نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 17-02-2022, 08:43 PM   #[1]
علي الشيخ الحنين
:: كــاتب جديـــد ::
 
افتراضي قطع الجمار،،،،،

*بي📝 الحنين،،، ،،،*
*د. علي الشيخ ،،،،،،*

*قطع الجمار ،،،،،،*
دكتوره 👩‍🔬،،،، نشيطه،،،، و جايه من بره السودان🇸🇩،،،،
يوم كانت نبطشيه،،، ساده الحوادث براها،،،،،
جابو ليها عيان🥵،،،، مكتس🥺 ،،،،
خلاص روحه تمرق و تخش ،،،، و مره يشهق،،، ومره يطش شبكه،،،،
أهله ماصدقوا ،،،، لقوا دكتوره في الحوادث،،،،🚑
الدكتوره،،، اتعاملت مع الحاله بكل مهنيه،،،، و ادب،،،، و احترام،،، و طولة بااااااال،،،، و برااااااها ،،،،،
شغل الإنسانيه البقولوه الناس،،،، كشفت على العيان،،، و سألته ،،،، شي تفهمه😉 و شي تكتبه✍️،،،، و قامت بالواجب،،،، نضفت العيان،،، و ركبت الدربات،،، و شالت العينات براها،، ،،، 🧪،،، 💉،،، 🌡️،،،،
و مسكت الورقه و القلم📝،،،، و ردحت ردحي صاح قلم احمر✏️، قلم أخضر🖍️، قلم اصفر📝،،،، زي إشارة المرور🚦،،،، و كل مره تمسك يد العيان،،، تحسب النبض🤏،،،، و تخت السماعه🩺،،،، تسمع دقات قلبو💓،،،، و تقيس درجه الحراره📉،،، تخيلوا جايبها عدتها معاها،،،، اصلَوا الزول وكت يحب شغله بنجضه،،،
اهل المريض،،،، اتجدعوا في المستشفى،،،، جنب ستات الشاي،،،، و دور الواتس اب،،،،
والله جدنا ده وديناهو المستشفى،،،، و هسه راجين الدكتوره تطلع تورينا الحاصل،،،،، لكن الله اعلم تجيب لينا خبر سمح،،،، اصلوا عيان ليهو كم شهر و يادوب قدرنا نجيبو الحوادث،،، و الحمد لله لقينا دكتوره مسكتوا مننا،،،، بالله كلم أولاده في البلد،،،، و ماتنسي رسل في قروب العائله،،، عشان كلهم يعرفوا،،، البره السودان،،، و الجوه،،،، امر الله ما معروف يحصل متين،،،
و في جماعه مشوا المقابر،،،، و اتفقوا يحفروا ⛏️🪓وين،،، و الجوالات 📱 اتخابطت،،، مع ناس الخيم و الكراسي،،،، و الطباخ،،، و المويه،،،،
و القرار جاء من ولده الكبير،،، كان حصل امر الله،،،، نحن نرفع بعد الدفن،،، ظروف البلد،،،، و ماعايزين نجهجه الناس،،،
الباقين اقتنعوا،،،، و الكلام في ناس عجبهم،،،، و ناس الركلسه ،،، طنطنوا ،،،،
*دكتورتنا*،،،، شغاله شغله،،، ما قصرت،،، جابت الدواء، والدربات، و الحقن ،،،، جيهت ليك العيان جيه جد،،،
لحدي ما فتح عيونه 👀،،،
و اخد ليهو مققققققه طويله،،، و نادي الدكتوره،،،، تعالي يالسمحه،،،،،، و قربت منه بكل أدب،،،،
قال ليها يا بتي *بدور اقطع الجمار،،،،،*
دكتورتنا،،،، *قالت ليهو انا يا جدو،،،، مابعرف اقطع الجمار،،،*
لكن كدي اصبر دقيقه،،،،
دكتورتنا،،،، مرقت بره الحوادث،،،، نادت اهل العيان،،،،
قالت ليهم بكل براءة،،،،
يا جماعه في زول منكم بعرف *يقطع الجمار،،،،*
يدخل للعيان حقكم ده،،،، يقطع ليهو الجمار،،،،
الخلعه ،،،، و نطيط العيون 😳😳😳 ،،، ظهرت في وش اهل العيان،،،،
استغربوا،،،، في السؤال،،،
مابين مصدقين،،،، و لسه مزهللين،،،
و دكتورتنا،،،، ما انتظرت،،،، رجعت تشوف شغلها،،،
و في انتظار زول من أهل العيان،،،،
*يجي يقطع ليهو الجمار،،،*

ناس الحقيبه،،، غنوا،،،،
ابوصلاح،،،،
*جمروا حرقني،،،،*
و الداهيه ،،،،، عوض جبريل،،، كتب لينا،،،،،
*سيبني في عز الجمر،،،،*
بنسمع الناس تقول،،،،
الشيه🍗🥩 ،،،،، جمر🔥،،،،
الشاي الأحمر 🍵،،،، جمر🔥،،،،

و لي هسسسسسسه ،،،،،
دكتورتنا،،،،، منتظره،،،،

*زول يجي يقطع الجمار للعيان،،،،،،*

العيان ياهو السودان،،،، و دكتورتنا اجتهدت،،، عملت العليها،،،
المغصه ،،،، البتشقنا ،،،،،
البعرفو قطع الجمار ،،،، طنشوا،،،، و بلدنا تتوجع،،، و تتألم،،،
و القالوا بعرفوا ،،،، يقطعوا الجمار،،،،، الرماده في خشمهم،،،، شن عرفهم،،،،
نقول،،،، ربنا يحفظ البلاد و العباد ،،،،
*حضرنا زمن،،، قطع الجمار بقى بالقروش،،،،*
😱😔😨☹️

*د. علي الشيخ*
*الحنين*
*امدرمان*
*١٧ فبراير ٢٠٢٢*



علي الشيخ الحنين غير متصل   رد مع اقتباس
قديم 18-02-2022, 12:26 AM   #[2]
بابكر مخير
:: كــاتب نشــط::
الصورة الرمزية بابكر مخير
 
افتراضي

يا دكتور
قطع الجمار هين
الصعب قطع الجمر...
وشبهن لي قول أبو صلاح والمقصود بيها البرهان
(جمرو حرقنا،، فارقنا الروح وبرضهو ما بي يفارقنا)



التوقيع:
بابكر مخير غير متصل   رد مع اقتباس
قديم 21-02-2022, 02:32 PM   #[3]
علي الشيخ الحنين
:: كــاتب جديـــد ::
 
افتراضي

ود مخير
اسعد الله يومكم بكل خير
زي الجمر القلتو ده
باكر بصبح رماد

باكر دي مابتطول



علي الشيخ الحنين غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:24 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.