راكوبة المجادعات.. النمة والدوباي

[أبو دعد]

[QUOTE=مواهب;429029]

المشاركة الأصلية كتبت بواسطة أحمد محمد زين حسين

زاهد في الحباة ما دام حبيبي جفاني
وخبري الينتشر يسمعبو قاصي وداني
اكان ما جاد علي بي نظرة منو رماني
لا اسفا علي .. وانعوني يا اخواني[
ات رايك سديد احفظ وشوف قانونى
الزول ان جفاك ما تبكى ليهو تنونى
يا يرجع براه ولا اليهج من كونى
وان يعرف لقيمتى بهدى ليهو عيونى

قانون حكمك بيهو تب قبلنا
و ما بناقى زيو وين ما قبلنا
بس بى الحال العلينا يقبلنا
اسلمن عيونك المتعن مقلنا

[أبو دعد]

نولا =no=لا

اسمك الجامع العربى و العجمى
ما ظن يقدر يحقق و صفو قلمى
بدوراجرب الليلة فيك قولى و نمى
تعالى على راكوبتنا اجلسى و سمى

[مرافي]

المشاركة الأصلية كتبت بواسطة طارق صديق كانديك

والله لقيتك ما ساهلة يامرافي

--

الوصف القبيل خلا القليب يتباكا
هزاني وبهز بالرااااحة جبل التاكا
الزول المتل دمور في ايد الحاكا
يمشي وينتني ده اللاك كبِدنا لواكا

الوصف القبيل خلاك.يا الاشم تتباكا
معذورياود كانديك وماكا باكي براكا
فكم امات واحيا كتير من..... تالاكا
مهرود الكبيد دواهو بس ساعة من لقياكا

[سارة]

البن البطـــقطق بالهبان قريـــــــافى
طًرانى الحبيب وريقو المعسل شافى
شاغل قلبى ديمة ريدو وحنانو الدافى
ومرضان الغرام ما بطًيبنو مشافى

[سارة]

البن المطقطق ..رامينى كابس راسى
كًرف ريحة حبيبى واتسارعن أنفاسى
سًكنتو المساموغذيتو بـــــــــاحساسى
يغطيهو الاله من عينى ومن الناس

[طارق صديق كانديك]

المشاركة الأصلية كتبت بواسطة سارة

البن البطـــقطق بالهبان قريـــــــافى
طًرانى الحبيب وريقو المعسل شافى
شاغل قلبى ديمة ريدو وحنانو الدافى
ومرضان الغرام ما بطيبنو مشافى

البن البيلطق بوخو وبقيف سيافي
خادماهو ام خصر ناحل كانه مافي
شاغلني اب جسيم ناير ودم شفافي
من فد كرفة من يديهو بصبح مافي

[سارة]

المشاركة الأصلية كتبت بواسطة طارق صديق كانديك

البن البيلطق بوخو وبقيف سيافي
خادماهو ام خصر ناحل كانه مافي
شاغلني اب جسيم ناير ودم شفافي
من فد كرفة من يديهو بصبح مافي

البن المحوًق وفى الدكــــكًن مافى
ذكرنى اب فصود وأتمحًنن اوصافى
اب نفسن مسك وعرقو الجلاد الصافى
شايقنى ومقريًف لـ ريقو البعشرق ودافى



*دككن جمع دكان حسب ما يتطلبه الدوبيت والله اعلم

[أبو دعد]

المشاركة الأصلية كتبت بواسطة سارة

البن المحوًق وفى الدكــــكًين مافى
ذكرنى اب فصود وأتمحًنن اوصافى
اب نفسن مسك وعرقو الجلاد الصافى
شايقنى ومقريًف لـ ريقو البعشرق ودافى



*دككن جمع دكان حسب ما يتطلبه الدوبيت والله اعلم

البن السفرو قالوا دق و حرق
بوخو العكل فى الحلق يشرق
شن طرانى بلا همبريب الشرق
دا الخلانى عز الليل اقوم منسرق

[مرافي]

المشاركة الأصلية كتبت بواسطة سارة

البن البطـــقطق بالهبان قريـــــــافى
طًرانى الحبيب وريقو المعسل شافى
شاغل قلبى ديمة ريدو وحنانو الدافى
ومرضان الغرام ما بطًيبنو مشافى

مرضان الغرام كترو عليهو الحقن
ماعارفين اذاهو... وسبب المحن
جوز اللواحظ ليهو اماتن وما احين
نظرة من الحبيب دواهو وليهو بيشفن

[احمد زين]

المشاركة الأصلية كتبت بواسطة سارة

البن المطقطق ..رامينى كابس راسى
كًرف ريحة حبيبى واتسارعن أنفاسى
سًكنتو المساموغذيتو بـــــــــاحساسى
يغطيهو الاله من عينى ومن الناس

البن المحوق منوبيبدأ الكيف
بكريهو ببرد ليهجاير الصيف
فنجانو المتمر ديمة شكلو نضيف
والصانع حلاة طبعو الخفيف وظريف

[جيجي]

المشاركة الأصلية كتبت بواسطة أحمد محمد زين حسين

البن المحوق منوبيبدأ الكيف
بكريهو ببرد ليهجاير الصيف
فنجانو المتمر ديمة شكلو نضيف
والصانع حلاة طبعو الخفيف وظريف

البن المحوق صبب عرق نتافي
والبوخ المهفهف قالعات معاه انفاسي
حليل زولي المجمر كامل الاوصافي
والرشفة البتشطف كبدتي وفشفاشي

[سارة]

الشاى المنعًنع من العصـــير رامينى
وقرياف الحبيب فوق القليب تاشينى*
يا الله الكريــــــم صبرنى ثبت دينى
لو يسيقينى سم بـ كل رضا بيروينى



من يتش تشا وهو متشوش يعنى محمر على نار هادئة

[سارة]

الشاى بالقرنفل والجلسة والحنية
طًرانى البريدو وحبو البقالى جنية
شاوينا بفراقو وقافل دروب الجية
لايكين الصبر وبيًضن ليهو النية

[سارة]

الشاى المعتق وابريقو يلــــــمع صينى
زى زمزم شفاء وكت الحبيب يسقينى
ياسيدى الرسول فى القاسية ابقى ضمينى
شاوينى الغرام مرضان وماسكو اب نينى

[سارة]

قالولنا الجرسة كعبة وكتر البتابيت عيب
ودرب الريد صعيب مليان سهر نحــــــــيب
وركًاب سرجين بقولو فوق الدروب ضهيب
ومجنون العشق حرمان يعالجـو طبيــــــــب