راكوبة المجادعات.. النمة والدوباي

[سارة]

المشاركة الأصلية كتبت بواسطة طارق صديق كانديك

القول اللكيد ساهربي صرت ممحّن
خاويت النجوم مني الدميعات سحّن
شايل الليل سهاد اطرافي زاتن وحّن
برجاهو الفرج يوم العوارض يزِحّن

الخبر اللكيد من عينى الدميعات جفًن
دا الناير جبينو ضو الرتاين البقًن
لهيجو الحالى سكر وريقو اللبينة مسخًن
لو جاكم هنا حتى البكم تترًطن

[ود الخير]

المشاركة الأصلية كتبت بواسطة سارة

الخبر اللكيد من عينى الدميعات جفًن
دا الناير جبينو ضو الرتاين البقًن
لهيجو الحالى سكر وريقو اللبينة مسخًن
لو جاكم هنا حتى البكم تترًطن

القول اللكيد حفلتنا قاجه ورابه
في عيد الكريسماس كل الخلوق متحابه
المرسال يصل زي السحابا الكابه
لي مٓحٓل البلد يوصل فريق الشابه

وفففف إنت متأكد دا عصير


 

[أبو دعد]

المشاركة الأصلية كتبت بواسطة مي هاشم

سهران أب دعج زايد علي وجّاجو
طابق الكيّة والدمّاع صبح لجّاجو
إن فَر بسمو فاق البروق سرّاجو
وإن قال سكّت النضّامس والحجّاجو


(الظاهر الكهربا وصلت يا دوب)

سهرالعيونو ذى دعج البطانة
و كبرنا بى لواحظو من قفانا
ان كتلنا اليكفنا بى.... دمانا
و ان حيينا قلوبنا عندو امانا

[أبو دعد]

من قم صغير مالقيت اليجارى حروفى
وما بوصفونى بالنى المرخرخ دوفى
انا صاقعة النجم السحابا .. يفوفى
و انا اخو سارا و تماضر و.. روفى

[مواهب عبد العزيز نقد الله]

من قومة الجهل معروف جليل اوصافى
اقدل بمهل فوق النعيم والماسى
كل من شافنى قال آريت ان بقت جلاسى
وفتشوا فى النضم و وصاغوا السؤال من مافى

[طارق صديق كانديك]

المشاركة الأصلية كتبت بواسطة أبو دعد

من قم صغير مالقيت اليجارى حروفى
وما بوصفونى بالنى المرخرخ دوفى
انا صاقعة النجم السحابا .. يفوفى
و انا اخو سارا و تماضر و.. روفى

من تبيت امش زاهيات معاني حروفي
تاليهو الورد .. دائما مودر خوفي
وفي صيد الخلا اليوتن مجهجه شوفي
برجاها المتل برق السما المتلوفي

[أبو دعد]

المشاركة الأصلية كتبت بواسطة مواهب

من قومة الجهل معروف جليل اوصافى
اقدل بمهل فوق النعيم والماسى
كل من شافنى قال آريت ان بقت جلاسى
وفتشوا فى النضم و وصاغوا السؤال من مافى

من قومة الجهل معروفة خصال
تقدلى بى مهل زى جنى الغزال
يفوح عطرك مع صوت الخلخال
ان خلانا جلاسك و الليل علينا طال

[أبو دعد]

المشاركة الأصلية كتبت بواسطة طارق صديق كانديك

من تبيت امش زاهيات معاني حروفي
تاليهو الورد .. دائما مودر خوفي
وفي صيد الخلا اليوتن مجهجه شوفي
برجاها المتل برق السما المتلوفي

من قومة الجهل بالنضم معروف
ما بتفتش لى كلامك الحلو حروف
فى رجاك دايما ست العطر المكروف
هاشى وشيك ويدك تعمل فى المعروف

[مرافي]

المشاركة الأصلية كتبت بواسطة أبو دعد

من قم صغير مالقيت اليجارى حروفى
وما بوصفونى بالنى المرخرخ دوفى
انا صاقعة النجم السحابا .. يفوفى
و انا اخو سارا و تماضر و.. روفى

ابشر اخو سارا.. وتماضر وروفي
ماك ني وماقادرات يوصفكن حروفي
مابقدر اجيد النم وابهل فيك حروفي
الا بس بحاول عساي ما يفضحني حروفي
/////////////

[مرافي]

المشاركة الأصلية كتبت بواسطة أبو دعد

من قم صغير مالقيت اليجارى حروفى
وما بوصفونى بالنى المرخرخ دوفى
انا صاقعة النجم السحابا .. يفوفى
و انا اخو سارا و تماضر و.. روفى

اب دربن عديل خاتي الملام والقول
شجاع الحرف ما بيهاب غير الاله زول
شديد الغيرة على دينو وحب الرسول
تسلم اخو الاخوات ومن بعدو مافيش قول

[أبو دعد]

المشاركة الأصلية كتبت بواسطة مرافي

ابشر اخو سارا.. وتماضر وروفي
ماك ني وماقادرات يوصفكن حروفي
مابقدر اجيد النم وابهل فيك حروفي
الا بس بحاول عساي ما يفضحني حروفي
/////////////

كان ما كت خايف من ناس بابكر مخير
كت قلت فيك شعرا يخلى العقل يتحير
و قلتى كلاما بلحيل يعجب و ماهو مجير
انا ثابت فى قولى و حالف يمين ما اتغير

[أبو دعد]

المشاركة الأصلية كتبت بواسطة مرافي

اب دربن عديل خاتي الملام والقول
شجاع الحرف ما بيهاب غير الاله زول
شديد الغيرة على دينو وحب الرسول
تسلم اخو الاخوات ومن بعدو مافيش قول

البهاب غير الاله عاد دك زولا عايب
و حب الرسول علينا فرض وواجب
نحنا فى الراكوبة عادنكن ذى القرايب
نصون للعروض و فى الحارة لينا نايب

[مرافي]

المشاركة الأصلية كتبت بواسطة أبو دعد

البهاب غير الاله عاد دك زولا عايب
و حب الرسول علينا فرض وواجب
نحنا فى الراكوبة عادنكن ذى القرايب
نصون للعروض و فى الحارة لينا نايب

في شان حب الله والرسول دربك باين
ومن غيرن ماينفع واي كلام بلاهن شاين
والفي الراكوبة اخواتك وفي الحارة ليهن صاين
وديمة عازيهن بسمح القول والنم ومبجل راين

[سارة]

دقيت اليمين ..دى الجنة فتحت طاقة
يوم طل وبسم ونار قلبى قايدة وقادة
من عسلة عيونو..كتلنى بالعشراقة
لازمت الورد وبركت فى السجاجة

[طارق صديق كانديك]

المشاركة الأصلية كتبت بواسطة سارة

دقيت اليمين ..دى الجنة فتحت طاقة
يوم طل وبسم ونار قلبى قايدة وقادة
من عسلة عيونو..كتلنى بالعشراقة
لازمت الورد وبركت فى السجاجة

دقديق اليمين .. مااااا بّرد الوجّاجة
والبسمة أم بروق نارا تقيف قجّاجة
ماشافت نعاس عيني السهر شجّاجة
شايلنو الصبر .. عِلا النفس لجاجة