نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 08-04-2016, 05:18 PM   #[1]
مها عبدالمنعم
:: كــاتب نشــط::
 
افتراضي ....................

زمان مازمان شديد ،انتهيت من كتابة اول خطاب ،ايوه خطاب يبدا بالسيد فلان الفلاني وينتهي بالسلام عليكم ورحمة الله مع العلم انو فلان دا ود عم ابوي لزم
الخطاب في وقته كان مهم شديد من ناحيه رديت فيه علي سؤالو لحبوبه عن هل سلموها المصاريف؟ وهي ردت قالت لي اكتبي ليه ود خليفه جاب ليها القريشات والسكر والشاي وقال امونه بت بخيت بدور يعرسوها ماشين يتكلمو فيها علا ما كنت دايرا عام اول شن حصل خلاك اتغيرت من تالا البنيه؟
المهم حبوبتي ما انتظرت اليوم التاني اشان الجواب يسافر بالليل ماتت والجواب بقي قاعد لا عرفت ارسلو ولا عرفت اقطعو ؟ ومرن الايام وجا ود عم ابوي لزم دا طلبني وادوهو من غير يشاورونو اصلا البت علي قول ابوي ماعندها شوره والراجل مابعيبو شي ..رسل عقد وجاب المال والشيله ومشيت طرد،اها كانت اول مره اشوفو عديييل شوف العين للعين، عجبني وعجبتو والحياة مشت علي احسن مايكون الحال ويوم ورايوم واسبوع والتاني وشهر والتاني رجعت اهلي للولاده،الاول خفت قلت النسوان بقن طوالي يموتن كان رسلت لامي جبتها اخير لكن تاني رجعت ووقعدت لمن ايامي تمن وتميت الشهرين ،والبت حلاته تشبه حبوبته،في الشهرين بالتمام والكمال جاتني امونه بت بخيت وبعد حمدالله بالسلامه والبنيه مبروكه قعدت زي تتضاير ووتعيد الكلام وتاني تبداه من الاول ،قالت لي كان قلت لك بدور انضم مع راجلك في شان يخصني ويخص امه الله يرحمه تزعلي ؟؟
رديت من ورا قلبي لالا البزعلني شنو ما يهاهو اخوك ولحمك ودمك ، وانا بقول في الكلام دا عاينت جوه عيونه اشوف اثر منو عليها لكن ماقالت شي غير صدقتي ، خلي اليكلمني ضروووري الكلام امانه في زمتك كانت مره سماحته سماحة حور عين ،العيون متل المها والقوام ،والا الجسم المقسم تقول ماها بشر..... اتحيرت زياده نان كان دايره في الوقت داك ليه خلاها اخدت غيرو طمنت روحي قلت تكون ابتو ...علا المره العذبه يتخاف منها ومرقت علي اهله مشيت نكت الجواب دا ك وقريتو ياريت لو حبوبه اجله اتاخر شويه كنت قريت ردو علي سواله...استغفر الله دا شنو كمان ،غلبني الصبر وقدمت اجازتي ورجعت وشايله الجواب في يدي اخاف اسال افتح علي باب مامعروف قافل وراه شنو والا اسكت اخيرا سالتو ات دحين زمانك كنت داير بت بخيت؟ نط لفوق لمن سالتو علا عملت ماشايفاه وقال انتي منو قاليك
طوالي كضبت امك الله يرحمه بس ماتت وهي نفسها تعرف خليته لشنو؟
النصيب دا كمان في يد زول؟
كنت دايره وفاتح قلبي عليها حتي هي مبادلاني الود كانت مره سمحه سماحه فايته الحد الضفاير ديل تلقاهن تانياهن تلاته تنيات وجادعاهن ورا ضهرا،وبت رزينه وامينه وفايته حد الادب، ومتعلمه ابيته عشان كل البشوفه بخت عينه عليها الزول يحب الجميله ويعرس السمحه !قصدك هي اجمل مني اشان كدي خليته؟ايوه جميله وداك زمان مر بوقته وانتي مرتي اخدتك براي ما عزلوك لي ماتسمعي كلام الناس البجدعو الكلام ساي
ماسمعت كلام زول ،لكن جات ساله منك دحين اضر
وقبل اتم كلامي مسك التلفون ودور الرقم اتاري حافظو، ماعرفت الكلام القالتو ولا قدرت سالتو بس ضحكته كانت باينه جا مارق مديت ليه الجواب وقلت
الجواب دا رسلته ليك حبوبه قبل تموت ...سبحان الله قراه واتغير حالو وغضب غضب مرق ما سالته ماشي وين اخر الليل جا راجع قال لي يابت الناس دام انك نكتي القصه براك وكضبتي اشان اقول الفي نفسي علي الطلاق بت بخيت بعد اتطلقت تجي تعيش معاك في البيت دا!
مها عبد المنعم



التوقيع: http://mahamonem.com/
مها عبدالمنعم غير متصل   رد مع اقتباس
قديم 04-05-2016, 03:42 PM   #[2]
حسين عبدالجليل
:: كــاتب نشــط::
 
افتراضي

تحياتي أخت مها :

نص يجذب القارئ من أول وهلة . صوت طاغي و متميز للراوية .النهاية ربما كانت فجائية ولم تكن هنالك ظلالا تمهد لها .

لديك مقدرة بارعة في الحكي .

بالمناسبة بقية رواد و كتاب سودانيات يجتمعون في الرابط التالي :
http://sudanyat.net/vb/forumdisplay.php?f=2



التوقيع: مدونتي:
https://hussein-abdelgalil.blogspot.com
حسين عبدالجليل غير متصل   رد مع اقتباس
قديم 07-05-2016, 08:07 PM   #[3]
يحي عثمان عيسي
:: كــاتب نشــط::
الصورة الرمزية يحي عثمان عيسي
 
افتراضي

حكي طاعم وقلم تريان
تسلمي ولك الود والتحايا



التوقيع: أكان ما جور زمان وناسا فهمها قليل
شرك أم قيردون كيفن بقبض الفيل


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ياحليل زولا دفقلي رحو
يحي عثمان عيسي غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:45 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.