سلطـــان الطرب أبوداؤود - رحلـــة خاصة لمحبيه بالبورد

[شبارقة]

المشاركة الأصلية كتبت بواسطة عكــود

و برضك لاحظ نطقو لـ (عربدت)!
يشهّيك اللغة العربية.

يا سلام عليكم ياخ

سمعتا لي فنان (من البرنسات) كما كان يصفهم أبوداوود ... يغني ويقول:

عربجت بيا هاجست الشوق ... عربجت !!

[شبارقة]

المشاركة الأصلية كتبت بواسطة عكــود

شعر مليان و لحنو منو و فيهو والله.
أكرمنا بالشاعر بالله

المشاركة الأصلية كتبت بواسطة طارق صديق كانديك

التحية للشاعر محمد محمد على شاعر الأغنية .. وهي كما تفضلت ياعمدة ملحنة " خِلقة" ... !!

المشاركة الأصلية كتبت بواسطة عكــود

محمد محمد علي يا له من شاعر.

و غدت كأسي على كفّي بقايا من حُطام
دي براااها قصيدة من بيت واحد!
صورة عجيبة و رسم بالكلمات مكتمل الألوان متناسقها.
كلام عجيب والله!

الشاعر الأستاذ المرحوم / محمد محمد علي (إبن حلفاية الملوك وصاحب ديوان ألحان وأشجان) أعجبت به منذ أن درسنا قصيدته (إفريقيا) في المرحلة المتوسطة التي يقول فيها :

الليل شرده الصباح المشرق والقفر زينه الخميل المورق
وشدا على الأغصان كل مغردٍ خضل الجناح هديله يترقرق
لا تسمع الاذان غير مهلل يتلو خطاه مكبر ومصفق
افريقيا طوت الظلام و ودعت حقباً عجافاً لا تعى لا تنطق
كانت كاهل الكهف إلا أنها فى كهفها تحسو الأسى فتؤرق

إلى أن يقول :

إنّ الشعوب وإن تطاول ليلها كالشمس تسرى فى الظلام فتشرق

وإلى أن يختمها بقوله :

دوت طبول العز فى أرجائها ومشت مواكب نصرها تتدفق

[عكــود]

المشاركة الأصلية كتبت بواسطة شبارقة

[]]

إنّ الشعوب وإن تطاول ليلها كالشمس تسرى فى الظلام فتشرق

[/CENTER]

سلام يا شبارقة و عساك طيّب،

البيت الفوق ده يصلح شعار كامل الدسم!
(كالشمس تسري في الظلام)
بلاغة و خيال خصب.

دي ما وقعت في حنجرة أبو داؤود،
كان طلّع منّها حكاية.

على جنب:
قال "عربجت"!
و ما تقول لي واصلت تسمع فيهو عادي.
تعرف، أنّا أيّ زول يقلّد أبوداؤود ما بسمعو لنهاية الأغنية.
هي الشلاقة العليهم شنو؟

[شبارقة]

المشاركة الأصلية كتبت بواسطة عكــود

شعر مليان و لحنو منو و فيهو والله.

المشاركة الأصلية كتبت بواسطة طارق صديق كانديك

وهي كما تفضلت ياعمدة ملحنة " خِلقة" ... !!

ملاحظتكم قوية فعلا ً والدليل على ذلك إنو الديوان بتاعو إسمو (ألحان وأشجان).

بوست ممتع يا سمراء ... ففي حضرة عبد العزيز داوود يطيب الجلوس.

[شبارقة]

المشاركة الأصلية كتبت بواسطة عكــود

قال "عربجت"!
و ما تقول لي واصلت تسمع فيهو عادي.
تعرف، أنّا أيّ زول يقلّد أبوداؤود ما بسمعو لنهاية الأغنية.
هي الشلاقة العليهم شنو؟

وعليكم السلام يا عمدة

تعرف يا عمدة في فترة الثمانينيات ظهروا عندنا كمية من الفنانين (وما هم بفنانين) يأكلوا عيش بغناء الجماعة الكبار وبمصاحبة آلة المندلين فقط وتلقى الناس تعرض وترقص وما عارفين هو زاتو بيقول في شنو .... والله تسمع عجب (أخونا الزوول كان فاتح ليهو بوست بهذا المضمون)

تعرف، أنّا أيّ زول يقلّد أبوداؤود ما بسمعو لنهاية الأغنية.

عباس تلودي أول ما ظهر كان بيغني لعثمان حسين ... أها عندي صاحبي من أولاد الصحافة قال لي : في واحد سمع عثمان حسين يغني فقال بزعل: بالله منو ده البيقلد في تلودي ده

[wadosman]

غصن الريااض المايد

[rams]http://www.sudanesehost.com/uploads/user_uploads/vipmohdosman2f56/gusn_alriad.mp3[/rams]

لينك للحفظ

[سمراء]

شبارقة ، شرررفتة وزينت البوست يعلم الله

عكود وكل الجميلين

ود عثمان اسبيشلى ، ليكم التحايا ...وكده

طبعا البوست بقى جماهيرى ودخل دائرة الملك العام
عليه ندخل ونطرب ونقفل الباب كويس ورانا عشان مانتسرق يافرد
او نتهكر

[wadosman]

المشاركة الأصلية كتبت بواسطة سمراء

ود عثمان اسبيشلى ، ليكم التحايا ...وكده

مسحتها قبل ما يجينى عكااز..؟؟

[سمراء]

اقتباس:
المشاركة الأصلية كتبت بواسطة wadosman
مسحتها قبل ما يجينى عكااز..؟؟

دبايو ...اتنانيا

[wadosman]

المشاركة الأصلية كتبت بواسطة سمراء

دبايو ...اتنانيا

يعنى شفتيها..؟؟ ههههههههههههه

[سمراء]

اقتباس:
المشاركة الأصلية كتبت بواسطة wadosman
يعنى شفتيها..؟؟ ههههههههههههه

العلمك الخوف شنو ياخ ؟

على فكرة هوج رياحك ده ادخلو براك

[wadosman]

المشاركة الأصلية كتبت بواسطة سمراء

العلمك الخوف شنو ياخ ؟

على فكرة هوج رياحك ده ادخلو براك

لو ما الظروف .. و خوف الملاام فى هواكى.. كان كلمتهم..

هوج الريااح انا زاتى طيرت من راسى الكلااام الكنت داير اقولو
فى اغنيه ابو داؤود الفوق دى....

[wadosman]

راجعين...

[wadosman]

جااهل صغير...

[wadosman]

جااهل صغير

[rams]http://www.sudanyat.org/upload/uploads/gaheel_sageir.mp3[/rams]

لينك للحفظ