ريـدك بهاك وصدقك رؤاك
لكن
إحـذري
خفق الفؤاد بالدل والدلال ما بتشتري
والفيني فيك
إنسان جميل باهي وحفي
لكن إحذري
إتورطة فيك
إتحزمي
ليتها
تثقب جداره وتأسو الجراح
بحمى الوصال دون ترددي
فأنا ملاحك يا شجون
إن أضرمت برموشها في الحنايا موقدي
أغدا ستشرق شمس المنى وأفراحه
ويحين يا أماسي الفرحة موعدي
وينتصب فوق سارية الأمل الشراع
وأقول لآحزاني الوداع
ويعـود للسفين ملاحة
وتبدأ رحلة الأبحار
في بحـر ظمئ يهوى عشاقه
آه يا لقلبي الشفيف ...
إذا ما خفق وإذا ما لاح في المغيب كرز الشفق
حنانيك يا بحر قلبي أصطفق ...
أنا أهوي في حناياك الغرق
فكيف إذ أغويته وهزمته كل عزائمي وخرقته
من بعـدما رتقته ورففت كل ثقـوبـه
ويلاه من شفيف عقني فعققته
عصبت عينيه ثم نحرته
بدموع الأسى غسلته
في حنايا روحي السقيمة واريته
أطبقت صدري المعني عليه
كي لايثير أحاسيسي نواحه
لكنها .. لكنه ...يا ويحها من بوحه
غدرت به وأستثارت شجوه
آه أه ولجت روحي
خدرتني برفيف رموشها
فحطمت قيده
وأستباحت جدار شغافه
أضرمت نار طقوسها
قلبي أحب فحق عقابه
إتورطته فيك حذار لا تتجاهلي ولا تجفلي
قـدري ومـن بـعــده الــطـوفان
ريدك بهاك
لكن يا نــــانــــي آه
يا وجعةالقلب البتقطردمعتوعليشان صراحتو وروعتو
شفتي كيف سكت عيونك لما أرحل فيها وسط الزحام
وأرجع أجيك ويشيقني ليك حلو الكلام
وعميق المحبة الما إنكتب على صدر التناغم والوئام
ولا على مخدات التعانق والهيام
وأحضن طيفك في الخيال وأحـس في عينيك
دفئ تواقيع التمازج في إنثيال
كما الطير إلى رياض العاسقين
قد شد الرحال
فأنسى كل الحولنا وأحس بالدنيا إكتست أنهر صفاء
وأعيش معاك لحظات وفـاء
ونتهادى بي لغة العواطف
أشهى كاسات الهيام المترفا
وأصرخ أقول يا نانـي آه
رمشك بيجرح في الحشاء
وقتين ينسكب الجوه كامن في الحنايا
ويدغدغ أحاسيسي بيكي وينعشا
"أني أغرق في عينيك ويسكرني الصوت الشجي"
" أتوه في شفتيكي ويسحرنى الكرز الشهي"
وا لهفي على خفرٍ تخذته سحراَ
كي أجثو مقبلا مغلتيك
شفتي ظمأى للذي روعتني به غدرا من لهفي عليك
أروني ثم أروني ثم أروني
بالذي أغرقتني فيه وتشتهيه
يانـــانـــي آهــ
إترفقي وإتشهقي من قبل ما تدفقي
قلبك بميل عصف الشجون باكر بسيل
ويندلق في صوت رقيق وأحساس نبيل
ياسلام على الدمع الهميل
لما يكتب على صدر الهـوى إنشاء الله خير
ويصرخ المجروح يا نانـي آه الحب جميل
كسر جناحتي وإرادتك وفي الريده مافيش مستحيل
وغدا سآتي ناسكا متطوفا بمناسك الزين والعديل
وأبقى نورك وضفرة في صندل بخورك
وينشر غيم في مدن عيونك
أضوى من شمس الأصيل
ويمتده ليل المعزة يا قمري الجميل
أهـ وياسلام ياناني آهـ
لمن أسافر في مزن عينيكي وأنثلم
معاكي يغلبني الكلام
وأرحل أهيم
وأنهزم وأستشرقك في ورداني ملاك رحيم
وأحور أحاسيسي نسمة تمر عليكي تقبلك
شفتي كيف لما يتحكم فينا سلطان الغرام
ويترسم ذاتك جوايا وينوخ في وهن أحلى الكلام
ويا سلام لمن يتلبش الجوه كامن فيك
ويعربد ما بين سابق ولاحق فيكي الخصام
ويتبدى في صيد العيون أحلى الغرام
وماها خلطه .. ومحال يكون قلبك عصى
يا أند خد من بهاهو إزدان خديد قمر العشا
ويمتد من نونك شعاع يشاشي لينا وماهـو دراي إنو
دوب قلوبنا وعطشا
يا أحلى نغم من ثغيرعسيل لاقح أحاسيسنا ومازجا
مربعين تحنان عبرت ألف ميل
يا ودوده ومدهشا
ياسلام يا نــانـــي
لما ترشح من دمانا همسات طفل بناغم في إنسجام
مين قال الرقة بين قلبين حرام
(أدوني ليهو أمزج رويحتي فيهو وأخلطو)
يا شمعة تتدفق على اللهف المباح
ياسلام لمن يعانق رفيف خفقك، خطوك في مراح
ديل مربعين تحنان وكلمة من حرفين ظميئة
تتقطر سماح
هتف جواك نضم ريدك بهاك
وإرتسم في جبينك وشـاح
وأنا قلبي المشتهيك
يا ليتو مات بي سرو وإستراح
وتتوقد شموع نضارك وبسمتك
يا نـــانــي آه
من نار جواكي وروعتو
ود الحبوب
