندو 3 اعمام اخوان ابوه لزم العمده مقبول الصديق هو احد اعمام
الشفيع والعمده مقبول الصديق متزوج شلاليه. ده القصد ما الشفيع

الشفيع علي ما اعتقد متزوج سويديه.
تحياتي

صح أعمام الشفيع هم العمدة مقبول والمرحوم عبد الرحمن الصديق الحكم الدولي وأبو المعالي..ومقبول الصديق كان متزوج مريومابية ومرة في زعلة قام اتزوج بت ناس رستم وبعد فترة طلقا..

هشام ديدي · 11-09-2012, 10:09 PM

اقتباس:

المشاركة الأصلية كتبت بواسطة فتحي مسعد حنفي

صح أعمام الشفيع هم العمدة مقبول والمرحوم عبد الرحمن الصديق الحكم الدولي وأبو المعالي..ومقبول الصديق كان متزوج مريومابية ومرة في زعلة قام اتزوج بت ناس رستم وبعد فترة طلقا..

انت يا زوول خباراتك دي عجيبه..لكن احتراماتي

لكن ما كانت مريومابيه ..ولا من آآل رستم ....كانت ما كانت ....ومن بعدها ناسب

الشلاليه آآآل صالحين.انت قريب من بيتنا زمان

غايتو جنس حنيه يا حنين وبعيد من بلدك

لكن ابعد من الشلاليه والشر زي ما بيؤلو

عمنا تصبح علي خير

فتحي مسعد حنفي · 11-09-2012, 11:34 PM

اقتباس:

المشاركة الأصلية كتبت بواسطة هشام ديدي

انت يا زوول خباراتك دي عجيبه..لكن احتراماتي

لكن ما كانت مريومابيه ..ولا من آآل رستم ....كانت ما كانت ....ومن بعدها ناسب

الشلاليه آآآل صالحين.انت قريب من بيتنا زمان

غايتو جنس حنيه يا حنين وبعيد من بلدك

لكن ابعد من الشلاليه والشر زي ما بيؤلو

عمنا تصبح علي خير

طبعا أنا ما مغالطك لكن فعلا لغاية ما أنا طلعت من السودان ما كان ناسب ناس خوجلي صالحين ودي أكيدة عشان محمود خوجلي صالحين الأخ الأصغر لمحمد كان صاحبي ولعبنا باسكت سوا في الكوكب وأكيد لو كنت في السودان كنت حضرت العرس..أنا قريب من بيوت حلة حمد كلها وبيت ناس صالحين كان في آخر صف في حلة الشلالية وفاتح علي السهلة أو ميدان الكورة الهسة بقي فيها الجامع يعني كان فاتح علي حلة خوجلي والقبة علي الشمال..

هشام ديدي · 11-09-2012, 11:47 PM

أيضا معاوية حسين ود ناس الصعيدي قريب المرحوم لول.........................

ياعمنا معاويه حسين ياتو معاويه شاموري ولا معاويه اصطباحيه

اسال سمير وهو يجاوبك احترامي

هشام ديدي · 12-09-2012, 12:17 AM

اقتباس:

المشاركة الأصلية كتبت بواسطة فتحي مسعد حنفي

طبعا أنا ما مغالطك لكن فعلا لغاية ما أنا طلعت من السودان ما كان ناسب ناس خوجلي صالحين ودي أكيدة عشان محمود خوجلي صالحين الأخ الأصغر لمحمد كان صاحبي ولعبنا باسكت سوا في الكوكب وأكيد لو كنت في السودان كنت حضرت العرس..أنا قريب من بيوت حلة حمد كلها وبيت ناس صالحين كان في آخر صف في حلة الشلالية وفاتح علي السهلة أو ميدان الكورة الهسة بقي فيها الجامع يعني كان فاتح علي حلة خوجلي والقبة علي الشمال..

يا عمنا بارك الله فيك ومحمود صالحين يحتاج الدعاء من الجميع الان ..

وجزاك الله خير .

فتحي مسعد حنفي · 12-09-2012, 11:26 AM

اقتباس:

المشاركة الأصلية كتبت بواسطة هشام ديدي

أيضا معاوية حسين ود ناس الصعيدي قريب المرحوم لول.........................

ياعمنا معاويه حسين ياتو معاويه شاموري ولا معاويه اصطباحيه

اسال سمير وهو يجاوبك احترامي

معاوية ولد حسين بوب الساكنين في زقاق ناس رستم وأفتكر البعيو المكانيكي خالو.أما معاوية التاني أفتكر انت قاصد معاوية ولد حسين بتاع السمك أخو فيصل بتاع توزيع الأدوية..
سمير اليومين ديل طوالي في مركب الريس رمضان..
مالو محمود خوجلي؟أنا ما سمعت عنو حاجة من السبعينات..

بله محمد الفاضل · 13-09-2012, 08:29 AM

اقتباس:

المشاركة الأصلية كتبت بواسطة بله محمد الفاضل

غلبني أقول حاجة جد
بوست يطشم بيك
ويقطع مصارينك
ويحلحل صواميلك
وايك وايك وايك

...

فطونا فطونا
وديل فاتوا خلونا

أداء:
سلمى كروباويgap

أوعى يا بابكر تديني كوتة زائدة

رأفت ميلاد · 13-09-2012, 09:54 AM

بوست الأجيال

حقو أى زول يسجل فى سودانيات .. يكون من شروط قبول العضوية قراية البوست ده .. عشان يدخل على مسؤليته

10-09-2012, 10:40 PM	#[76]
محمد معتصم فضل :: كــاتب جديـــد ::	ههههههههههههههههههههه انا قمتا لقيتم اهلي وناسي انتا الوداك عليهم شنو ولا الطيور علي اشكالها ترك
محمد معتصم فضل :: كــاتب جديـــد ::

11-09-2012, 01:20 AM	#[78]
اشرف السر :: كــاتب نشــط::	سلام يا عم فتحي بوست لذيذ جدا ساهرت بينا ياخ والظاهر نوعنا دا مخو خفيف قراية ساي انصقعت واصل...
اشرف السر :: كــاتب نشــط::	التوقيع:

11-09-2012, 11:47 PM	#[86]
هشام ديدي :: كــاتب نشــط::	أيضا معاوية حسين ود ناس الصعيدي قريب المرحوم لول......................... ياعمنا معاويه حسين ياتو معاويه شاموري ولا معاويه اصطباحيه اسال سمير وهو يجاوبك احترامي
هشام ديدي :: كــاتب نشــط::

13-09-2012, 09:54 AM	#[90]
رأفت ميلاد :: كــاتب نشــط::	بوست الأجيال حقو أى زول يسجل فى سودانيات .. يكون من شروط قبول العضوية قراية البوست ده .. عشان يدخل على مسؤليته
رأفت ميلاد :: كــاتب نشــط::	التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد