البشير التقى نقد لتحقيق الوفاق الوطني

[imported_أمير الشعراني]

[frame="7 80"]الرأى العام :أميرة الحبر
اتفق حزبا المؤتمر الوطنى والحزب الشيوعى امس على تشكيل لجنة سداسية مشتركة لبحث الاوضاع بالبلاد وتفعيل الساحة السياسية بغرض الوصول لوفاق وطني. ودعا محمد ابراهيم نقد سكريتر الحزب الشيوعى في تصريحات صحفية عقب لقاء جمعه بالرئيس عمر البشير بدار المؤتمر الوطني امس الى طرح اتفاق نيفاشا في مؤتمر موسع او للاحزاب لتبدي رأيها ، بغية تحويله لاتفاق قومي مشيرا الى انه لايوجد احد يعارض الاتفاقية الا انه اشار لتحفظات على طابعها الثنائي وتأثيرهاعلى وحدة البلاد واكد على اهمية الاجماع الوطنى حول القضايا الوطنية مقدما بعض المقترحات والحلول لتفعيل اتفاقية السلام وتحويلها من اطار ثنائى الى اطار قومى لارتباطها بمصير البلاد. واشار الى ان الاتفاقية بها كثير من البنود والمهام المتداخلة التي تحتاج لترتيب الاسبقيات حسب القدرات والامكانيات.
http://www.rayaam.sd/news_images/1213200722204AM88.jpg
واضاف نقد ان مايهمهم وحدة البلد وحل مشكلة دارفور وتنفيذ اتفاق نيفاشا بصورة كاملة.من جانبه وصف الدكتور مصطفى عثمان اسماعيل مستشار رئيس الجمهورية امين الامانة السياسية بالمؤتمر الوطنى في تصريحات صحفية بأن اللقاء مفتاح لتكوين جبهة وطنية مشيرا الى اللقاءات التي اجراها المؤتمر الوطنى مع مختلف القوى السياسية والاحزاب مستعرضا مهام اللجنة السداسية التى تم تشكيلها لمناقشة هذة القضايا وبحثها فى اطار قومى لتحقيق الوفاق الوطنى مع الاطروحات المختلفة الموجودة فى الساحة السياسية .
وقال ان المؤتمر الوطنى لم يغلق باب الحوار وسيحرص على تطوير تلك اللقاءات على المستوى الافقى والرأسى ولم يستبعد ان تتم هذه مع رؤساء الاحزاب السياسية كافة دون تمييز وقال ان الجنة المشتركة بين الطرفين ستبحث في عن آلية للوفاق تتفق عليها كل القوى السياسية ، مشيرا ان اللقاء مع الحزب الشيوعى هو الاول من نوعه على هذا المستوى مشيرا الى انه لم يحدث ذلك من قبل ووصف بانه يدل على وجود مساحة للاتفاق ولم يستبعد عقد لقاءات أخرى مماثلة.
الى ذلك قال الشفيع خضر القيادي بالحزب الشيوعى ان اللقاء سيطرح على التجمع الوطنى الديمقراطى معلنا بان اللجنة السداسية التى تم تشكيلها بين الحزبين ستعقد اجتماعها فى مطلع الاسبوع المقبل لبحث القضايا التى تم الاتفاق عليها.[/frame]

[imported_فيصل سعد]

الاخ امير تشكر على نقل المقال هنا.
اسمح لي باخذ نسخة منه لبوست مشابه في سودانيات هنا.
تحياتي.

[بابكر مخير]

الليلة

الحزب الشيوعي ذاتو ركب المركب
بقينا سو عات

[imported_خالد الحاج]

المشاركة الأصلية كتبت بواسطة Babiker Mukhayer

الليلة

الحزب الشيوعي ذاتو ركب المركب
بقينا سو عات

سلامات يا دوك ومرحب بي عودتك (فقدناك).
معاك حق والله يا بابكر تسخر
والله من أمس النوم طار من عيوني
الناس دي بتعمل في شنو؟
مجرد الجلوس معهم مرفوض تماما وهو موقف لا يقبل التبرير ولا المساومة.

إقرأ البوست ده كان لقيت ليك فرقة :

http://sudanyat.net/vb/showthread.php?t=5533

[imported_الزوول]

السلام عليكم

أظن أن نقد يتمثل قول المتنبي

ومن نكد الدنيا على الحر أن يرى * * * عدوا له ما من صداقته بد


تعرف يا شعراني
عندي عادة أقرأ أول أجزاء عنوان البوستات عشان أعرف هل استمر أو لا
وكل مرة يصدمني بوستك ده : البشير التقي
أقول في نفسي يا ربي (الخال) ده بس خلانا غبنا كده ولم في ناس القصر جابهم ؟
كل الود

[imported_Hassan Farah]

يا شباب روقوا المنقة-- هناك امر واقع مر-- والحزب الشيوعى لاعب اساسى فى الساحة السياسية- وعليه مسؤليات امام الشعب السودانى-- انتو عاوزنو يوقف يتفرج والبلاد تدحرج نحو الهاوية---

[imported_الجيلى أحمد]

التحية للشعرانى
ولضيوفه الكرام

أستغرب لهجة الإستنكار على الخبر الوارد, وكأنما هنالك صفقة سرية تمت تحت الأرض أو فى مطارات وأوتيلات أوروبا, هذه مقارعة ومناكفة سياسية وعملية (نقوشيشن) حول أوضاع سياسية تتم على مرأى ومسمع الجميع وبأجندة واضحة غير مخفية أو ملتوية, فما الداعى للأستغراب الساخر , لقد وقع التجمع الونى الديمقراطى على إتفاق إنخرط بموجبة فى أزقة سلطة الأمر الواقع, والحركة الشعبية شريك يتقاسم السلطة والثروة مع المؤتمر الوطنى( شبه مناصفة), فما الذى يدعو للإستغراب لو كان للحزب الشيوعى دلوه ودوره
فى مرحلة التغيير الديمقراطى القادم لامحالة رغمآ عن أنف أى جبة عسكرية تدمن الإنقلابات..

والأمر بمجمله سعى للمؤتمر الوطنى الجامع

فما الداعى للإستغراب والتعجب..!!!!!

[بابكر مخير]

المشاركة الأصلية كتبت بواسطة خالد الحاج

سلامات يا دوك ومرحب بي عودتك (فقدناك).
معاك حق والله يا بابكر تسخر
والله من أمس النوم طار من عيوني
الناس دي بتعمل في شنو؟
مجرد الجلوس معهم مرفوض تماما وهو موقف لا يقبل التبرير ولا المساومة.

إقرأ البوست ده كان لقيت ليك فرقة :

http://sudanyat.net/vb/showthread.php?t=5533

خلود
قريت البوست من أيامو ديك
شقلبتها وقلبتها، لقاء بدعوة من سوار الدهب، الزول داك ذاتو الفي فترة حكمو جاطها وعمل قانون الإنتخابات المشئوم داك الخلى الجبهجية لقو ليهم تمثيل في البرلمان
والله يا خالد في حاجات كدا بس عاوزة شجاعة شوقي بدري عشان (يطرشها) لكن للضرورة أحكام والواحد بس ياهو يعمل بطريقة قريبي الحبيب حسن فرح (ما يمشي يقوم يتماسخ ليا ذي قريبي شوقي ويقول ليا لا حبيب ولا ... مالو نقول زبيب)

المشاركة الأصلية كتبت بواسطة Hassan Farah

يا شباب روقوا المنقة-- هناك امر واقع مر-- والحزب الشيوعى لاعب اساسى فى الساحة السياسية- وعليه مسؤليات امام الشعب السودانى-- انتو عاوزنو يوقف يتفرج والبلاد تدحرج نحو الهاوية---

ما هو الأحزاب الديمقراطية الحقة كلها لاعب أساسي، تبرير جانب قريبي فيهو التوفيق،،، يا قريبي، إحنا ناس بنقول للأعور أعور في عينو.
الإنقاص مرض ومعدي كمان وقولت الحبيب الجيلي توري الحيحصل لناسنا
من أولاد ..... ديل

المشاركة الأصلية كتبت بواسطة الجيلى أحمد

الببارى الجداد بوديهو الكوشه..

[imported_Hassan Farah]

تعرف يا قريبى بابكر كلام الاخ الزول التحت دا هو الاصدق فى التعبير عن الحال وشخصيا لا اشك فى مقدرة الاستاذ نقد واعتقد انه رجل محنك -----


أظن أن نقد يتمثل قول المتنبي

ومن نكد الدنيا على الحر أن يرى * * * عدوا له ما من صداقته بد

[imported_Hassan Farah]

اها يا قريبى هو نقد براه بقى الحيطة القصيرة---

http://www.alsudani.info/index.php?t...147524381&bk=1

[imported_فيصل سعد]

[align=center]السوداني : العدد رقم: 748 2007-12-14

البشير يلتقى المهدى عقب العيد
الخرطوم: الفاتح عبدالله[/align]

كشف مستشار رئيس الجمهورية د.مصطفى عثمان اسماعيل عن عقد لقاء ثانٍ بين رئيس المؤتمر الوطني رئيس الجمهورية المشير عمر حسن البشير ورئيس حزب الأمة القومي الإمام الصادق المهدي بعد عطلة عيد الأضحى مباشرة لمواصلة الحوار بين الحزبين حول قضايا الوطن والوضع السياسي الراهن في اطار لقاءات المؤتمر الوطني بالأحزاب. واضاف مستشار الرئيس امس في تصريح لـ(السوداني) ان اللجنة المشتركة بين الوطني والامة برئاسته والأمين العام لحزب الأمة د.عبدالنبي علي احمد اتفقت امس في الاجتماع الثالث لها على مسودة مشروع للثوابت الوطنية وستقوم برفعها لاجتماع البشير والمهدي المقبل وتسبق الخطوة اجتماع للجنة المشتركة في يوم (26) من الشهر الجاري لمناقشة قضية دارفور والحريات واتفاقيات السلام والانتخابات المقبلة. واضاف اسماعيل ان المؤتمر الوطني سيواصل لقاءاته مع الاحزاب والقوى السياسية بعد العيد وسيقوم بطرح خيارات من اجل الوصول الى منبر قومي حتى تشترك فيه كل الاحزاب دون اي استثناء لأي حزب، مؤكداً سعي حزبه لتشكيل ثوابت وطنية. واوضح اسماعيل ان لقاءات المؤتمر الوطني بالقوى السياسية لم تكن تكتيكاً او مرتبطة بانتهاء الازمة بين الوطني والحركة الشعبية.

واعتبر مستشار رئيس الجمهورية دور الاحزاب السياسية الفاعل ضماناً لعملية الوحدة الوطنية وتحقيق الوحدة الطوعية واجراء الانتخابات في موعدها ومعالجة قضية دارفور والتحول الديمقراطي وانفاذ برنامج الحريات. وفي اجابته على سؤال الصحيفة عن نية المؤتمر الوطني تقديم مبادرة لإطلاق سراح المعتقلين السياسين قال اسماعيل: (كل ما يساعد على تهيئة المناخ السياسي المؤتمر الوطني سيسعى اليه وسيحرص عليه).

[بابكر مخير]

أبو علي
تعرف لمن أكدت ليا حنكة نقد وختيت اللينك؟ كنت قايل حالقى سطر سطرين من حديث الأستاذ نقد، بالناسبة أنا بحب طريقة حديثو جدا ما هو عندو روح تهكمية وسرعة بديهة التقول رباطابي ما دنقلاوي؛ قطاني.
(أجمل حاجة في القطانة جديتهم في لعب الكوتشينة (الوست) تعرف الناس ديل لمن يكونو بيلعبو ما تسمع إلا التسمية وصوت الورق بيوزيعهو، بس التقول خواجات بتاكل ما تسمع إلا صوت الشوكة والسكين.)
لقيت منزل ليا حكاية لقاء سيدي الصادق وعمر.
هنا في حاجة عايز اقولها قبال ما أمشي أرد على الشماتي داك (فوفو)
نقد قابل البشير لكن هو راجل محنك وعمل الحكاية دي وبعدين حنشفع ليهو لأنو محنك؟؟؟؟
طيب السيد مبارك المهدي دخل مع ناس البشير ولمن الحكاية ما مشيت حسب حنكتو، لطش الجاز كف صاموتي،، ليه ما برضو حنكتو ما بتشفع ليهو
داك بلوتاري ودا برجوازي ولا عشان داك بلشفي ودا مهما عمل ليكم ما بيشفي

يا فوفو
وبالنفس الهادي
يعني خلاص سدا بي سدا،
ما تنسى يا سيدي (والله شوقي خوفني من قولة حبيب) العسكور ديل التأريخ رابطهم بي رباط وثيق ووطيد مع الأحزاب الشمولية، لقاءاتهم مع العسكرتارية ما شي جديد، هم منهم، ليهم وبيهم.
لكن لما سيدي الصادق يقابل العسكور تبقى خلاص الريكة إتشقلبت.
هو ياريتو البشير يستفيد بكلمة واحدة من كلام سيدي

[imported_فيصل سعد]

المشاركة الأصلية كتبت بواسطة Babiker Mukhayer

أبو علي
تعرف لمن أكدت ليا حنكة نقد وختيت اللينك؟ كنت قايل حالقى سطر سطرين من حديث الأستاذ نقد، بالناسبة أنا بحب طريقة حديثو جدا ما هو عندو روح تهكمية وسرعة بديهة التقول رباطابي ما دنقلاوي؛ قطاني.
(أجمل حاجة في القطانة جديتهم في لعب الكوتشينة (الوست) تعرف الناس ديل لمن يكونو بيلعبو ما تسمع إلا التسمية وصوت الورق بيوزيعهو، بس التقول خواجات بتاكل ما تسمع إلا صوت الشوكة والسكين.)
لقيت منزل ليا حكاية لقاء سيدي الصادق وعمر.
هنا في حاجة عايز اقولها قبال ما أمشي أرد على الشماتي داك (فوفو)
نقد قابل البشير لكن هو راجل محنك وعمل الحكاية دي وبعدين حنشفع ليهو لأنو محنك؟؟؟؟
طيب السيد مبارك المهدي دخل مع ناس البشير ولمن الحكاية ما مشيت حسب حنكتو، لطش الجاز كف صاموتي،، ليه ما برضو حنكتو ما بتشفع ليهو
داك بلوتاري ودا برجوازي ولا عشان داك بلشفي ودا مهما عمل ليكم ما بيشفي

يا فوفو

يعني خلاص سدا بي سدا،
ما تنسى يا سيدي (والله شوقي خوفني من قولة حبيب) العسكور ديل التأريخ رابطهم بي رباط وثيق ووطيد مع الأحزاب الشمولية، لقاءاتهم مع العسكرتارية ما شي جديد، هم منهم، ليهم وبيهم.
لكن لما سيدي الصادق يقابل العسكور تبقى خلاص الريكة إتشقلبت.
هو ياريتو البشير يستفيد بكلمة واحدة من كلام سيدي

الحبيب / دكتور بابكر و برضو بالنفس الهادي جدا الله لا يجيب بيناتنا غير الهداوة

لازم تتاكد انه انا لست من يحدد و يقيم عمل و سياسة نقد و الصادق و مبارك؟ و كل الموضوع تبادل معلومات و حوار في شأن عام سياسي يهم بلادنا و مستقبلها و فاقها و حريتها و ديمقراطيتها، بعدين وين شفتني انا انحزت و شفعت لنقد و وين شمت في الصادق و مبارك؟ بعدين وصفك لي بالشماتة في حد ذاته ما كريم، لكن انا يا الحبيب مسامحك فوقو تب معزة و خوة و حب و كرم و رجالة انت بتستاهلهم لانك زول صافي و نيتك طيبة و استنتاجك ما بتقصد بيه معنى خبيث، دا شعوري فيك و انا واثق فيكم الاثنين. اما العسكرتاريا و الربط التاريخي مع الاحزاب الشمولية فكلامك صاح مية المية و الله يرحم عبد الله خليل و عبود و بذلك يكون حزب الامة رائد الاحزاب الشمولية و صاحب الفضل و اول من فتح هذه الدروب الوعرة و دا تاريخ يا بابكر و ما كلام قاطعوا من راسي و لا شماتة كما تظن يا عزيزي الفاضل.
و نتمنى مثلك ان يستفيد البشير من كلام سيدك الصادق و محمد ابراهيم نقد "سيد نفسك مين اسيادك".

اطيب التحايا.

[بابكر مخير]

المشاركة الأصلية كتبت بواسطة فيصل سعد

الحبيب / دكتور بابكر و برضو بالنفس الهادي جدا الله لا يجيب بيناتنا غير الهداوة

لازم تتاكد انه انا لست من يحدد و يقيم عمل و سياسة نقد و الصادق و مبارك؟ و كل الموضوع تبادل معلومات و حوار في شأن عام سياسي يهم بلادنا و مستقبلها و فاقها و حريتها و ديمقراطيتها، بعدين وين شفتني انا انحزت و شفعت لنقد و وين شمت في الصادق و مبارك؟ بعدين وصفك لي بالشماتة في حد ذاته ما كريم، لكن انا يا الحبيب مسامحك فوقو تب معزة و خوة و حب و كرم و رجالة انت بتستاهلهم لانك زول صافي و نيتك طيبة و استنتاجك ما بتقصد بيه معنى خبيث، دا شعوري فيك و انا واثق فيكم الاثنين. اما العسكرتاريا و الربط التاريخي مع الاحزاب الشمولية فكلامك صاح مية المية و الله يرحم عبد الله خليل و عبود و بذلك يكون حزب الامة رائد الاحزاب الشمولية و صاحب الفضل و اول من فتح هذه الدروب الوعرة و دا تاريخ يا بابكر و ما كلام قاطعوا من راسي و لا شماتة كما تظن يا عزيزي الفاضل.
و نتمنى مثلك ان يستفيد البشير من كلام سيدك الصادق و محمد ابراهيم نقد "سيد نفسك مين اسيادك".

اطيب التحايا.

والله يا فيصل (فوفو العزيز)
بعد مسكت القلم (رمز للكيبورد) قلت أرد،،، لقيت الخوف من كلمة كدا ولا كدا تطلع ولقيت أنو السياسة عندنا في السودان، التزمت في الرآي ورفض الرآي الأخر ولا الواحد ما بيكون سياسي ملتزم (الكلام دا ما قاصد بيهو أي زول!!!! لكنو عن نفسي)
ممكن الكلام يكون عفوي ولكن ممكن أكون أنا ترجمتو ترجمة غير صحيحة، الناتج شنو، زيادة زيت في النار.
سيدي الصادق ونقد ومبارك ياهم في العمل العام ربنا يكون في عونهم ويفتح سريرتهم ويبيض نواياهم ويعدل دربهم وياهم ناس وكتا وإتم يا الشباب ناس الجاية
ليك التحية وكلمة شماتا ما قاصد بيها مفهوم سئ غير، القصد كان أنو إثارتك دون إيذاء والهمز دون تجريح
خليتك عافية وياكا من القليلين البفتكر ما بيزعلو من هزاري لكنو طلع سخيف وما كنت قايلو ثقيل كدي لين يوترك

[imported_فتحي مسعد حنفي]

المشاركة الأصلية كتبت بواسطة Babiker Mukhayer

والله يا فيصل (فوفو العزيز)
بعد مسكت القلم (رمز للكيبورد) قلت أرد،،، لقيت الخوف من كلمة كدا ولا كدا تطلع ولقيت أنو السياسة عندنا في السودان، التزمت في الرآي ورفض الرآي الأخر ولا الواحد ما بيكون سياسي ملتزم (الكلام دا ما قاصد بيهو أي زول!!!! لكنو عن نفسي)
ممكن الكلام يكون عفوي ولكن ممكن أكون أنا ترجمتو ترجمة غير صحيحة، الناتج شنو، زيادة زيت في النار.
سيدي الصادق ونقد ومبارك ياهم في العمل العام ربنا يكون في عونهم ويفتح سريرتهم ويبيض نواياهم ويعدل دربهم وياهم ناس وكتا وإتم يا الشباب ناس الجاية
ليك التحية وكلمة شماتا ما قاصد بيها مفهوم سئ غير، القصد كان أنو إثارتك دون إيذاء والهمز دون تجريح
خليتك عافية وياكا من القليلين البفتكر ما بيزعلو من هزاري لكنو طلع سخيف وما كنت قايلو ثقيل كدي لين يوترك

خسارةالتعليم الاتعلمتو والعيشة ربع عمرك في اوروبا الطلع كلو بلا فايدة0سيدي شنو يابابكرسيدك مولاك ياصاحبي وكان بالأصل انت ود أصل ما أقل من الكبير فيهم وأكتر كمان لأنك ما جيت نازح ولا مدعي0وكان فيصل ما استحملك واحنا استحملناك نبقي صحبتنا فشوش0
بعدين نقد دا قاعد في السودان ولا جا من برة عشان يقابل الزفت البشير دا0؟ وكون انو البشير يقعد معاه دا أفتكر نصر للمعارضة ودليل انو البشير بقي في شقا ضيق كايس الايد البتتمدا ليهو ودي ما بلقاها عند نقد0نقد بالعكس أملا شروط ما قدم تنازلات0
وبعدين يا أخي لما الدول تكون في حروب وعايزين يوقفوا الحرب كبار الدول دي بيقعدوا مع بعض عشان يتفقوا علي هدنة أو استسلام أو غيرو ومافي زول بيقول ليه قعد فلان مع فلان والكلام دا قالوا زمان السادات لما مشي كامب ديفيد وخطب في الكنيست0 بعد حرب اكتوبر العرب قالوا خاين وأنا في رأيي انو أعقل من كل الباقيين لأنو رجع كل شبر من أرضو بي حتة ورقة والباقيين لغاية هسع أراضيهم تحت الاحتلال وبالأنا شايفو حتفضل تحت الاحتلال0الغريبة زمان الحبيب بورقيبة دعا العرب للجلوس مع اسرائيل علي طربيزة المفاوضات العرب هاجوا وقالوا خاين ولما السادات قال ماشي اسرائيل أول زول اتهمو بالخيانة كان الحبيب بورقيبة طبعا دا لأنوسرق دور البطولة منو0
بعدين انتو يا معترضين تفتكرو نقد بيفتش ليهو علي منصب ولا وظيفة وهل من يومها قرر وقف النضال ضد النظام حتي اسقاطه؟وهل الشعب السوداني العايش وشغال في وظايف حكومية والسلك الدبلوماسي ديل كلهم خونةياخوانا ما تعقلوا وفكروا بي عقل مش بالشعارات الرنانة والعواطف ونقد ما بيتصرف من نفسو ولو الهدف بس مهاجمة الحزب الشيوعي حقو الناس تشوف ليها حاجة تانية وكان البيمشي ورا الجداد بيمشي الكوشة فالسودان الليلة بقي كلو كوشة لغاية ما ينضف والقعاد وتوزيع الاتهامات علي الخلق ما بينضف ولا برندة0
شوية شوية يا اخوان وأنا ما عضو في الحزب الشيوعي للمعلومية0وكمان0 بكتب بالأزرق