استفسار كهذا مكانه المكاتبة المباشرة مع من يهمهم أمرها وأمرك ... أم أنا أمري لله .. بنق تربيع ..
تعالي النقول ليك ...
حتنتظري ساعة لأنو المدير بيفطر ... ومرت ساعة واكتر والوكت روّح تأخر ... تناغمي السكرتير مرة أخري بملامح تبدو عليها انكسار انسان.. معليش الزول دا بشرب في الشاي ... ومرت سااااعة ورا ساعة وتقومي تحسسي السكرتير مرة اخرى بدبيب الململة ينهش اطرافك الناعمة ... ثم يرزعك بلكنة أقرب للعكننة ياخ المدير عندو تليفون ... جنس بيروقراطية غايتو ... ياها الطنقعة البقولوها ...
هسي الإدارة دي لو عيّنت ناطق رسمي فيها شنو ؟؟؟ مجرد اقتراح يفتقد الدراسة
عايني ياااااا
تاني يوم من الوقوف خشيت الصباح بدرييي لقيتا ليك تتحاوم في ردهات المنتدى ساااااي (دي دودة شنو دي !!!) كعادتها الماب تخليها .. فخطرت على بالي فكرة ... قتا حقو الزول يخليها شوف ما تشوف ولا تقرا حرف واحد في سودانيات .. والهدف الأساسي من الفكرة التشييك على قاعدة بياناتنا الباتريوتية والوقوف على مدى الجاهزية في مضاداتنا الأرضية للوقوف في وجه المخربين متى حاولوا تخطي حاجزنا وجدارنا الناري ... وما هي إلا لحيظات حتى دخلت فكرتي حيّز التنفيذ ثم الحصل شنو بعداك ... جقلبة السرور كان شفتي هعهعهعهعه وعيييييك ... اسكتي ساي ...
حينها ادركت أن سودانيات ما هي إلا قهوة هذه الفتاة التي شغلت نفسها بالفارغة مع المدعو النقر .... (هو ذاتو توقيف من تحت راس النقر شن طعمو)
ياخي في حاجة اسمها (باند) تحت الاسم مباشرتن .. يعني الادارة ما داسه شي بس انتي كيف تشوفي ...
اها قولي عرفتي انها موقوفة ما هي الخطوات الواجب اتباعها لفك هذا الاشكال ؟؟؟ ما عندك اجابة ...
لو كسرتي رقبتك كَرَج ماااا بتسوي الحبة .. عليه ... نقطينا بسكاتك ...
هسي لو مشيت سألت عن عمر طه قالو لي الزول دا مسجون تفتكري ح أعمل شنو ؟؟؟
أكيد في جاني ومجني عليه وضحايا كتاااااار اصابتهم مصيبة وقالو إنا لله ... وبعد إنا لله طوالي دخلوها الحبس ... (ان شاءالله ما تنحبس في بيت راجلا ... تنحبس بى وين مع النسوان البكتلن الرجال ديل !!!!
المهم قامو قفلوها ...
غايتو انا بصراحة كدا متكيّف جدا لما حصل عارفة ليه ...
لأنو بنحس اننا غاليين في عيون ناس تانية لم تمنعهم ظروفهم الخاصة من كسر الحظر المفروض عليهم واصبحو يتاوقو لينا سااااااي ...
كم هو جميل أن تعرف أن هنالك أنثى ترزح تحت شحتفتها من أجل أن تصبح بيننا ..
سادي يا أشتر ياخ في كلامك دا ..
جانيت ... بوستيك دا مخالف وعلى من يهمهم الأمر اتخاذ ما يرونه مناسبا ...
قومي فحّطي ...
|
