أفكر في الإنضام لحزب الأمة في المرحلة القادمة

[أبوبكر عباس]

لا تختلف عنزتان حول سقوط نظام الإنقاذ في الأيام أو الشهور القادمة.
طيب يا بابكر عباس، الكلام دا، علاقتو شنو بتفكيرك للإنضمام لحزب الأمة؟
سألتوني، بجاوب ب:
- المرحلة القادمة حرجة حول إعادة تشكليل الدولة السودانية، وتتطلب منا العمل الجاد والقوي من داخل المؤسسات الحزبية.
لماذا حزب الأمة؟
- بالرغم من أني أقرب للحزب الشيوعي السوداني من ناحية أيدولوجية، إلا أن الحزب ضعيف جدا وهو أقرب لركام حزب من حزب سياسي.
- قراءة الصادق المهدي للوضع السياسي وأطروحاته للمرحلة المقبلة وعدم تسرعه للقضاء على الإنقاذ، تحقق لي أنا كواحد من أبناء الوسط الحد الأدنى من الطمأنينة والتوازن تجاه قوى ثوار الأطراف.

قال الصادق المهدي زعيم حزب الأمة السوداني المعارض في حوار مع إذاعة مع "بي بي سي" إن حكم الرئيس عمر البشير قد شارف على الانتهاء. واقترح المهدي مخرجا من الأزمة الراهنة عبر تشكيل نظام جديد على غرار ما جرى في جنوب إفريقيا عام 1992 حتي لا يتعرض السودان لما وصفه بالفوضى التي شهدتها بلدان الربيع العربي
س ص م

التحية للمناضلين الذين سقطوا في الثورة

[كيشو]

المشاركة الأصلية كتبت بواسطة بابكر عباس

لا تختلف عنزتان حول سقوط نظام الإنقاذ في الأيام أو الشهور القادمة.
طيب يا بابكر عباس، الكلام دا، علاقتو شنو بتفكيرك للإنضمام لحزب الأمة؟
سألتوني، بجاوب ب:
- المرحلة القادمة حرجة حول إعادة تشكليل الدولة السودانية، وتتطلب منا العمل الجاد والقوي من داخل المؤسسات الحزبية.
لماذا حزب الأمة؟
- بالرغم من أني أقرب للحزب الشيوعي السوداني من ناحية أيدولوجية، إلا أن الحزب ضعيف جدا وهو أقرب لركام حزب من حزب سياسي.
- قراءة الصادق المهدي للوضع السياسي وأطروحاته للمرحلة المقبلة وعدم تسرعه للقضاء على الإنقاذ، تحقق لي أنا كواحد من أبناء الوسط الحد الأدنى من الطمأنينة والتوازن تجاه قوى ثوار الأطراف.

التحية للمناضلين الذين سقطوا في الثورة

وسيدك الحسن كيف؟ حتغيرو؟
أنا كنت من مؤيدي الصادق في الديمقراطية السابقة؛ بس الصادق خذلني في مواقف كثيرة

[أبوبكر عباس]

المشاركة الأصلية كتبت بواسطة كيشو

وسيدك الحسن كيف؟ حتغيرو؟
أنا كنت من مؤيدي الصادق في الديمقراطية السابقة؛ بس الصادق خذلني في مواقف كثيرة

سلام يا مولانا،
حزب الإتحادي الديمقراطي مات وشبع موت
سيد الصادق هو الأسلم تفكيرا وإلماما بالوضع الحالي ولو ساعدناهو ممكن نلقى مخرج للورطة النحن فوقها دي

الحبيب بابكر عباس

[كيشو]

أنا رأيي إنك تؤسس حزب وتشوف ليك طريقة تقنع بعض الزملاء يشاركوك التجربة

[كيشو]

المشاركة الأصلية كتبت بواسطة كيشو

أنا رأيي إنك تؤسس حزب وتشوف ليك طريقة تقنع بعض الزملاء يشاركوك التجربة

انا بتكلم جد
وكمان برشح ليك أبو جعفر

[علاءالدين عبدالله الاحمر]

المشاركة الأصلية كتبت بواسطة كيشو

أنا رأيي إنك تؤسس حزب وتشوف ليك طريقة تقنع بعض الزملاء يشاركوك التجربة

زملاء ذي منو ياكيشو ؟ ‏‎;>
‎

[كيشو]

المشاركة الأصلية كتبت بواسطة علاءالدين عبدالله الاحمر

زملاء ذي منو ياكيشو ؟ ‏‎;>
‎

والله فكرت فيك؛ بس خفت تفتكرو إني بهظر
وبرضو فكرت في خالد غالي؛ بس قلت بابكر دا ما شغال بي خالد دا ولا برد ليهو على رسايلو قبال ما يسوي حزب؛ لامن بسوي حزب حيعمل معاهو شنو
بابكر دا ما مضمون وشكلو ما بقدر الشباب

[معتصم الطاهر]

هل قرأت لـــ أو سمعت عن حزب المؤتمر السوداني

الذى من ( مؤتمر الطلاب المستقلين)

[علاءالدين عبدالله الاحمر]

المشاركة الأصلية كتبت بواسطة كيشو

والله فكرت فيك؛ بس خفت تفتكرو إني بهظر
وبرضو فكرت في خالد غالي؛ بس قلت بابكر دا ما شغال بي خالد دا ولا برد ليهو على رسايلو قبال ما يسوي حزب؛ لامن بسوي حزب حيعمل معاهو شنو
بابكر دا ما مضمون وشكلو ما بقدر الشباب

وانته لما زعلان مننا انا وخالد غالي بدل تودينا حزب الزول ده اطلب مننا نغادر سودانيات المضايقنك فيها دي يعني هسي مالقيت لينا منفي غير ده ‏‎:@
‎

[أبوبكر عباس]

المشاركة الأصلية كتبت بواسطة علاءالدين عبدالله الاحمر

زملاء ذي منو ياكيشو ؟ ‏‎;>
‎

يا كيشو، يا أخي، عليك الله، ختينا علاء دا، نحن ما زلنا متحاربين

[Hassan Farah]

اقتباس:
المشاركة الأصلية كتبت بواسطة بابكر عباس
لا تختلف عنزتان حول سقوط نظام الإنقاذ في الأيام أو الشهور القادمة.
طيب يا بابكر عباس، الكلام دا، علاقتو شنو بتفكيرك للإنضمام لحزب الأمة؟
سألتوني، بجاوب ب:
- المرحلة القادمة حرجة حول إعادة تشكليل الدولة السودانية، وتتطلب منا العمل الجاد والقوي من داخل المؤسسات الحزبية.
لماذا حزب الأمة؟
- بالرغم من أني أقرب للحزب الشيوعي السوداني من ناحية أيدولوجية، إلا أن الحزب ضعيف جدا وهو أقرب لركام حزب من حزب سياسي.
- قراءة الصادق المهدي للوضع السياسي وأطروحاته للمرحلة المقبلة وعدم تسرعه للقضاء على الإنقاذ، تحقق لي أنا كواحد من أبناء الوسط الحد الأدنى من الطمأنينة والتوازن تجاه قوى ثوار الأطراف.

التحية للمناضلين الذين سقطوا في الثورة
-------------------------------------------------------------------
دايرنها ساهلة بعد كل الحصل والدم للركب....بكرة تعالوا قولوا نتصالح مع البشير...هذه آفة البلد طوال التاريخ...وتقف كررى شاهدا على ذلك...شهد بذلك ونستون تشرشل....الله يرحمك يا عثمان دقنة...اتاك الملك جورج الخامس وانت فى الزنزانة فرفضت مقابلته...يا لعظمة الانسان...ويا لحقارته...الآن جاء فى الاخبار ان مدير سجن كوبر يعرض فى الدلوكة...مبروك عليكم....
------------------------------------------------------------------
الشيخ العارف بالله أحمد الطيب زين العابدين بعد خروجه من المعتقل قبل قليل يخاطب المتظاهرين أمام المسجد ويدعوهم للخروج غدا عقب صلاة الجمعة الي ميدان الشهداء شمبات ( الرابطة سابقاً ) في مظاهرة سلمية بيضاء لتأبين شهداء الثورة السودانية

http://www.youtube.com/watch?v=Ew1Nk...layer_embedded

http://www.youtube.com/watch?v=HHug7KTz1r4

[خالد غالي]

من المدهش يابابكر انك انت ذاتك تفكر بالطريقة النمطية دي!

سلامات اول شي، جيت من امريكا؟ مابترد علي رسايلي مالك!

لييه لازم حزب الامة او الديمقراطي او الشيوعي؟!
ما الحزب الشيوعي براهو المات بالمناسبة، الاحزاب دي كلها ماتت بما فيها احزاب الاسلاميين بكل مسمياتهم، المرحلة الجاية دي (المفروض) تكون مرحلة تجديد في كل شي لانو واضح تماما فشل الاحزاب التقليدية كلها في ادارة البلاد او حتى ياخي المحافظة عليها، اتوقعت انك يابابكر تنادي مع كل الطلائعيين من السودانيين بعمل تغيير جزري وجوهري في التركيبة السياسية والقيادية في السودان، السودان حاليا مابتحمل اي مخاطرة في تجريب المجرب، الحكومة الجاية مالم تكون حكومة مسؤولة وعاقلة وخاتة في راسها مصلحة الوطن فقط، صدقني تاني السودان ده بي منقاش مابتلقط!

لماذا لاتنضم لاي واحد من الاحزاب الشبابية الصغيرة؟ عندهم افكار واطروحات جريئة وعندهم رؤية نظرية ممتازة للمستقبل، تنقصهم القاعدة الجماهيرية والدعم من المثقفين والطلائعيين من امثالكم، بالمناسبة كل الاحزاب تنقصها القاعدة الجماهيرية لانو معظم السودانيين حاليا مامنظمين تحت راية اي حزب
لماذا يابابكر لاتنضم للحزب الديمقراطي الليبرالي؟؟
حزب شاب بقيادة شابة ورؤية واضحة للمستقبل، لماذا لاتنضم له وتعمل معهم لبناء الحزب والسودان من جديد؟؟

[أبوبكر عباس]

المشاركة الأصلية كتبت بواسطة خالد غالي

من المدهش يابابكر انك انت ذاتك تفكر بالطريقة النمطية دي!
...
لييه لازم حزب الامة او الديمقراطي او الشيوعي؟!
ما الحزب الشيوعي براهو المات بالمناسبة، الاحزاب دي كلها ماتت بما فيها احزاب الاسلاميين بكل مسمياتهم، المرحلة الجاية دي (المفروض) تكون مرحلة تجديد في كل شي لانو واضح تماما فشل الاحزاب التقليدية كلها في ادارة البلاد او حتى ياخي المحافظة عليها، اتوقعت انك يابابكر تنادي مع كل الطلائعيين من السودانيين بعمل تغيير جزري وجوهري في التركيبة السياسية والقيادية في السودان، السودان حاليا مابتحمل اي مخاطرة في تجريب المجرب، الحكومة الجاية مالم تكون حكومة مسؤولة وعاقلة وخاتة في راسها مصلحة الوطن فقط، صدقني تاني السودان ده بي منقاش مابتلقط!

لماذا لاتنضم لاي واحد من الاحزاب الشبابية الصغيرة؟ عندهم افكار واطروحات جريئة وعندهم رؤية نظرية ممتازة للمستقبل، تنقصهم القاعدة الجماهيرية والدعم من المثقفين والطلائعيين من امثالكم، بالمناسبة كل الاحزاب تنقصها القاعدة الجماهيرية لانو معظم السودانيين حاليا مامنظمين تحت راية اي حزب
لماذا يابابكر لاتنضم للحزب الديمقراطي الليبرالي؟؟
حزب شاب بقيادة شابة ورؤية واضحة للمستقبل، لماذا لاتنضم له وتعمل معهم لبناء الحزب والسودان من جديد؟؟

سلام يا خالد
في حاجة آنية ملحة للوقوف مع السيد الصادق المهدي الآن يا خالد
الحد الأدنى القاعد أحلم بيهو الآن هو المحافظة على البلد من الدخول في حرب اهلية، لم أتحدث مع الصادق أو أي من قيادات حزب الأمة، لكن يا خالد، السياسي الحصيف يستطيع أن يقرأ تخوف السيد الصادق من ضياع البلد في خطاباتو وموقفو الحالي، شوف زهير السراج زعلان منو كيف؟! زهير السرج في نقد الصادق
للأسف يا خالد، المخرج الوحيد الأنا شايفو حاليا هو طرح الصادق المهدي بالرغم من انو يقود حزب تقليدي
آسف لتخيب ظنك بانني لست من الطلائع، الكويس انو نحن الاتنين متفقين بضرورة العمل من داخل الاحزاب.

[جيجي]

يا بكور
المفكرين يجب ان يظلوا احرارا
الفكر الحر هو اداة الموازنة الحقيقة لكل الايدلوجيات
خزلتني والله
المجتمع والوطن والانسانية محتاجة لكفة المعارضة الحرة اكتر من اي شي تاني
دا طبعا لايمنع انك تتفق مع الصادق دون الدخول في جلبابه-بعدين تقوموا ماتعرفوا قلبتكم من عدلتكم

[أبوبكر عباس]

المشاركة الأصلية كتبت بواسطة جيجي

يا بكور
المفكرين يجب ان يظلوا احرارا

تتمسخري عليّ؟!
عافي ليك؛ عشان بركة عيد الأضحى