زهرة الغَرَق

[أسعد]

يا معلم من اللاخر كدة
خصوصا وعشرين ريالي دي انتقلت من مرحلة الحرقان الى مرحلة اليرقان
اها ادفعا ولا امشي ابدا بيها مشوار الالف لبسة في الشيلة
ياخ ادينا اشارة ، علامة او ضربة سكين
انك رافض او موافق على القصة الاتقالت في بوست البروف امين


ياخ ريحنا ياخ
وادينا النجيضة

[أمين محمد سليمان]

سلام للجميع ...
قبل فترة كتب (بكة الذي باركنا حوله ) الأتي ( و ما عندي خاصية اقتباسات متعددة فحا استعمل الألوان ) لبيان كلام غيري :

كتب شهاب كرار في هذا البوست (المداخلة 634) :

كنت يا محسن تكتب لوجداننا ما يراه وجدانك، فيصدق هذا ذاك او يكذبه بلا غلاط!
والان تريد أن تُري عقولنا ما رآه وجدانك وفشل عقلك في ان يراه! أليست هذه مفارقة غريبة؟
لا نريد ان نفهم يا محسن ما قاله لك داري، نريد ان نرى ما رآه وما سمعه وما شمه ، كما بللت دموع تيموليت ثيابنا وهي تبكي - مقدما، وكما نظرنا من ثقب المفتاح نتلصص على الاشياء بينما هي تعيش حياتها السرية ...
أداري جميل الى هذا الحد فحسدتنا فيه؟
إذا كان الامر كذلك فأعطينا فقط إحداثيات هذا الانسان المفتاح، وكل يراه في قوقل ايرثه بطريقته الخاصة.
أخاف أحيانا يا صديقي من ان تكون قد وقعت بلا قصد منك في جحيم إكسسوار تداري به شهوة القلب في "جكته الايمانية"

يا ريت يا بروف أمين، تعلق لي على مداخلة شهاب دي بعد تنتهي من قراءتك الثالثة.
بالاحمر كلام بكة و بالاخضر كلام شهاب .
و قبل يومين إقتبس قيقا الذي لم نبارك حوله كلامي الأتي :

و العندو راي مخالف يجيب لينا رابط لبوست فيه نصف ما في "زهرة الغرق" من العلم المثبت و البحث الدقيق و الحجج المنطقية في قضايا معقدة و شائكة مثل قضية الرموز و دلالتها و بدء الخلق و مكان نزول سيدنا أدم و أسماء المدن و باقي القضايا و الخلاصات التي كتب و ما زال يكتب عنها محسن

و علق بالاتي بعد ما لون كلمتي ( المثبت ) و (نزول ) :

لعل بكة قصد تنبيهك للغة (الايمانية) الواثقة دي ..
هل كل المتلقين مؤمنين؟

انا المؤمن دا بقيف ليك في (قصة) نزول آدم دي؟
ادم نزل من وين هو؟
الجنة الطلعوهو منها دي ارضية مية المية!
ومافي حاجة (كائنة بذاتها) اسمها (سماء) ذاتو .. تقدر انت ول محسن تعينوها لي؟

و لاني أعتقد إنو الكلامين علي إتصال فسارد عليكما معا .... الرد الرد كباري و سد ... فابقو معنا !!

[قيقراوي]

المشاركة الأصلية كتبت بواسطة الجيلى أحمد

,

بالنسبة للاقتباس المتعد
تقوم تضغط على الايقونة بتاعت (اقتباس متعدد) فى المداخلة المعنية ,
وماتعمل أى حاجة تانية, وتبطل الطبيز بتاعك دا
أها تمشى المداخلة البعدها العايزا, وتقلب الصفحة عادى ووتعمل على المداخلة برضو كليك(اقتباس متعدد) وهكذا على كل المداخلات التى تود ادراجها , وفى النهاية تضغط على ايقونة (رد) حاتلقى المداخلات المقتبسة كلها جاتك
والعاقبة عندكم فى المسرات

-------


اريتو يطمر ..
التعليم في الكبر كالنقش في البحر ...

[أمين محمد سليمان]

الذي يحدث في هذا المكان - حسب ما أفهم - بكل بساطة كالاتي : في زول اسمو محسن خالد جاء قال كلام/نظرية ما جاء بها أحد من العالمين ...ادعي إنو بواسطة هذه النظرية و متابعة الرموز و الأبداد يمكن تفسير التاريخ و الجغرافيا و الزمان و المكان و الأسماء و كل العلم الذي لدينا .... محسن ادعي إنو مافي صدفة في أي شئ و إنو كلو شغال بنسق و نظام محفوظ في هذه الأبداد منذ أن خلق الله أدم ب(كن) إلي أن تقوم الساعة و لكن الناس عنها غافلون !
محسن هذا ما ادعي و مشي بيتهم ... محسن ادعي و جاب أسباب إدعاءو و وثق لكل كلمة قالها و دلل عليها ... و الأهم من ده كلو إنو جاب طريقة لاختبار صحة كلامو ... هل في زول فيكم مشي إختبر الكلام ده ؟! الاجابة لا ... كل ال skepitcals يا بكة بما فيهم إنت و شهاب و حسبو و محمد قرشي بتجادلو في محسن بما معكم من علم في حين إنو محسن شغال بمستوي تاني و تصورات معرفية ما عندها علاقة بالمنهج العلمي بتاعكم ده فبدا الكلام زي حوار الطرشان ... تماما زي كلام شهاب الجبتو لي أعلق عليه ده !!
طيب ليه مافي زول داير يناقش محسن من داخل نظريتو ؟ في اعتقادي لاننا ناس كسلانين ... كلنا كسلانين و دايرين الساهلة ... أي كلام جابو محسن جاب دليلو معاهو و في حاجات أشار ليها و قال جاييها قدام .... و قال الما فهم شئ يسالني ... و رد علي أي سؤال .... كل المطلوب اننا نجتهد شوية و نقرأ كلامو مرة و تانية و عاشرة بصدق و تركيز و كان ما فهمنا نسالو منو ... و بعد ده كلو كان ما اقتنعنا ولا ما وقع لينا ما مشكلة ... لكن مناقشة ما جاء به محسن و عرضو علي كلام العلماء أبان عيونا خضر و زرق للاستدلال علي خطأ "ترميز الأبداد و شكلانية الأساس " لا يصح لانو ده شغل في مستوي تاني مختلف تماما... و هذا لا يعني إنو "أبان عيونا خضر و زرق " نظرياتهم المعرفية كلها خاطئة ... لكن يعني إنو حتي الصحيحة منها هم لا يدرون لماذا جاءت هكذا .... اها محسن شغال في (لماذا جاءت هكذا ) دي ذاتها عشان كده ديل مستويين مختلفين من المعرفة لا يلتقيان !!
الداير ينقد كلام محسن - الذي لم يدع فيه الكمال و لا خلوه من النقائص - ينتقدو من داخل نظريتو ... و ده بيتطلب فهم لكلامو، و عشان تفهم كلامو لازم "توجع قلبك " و "تكرب صلبك" و تقعد تقرأ و تختبر كلامو ده ...
ثم إن الذي جاء به محسن بيوصلك لله و ما بيخالف ما نؤمن بيه كعقائد مسلمة ... ما بفارقو أصلا ... بل كلام محسن أول من هدي، كان محسن ذاتو !!
يبقي كلام شهاب الفوق بتاع إنو (كنت يا محسن تكتب لوجداننا ما يراه وجدانك، فيصدق هذا ذاك او يكذبه بلا غلاط! والان تريد أن تُري عقولنا ما رآه وجدانك وفشل عقلك في ان يراه!) ده كلام زول القصة ما واقعه ليه أساسا .... لانو محسن ما جاء بمجموعة رؤي و أحلام ... محسن جاء بكلام محدد معاهو شواهدو و صورو و وثايقو و منطقو و طرق إختبار كلامو ... العايز يبين خطأ الكلام ده اليبينو وفقا لكلام محسن ذاتو و مستوي الكلام المعرفي البتكلم بيه ... و ياهو داك كلامو قاعد ..
محسن ده - في تقديري - he set himself up بالعلم و الحفر الصادق حول الموضوع ... فعلمه الله علم ما لا يعلم ... حتي العلم الموهوب ده جابو بدلايلو ... يعني ما جاء قال كده و بس .... قال كده عشان كده و كده كده ...
------------
ما خلصت كلامي لكن لازم اتخارج هسي لاعود مساء إن شاء الله !!

[ناصر يوسف]

المشاركة الأصلية كتبت بواسطة أمين محمد سليمان

ما خلصت كلامي لكن لازم اتخارج هسي لاعود مساء إن شاء الله !!

يا بروف ،،،
تحية واحترام ،،،
أنا ما عارف إنت زعلان ومتور نَفَسَك كدي مالك

،،، مُحسن خالد ،،، تحية واحترام ولا قِدام وما زلتُ في الإنتظار ،،، والكاميرات برضو في إنتظار أوامرك بالتحرك

[قيقراوي]

خليو يا ناصر
كلام امين دا مهم جداً - في تقديري- في سياق سواقة افضل ح تريح محسن ..
في الصفحة الفاتت دي بس محسن اضطر يردد -بتهذيب جم- لتلاتة انهم يرجعوا يقروا البوست من الاول.







-----

اول مرة اقرأ لامين حاجة مفيدة ياخي
خليو يواصل

بتكون ملاحظ انو المسلمات شوية وااااسعة في بحث محسن دا .. ؤ غارقة في التسليم
اها ناس العلوم والماديين الكلام دا ما بريحم

[بدري الياس]

المشاركة الأصلية كتبت بواسطة عكــود

سلام يا مُحسن،

متابع والله.
ننطقها في نواحينا، كما ذكرت،
القُرْقَاب.

سلام عكود،

دحين ما عصرت علينا شوية في "نواحينا" دي؟
انت تعلم إنو الكلمة الواحدة بتنطق بطرق مختلفة ربما حتى داخل المنطقة الواحدة، فمثلاً قد يختلف نطق كلمة معينة عند ناس "الكُرَيْ" عنها عن ناس، آخر المشروع "الكُنَيْسَة"، ومفردات كتييرة وممكن اكتب منها أمثلة لا ليها أول لا آخر بتختلف باختلاف المناطق في نواحينا ديك زاااتا..
وفي منطقتي زاتا قد يكون في ناس بمسوهو "القرقاب"، وهي مفردة أعرف انها مستخدمة في مناطق تانية.. بس الانا سمعتها عند ناسنا وفي بيتنا هي "القرباب"..
،
كونو بخير انت وحبيبنا المحسن..
،

[ناصر يوسف]

المشاركة الأصلية كتبت بواسطة قيقراوي

خليو يا ناصر
كلام امين دا مهم جداً - في تقديري- في سياق سواقة افضل ح تريح محسن ..
في الصفحة الفاتت دي بس محسن اضطر يردد -بتهذيب جم- لتلاتة انهم يرجعوا يقروا البوست من الاول.
-----
اول مرة اقرأ لامين حاجة مفيدة ياخي
خليو يواصل

بتكون ملاحظ انو المسلمات شوية وااااسعة في بحث محسن دا .. ؤ غارقة في التسليم
اها ناس العلوم والماديين الكلام دا ما بريحم

مالو يا قيقراوي ،،،
عموماً أنا وبما إني ما من أهل العلوم ولا الماديين ،،، ( أنا زول روحاني ساي ياخ )

أنا شايل بحث محسن ده عندي تميمة وجود ياخ
وداعم لكل فرضيات بحث محسن ده وبكلياتي وبعتبر نفسي حوار ليه
وما زلت في إنتظارو ومعاي الكاميرات
وصدقني ،،، وسبق قلتها لمحسن خالد قبال كدي يا قيقراوي ،،،

هناك من طَلَّق الدنيا وأضحي سادناً لشيخنا العلامةُ الفَهَّامة عبد الله الطيب ،،، عليه رحمة الله ،،، وليتني أستطيع أن أتحدي نفس وأعلن إتخاذي لذات السبيل حتي أنعمُ بأنني قد أضحيتُ سادناً في خدمةِ شيخي الجليل العلامةُ الفَهَّامةُ محسن خالد طول ما تبقي لي من حياة ،،،

ليتني ذلك يا قيقراوي ـــ ليتني أستطيعُ أن أفعل فعلاً موجباً تجاه مشروع شيخي محسن خالد البحثي الهام ،،،

[أمين محمد سليمان]

سلام تاني ...
- يا عمو ناصر ما عارف من وين جاك الاحساس إنو أنا (زعلان ومتور نفسي ) ... لو من كلامي الفوق ده ... معناتها أنا ما زبطو كويس و أداك - و ربما ناس تانية - هذا الاحساس .... لكن الحقيقة إنو أنا ما زعلان و لا متور نفسي ... بالعكس اتبسط من سؤال بكة جدا لاني من قراياتي الأولانيتين كنت حاسي إنو في حاجة غلط في حوار ال skepticals مع محسن لكن ما قادر أخت يدي في الغلط وين ... قرايتي التالتة ( في صفحة 44 بالمناسبة ) وضحت لي الغلط وين ..ما إستنيت احصل مداخلة شهاب البكة قال لي علق عليها ...فكتبت كلامي الفوق ده .... حتي لسه ما متذكر/عارف إنو القصة دي بتستعدل لقدام في البوست ولا لا ...
المهم يا زول ... مافي شئ بزعل ولا يتور النفس هنا .... في علم صر قاعد ...الداير يفهمو يقرأ بتركيز و إخلاص و كان ما فهم ولا عندو سؤال، محسن قاعد بحول الله ...و معليش كان جاك - أو أي زول - إحساس إنو أنا زعلان أو متور نفسي في الكتابة الفاتت ... أرقد عافية يا حبيب ...

- قيقا يا وهم ... ياخي أنا عشرين سنة بنشر في الوعي و أثقف في الشعب السوداني الشقيق عشان انتشل الزيك ديل من مستنقعات الجهل ...عشرين سنة، ما وقفت يوم ... تقول لي ( اول مرة اقرأ لامين حاجة مفيدة )؟!!
- أغرب حاجة إنو محسن فتح بوست في سوادنيزاونلاين فيهو نبؤات من ضمنها (غداً بمشيئة الله حين يصيح طائر النبي هابيل وطائري في الغبش ترحلُ روحٌ طيبة لطبيبٍ من الجوار العزيز، ترحل في المسار. اللهم فتقبّله وارحمه شهيداً مثل جده هابيل.) كثير من الناس فهمو إنو محسن بينعي نفسو في هذا المقتبس ... ما عارف كيف و الكلام أوضح من
واضح بتكلم عن ( ترحلُ روحٌ طيبة لطبيبٍ من الجوار العزيز،) فما عارف كيف
محسن يوصف نفسو ب( طبيبٍ من الجوار العزيز، ) !!! واضح جدا الناس بتعلق بدون ما تقرأ !!

[خالد غالي]

طيب يابروف محسن قاصد شنو من كلامو الكتبو في سودانيز ده ؟؟

هو محسن ذاتو وينو اسي ؟ مالو اختفى ؟

يا اخي عليك الله لو عندك تلفونو اتصل عليهو وشوف الحاصل شنو

[قيقراوي]

البوست دا جديد يا امين؟










-----

تعرف القراية الفطسطرية دي هي آفة الاسافير ,,
وخاصية التفاعل ,,
زمان -زمنكم- كان الواحد يقرأ النسخة الورقية، وكان عن ليو شي ما يلقى طريقة يتفاعل بيها ,, وتقعد الفاعلاية دي حاقصة ليو ,, وتخمر وتخمر ,, وكان خمرت شديد الا يكتب ليو كتاب موازي ,,
او تكون عابرة وخاطر بيض ,, بكرة ينساها
لكن التفاعلية السايبرية دي جابت لينا كلو ,, غثو وسمينو ,, بي ي ي ي بيضو!!

[أمين محمد سليمان]

البوست جديد يا قيقا ... فتحو محسن قبل يومين ... رابطو أهو ده ...
http://www.sudaneseonline.com/cgi-bi...msg=1355569001
عليك الله خش بل لي محمد جمال الدين و الناس القرت كلام محسن باضنينها ...
---------
يا غالي ...
محسن كلامو وااضح ... ما عارف الصعب شنو فيه ... قال إنو في طبيب من (الجوار العزيز) ح يرحل لجوار ربه ... ما عارف الجوار العزيز ده وين لكن محسن بتكلم عن طبيب ما عن رقبتو .... الشئ التاني تنبأ بمقتله كبيرة قرب ال Lud's Church و هي منطقة كهفيه في إنجلترا يوم 12/22/12 لانو اليوم الوحيد في تاريخ البشرية اللي فيهو يوم 22 ديسمبر يوافق العاشر من صفر !!
ما عارف محسن مختفي وين و ليه ... لكن لو أنا مقتنع إنو في زول ح يموت - قبل موته - ما بكون عندي مزاج و لا رغبة في الكتابة ... لكن بالله يا ناصر و ناس السودان جكو لينا الغوث ده ... نسال الله أن يتولاه بعنايتو و حفظو ...

[خالد غالي]

اسي الكلام ده عادي يا امين ؟
العادي فيهو شنو ؟ يعني عادي زول يقول انو بعد اسبوع في طبيب من الجوار العزيز حايموت ده كده عادي ؟
ثم انو شنو قصة المقتلة الكبيرة الحاتقع في انجلترا ولا وات ايفا دي ؟
ومن متين محسن كان متنبيء ؟

غايتو لا اخفي عليك قلقي الشديد من كلام محسن وعلى محسن ذاتو !!

[أمين محمد سليمان]

المشاركة الأصلية كتبت بواسطة خالد غالي

اسي الكلام ده عادي يا امين ؟
العادي فيهو شنو ؟ يعني عادي زول يقول انو بعد اسبوع في طبيب من الجوار العزيز حايموت ده كده عادي ؟
ثم انو شنو قصة المقتلة الكبيرة الحاتقع في انجلترا ولا وات ايفا دي ؟
ومن متين محسن كان متنبيء ؟

غايتو لا اخفي عليك قلقي الشديد من كلام محسن وعلى محسن ذاتو !!

وين يا غالي أنا قلت عادي؟!!
أنا قلت واضح ... واضح للفهم ... لكن ما عادي كفكرة ... و المعنيان مختلفان يا حبيبنا ..
أنا ما قلقان علي محسن ... الراجل قال كلامو بتاع المقتله بناء علي تضريبات وضحها قد تصيب و قد تخطئ ... و قصة تنبؤه بوفاة زول لو رجعت للبوست بتلقي إنو قال القصة دي حصلت ليه كتير و حكي حكاوي بالتفصيل عن رؤيتو لناس بعرفهم بموتو في الحلم و بتطلع حقيقة ...

[لنا جعفر]

الله لاتريح الكيبوردات ياخ
انتو جادين في صفحة ستة وسبعين دي؟؟
انا لي يومين بقرا عشان احصلكم ومواصلة ليلي بنهاري
بقرا بمتابعة وبجي آخر صفحة اشوف تفاعلكم
اها لاطلت عنب اليمن ولا بلح الشام
فبأسم الاخوة السفيرية وباسم كل الزهرات
اناشدكم تعدلو عن سرعة الصاروخ الماشين بيها دي
وتهمدو حبة وتدونا فرصة نحصلكم
لانه القراية القال عليها قيقا فطسطرية دي مابعرف ليها
وكل ما اخلص صفحتين بلقاكم مشيتو اربعة
فما تجهجهو ملاعقنا معاكم
انتظروني ياهووووي
---
يابروف قلت لي الغوث؟؟ طيب ضيف ليها القطب معاك
ورقيهو في مراتب السالكين
المافي شنو ؟؟