الهلال: العرجا لمراحا

[عباس الشريف]

اقتباس:
المشاركة الأصلية كتبت بواسطة طارق صديق كانديك
شيخك البربندي كان في اجازة طال عمرك ... !!

أما بابكر عباس ففي دي :

كتب باباكر عباس :
يعود هلال الملايين، الشهير "بسيد البلد"، يعود اليوم للمنافسة بقوة في البطولات المحلية، و مصالحة جماهيره
نتمنى له التوفيق


كان بعرف يمهد للهزيمة والصدمة .. !!


مبروك لسيد البلد




البربندي شيخ اصيل بجي في اللفه يا طارق قالو المقبره امس الناس قاموا فيها بعاعييت شايلين الحجارة وافلقوا مفتكرين القيامة قامت (( يا عربي هذا صهيوني))

بابكر مبروووووووووووووووووووك التحشر

[ابومشعل]

عمود في ( السلك )

بسم الله الرحمن الرحيم
في السلك
شفتنه جابت بشتنه
• حبة شفتنه
• شويه ماكتيره
• سنه بس ( بكسر السين )
• جابت جنس بشتنه
• الجمهور كان شفت شديييييييد
• ترك عباية الصفوه في البيت
• وجا لابس لبس الشفتنه
• احبكم يا شفوووت
• واحب فيكم حبكم لمريخ الشفتنه
• الشفتنه البتجيب البشتنه
• صدق خالد عز الدين
• لما قال ناس خليفه انصاف مواهب
• عين حمراء
• خلت الجماعه رجعوا لي ورا
• ده مريخنا البنعرفوا مريخ حلا وحمار
• مريخ شفت شديد
• اي زول قام بدوروا كامل
• كروجر لعب بي طريقه
• شجره مليانه قرود طلح ماتفهمها
• ابو عنجه وقف علي الخط
• يهب في النار
• لما اتأكد عيش الريف اتشوي صااااااااااااااح
• لكن سعيد والشغيل اشتغلوا جنس شغل غير مرئي
• شغل تحت تحت
• شغل شفوت
• شغل بالشلوت
• اقصد بالشفوت
• لكن مصعب السواها رقدت
• الزول ده بجي من وين
• خليفه لي اسي ماعارف
• محل مايلعبوا الكوره
• القوا الشطه الحمراء
• اربعه قرون
• شطه شفته
• شطة شفوت
• اها
• هنو طلع في التربيزه
• وطلع في العربيه الهكره
• العربيه اللزوها زمااااااان
• تتذكروها
• وجمهور المريخ الشفت يغني
• الطقعوا ومرقوا
• قالوا قون راجي حرقوا
• غنيه طويله
• حانكتبها كامله
• المهم هنو طلع في التربيزه
• تربيزة السواد والرماد
• قربت ترميهو
• الفيران عرفناها
• كمان في ارضه بتاكل الخشب ؟
• المهم
• قون راجي شفتوهوا جا كيف ؟
• قالوا جابوا بالسنه
• سنة الحذاء
• تهي تهي تهي
• معقوله قون زي ده بالسنه ياراجي ؟
• يعني لو كان بدون سنه كان جا كيف !
• لو بالحذاء كلو مثلا
• المهم
• احكي ليكم قون راجي
• جات لي مصعب
• جري بالحمام
• دردقها لي راجي
• راجي يترنح من النص
• اقصد يتبجح
• قالوا لما وصل المعز ماشات طوالي
• قال للمعز
• انت طالبني حليفه ؟
• تصدق وتؤمن بالله !
• اقول ليك شئ
• طبعا راجي لايوق شديد
• اصلوا بتلايق كتير
• يشيل ويسأل في المعز
• انت طالبني حليفه
• المعز قال ليهو خليفه ؟
• راجي قال ليهو خليفه مرق قبييييييييييييييل
• غلبتو
• حليفه
• ما خليفه
• وبس
• قال ليك بالسنه
• سنة الحذاء
• القائم ده لو جا جاي سنتمتر واحد
• كان دقت فيهو
• لكن عجبتني الشفتنه
• تحت تحت
• لاسانا ضيع التالت
• لكن خير وبركه
• نحنا بعد سنة راجي دي مادايرين تاني حاجه
• سنة الحذاء
• ديمبا تقيل
• مالحق راجي
• تاني باري ديمبا
• لكن المعز راجي هنو يعكسها
• راجيهو لي اسي
• محمد كمال يا بطل
• ياشفت
• قلت لي بشه داير يلعب رأسيه ؟
• راسيه بالعنقره ؟
• ولا رأسيه بالرا ؟
• شفتنه جابت البشتنه
• الناس جدعوا جنس جديع
• ومرقوا
• قون راجي ماااااا حرقوا
• لكن عليك الله ياخالد عزالدين عرفت انصاف المواهب ديل كيف ؟
• اسلام حضرت الكوره في التلفزيون
• قالت لي شفت ميشو
• قلت ليها مامعقول
• قالت لي والله وكمان لابس بدله بتشبه بدل الاقساط بتاعت استعمال بره ديك
• بدل المرحوم كان قدرك
• ضحكت
• تاني اللجماعه ما بعلقوا لافته
• لكن ياراجي يسألك الله جبتوا من وين ؟
• لعب زي ده بتجيبوا من وين انت ؟
• باص قلق لي هنو
• بالكوره كلها
• ومشينا القلعه الحمراء بعد الكوره
• ارض الحضارات
• المريخاب الشفوت طلعوا محتفلين
• يشهد الله اسر وعوائل
• اسر مأصله
• اولاد ناس
• اسر محترمه
• ده المريخ
• في دي بنقبل صفوه
• لكن في الاستاد
• شفوت بس
• قلنا ليكم حبة شفتنه
• وتتضح لكم كذبة ابريل
• خط بارليف
• اكبر كذبه في التاريخ
• الله يجازيك ياراجي
• بالسنه ؟
• كان تملي رجلك يا راجل
• بكره حانتم ليكم قصة التومه وسميه
• الحلقه الجايه التومه بتقدم طلب لي ناس الاسر البديله
• دايره تتبني ليها شافع
• قنعت من حكاية الولاده دي بعد بلغت الاتنين وتمانين
• لكن ناس الاسر البديله رايهم شنو ؟
• ده الحانعرفوا في حلقة بكره
• جنس بشتنه !
• بالغت يارجي
• بال
• بالعديييييييييييييييل كده !
سلك كهربا
ننساك كيف وكل التيم والجمهور كان ايداهوووووووووووووووور
والي لقاء
سلك

[طارق صديق كانديك]

وصلت ولا لسه .. العرجاء دي .. !!

ملاحظة مهمة : تأهل الهلال وخروج المريخ من بطولة دوري أبطال افريقيا .. !!

[أبوبكر عباس]

المشاركة الأصلية كتبت بواسطة طارق صديق كانديك

وصلت ولا لسه .. العرجاء دي .. !!

ملاحظة مهمة : تأهل الهلال وخروج المريخ من بطولة دوري أبطال افريقيا .. !!

رغم أنف الحاقدين والمندسين، سوف يتأهل الهلال لدور الأربعة.

أتمنى أن يعيد الهلال البسمة لجماهيره العريضة، في مباراته القادمة ضمن كاس السودان، مع مريخ واوسي.

[ابرا]

المشاركة الأصلية كتبت بواسطة بابكر عباس

رغم أنف الحاقدين والمندسين، سوف يتأهل الهلال لدور الأربعة.

أتمنى أن يعيد الهلال البسمة لجماهيره العريضة، في مباراته القادمة ضمن كاس السودان، مع مريخ واوسي.

بالله هو انت متصور مع الدحيش (ود الحماره طبعا)

[احمد سيداحمد]

المشاركة الأصلية كتبت بواسطة بابكر عباس

رغم أنف الحاقدين والمندسين، سوف يتأهل الهلال لدور الأربعة.

أتمنى أن يعيد الهلال البسمة لجماهيره العريضة، في مباراته القادمة ضمن كاس السودان، مع مريخ واوسي.

مع وجود هؤلاء اللاعبين الغير جادين لا يمكن ان نتأهل يا بابكر
بالامس ذهبنا الى الاستاد من العصر وتحملنا الشمس الحارة والعطش وتحملنا شرار الالعاب النارية في المباراة واحترقت ايدينا واوجهنا وشجعنا مع كل ذلك طوال المباراة حتى بعد ركلة الجزاء ولكن اللاعبين لم يراعوا لذلك وقدموا مباراة كارثية .

حاجة تانية: الهلال الان يسير الى الهاوية بسبب المجلس الامني الذي يديره.

[أبوبكر عباس]

أنيما = 11
القطن = 7
الهلال = 7
الرجاء = 2

ما زال الأمل موجود. نتعادل مع الرجاء ونشحد الله، أنيما يلخ لينا القطن.
أي سيناريو تاني بكسر رقبتنا!

[بدر الطائف]

المشاركة الأصلية كتبت بواسطة بابكر عباس

بوست على منوال بوست:
كمال شداد (من غير فكرة يا بدر الدين)
و داير أسك فيهو الهلال لحدي ما أجرو من ضنبو زي الورل.

متشائم من الشهور الجاية دي:
الجنوب ينفصل.
و الهلال يشيل كاس الكنفدرالية.

داير أدعو الله بكل شيوخ الصوفية في السودان، زي ما عمل حاج الماحي للتمساح، عشان الهلال يجينا راجع للبطولات المحلية من غير كاس.

شئ لله يا أبجلابية و يا عثمان شيخ الختمية
أبدوا لينا بمباراة اليوم.

الشغل ماشي كويس: الشوط الأول الهلال مرشوش واحد

المشاركة الأصلية كتبت بواسطة بابكر عباس

أنيما = 11
القطن = 7
الهلال = 7
الرجاء = 2

ما زال الأمل موجود. نتعادل مع الرجاء ونشحد الله، أنيما يلخ لينا القطن.
أي سيناريو تاني بكسر رقبتنا!

هسع جنس كلامك ده نقول عليهو شنو يا بابكر عباس.
غايتو صحى يوم غلب الهلال يوم فرحكم.

[أميرى]

غايتو الجو ماشي علي كتاحة و رشة و رش

اللهم أنصر بعضهم علي بعضهم و رجع لينا هلالانا للمحلي سالما يا رب

عقبال نقول هاردلك
اللهم أمين

[أبوبكر عباس]

شكرا أميري
كنت ناوي أفتح بوست جديد بإسم:
الهلال: العرجا لمراحا 2011

شئ لله يا أبجلابية ويا عثمان شيخ الختمية
شيلوا الفاتحة وأعقدوا النية
الهلال سولوا أذية

يا ياسين يا ود حميدة يا أهل القبة الباقية فريدة
ما بتغلبكم هذى الصيدة


يا اولاد جابر بى عجميكن قوم الخمسة واكربوا سريكم
نادوا أب رابعة وخلوا يجيكم قتل الهلال مو قاسى عليكم

[ياسر كبوش]

الله فى

[أبوبكر عباس]

الهلال صفر، الترجي واحد في الدقيقة تلاتة.

دا شنو يا شيوخي؟
أنا ما قاصد قدر دا!

شكرا ليكم ولا عدمناكم.

اليوم أسعد اتنين في السودان هم:
بابكر عباس ومزمل وصلاح إدريس

[طارق صديق كانديك]

المشاركة الأصلية كتبت بواسطة بابكر عباس

الهلال صفر، الترجي واحد في الدقيقة تلاتة.

دا شنو يا شيوخي؟
أنا ما قاصد قدر دا!

شكرا ليكم ولا عدمناكم.

اليوم أسعد اتنين في السودان هم:
بابكر عباس ومزمل وصلاح إدريس

اضحك الله سنك يادكتور

[أبوبكر عباس]

المشاركة الأصلية كتبت بواسطة طارق صديق كانديك

اضحك الله سنك يادكتور

يا طارق، والله فرحة الشماتة أكثر عمقا من الفرح العادي

طبعا انت أكتر زول بتفهم موقفنا العروبي من التشجيع دا!

[azzam_farah]

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
كتب: بابِكر عباس:

ليك مداخلة فيها نوع تحيزك الواضح ضد المرأة

نجاة محمد علي وكرفستك

العصر بنزل ليكم مداخلة عزام ديك وكرفست نجاة ليهو أصلو انا محتفظ بيهن في كمبيوتر البيت

والجدير بِالذِكر أن قَوْلِهِ: [العصر بنزل ليكم... إلخ] يُريد بِهِ "عَصر" يَوم الأحد 02/إكْتوبر/2011م المُوافِق 05/ذو القعدة 1432هـ

المصدر: http://sudanyat.org/vb/showthread.php?t=22009&page=2

وحتى تاريخِهِ لم يَوفي بابكر عباس بِوَعْدِهِ (كرفسة نجاة محمد علي) ولم يُثبِت تَحَيُزي الواضِح ضِد المرأة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ