نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 28-04-2009, 02:49 PM   #[31]
آيات
:: كــاتب نشــط::
 
افتراضي

اقتباس:
المشاركة الأصلية كتبت بواسطة عبد الجليل سليمان مشاهدة المشاركة
خشم بيتنا نقشو بالمحلب نرشو .....
______

الدنيا سقط والرقاد بالجوز عليك النبي ما تجر التوب
________
شل شل كب لي جالون ... طويل طويل يا اللا لموبيل
------
ثم بعد.. أيها الناس...
غنى وردي:
نهدك الما رضع جني .... و وب على أمك ووبين على
ثم قبل...قال أبو صلاح .. لاحقا تغنى بها محمد الامين:
الصدير أعطافك فترا .... والنهيد باع فينا وإشترى...

_________
وأغاني البنات زمن الباش معتصم الطاهر كانت:
يا فرع القندابه حي انا ... نحب العزابه الجبنا ..
و---
وقالو الصيد ورد في حلة حمد ... قرض الناس قرض

....
هي فو توكوبي الواقع فعلا .. يا يويا يا جميلة ....
ولك التحية يا جيلي يا طلياني ,,,, يا العبرتك خانقاني
دي من تأليفي كنصير للبنات.
هاهاهاهاها ... عسل شديد ...
مرحب بيك ياعبي
لكن لقيتك ..نجار خطيررر....!!وغناي

بالله هات مماتحفظ

أفتكر بقولوا الفرع القام دابه ..احي انا شقاوة العذابة الجمبنا
الشايل الجريده بقراها ويعيدها الشايل المجلة يقراها ويتسلى
بالله أتحفنا تاني
ويالأسمراني قوم أرقص تاني



آيات غير متصل   رد مع اقتباس
قديم 28-04-2009, 02:56 PM   #[32]
آيات
:: كــاتب نشــط::
 
افتراضي

اقتباس:
المشاركة الأصلية كتبت بواسطة منال مشاهدة المشاركة
ايات ازيك

اغانى البنات يسمعها الجميل ولكن هل نطرب بها ... مرة بنسمع فى الكاسيت الغناية بتقول و نحن معها و اظنو الصوت الما جميل ارتفع كتير مع جبجبة الغنية شارانى يا يمة و شارانى البريدو ... شارانى فى الساعة ستة و محطة سبعة تشهد ( و على التعترنا محطة سبعة دى شهيرة و نهاية امتداد الدرجة الثالثة اها خالى الغناية وصوتها جميل اظنها صادفت احساسو الجميل و قام جانا وهو غضبان وبدت الزرزرة (محطة سبعة شنى كمان و ده غنا تسمعو) لبدنا كلنا زول قال بغم مافى ...

و كمان لمن نغنى
عزاز علينا و شالو نوم عينينا و فراقو جبرى لا لا ما بى ايدنا

الكل بغنى على ليلاه وانا بغنى ليهو

لكن غنا البنات هو الواقع لا ما اطن كده
منال :مرحب بيك كتير

أنا واقفه مشرورة محطة سبعة تشهد
ا في رأيي إنه ده الواقع بغض النظر عن واقع ياتو فئة و الأغلبيه تطرب له سراً.. رضينا أم أبينا
غنيه ليه ... ليالي ياليالي ويصبح هو ليلاك



آيات غير متصل   رد مع اقتباس
قديم 28-04-2009, 03:14 PM   #[33]
الفاتح
:: كــاتب نشــط::
الصورة الرمزية الفاتح
 
افتراضي

يا عيني تعاينن جننتنو قلبي.. ولليله ما شفنا " توجد صور واضحة"
طلًعي الصور يا آيات بطًلي زمزغة
ما متذكًر غير الغنيه دي.. لكن الواضح من المشاركات ، إنو حواء السودانيه محتاجه لقعده طويله معاها ..النماذج الإتذكرت بنلمح فيها أساليب إحتجاج على واقع مردًو رفض تسلط المجتمع سواء كان الأبو البيجبر بنتو على الزواج أو المجتمع ككل البيقيًد خطواتا والبيخليها بتترجم أحاسيسا وتخوفا من يوم بكره ، وشبح العنوسه ، ولو ترجمتا بتطلع مهزوزه بتنم عن عدم ثقة وتخوًف من مجهول " إنشاء الله راجل مره "
وبالضرا للفتيش عن السؤال الداخلي البيطاردا في إنو طالما هي سمحه ليه الشباب ديل ما شغالين بيها ، في محاوله لإنها تواسي نفسها بقدر الإمكان في إنو ما ذبلت..
دي قرايه لبعض النماذج..
وفي نماذج بتنم عن فراغ كبير نتاج لشنو ما عارف لإهمال إحتمال ، لدرجة إنو الحبيبة بتعد سنون حبيبا " جننتني يا إنت بسنونك السته"..
بعدين قصًة الأرقام دي شنو ؟ ... " حاجه كده " في محطة سته..
الساعة خمسه.. يا حبيب ما تنسى

في الجانب التاني بنلقى في أصوات بتنادي بكسر للحواجز الإجتماعيه البتحد من إنو البت تتزوج من بره : "....... " حاجه كده" .. يا ناس ود الغرب" ودي إشارة إيجابية في حد زاتا تتحايل على أبوجا وسلطة الأم والأب وحفظ النسل.

أزعجتني قصة إنو أغاني الراب بتلاقي رواج أكتر من " الملحمة " بحترم خيارات إنو الناس تتقابل بالحيطه وتاكل الكيكه ، لكن في نفس الحيطه دي الناس ما بتخسر حاجه لو إطلعت على : الموت والدم لكلاب الأمن ، وتسقط تسقط وأيوي اليويا
كأبسط الإيمان



الفاتح غير متصل   رد مع اقتباس
قديم 28-04-2009, 04:41 PM   #[34]
منال
:: كــاتب نشــط::
الصورة الرمزية منال
 
افتراضي

اقتباس:
المشاركة الأصلية كتبت بواسطة آيات مشاهدة المشاركة
ا في رأيي إنه ده الواقع بغض النظر عن واقع ياتو فئة و الأغلبيه تطرب له سراً.. رضينا أم أبينا
اقتباس:
المشاركة الأصلية كتبت بواسطة معتصم الطاهر مشاهدة المشاركة
يا جماعة
خلونا من انو كلام أغانب البنات بعكس الواقع ولا لا ؟؟
ياتو غنا ..

تاريخ المدن الجغرافى وامتدادها السكنى فى دراستى للدكتوراة أعتمدت فيها على أغانى البنات ..
( نقلوا البرارى ) ..
ولكن من من البنات تغنى


هذه عينة من البنات وليس كل البنات
يعنى زيدان لما غنا ( العجلة ستاتى) .. نقول دا مستوى زيدان ولا قعدة سكارى لا تعتمد ..
سلامات للمتداخليين
الموضوع لو ضرب فى وتر ده غنا بنات و الله ما معاك فى دى (تسمية غنا بنات - اداب نسائى -حوار حواء ... نافذة المراة ) اكل منها الدهر و شرب يا جماعة نحن اليوم بنسمع الغنا القلتو عليهو هابط بحنجرة رجال و بطلع غنى مدوزن و مموسق و له شعبيته و نازل كاسيت وبل حتى المفردات البتقولو عليها بتشكل حلم البنات فى المقابل بغنوا الاولاد لحلمهم و عالمه بالكثير المثير - لكل اداته التعبيرية سواء كان رجل ام امراة و بل هناك قواسم مشتركة بين جيل الالفية نسمع فى الحفلات نفس المفردة التى تعبر بها البنت ( وووب على ... و احى انا ... و سجمى ... و الله لى) و هذه فى السابق كانت تعتبر من السافلة ان بتفوه به رجل اليوم كلام عادى يتغنى بنغمة و الاولاد يجبجبوا بمهارة تفوق البنات و نفس الغنا راجل المرا حلو حلا يتغنى بها مغنى صوتو رجولى او فيغتى المهم بادى نفس الكلمات.
فاصل و نواصل



منال غير متصل   رد مع اقتباس
قديم 28-04-2009, 04:46 PM   #[35]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

نعم هناك أغانى بنات
تحكي احباطاتهن
قصصهن
جرأتعن
تمردهن
سفاهتهن البسيطة و البرئئة
و حتى سفاهتهن تلك

وهناك من تغنى بجميع مستوياتهن التعليمية و مستوى البيوت ..

لكن هناك الغث و لا يجب ان يحسب فى أغانى البنات ..

الغث غث ..

وبعدين البنات ديل منو ..!!!



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 28-04-2009, 05:05 PM   #[36]
أبومناهل
:: كــاتب نشــط::
 
افتراضي

اقتباس:
المشاركة الأصلية كتبت بواسطة منال مشاهدة المشاركة
سلامات للمتداخليين
الموضوع لو ضرب فى وتر ده غنا بنات و الله ما معاك فى دى (تسمية غنا بنات - اداب نسائى -حوار حواء ... نافذة المراة ) اكل منها الدهر و شرب يا جماعة نحن اليوم بنسمع الغنا القلتو عليهو هابط بحنجرة رجال و بطلع غنى مدوزن و مموسق و له شعبيته و نازل كاسيت وبل حتى المفردات البتقولو عليها بتشكل حلم البنات فى المقابل بغنوا الاولاد لحلمهم و عالمه بالكثير المثير - لكل اداته التعبيرية سواء كان رجل ام امراة و بل هناك قواسم مشتركة بين جيل الالفية نسمع فى الحفلات نفس المفردة التى تعبر بها البنت ( وووب على ... و احى انا ... و سجمى ... و الله لى) و هذه فى السابق كانت تعتبر من السافلة ان بتفوه به رجل اليوم كلام عادى يتغنى بنغمة و الاولاد يجبجبوا بمهارة تفوق البنات و نفس الغنا راجل المرا حلو حلا يتغنى بها مغنى صوتو رجولى او فيغتى المهم بادى نفس الكلمات.
فاصل و نواصل
زي ده مثلاً :

[rams]http://sudaniyat.net/up/uploading/hamda.mp3[/rams]



التوقيع: نِحْنَا المَا بْسَمُّـونَا العِرَيبْ وَين جِيتُو
نِحْنَـا البِنَرْكَبْ الدُّرْشِي البِجَابِدْ خَيتُو
نِحْنَا عَشِيرْنَا مَا بنُخُونُو ونَخَرِبْ بَيتُو
نِحْنَـا عَدُونَا بِنَعَصْرُو وَنَطَلِّـعْ زَيْتُو
أبومناهل غير متصل   رد مع اقتباس
قديم 29-04-2009, 06:20 AM   #[37]
آيات
:: كــاتب نشــط::
 
Cool

اقتباس:
المشاركة الأصلية كتبت بواسطة ابوريم مشاهدة المشاركة
أياااااااااااااااااااات
حمد الله على السلامة
ماتطولي الغيبة
شكراً ابوريم مرحب بيك
لا طوااالي تاني بتلقاني



آيات غير متصل   رد مع اقتباس
قديم 29-04-2009, 06:22 AM   #[38]
wadosman
:: كــاتب نشــط::
 
افتراضي

[align=center]الصبحيه بدت ولا شنو..؟؟!!!

سلااام و كدا...علا دلكوتكم مرخية شديد...[/align]



wadosman غير متصل   رد مع اقتباس
قديم 29-04-2009, 07:21 AM   #[39]
آيات
:: كــاتب نشــط::
 
افتراضي


سلامات

مع الأسف ليس هناك فئة محددة .. .. فقد أصبحت الغالبية العظمى تردده ..بل وفي كل الأماكن ..ويدخل كل البيوت.. وفي كل المناسبات .وعن طريق الأجهزة والسيديهات... وهو صوت الواقع (بل أعماق الواقع المسكوت عنه ..بكل وضوح .. وكل إناءٍ ..بما فيه..) وحتى مسألة التقييم.. دي كلها حاجات نسبية .. خصوصاً في التذوق والطرب ..
ففي الفترة الأخيرة كما ذكرت الأخت منال اصبح يردده البنات والاولاد
.مافي حاجه أسمها غناء هابطات.. مع الأسف هذا هو واقعنا ولايمثل فئة معينة . حتى لاندفن رؤوسنا في الرمال .. بل يغني في الحفلات بحذافيره ..من الساعة 9 -11..أغنية واحدة فقط التي تكون رصينة ..وياخ اقول ليكم ( انا اصلاً كان اسميه غناء اولاد !!!) لأنه في تحول واضح جددداً .. ومش لأنه الاولاد ده تعبير عن واقعهم ... لكن لأنه الجمهور عاوز كده وماتقولوا لي : مفروض نترقى بي زوق المجتمع .. الناس عاوزين حاجة تعبر عننهم... تلمس مشاعرهم وتنبه عن مشاكلهم بأي طريقةٍ كانت ) بل يوجد فنانات يؤلفوا ليهم اولاد .. وحتى كبار الفنانين والشعراء عندهم ..قعدات فنانات .وبتشمل الهابط والصاعد ..). وقعدات السكارى دي بتطلع الكلام من أصله دون زيف او مكابرة ...,..
طيب .. حتى لوسلمنا ..إنه ده ماواقعنا ..(اها الكلام ده طلع من ويين..) ...( مع إعتبار إن الحكم بالأغلبية ..) وتاني في غناء اسوأ واضحل .. داك كمان كله اسامي جامعات والباقي موسيقي ودق ق وكواريك ..وين التعبير هنا .. يبدو أن الاوضاع تسير نحو الدرك الأسفل .. ونحن لسه بننكر.. هسسسسه ..كل الناس جاطت عشان في فنان إسمه ( حماده بت ) ظهر بعديه فنان إسمه ( حماده أحي..:) كملوها ليكم ..مره واحده ..!! (الإنسان إبن ظروفه )
وديل جماهيرهم .. عاليه جداً وأغانيهم تحتل الحفلات وكل الأجهزة.. طيب ده واقع منووووو؟؟ ( ده مابنفي إنه في غناء رصين ... لكن كل إنسان وقدرته التعبيرية .. يعني ضعف المقدرات التعبيريه .. مابسمح لينا نغيب حق فرد في المجتمع ونكتم صوته .
لذلك ..يجب أن نكشف عن الواقع .. ونبدأ في التغيير . حتى لانتنصل عنه ..!!..
.



آيات غير متصل   رد مع اقتباس
قديم 29-04-2009, 07:48 AM   #[40]
فيصل سعد
:: كــاتب نشــط::
الصورة الرمزية فيصل سعد
 
افتراضي

سلامات يا آيات و وينك انت الطال غيابك،

بقيتي لا بتسالمينا
لا بتردي سلام
لا بتشاركينا مسابقة
ولا بتدوري كلام
و دا كلو من ود عثمان
نام بجائزتك و ادانا خصام

يديك العافية ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 29-04-2009, 08:40 AM   #[41]
wadosman
:: كــاتب نشــط::
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
و دا كلو من ود عثمان
نام بجائزتك و ادانا خصام

[align=center]قاليك ود سعد شغال ترزى و كدا...[/align]



wadosman غير متصل   رد مع اقتباس
قديم 29-04-2009, 08:46 AM   #[42]
فيصل سعد
:: كــاتب نشــط::
الصورة الرمزية فيصل سعد
 
افتراضي

اقتباس:
المشاركة الأصلية كتبت بواسطة wadosman مشاهدة المشاركة
[align=center]قاليك ود سعد شغال ترزى و كدا...[/align]
دا كلو من شبارقة و ود ابوعاقلة
علمونا الجلكسات، سبقناهم على الشحورة

لكن بالجد آيات طنشتنا و جلتنا بسببك
يا ود عمك، و لازم تطيب و تجبر خاطرها،،
و ليتنا عدنا او عادت الايام ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 29-04-2009, 08:57 AM   #[43]
منال
:: كــاتب نشــط::
الصورة الرمزية منال
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
نعم هناك أغانى بنات
تحكي احباطاتهن
قصصهن
جرأتعن
تمردهن
سفاهتهن البسيطة و البرئئة
و حتى سفاهتهن تلك
وهناك من تغنى بجميع مستوياتهن التعليمية و مستوى البيوت ..
لكن هناك الغث و لا يجب ان يحسب فى أغانى البنات ..
الغث غث ..
وبعدين البنات ديل منو ..!!!
اقتباس:
المشاركة الأصلية كتبت بواسطة آيات مشاهدة المشاركة

سلامات

وهو صوت الواقع (بل أعماق الواقع المسكوت عنه ..بكل وضوح .. وكل إناءٍ ..بما فيه..) وحتى مسألة التقييم.. دي كلها حاجات نسبية .. خصوصاً في التذوق والطرب ..
.مافي حاجه أسمها غناء هابطات.. مع الأسف هذا هو واقعنا ولايمثل فئة معينة . حتى لاندفن رؤوسنا في الرمال .. لأنه في تحول واضح جداً .. ومش لأنه الاولاد ده تعبير عن واقعهم ... لكن لأنه الجمهور عاوز كده وماتقولوا لي : مفروض نترقى بي زوق المجتمع .. الناس عاوزين حاجة تعبر عنهم... تلمس مشاعرهم وتنبه عن مشاكلهم بأي طريقةٍ كانت ) بل يوجد فنانات يؤلفوا ليهم اولاد .. وحتى كبار الفنانين والشعراء عندهم ..قعدات فنانات .وبتشمل الهابط والصاعد ..). وقعدات السكارى دي بتطلع الكلام من أصله دون زيف او مكابرة ...,..
طيب .. حتى لوسلمنا ..إنه ده ماواقعنا ..(اها الكلام ده طلع من ويين..) ...( مع إعتبار إن الحكم بالأغلبية ..) وتاني في غناء اسوأ واضحل .. طيب ده واقع منووووو؟؟ ( ده مابنفي إنه في غناء رصين ... لكن كل إنسان وقدرته التعبيرية .. يعني ضعف المقدرات التعبيريه .. مابسمح لينا نغيب حق فرد في المجتمع ونكتم صوته .
لذلك ..يجب أن نكشف عن الواقع .. ونبدأ في التغيير . حتى لانتنصل عنه ..!!..
.
معتصم ازيك و كدى النشوف هو ليه بقى غنا بنات التسمية يعنى و بقينا مربوطين بيها هل لانو البنات هن الاصل فى فن الغنا فى بواكيره بايقاعاته التمتم و الايقاع الراقص و منه كان تطور لمراحل الاغنية السودانية (اى هو الماعون الكبير) طيب ده كان مرحلة مرينا بها و منها بدأ التطور الى الان ... هل الغنا ده بحكى عن واقعهن فى فترة من الفترات نعم لانو كان هو الرسالة الوحيدة و الوسيلة الممكن توصل بيها صوتها لكل المجتمع وده زمنو فات و غنايو مات (بفعل التطور التاريخى و لوجنا الى عالم الالفية) طيب استد الاستمرارية الى الان ليه... هل لانو الواقع هو ذاته مافى تغيير ام ان الممارس من كبت و ضغوط على النساء هو ذاته ام تجده بعضهن الوسيلة لتوصيل الصوت و تبليغ الرسالة وبغض النظر عن المستوى الثقافى و البيئى ( من حقهن توصيل الرسالة و باسلوب بسيط متعارف عليه و متداول و يصل لكل الاذان ان سمعت !!!) ما حقو نبحث عن ديل منو من البنات مجودات فى المجتمع يجب ان نتعامل معهن بظروهن المحيطة ونتكشف الممارسات السالبة ضدهن و نحاول نفكك من واقعهن ... مسالة انو فى المقابل فى غنا لشاعرات سودانيات و مغنيات درجة اولى ما بنكرها الا مكابر و افلحن فى توصيل صوتهن فقط لانو توفرت لهن ظروف مساعدة و مغايرة للفئة الاخرى...
ايات الفن رسالة واداة تعبيرية للواقع نتفق معك و لا ندفن الرؤس فى الرمال ... لكن بما ان الواقع المشكل لحياتنا (ذكر وانثى) يبقى الاثنين نتاثر به (ولذا كانت القواسم المشتركة فى الغنا و الاندماج اللغوى او التعبيرى للجنسين و منها التداخل) يبقى هنا تنتفى حتة ده غنا بنات الغنا الحالى اتفق معاك انه حالة تعبيرية عن (جوا الجوانا) بكل تشكيلاته و تعقيداته و كل منا تناوله بطرقته الخاصة و عبر عن مكنونه الجواهو ... طيب لمن اشوف الجنس الاخر فى الحفلات برقص نفس الرقيص و الترترا و الزغاريد و الجبجبا يببقى هم اخذو هذه وسيلة تعبيرية و اتجهو للغنا ده و فبه نسبة استماع عالية جدن لانو بصادف ايقاع داخلى يتنتمى كل صباح ليه (لانو الكبت و عدم وجود وسائل للتنفيس بكل ادواتها اكانت ثقافية رياصية فنيه طيب ح يعملوا شنو و بغض النظر عن الجنس هنا ببحثوا عن متنفس و بتبقى القعدات و الحفلات النهارية عشان زمنها يجر مش التصريح الى الساعة حداشر لا بنفهم تماما كيف نلتف للقانون ذاتو ...
الدايرة اوصلو هنا الغنا ده موجود كحالة يجب ان نتناولها بمزيد من البحث و النقاش و لكن اذا قلنا انو غنا هابط و بتاع بنات (دى زى ماقلتى الفيها التحول) يبقى هو غنا عام ما ندى صفة (جنسية و نلصقو بالبنات ) ونتركه لناسو البتغنوا به .
المسالة فى تقديرى الخاص الاضمحلال و الانهزامية و التراجع المزرى لكل حاجاتنا الجميلة و ما يهمنا هنا المكون الثقافى و الفنى وده بيت القصيد منذ هجمة الانقاذ على كل المكونات بدأ التردى و الاسفاف و الضحالة لانو صاحبها كبت و ارهاب و انعدام حريات
ايات فى كل عام يعانى طلاب كلية الفنون الجميلة جامعة السودان فى ايجاد اماكن للعرض معارض التخرج و بتكون مكاتب و قاعات الكلية و المنتوج يفوق اماكن العرض و الى الان ما قادرين يطلعو و يعبروا بوابة الكلية؟ و النمسك المسرح فيهو شنو للمتلقى و هم كم مسرح ذاتو ... الابداع موجود و المنتوج عالى لكن منو البقول البغلة فى الابريق
و نواصل



منال غير متصل   رد مع اقتباس
قديم 29-04-2009, 09:02 AM   #[44]
wadosman
:: كــاتب نشــط::
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
دا كلو من شبارقة و ود ابوعاقلة
علمونا الجلكسات، سبقناهم على الشحورة

لكن بالجد آيات طنشتنا و جلتنا بسببك
يا ود عمك، و لازم تطيب و تجبر خاطرها،،
و ليتنا عدنا او عادت الايام ..
[align=center]ههههههههههههه

سريع كدا...
غايتو العملو ناس ود ابو عاقلة و شبارقة ما شوية..
ابو عاقلة على حس مكنه عريس دى اديناهو العذر
لكن صاحبك شبارقة دا نقول عليهو شنو..؟؟؟


قلت لى الكورة غالب منو..؟؟؟[/align]



wadosman غير متصل   رد مع اقتباس
قديم 29-04-2009, 09:13 AM   #[45]
منال
:: كــاتب نشــط::
الصورة الرمزية منال
 
افتراضي

اقتباس:
المشاركة الأصلية كتبت بواسطة wadosman مشاهدة المشاركة
[align=center]الصبحيه بدت ولا شنو..؟؟!!!

سلااام و كدا...علا دلكوتكم مرخية شديد...[/align]
[color=#008080]صباحتو
لسه فى التعليمة و الصبحية ما تفوتا خليك قريب

المشكلة ما بنعرف نرفع الغنا و النت مخستك كونكشن الا انت اعمل انكريس للفوليم و ادينا غنية دلوكة كاااااااااربة و مع كلمات معبرة (الدلوكة ما مشكلة بنحميها سخانة سااى هسه ز كان بجيبو الجريدة و يلوعها عشان تسخن الجلد الاترخا بالخبطى)

فيصل و محمد عثمان
ادونا زهرة مان ولا قسمة و كمان زمان سميرة دنيا كان عندها غنا دلوكة كدى انكت لى الليلة وين يا البعصر مرورو اصلو الاورغن جغمسا جغمسا هى ...[/
color]



منال غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 10:01 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.