اقتباس:
المشاركة الأصلية كتبت بواسطة معتصم الطاهر
ألم تقرأ التوقيع ..
|
يا باشمهندس أنا كلام استاذنا عيدروس دا والله عارفو ،، وأزيد ليك إنّو مشروع التمكين ذاتوو ما قدر يستوعب حتى الناس الكانت راغبة في ركوب السفينة ،، يا اخ نحن كتار ! وابواتنا ما شاء الله الما ولد تب جايب ليهو 8 بُطُون
أها ديل المشروع ما قدر يشيلهم ،، يقعدو يدقوا جرس ؟! واللا ينتشروا في ارض الله الواسعة !! الناس الإنتشروا ديل لو لا شعارات الإنقاذ الماقدرو يستوعبوها في وقتها ! أو هي ما قدرت تسمعهم ذاتو لأنو مقاعد المشروع كانت زي المحدودة !! ما كان ليهم ليبدعو لو لا الظروف دي !
ودونك النكات الاتقالت في مشروع التمكين
وظيفة دايرين ليها كوز معتّق
فتحو باب التقديم ليها ، اتلمو الناس والمعاينات انتهت بالأخ المعتق دا وواحد شاطر ولايوق ! كل المعاينات تعداها المهم جاء وكت إنّو الزول الشاطر دا يطير عشان يمسك الزول الحا يكون محل ثقة لتنفيذ المشروع ! قالوا للشاطر في حاجة برة بتقول : شقي قق ققققققق دان اننننننن ! دي شني ؟ قال ليهم دي ما عربية ! قالو ليهو عارفنها عربية بس ماركت شنو تايوتا ، مازدا ، هينو ! شنو !ما عرفها ،، طيب ، تاني سؤال ،، في حاجة بتجي مااااشة في زلط وفجأة بترتفع لي أعلاء دي شني ؟ قال ليهم دي الطيارة ،، قالو ليه: عارفنها الطيارة بس شنو بوينج ، ميج ، شنو؟ الراجل لملم أوراقه وأتوكل يدق ليهو باب تاني !
نحن فعلاً يجب ان نشكر الظروف دي !!