راكوبة المجادعات.. النمة والدوباي

[أبو أماني]

أبو مازن أخوي..حاسب السجمان ما ينيشك
شايفك إتدوعلت .. نافـخ.. ونافش .. ريشـك
وكت السجمان يرشك .. تبـرطم .. تلاليشــك
وسرورة تضحك فيك.. وتقول ليك ..
ديششششششششك..!
وبالجمبة:-
تديك بعرتين .. تنسيك .. براطيشك ..!!!

[منصور المفتاح]

..

[أبو أماني]

اقتباس:
المشاركة الأصلية كتبت بواسطة منصور المفتاح
..

ما أبلغ تعقيبك يا رجل! شكرن جزيلن !..

[منصور المفتاح]

[OVERLINE]الوافدين جداد ليكم سلااااام مخسوس ..
تنضموا شعر متل التبر .. مرصوص
ريدنا ليكم ظاااااهر حاشا ما مدســـوس
أبدعوا في النم .. أصلو الكلام بفلوس؟[/OVERLINE]

الراجل اللصم ماهو الطروره أبوسوس
وما هو رجل قهاوى شرابو عرق السوس
ساعة الحاره بارز والجبان مدسوس
وللعامل أسد زى النميله بدوس




منصور

[أبو أماني]

اقتباس:
المشاركة الأصلية كتبت بواسطة منصور المفتاح
[OVERLINE]الوافدين جداد ليكم سلااااام مخسوس ..
تنضموا شعر متل التبر .. مرصوص
ريدنا ليكم ظاااااهر حاشا ما مدســـوس
أبدعوا في النم .. أصلو الكلام بفلوس؟[/OVERLINE]

الراجل اللصم ماهو الطروره أبوسوس
وما هو رجل قهاوى شرابو عرق السوس
ساعة الحاره بارز والجبان مدسوس
وللعامل أسد زى النميله بدوس

منصور

الراجل اللصم عملو يوت مدروس!
مازول الفارغة وليها تب مابكوس!
عنده السكات زينة لو الكلام بفلوس!
الما كسب صداقته والله جد منحوس
*****
والكلام ليك يا المطير عينيك!

[عبدالله الشقليني]

[rams]http://www.youtube.com/watch?v=XSMR8gX3jwM[/rams]

[فخري الزين]

اقتباس:
المشاركة الأصلية كتبت بواسطة أبو أماني
فخري الزين.. حلااااتك خايلة فيك النمة
رمياتك فرحني .. وقلت المراد .. تمة..
ما أحلى راكوبتنا .. وأحلى أجمل لمـــة
أنا تب جيتك .. بس خللني.. الننجّم..!!!



الزين ابوي بيك المزاج بنتمه
كلامك دُرركان عجلان وان تنجمه
وما احلي جيتك وماحلاها لمه
كان جيت شاكي وكان بي العمه



تخريمه :
ليك وحشه حرم

[مي هاشم]

طفشتونا عدييييييييل ..
هسي نكتب شنو معاكم..




جميلين انتم..

[طارق صديق كانديك]

المشاركة الأصلية كتبت بواسطة مي هاشم

طفشتونا عدييييييييل ..
هسي نكتب شنو معاكم..




جميلين انتم..

والله الديون كتيرة علينا كلنا والزمن ممحوق .. !!

اتوكلي ونمي نمك كيف شاء لكِ الدوبيت

مساء الخير عليك وعلى الجميع

[فخري الزين]

المشاركة الأصلية كتبت بواسطة مي هاشم

طفشتونا عدييييييييل ..
هسي نكتب شنو معاكم..




جميلين انتم..

ما بغلبك كلام واكتبي للامل مسدار
وغني للسلام غنوه وخلي المحبه مسار
وخلي شعرك يكون متعة طرب وحوار
تلقي كل الناس تعزك من كبار وصغار

[فخري الزين]

المشاركة الأصلية كتبت بواسطة طارق صديق كانديك

والله الديون كتيرة علينا كلنا والزمن ممحوق .. !!

اتوكلي ونمي نمك كيف شاء لكِ الدوبيت

مساء الخير عليك وعلى الجميع

كانديك مالك بقيت بتاويق وتقول الزمن ممحوق
كنت زمان ساوي للراكوبه قعده وحله وسوق
مابنرضي بييك تتاوق كان جبت لينا لبن النوق
يا تجي عديل ولا تاني في البكان ماتشوف جنس مخلوق

[مي هاشم]

المشاركة الأصلية كتبت بواسطة طارق صديق كانديك

والله الديون كتيرة علينا كلنا والزمن ممحوق .. !!

اتوكلي ونمي نمك كيف شاء لكِ الدوبيت

مساء الخير عليك وعلى الجميع

مساكم زين..




وإتوكّلْ على الباري وشرعت أدوبي
من كتر الديون فارغات نضيفة جيوبي
ما بوفي النّدامى القول وكلماتي جت معطوبي
النفس انكتم مشتهيي اليجيب لي هبوبي

[عادل عسوم]

المشاركة الأصلية كتبت بواسطة فخري الزين
كانديك مالك بقيت بتاويق وتقول الزمن ممحوق
كنت زمان ساوي للراكوبه قعده وحله وسوق
مابنرضي بييك تتاوق كان جبت لينا لبن النوق
يا تجي عديل ولا تاني في البكان ماتشوف جنس مخلوق

كانديك ماهو الزمان يافخري
متحمّلو شيلتا تقُصّ المدري
مالمركب عاد كبييييير منشرّي
فوق بحرا وسيييييع متبرّي
يبلع جب ...مافارز البعوم من المابيدري
ماسك قلمو والكراس يقوم من بدري
يحسب في الخلوق ديك فطوم وداك ود بدري
ويهرج صوتو في تمبول ويوم في بري

[فخري الزين]

المشاركة الأصلية كتبت بواسطة مي هاشم

مساكم زين..




وإتوكّلْ على الباري وشرعت أدوبي
من كتر الديون فارغات نضيفة جيوبي
ما بوفي النّدامى القول وكلماتي جت معطوبي
النفس انكتم مشتهيي اليجيب لي هبوبي

اتوكلي علي الكريم الي خلقو ما نساي
وقالوا مفطوم اللبن ما بنفعو اللولاي
وابدا ما مفلس سيد الفهم والعقل والراي
وبعد الحال تبقي مليارديره شحت مولاي

[أبو أماني]

اقتباس:
المشاركة الأصلية كتبت بواسطة مي هاشم
مساكم زين..




وإتوكّلْ على الباري وشرعت أدوبي
من كتر الديون فارغات نضيفة جيوبي
ما بوفي النّدامى القول وكلماتي جت معطوبي
النفس انكتم مشتهيي اليجيب لي هبوبي



هبوبا تحت كرعيك عرش بلقيس آآبنية..
أخوانك أسياد نجيضة ..ومابسوو النـّية..
أرواحنا كان تفداك تكون عليكي شوية...
أطلقي زغرودة ولخصيمك أطبقي الكية!!