نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 13-10-2021, 10:47 AM   #[1]
علي الشيخ الحنين
:: كــاتب جديـــد ::
 
افتراضي معليش،،،،،

*بي📝 الحنين،،،*
*د. علي الشيخ*

*معليش،،،، ،،*
دي كلمة نطقها زاتو حلو
فيها ادب الاعتذار ،،،
بتسمعها ،،،،
و طوالي بترتاح و بتسامح ،،،
البقولها ليك ،،، هو زاته متسامح من دواخله ، نضيف من اعماقه ،،،
زمن طول ما سمعنا الكلمة دي ،،،،
*ليه !!!!*
تكون راحت مع حاجاتنا الجميله ،،
و لا تكون اتغيرت مع الموج الجانا كابس علينا ،،
اندثار كلمة معليش،،، اكيد بتدخل في محلها،،،، ليس من اخواتها مثل اخوات كان و إن ،،، لكن تدخل كلمة عكسها لاصلة بها،،،
في الكوره حتي لو جليتها وهي ماشي علي القون،،، بقولوا ليك معليش ، خليها اصلها *صرجت منك* ،،،،
ده اسمه اللوم بالمنطق و النصيحه ،،،

مرات ،،، بجوا ناس،،، يعتذروا بذلك ،،، و دي دبلوماسيه سودانيه بحته ،،،
وفيها حليفه ،،، عليك الله خليهو معليش،،،،

اجمل اعتذار و فيهو كلمة تسبق كلمة،،،
*معليش انت لو غلطان معانا ،،،،*
دي مابتعرف منو بعتذر لي منو ،،،،

في اعتذارات انيقه تسبقها كلمة معليش،،،،
و فيها سحر الرضا ،،،، و الامتنان،،،
معليش الجاتك في مالك سامحتك ،،،

معليش بكره تكبر وتنسي ،،،،

معليش المره الجايه زاكر كويس ،،،

معليش خليهو هو ماقاصد ،،،،،

معليش ،،،
دي من عندي،،، اصلوا طولنا منكم ،،،،
و الرسلة فيها الكتابه شويه ،،،،،

*د.علي الشيخ*
*الحنين*
*امدرمان*
*١١ ديسمبر ٢٠١٨*



علي الشيخ الحنين غير متصل   رد مع اقتباس
قديم 13-10-2021, 10:53 AM   #[2]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة علي الشيخ الحنين مشاهدة المشاركة
*معليش،،،، ،،*

ومعليش برضهو..
يلا يابا، أدينا من جديدك، وبيهو نعرف.. قدر معزة سودانياتنا عندك؟؟



اقتباس:
المشاركة الأصلية كتبت بواسطة علي الشيخ الحنين مشاهدة المشاركة
معليش ،،،
دي من عندي،،، اصلوا طولنا منكم ،،،،
و الرسلة فيها الكتابه شويه ،،،،،

*د.علي الشيخ*
*الحنين*
*امدرمان*
*١١ ديسمبر ٢٠١٨*



التوقيع:
بابكر مخير غير متصل   رد مع اقتباس
قديم 13-10-2021, 07:52 PM   #[3]
علي الشيخ الحنين
:: كــاتب جديـــد ::
 
افتراضي

معليش
مع الحاصل،، تاكل طعميه بي عيش


حباب طلتك



علي الشيخ الحنين غير متصل   رد مع اقتباس
قديم 20-10-2021, 07:05 PM   #[4]
علي الشيخ الحنين
:: كــاتب جديـــد ::
 
افتراضي الكفتيره،،،،،،،

*بي📝 الحنين،،، ،،،*
*د. علي الشيخ ،،،،،،*

*الكفتيره ،،،،،،*

يعني شنو 🤔 🤔 🤔 🤔
واحد كفى ليهو تيره،، ،،
دي ترجمه،،، على الشريط،،،
موية الكفتيره ،،،، لمن تسخن و تلغلغ ،،، وتفور ،،،، بتدفق،،،
ده الحايحصل بكره،،،،
كفتيرتنا قاعده فوق جمر🔥🔥🔥،،،
و نحن صابرين،،، و ما خايفين،،، بكره،،، نار الجمر بتبق،،، لا بتحرق،،، لا بتخرب،،،
مويه كفتيرتنا ما مويه عاديه،،، دي دماء شهدائنا 🩸🩸🩸،،، زي الدم البغلي في عروقنا،،،
بكره هتافنا موحد،،،
*حريه،،، سلام،،، و عداله،،،،*
*مدنيه خيار الشعب،،،*
الفنان محمد ميرغني،،، ،، بغني ،،،،، َبقول،،،،
*يفرق كتير،،،،*
و التاريخ يسطر،،،، الفرق الكبير،،،،،،
مابين ١٦ اكتوبر ،،،، و *٢١ اكتوبر،،،،،*
الأصلي،،،، و التقليد،،،،
في زول بعمل الحاجه بي ارادته و اقتناع منه،،، و بدفع من جيبه،،،، و بضحي بي روحه،،،،
ده الأصلي،،،،، Made in Sudan 🇸🇩
صنع في السودان ،،،،
و التقليد،،،، دايماً،،،، عمره قصير،،، و في سرقه،،، و غش،،،، و بتكون مجبور عليه،،، و أمكن تكون بتخاف و بتعمل فيهو،،،
كعب الزول البجي بي بطنه،،،، كعب شديد،،،، اخجلَوا،،،،
و سمح الزول الجاي بي عقله،،، بدافع عن حقه،،،، وحق الشفع الجايين،،،،
*بفرق كتير ،،،،،*
تدخل يدك في جيبك و تدفع و تشارك،،،،
و ما بين تدخل يدك في جيب المساكين تقلع منهم تدي الما محتاجين،، ،،،
*يفرق كتير،،،،،*
في زول يلقى الدرب ساهل و محروس،،،، و مابين ثوار يتحدوا الرصاص،،،،
الجاي بي ارادته بقعد و بصبر و بساهر لحدي مايشوف قضيته،،،،
و الجابوه ،،،، مكري و غامتين ليهو ،،، بعد يعضي بزوغ،،، زي الزول الدخل بيت مناسبه و زاغ من الكشف،،،، هسه ده ما كشف حال،،،،
*ثوارنا ،،،، ختوها ناصيه تفتح في كل الشوارع، ،،،*
كان عندك خت،،، كان ماعندك شيل،،،،
ديل البشيلوا الشيله وكت تتقل،،،،
كتلتنا الانانيه ،،،، و تمجيد الشخصيه،،،
كم،،،، و كم،،،، قعدوا في الكراسي،،،، و اخرتها كوم تراب،،،،
نصيحه،،،، للماسكين فوق الكراسي،،،، غيرك كان اشطر،،،

بكره بذكرني يوم النتائج،،،
في خوف،،، و قلق،، ، و في تفاؤل ،،،،
بذكرني مبارة الرد،،،، نحن غاليين،،،، و ال *VAR* قاعد،،،،
تشتري حكم،،، تلعب وسط جمهورك،،،، وللأسف جمهور دافعين ليهو،،،،
ده كله مابهمنا،،،
*بكره ترفع حجر،،، تلقي تحته ثائر،،،، تتلفت،،،، تلقى ثائر،،،*
*قدامك الف ثائر،،،، وخلف الف الف ثائر،،،،*

تاني في فنان قال،،،
*يا يوم بكره ماتسرع تخفف لي نار وجدي،،،،*

بتتلفتوا مالكم وجدي دي معناتها تاني،،،،
وجدي،،،، القاصدنها ،،،، افهموها،،،،
بكره الشوارع حتبقى بيوت،،،،
بكره العالم كله منتظر الحصه التانيه من سلميه خيار الشعب،،،
بكره الجرس حايدق،،، ،

*د. علي الشيخ*
*الحنين*
*امدرمان*
*٢٠ اكتوبر ٢٠٢١*



علي الشيخ الحنين غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:32 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.