*** مصطلحات عامّية سودانية ***

[شبارقة]

المشاركة الأصلية كتبت بواسطة محمد أبوعاقلة

شبارقة معناها شنو ؟ سؤال وجيه ...

[align=justify] أولاً : الشبارقة دي قريتي ومسقط رأسي وهي شرق واد مدني (تبعد ثلاثين كيلومتراً عن مدني) ومعظم أولاد وبنات الشبارقة يكنون أسمائهم بها ومنهم على سبيل المثال عمنا الطيب شبارقة العضو البرلماني المشهور (عن الإتحاديين في الديمقراطية الثانية والثالثة )وله قصة طريفة ومشهورة مع السيد الصادق المهدي (لا يسع المجال لذكرها هنا) ...أما أنا فإسمي الحقيقي عاصم ...مهندس جيولوجي بمدينة الرياض بالسعودية.
ثانياً : معنى كلمة شبارقة ..قالوا زمان كان في عرب رحل في تلك المنطقة شرق مدني في أماكن متفرقة(لم يكن لها إسم محدد) ، وفي أحد الأيام أضاعت إحدى نسائهم غنمايتها وكان لونها رمادياً وهم يطلقون على الغنماية كما تعلم (شاة) وعلى اللون الرمادي (أبرق) وأصبحت تلك المرأة تبحث عن غنمايتها وتسأل في كل مكان : الشاف ليهو شاه برقه منو؟ ..الشاف ليهو شاه برقه منو؟ ..وأخذت تردد ..شه برقه ..شه برقه ...شبارقه .. إلا أن وجدتها في مسقط رأسي الذي أصبح فيما بعد يسمى بالمكان الذي وجدت فيه الشاة البرقا (الشه البرقه = الشبارقة) ... والله أعلم ..حلوة مش كده؟
يا ريت كل واحد مننا يورينا ويترجم لينا الأصل الحقيقي ومعنى إسم مسقط رأسو .. وتبقى إضافة حقيقية لهذا البوست ..ولا رائكم شنو؟[/align]

[الفاتح]

المسدَيك= المعراكه= قطعه تنظف بها الدوكه
الدوكه= قطعه حديديه صلبه تتفاوت بين دائرية ومستطيله تستعمل لصناعة القرًاصة
القرًاصة= صناعة شعبية تتكون من عجين الدقيق والخميره, يتم التعامل معها كخبز ويتفاوت سمكها حسب أمزجه صانعيها والملاح إن كان غليظاً أو مي مي " بتسكين الياء"
مي مي= تغلب عليه كمية المياه , وفي معظم الحالات يستعاض عنه بالويكه
الويكه= ما تفتقت عنه الذهنيه السودانيه " الما عندها موضوع" وهي مسحوق ثمرة البامية الناشفه تدق جيداً في الفندق لتسهم في أن يكون الملاح لايوقاً وغيًاظاً.
الفندق: إناء حديدي تسحق بداخله التوابل ولديه ملحق " يد الفندق : وهي قطعة معدنية مطاولة الحجم تستعمل في سحق التوابل, وهي مسئوله عن حالات الحوادث التي تنشأ عن الدردقه به
الدردقه= فترت والله
لكن الرجاء متابعة أي نجيله في أي فيلم هندي..
نجيله!!

[شبارقة]

المشاركة الأصلية كتبت بواسطة شبارقة

يا ريت كل واحد مننا يورينا ويترجم لينا الأصل الحقيقي ومعنى إسم مسقط رأسو .. وتبقى إضافة حقيقية لهذا البوست ..

نكتة : واحد قالوا ليهو مسقط رأسك وين ؟ قال : المخدة

[معتصم الطاهر]

المشاركة الأصلية كتبت بواسطة فيصل سعد

الاحباب الكرام :

تحية طيبة ،،

اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها و بسم الله نبدأ :-

ود الاحد : المكان الذي يوضع فيه الجثمان داخل القبر.
الضانقيل : الطوب الاحمر.
الانداية : محل لبيع و تعاطى الخمور البلدية (مريسة ، عسلية، عرقي، كجومرو).
المريسة : خمرة بلدية تتكون من تخمير الذرة .
الصارقيل : دودة صغيرة تعيش في الطين تستخدم كطعم لصيد الأسماك.
المساير : الجزء الامامى للشعر فى المشاط.
العنقريب : سرير من الخشب ينسج بالحبال .
القرقريبة : تصنع من السعف وتستخدم في العواسه.
السعن : جلد يستخدم في حمل الماء او اللبن.
الصاج : قطعة من الحديد توضع على اربع حجارة وتعاس عليه الكسرة و الحلومر.
الكشف : المشاركة المادية فى المآتم و الافراح.
القدوم : آلة نجارة لقطع الاخشاب.


[rams]http://sudanyat.org/hageeba/sudanyat.org.ss034.wma[/rams]

ود الاحد : المكان الذي يوضع فيه الجثمان داخل القبر. ( ود اللّحد : وهو اللحد )
المساير : الجزء الامامى للشعر فى المشاط. ( الضفاير او السبايب )
القرقريبة : تصنع من السعف وتستخدم في العواسه. ( )
السعن : جلد يستخدم في حمل الماء او اللبن.أو السمن ( ويسمى القِربة ) و منها خشم القربة .
القدوم : آلة نجارة لقطع الاخشاب ( آلة قصيرة العود برأس حديد متعارض مع العود)

[شبارقة]

المشاركة الأصلية كتبت بواسطة شليل07

الدوكه= قطعه حديديه صلبه تتفاوت بين دائرية ومستطيله تستعمل لصناعة القرًاصة

الويكه= ما تفتقت عنه الذهنيه السودانيه " الما عندها موضوع" وهي مسحوق ثمرة البامية الناشفه تدق جيداً في الفندق لتسهم في أن يكون الملاح لايوقاً

أخونا شليل ...سلامات وتشكر على الإضافات ...ولكن الدوكة من الفخار دائماً ..والصاج كما معروف من الحديد والإثنين يستخدموا في عمل الكسرة والقراصة

اللايوق : نطلب من الإخوة في التراثيات معرفة المصدر وتزويدنا به

وشكراً لكم وكل عام وأنتم بخير .. إنتو بالمناسبة صاحب البوست ده وين ؟ مشى الحج ولا شنو ؟ ولا ماشي بمقولة يا ضيفنا لو زرتنا لوجدتنا نحن الضيوف وأنت صاحب المنزل ..على أي حال يا أخونا فيصل نحن قائمين بالواجب ومحافظين ليك على الدار لغاية ما ترجع بالسلامة

[suhair sharif]

المشاركة الأصلية كتبت بواسطة شبارقة

أخونا مخير ..سلامات

فنيت ليك الحجر فننننن .... ووقع في الموية جمبلق

وأداهو ليك كف طااااخ ووقع في الواطه تراااح

ذكرتنى لى حبوبتين كده ( رحمهن الله) كن جنهن يتناقرن (يتناقرن)
فواحده كانت بتحكى فى قصه لاخريات ومندمجه وكانت بتقص:
الراجل لما قريشاته وقعن منه فى المركب (المركب) واندلقن (اندلقن)
فى البحرسوون ترررررررن شبت (شبت) فيها حبوبتى وقالت ليها
ماآآياهو سوون جنبلق.....

يالله يا شبارقه ترجم مابين الاقواس


وبالجد فيصل مشى وين؟

[معتصم الطاهر]

المشاركة الأصلية كتبت بواسطة إيمان صالح

ووووووب علي
عاد يا فيصل ياخوي
نكتوا لينا كلاما يطرشني عمري ما سمعت بيه ولا بعرفه
ده اظنه من زمن حفروا البحر
وانا صغيرة وجاهلة وحنكوشة
بري يا يمة من جنس كلامكم ده
شعرة جلدي كلبت وحاة نظري

ايمان

ووووووب علي: كلمة عامية للهلع تعنى أن على غطاء أو حاجب .. ويقال أنها تعنى ( وا.. بِعلى ..)
عاد يا ... ياخوي : ( تقال للعودة للكلام .. )
نكتوا ( نَكَتَ يعنى نبش ..)
يطرشني ....( تعنى أن يصيبنى الطرش لو أنى سمعت به من قبل .. مثل القسم )
زمن حفروا البحر ( و هذا يعنى أنه قديم جدا .. وآخر بحر تم حفره هو قناة السويس )

صغيرة وجاهلة ( الجهل هنا لا يعنى ضد العلم بل يعنى الجهل بأمور الحياة أي انها غريرة )

بري يا يمة ( وتهني أنني أبرأ من مث هذا ..

والله أعلم ..

قالت صغيرة وجاهلة
نجيب ليك بزّة ..

جنس كلامكم
ده
شعرة جلدي كلبت

وحاة نظري

[أشتر]

المشاركة الأصلية كتبت بواسطة معتصم الطاهر

القرقريبة : تصنع من السعف وتستخدم في العواسه. ( ))[/color]

ازيك يا باشمهترش (زي ما سمعت عكود قال ليك كدا)
القرقريبة ما اعتقد بتُصنع طالما هي سعف ... يعني حاجة طبيعية لكن المش طبيعي تحرمنا من صوتك ...

المشاركة الأصلية كتبت بواسطة معتصم الطاهر

القدوم : آلة نجارة لقطع الاخشاب ( آلة قصيرة العود برأس حديد متعارض مع العود)

وهنا يا باش قطع الاخشاب بالفأس أو (الفرّار) والفرار أقل من الفأس حجماً والمهام التي ينجزها...
أما (القدوم) فيستخدم في كم غرض منها تقشير اللحاء وعمل (الفنيشينق) وحاجات تانية حامياني ..
والزول (المادّي قدومو) والله يكفينا شر (مد القدوم) دا زول حالتو صعبة ..
والزول العاوز قدوم برضو حالتو صعبة ..
وخلينا نسمع صوتك اذا ممكن !

[أشتر]

المشاركة الأصلية كتبت بواسطة suhair sharif

الراجل لما قريشاته وقعن منه فى المركب واندلقن فى البحرسوون ترررررررن

سبحان من جعل البحر بلاط !!!
ترررن في بحر !!!
وكللينغ في موية !!!

[شبارقة]

المشاركة الأصلية كتبت بواسطة suhair sharif

ذكرتنى لى حبوبتين كده ( رحمهن الله) كن جنهن يتناقرن (يتناقرن)
فواحده كانت بتحكى فى قصه لاخريات ومندمجه وكانت بتقص:
الراجل لما قريشاته وقعن منه فى المركب (المركب) واندلقن (اندلقن)
فى البحرسوون ترررررررن شبت (شبت) فيها حبوبتى وقالت ليها
ماآآياهو سوون جنبلق.....

يالله يا شبارقه ترجم مابين الاقواس


وبالجد فيصل مشى وين؟

الأخت سهير سلامات وكل عام وأنتم بخير
يتناقرن : فعل مشتق من المناقرة والمناقرة تحدث دائماً بين الأشخاص (المكجنيين بعض) ...كدي ترجمي لي مكجنيين دي ..أوالمتشاكسين أو الذين بينهم غيرة في أمرٍ ماء (يعني الواحد ينط ليك في حلقك) وقديماً قالوا : المكجنك يحمّر ليك في الضلام.
إندلقن : من الإندلاق بمعنى الإنسكاب وهنا بمعنى وقعن
شبت : من الشب (من شب على شئٍ شاب عليه) وهنا بمعنى القيام والنط والقفز
أما المركب فلا تحتاج إلى ترجمة لأنو أي حنكوش أو حنكوشة من أولاد الزمن ده بيعرف معناها، بس يمكن يقولوا ليك السفينة!!! أو القارب أو الباخرة

[شبارقة]

المشاركة الأصلية كتبت بواسطة محمد أبوعاقلة

والزول (المادّي قدومو) والله يكفينا شر (مد القدوم) دا زول حالتو صعبة ..

ود أبو عاقلة ...سلامات

المادي قدومو : المادي بوزو (القدوم عرفناهو ..البوز ده مصدرو وأصلو شنو ؟)

أهلنا في البطانة بيقولوا : الزول كان ما خايف القبيلة تلومو يركب فوق تيس الخلا الرقيق قدومو ... أها.. الرقيق قدومو دي هنا معناها شنو ؟

وإن شاء الله تكون إقتنعت بتفسير معنى كلمة شبارقة ؟

في واحد مشهور إسمو محمد الفاتح يوسف أبوعاقلة كان بيقدم برنامج دوبيت ومسادير في تلفزيون الجزيرة وبرنامج بوادينا في التلفزيون القومي ..أها الزول ده كان دخل علينا هنا ح يحيرنا ويجهجهنا مرة واحدة

[شبارقة]

كل عام وأنتم بخير

[أشتر]

المشاركة الأصلية كتبت بواسطة شبارقة

الأخت سهير سلامات وكل عام وأنتم بخير
يتناقرن : فعل مشتق من المناقرة والمناقرة تحدث دائماً بين الأشخاص (المكجنيين بعض) ...كدي ترجمي لي مكجنيين دي ..أوالمتشاكسين أو الذين بينهم غيرة في أمرٍ ماء (يعني الواحد ينط ليك في حلقك) وقديماً قالوا : المكجنك يحمّر ليك في الضلام.

المناقرة ... اعتقد انها مشتقة من منقار والمنقار هو إذا فرضنا (خشم ود أبرك) ونسبة لعدم وجود فوارق طبقية بين (أولاد الأبارك) كلهم نفس الطول ونفس مستوى المنقار وأعتقد منها طلعت مناقرة ... أي ينقر نقراً خفيفا غير جارح ومرات يتطور الأمر إلى مشكلة في وجود (مديدة تحرقم الاتنين)
والمديدة حرقتني .. جات من وين ؟

وفجأة كدا (الكُنُش) وهو ضمير يرجع للحلة دائماً بضمير

[أشتر]

المشاركة الأصلية كتبت بواسطة شبارقة

ود أبو عاقلة ...سلامات

المادي قدومو : المادي بوزو (القدوم عرفناهو ..البوز ده مصدرو وأصلو شنو ؟)

الرقيق قدومو

غايتو المادي بوزو دي بتكون راجعة لبوز (الكدّارة) وهي أكتر منطقة بارزة في حالة وقوف الشخص مستقيماً .. ولكن المادي قدومو أقرب لمناطق الحواس لذا استخدام قدومو أحسن من بوزو ...

[أشتر]

المشاركة الأصلية كتبت بواسطة شبارقة

أهلنا في البطانة بيقولوا : الزول كان ما خايف القبيلة تلومو يركب فوق تيس الخلا الرقيق قدومو ... أها.. الرقيق قدومو دي هنا معناها شنو ؟

الزول ما بخاف
فارس الحديدن حِمِي

http://www.alrakoba.net/ss/hageeba/k...eddin_7imi.mp3