شيوعي خطير - الصفحة 8

أبوبكر عباس · 22-05-2011, 09:22 AM

ينصر دينك يا سينما الخواجة، اليوم الكان جاينا فيهو عبد العزيز، السينما كانت بتعيد في عرض فلم "جسر الكسندرا (إنتاج 1976)" لصوفيا لورين، الفلم أنا حضرتو قبل كدا في سينما النيل الأزرق بالخرطوم و كنت متأكد إنو عبد العزيز ما بكون دخل الفيلم دا لانو السينما بشكل عام إمبريالية و ناس عبد العزيز ديل أيام الجامعة فاتحة ما عندهم وقت للسينما! يمشوا السينما كيف و يفوتوا الجكس؟
عملت إعلام كبير للزيارة الميمونة، و يوم الوصول ظبطنا ليهو غدا كارب و عزمتو بالليل على السينما، طلعنا للسينما بدري عشان نلف على الأصحاب الداير اقشر بيهو عليهم و نضمن جدول مليان بالعوازيم.

أبوبكر عباس · 22-05-2011, 09:53 AM

اليوم التاني النهارية عديناها كتشينة في البيت، عندي أخوان و اولاد اخوات و اقرباء كتار في البيت، و كلهم أحرف من جمال حسن سعيد (شبابيك) في الكوتشينة، عبد العزيز زحّ بعيد و طلع ليهو رواية (سرد احداث موت معلن) و قعد جنب الشباك و طلع النظارة (أنا شاكي إنها ما بتاعة نظر)، إعترفتا لبهو بالحرفنة!، لانو لو نزل الكوتشينة معانا، كنا بنرشوا و دا بنزل من البريستيج بتاعوا نتيجة المكاواة بعد الرش.
المغرب مشينا بيت المثقف الكبير حسين صابون، حسين دا صاحب أبوي و عندو مصنع صابون و أبوي كان برسلني ليهو في الإجازة عشان أشتغل معاهو، لكنو كان بملحني و كان بعامل العمال زفت، عشان كدا قصدت أورمو.
عثمان بروا، ولدو و صاحبي، جاب لينا شاي المغرب الما خمج، و عمك بعد شوية جانا عشان يقدني.
قلت ليهو أها يا عم حسين المصنع كيف؟ و إن شاء الله العمال رايقين؟
و قلت ليهو انت يا عم حسين ما تخليهم يعملوا نقابة؟
- ردّ نقابة شنو للأوباش ديل؟
و سلمت المكرفون لعبد العزيز....
و حات الله تاني يوم كنا معزومين عندو، و ضبحوا لينا خروف، و مرتو الأمدرمانية ظبطت لينا أكل كلما أتذكروا هسع، بدعو لعبد العزيز.
و من ديك، عمك صابون بقى يحترمني إحترام شديد

عبدالمنعم الطيب حسن · 22-05-2011, 01:20 PM

اقتباس:

المشاركة الأصلية كتبت بواسطة بابكر عباس

البوست دا إتعلق لي في رقبتي و غلبني أواصل فوقو، قلت أعمل زي كُتاب الأعمدة بتاعين الصحف، لمان يجف قلمن بجتروا من الكتابات القديمة و يلصقوا.

.

من صفات البرجوازي الصغير

1* نفسو قصير

اقتباس بابكر عباس;374592]نحن الاتنين مهذبين و بنحب السلة و الطائرة

2* يتعجل النتائج ويحرق المراحل ويقفز في الفراغ

بابكر عباس
انت برجوازي صغير بامتياز
البوست حتى الان ماطلعت منو بالتكتح
فعلا كلام الطير في الباقير

أمير الأمين · 22-05-2011, 01:26 PM

اقتباس:

المشاركة الأصلية كتبت بواسطة سماح محمد

.
*ياخ على سيرة اللبخة..اللبخة العظيمة محلة أركان النقاش..والله قصقصوها جنس قصقيص

لبخة الزراعة كانت لاركان النقاش
و سندة لناس البيطرة كما كنا نسمبها...!!

AMAL · 22-05-2011, 01:30 PM

بطل التواضع

انت برجوازي كبييير

سلاااام ياعديقي

أبوبكر عباس · 22-05-2011, 07:35 PM

اقتباس:

المشاركة الأصلية كتبت بواسطة عبدالمنعم الطيب حسن

انت برجوازي صغير بامتياز

اقتباس:

المشاركة الأصلية كتبت بواسطة عبدالمنعم الطيب حسن

البوست حتى الان ماطلعت منو بالتكتح

التكتح = برجوازي صغير بإمتياز

قيقراوي · 23-05-2011, 09:11 AM

اها؟

عكــود · 23-05-2011, 09:58 AM

سلام يا بابكر،

رغم إنّك نادر ما تشكّر بوست/زول،
لكن البوست بتاعك ده زي نُقّاع زير يشرب منّو زرزور في نهار صيف.

على جنب:
مبروك الصورة الرمزيّة الجديدة

فيصل سعد · 23-05-2011, 10:00 AM

اقتباس:

المشاركة الأصلية كتبت بواسطة عكــود

سلام يا بابكر،

رغم إنّك نادر ما تشكّر بوست/زول،
لكن البوست بتاعك ده زي نُقّاع زير يشرب منّو زرزور في نهار صيف.

أسامة معاوية الطيب · 23-05-2011, 10:47 AM

اقتباس:

المشاركة الأصلية كتبت بواسطة عكــود

سلام يا بابكر،

رغم إنّك نادر ما تشكّر بوست/زول،
لكن البوست بتاعك ده زي نُقّاع زير يشرب منّو زرزور في نهار صيف.

غايتو العمدة حريف حرفنة السنين
الراجل يعرفو شكّر بابكر ولا أداهو في أيمانو

طبعا من وجهة نظر الزرزور
أنا غايتو للضمان برسل صورة المعمل الجنائي

الجيلى أحمد · 23-05-2011, 10:56 AM

اقتباس:

المشاركة الأصلية كتبت بواسطة عكــود

سلام يا بابكر،

رغم إنّك نادر ما تشكّر بوست/زول،
لكن البوست بتاعك ده زي نُقّاع زير يشرب منّو زرزور في نهار صيف.

كااااااااااااااااااااااك

دى يااسامة رسلا للأنتربول ,

يصدق لبابكر بعدد واحد (حننتنى) ,
فى حالة انو ردو ماراكب عدلو

أبوبكر عباس · 23-05-2011, 11:05 AM

اقتباس:

المشاركة الأصلية كتبت بواسطة عكــود

سلام يا بابكر،

رغم إنّك نادر ما تشكّر بوست/زول،
لكن البوست بتاعك ده زي نُقّاع زير يشرب منّو زرزور في نهار صيف.

على جنب:
مبروك الصورة الرمزيّة الجديدة

ليس من رأى كمن سمع..
و نحن عكود دا شفناهو

الكلام الفوق دا مقرون بمداخلتي أسامة و الجيلي الحاقدين

نرجع لمداخلة العمدة:
كيفن يا عمدة أنا ما بشكر زول؟ يا أخي شفيف دي أنا صرفتها لناس المنتدى ديل لحدي ما قربت أفلس!
و الله باقي لي بس أصرفها لعبد المنعم و آمال.

و بعدين انت و جعفر بدري خاتيكم في الصورة الرمزية بتاعتي!
دايرني أتقطع؟!

إن شاء الله الزرزور دا يكون كمان أمو غائبة، عشان ربنا يزيد لينا الأجر

الجيلى أحمد · 23-05-2011, 11:09 AM

اقتباس:

المشاركة الأصلية كتبت بواسطة بابكر عباس

و بعدين انت و جعفر بدري خاتيكم في الصورة الرمزية بتاعتي!
دايرني أتقطع؟!

حننتنى (بالكبيتال)

أبوبكر عباس · 23-05-2011, 11:17 AM

اقتباس:

المشاركة الأصلية كتبت بواسطة AMAL

بطل التواضع
انت برجوازي كبييير

سلاااام ياعديقي

أنا و الله داير أتحدى أمال دي، تأشر لي على عشرة شيوعييين ليسوا ببرجوازيين و لا يسعون لها و لا يتمنونها
الشيوعيون الذين عرفتهم في الثمانينات معظمهم خطيرين معرفيا، لكن عندم مشكلتين:
طينتم طينة برجوازية
و غلبم يلقوا حل لعلاقة الدين بالدولة

90% منهم تساقطوا

أبوبكر عباس · 23-05-2011, 11:20 AM

اقتباس:

المشاركة الأصلية كتبت بواسطة الجيلى أحمد

حننتنى (بالكبيتال)

برضو يا الجيلي:
الما بتحنن في وجود العمدة بنوديهو للنور يوسف

* إشمعنا رشا الرشيد؟

22-05-2011, 09:22 AM	#[106]
أبوبكر عباس :: كــاتب نشــط::	ينصر دينك يا سينما الخواجة، اليوم الكان جاينا فيهو عبد العزيز، السينما كانت بتعيد في عرض فلم "جسر الكسندرا (إنتاج 1976)" لصوفيا لورين، الفلم أنا حضرتو قبل كدا في سينما النيل الأزرق بالخرطوم و كنت متأكد إنو عبد العزيز ما بكون دخل الفيلم دا لانو السينما بشكل عام إمبريالية و ناس عبد العزيز ديل أيام الجامعة فاتحة ما عندهم وقت للسينما! يمشوا السينما كيف و يفوتوا الجكس؟ عملت إعلام كبير للزيارة الميمونة، و يوم الوصول ظبطنا ليهو غدا كارب و عزمتو بالليل على السينما، طلعنا للسينما بدري عشان نلف على الأصحاب الداير اقشر بيهو عليهم و نضمن جدول مليان بالعوازيم. التعديل الأخير تم بواسطة أبوبكر عباس ; 22-05-2011 الساعة 12:03 PM.
أبوبكر عباس :: كــاتب نشــط::

22-05-2011, 09:53 AM	#[107]
أبوبكر عباس :: كــاتب نشــط::	اليوم التاني النهارية عديناها كتشينة في البيت، عندي أخوان و اولاد اخوات و اقرباء كتار في البيت، و كلهم أحرف من جمال حسن سعيد (شبابيك) في الكوتشينة، عبد العزيز زحّ بعيد و طلع ليهو رواية (سرد احداث موت معلن) و قعد جنب الشباك و طلع النظارة (أنا شاكي إنها ما بتاعة نظر)، إعترفتا لبهو بالحرفنة!، لانو لو نزل الكوتشينة معانا، كنا بنرشوا و دا بنزل من البريستيج بتاعوا نتيجة المكاواة بعد الرش. المغرب مشينا بيت المثقف الكبير حسين صابون، حسين دا صاحب أبوي و عندو مصنع صابون و أبوي كان برسلني ليهو في الإجازة عشان أشتغل معاهو، لكنو كان بملحني و كان بعامل العمال زفت، عشان كدا قصدت أورمو. عثمان بروا، ولدو و صاحبي، جاب لينا شاي المغرب الما خمج، و عمك بعد شوية جانا عشان يقدني. قلت ليهو أها يا عم حسين المصنع كيف؟ و إن شاء الله العمال رايقين؟ و قلت ليهو انت يا عم حسين ما تخليهم يعملوا نقابة؟ - ردّ نقابة شنو للأوباش ديل؟ و سلمت المكرفون لعبد العزيز.... و حات الله تاني يوم كنا معزومين عندو، و ضبحوا لينا خروف، و مرتو الأمدرمانية ظبطت لينا أكل كلما أتذكروا هسع، بدعو لعبد العزيز. و من ديك، عمك صابون بقى يحترمني إحترام شديد التعديل الأخير تم بواسطة أبوبكر عباس ; 22-05-2011 الساعة 12:02 PM.
أبوبكر عباس :: كــاتب نشــط::

22-05-2011, 01:30 PM	#[110]
AMAL :: كــاتب نشــط::	بطل التواضع انت برجوازي كبييير سلاااام ياعديقي
AMAL :: كــاتب نشــط::

23-05-2011, 09:11 AM	#[112]
قيقراوي :: كــاتب نشــط::	اها؟
قيقراوي :: كــاتب نشــط::

23-05-2011, 09:58 AM	#[113]
عكــود Administrator	سلام يا بابكر، رغم إنّك نادر ما تشكّر بوست/زول، لكن البوست بتاعك ده زي نُقّاع زير يشرب منّو زرزور في نهار صيف. على جنب: مبروك الصورة الرمزيّة الجديدة
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.