*** مصطلحات عامّية سودانية ***

imported_فيصل سعد · 07-12-2007, 09:36 AM

الاحباب الكرام :

تحية طيبة ،،

اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها و بسم الله نبدأ :-

ود اللحد : المكان الذي يوضع فيه الجثمان داخل القبر.
الضانقيل : الطوب الاحمر.
الانداية : محل لبيع و تعاطى الخمور البلدية .
المريسة : خمرة بلدية تتكون من تخمير الذرة .
الصارقيل : دودة صغيرة تعيش في الطين تستخدم كطعم لصيد الأسماك.
المساير : الجزء الامامى للشعر فى المشاط.
العنقريب : سرير من الخشب ينسج بالحبال .
القرقريبة : تصنع من السعف وتستخدم في العواسه.
السعن : جلد يستخدم في حمل الماء او اللبن.
الصاج : قطعة من الحديد توضع على اربع حجارة وتعاس عليه الكسرة و الحلومر.
الكشف : المشاركة المادية فى المآتم و الافراح.
القدوم : آلة نجارة لقطع الاخشاب.

imported_فيصل سعد · 09-12-2007, 06:20 PM

التكل : المطبخ

النملية: دولاب لحفظ ادوات المطبخ

مترار: جهاز يدوي لغزل الخيوط

برطوش: حذاء

الاستبالة: المستشفى

سبلوقة: مجري تصريف المياه في راس البيت

المستراح: الادبخانة ، بيت الادب، الحمام

السهلة: الحوش، ساحة كبيرة داخل البيت

اللقيمات: فطائر تقدم عند الصباح مع الشاى

imported_omrashid · 09-12-2007, 06:55 PM

المعراكه -بضم الميم --قطعه من القماس لزوم مسح الصاج قبل العواسه

المشلعيب---علاقه مصنوعه من الحبل لوضع الطعام وحفظه (تلاجة المساكين

الخماره --بضم الميم --اناء مصنوع من الفخار لتخمير العجين لزوم العواسه

imported_Haimoura · 09-12-2007, 08:22 PM

البو
ربما نطق الكلمة يختلف قليلا من كتابتها ويمكن تسكين الواو..

وهو تحنيط وليد البقرة الميت واحضاره بالقرب من البقرة لتدر اللبن ...

imported_فيصل سعد · 12-12-2007, 11:53 AM

كونشبر : قفة صغيرة يستخدمها المزارع في نقل التراب لسد الماء.
الهضليم : الشعر
التكم : قفل الباب.
الدوكه : مكان لوقد النار علي الارض.
التيوه : نواه ثمره الدوم
الدافوري : لعب كره القدم في شوارع او ميدان وسط الحله.
كدندارة : حشرة تطير حول الزرع
جربوكس : ترس ناقل السرعة في العربات.
دكوة : زبدة الفول السوداني.
مررو : فول حاجات ، فول مدمس
الدفتر : ورق شفاف رهيف يستعمل في نظافة النظارات

imported_أشتر · 12-12-2007, 03:43 PM

سمعت اغنية لمحمد النصري فيها كلمة العميوق
فما هو العميوق يا فيصل ؟

imported_نسايم · 12-12-2007, 04:00 PM

اقتباس:

المشاركة الأصلية كتبت بواسطة محمد أبوعاقلة

سمعت اغنية لمحمد النصري فيها كلمة العميوق
فما هو العميوق يا فيصل ؟

دي مابعرفها الا شايقي
الشوايقة ديل غتااات كلامهم زاتو غتيييت
نقوم نسأل عكوود
بيعرفها

imported_فيصل سعد · 12-12-2007, 04:31 PM

اقتباس:

المشاركة الأصلية كتبت بواسطة محمد أبوعاقلة

سمعت اغنية لمحمد النصري فيها كلمة العميوق
فما هو العميوق يا فيصل ؟

يا محمد مرحب بيكم انت و نسائم بجاي. ما عارف الكلمة و الله و يكون جميل لو تدونا رصة بمعانيها قبل ما تغادروا انتوا الاتنين، الاتنين ادونا عين

عكــود · 12-12-2007, 05:31 PM

سلام يا فيصل،

بوست جميل ومهم للجميع . .
وشايفك ما قصّرت
وما دام السبلوقة والأسبتالية بقوا دايرين شرح . .
ما ألوم أبو عاقلة ونسايم في سؤالهم عن العميوق
الأغنية بتقول في واحدة من مقاطعها:
"قام إتمطّق العميوق"
العميوق: شجيرة طفيلية تقوم في المزارع وتنتشر بسرعة
ريحتها بطّالة
وطعمها تعافِه البهايم

سلام وبجيك راجع أدّيك من القديم.

imported_نسايم · 12-12-2007, 06:13 PM

اقتباس:

المشاركة الأصلية كتبت بواسطة فيصل سعد

يا محمد مرحب بيكم انت و نسائم بجاي. ما عارف الكلمة و الله و يكون جميل لو تدونا رصة بمعانيها قبل ما تغادروا انتوا الاتنين، الاتنين ادونا عين

حااااضر انا بحضر ليك في كلمااات
بس انا براااي محمد داا ما تشملنى معاهو في جملة مفيدة

imported_إيمان صالح · 12-12-2007, 07:36 PM

ووووووب علي
عاد يا فيصل ياخوي
نكتوا لينا كلاما يطرشني عمري ما سمعت بيه ولا بعرفه
ده اظنه من زمن حفروا البحر
وانا صغيرة وجاهلة وحنكوشة
بري يا يمة من جنس كلامكم ده
شعرة جلدي كلبت وحاة نظري

ايمان

imported_أشتر · 12-12-2007, 09:15 PM

اقتباس:

المشاركة الأصلية كتبت بواسطة فيصل سعد

الدفتر : ورق شفاف رهيف يستعمل في نظافة النظارات

no comment

اخوي عكود ... عُلم
وتسلم يا حبيب

imported_أشتر · 12-12-2007, 09:26 PM

اقتباس:

المشاركة الأصلية كتبت بواسطة Haimoura

البو
ربما نطق الكلمة يختلف قليلا من كتابتها ويمكن تسكين النون ..

يا حيمورة ... ازيك
النون البنسكن فيها دي وين ؟ !!!
بالايجار ما لقيتا !!!
اديتنا الصقيعة ...

والصقيعة ... هي المكان الواسع الفسيح او الخلا
الخلا ولا الرفيق الفسل ...

والفسل ... هو الزول البخيل

imported_شبارقة · 13-12-2007, 08:47 AM

ووووووب علي
عاد يا فيصل ياخوي
نكتوا لينا كلاما يطرشني عمري ما سمعت بيه ولا بعرفه
ده اظنه من زمن حفروا البحر
وانا صغيرة وجاهلة وحنكوشة
بري يا يمة من جنس كلامكم ده
شعرة جلدي كلبت وحاة نظري

تشكروا على هذا البوست الجميل
بالله يا إيمان هسع ده كلام حنكوشة .. نكتوا لينا .. وشعرة جلدي كلبت ..ده ذاتو ما تراث وعاوز ليهو ترجمة

وهاكم:-

التبروقة : مصلاية من السعف (بت عم البرش) ما تقولوا لي البرش ده شنو؟
الفروة : مصلاية من الجلود
الدردقو : ود عم العجور ، ينبت في الجروف .. وما تقولوا لي الجروف دي شنو؟
الغباشة : الروب المضاف إليه قليل من الماء وقليل من السكر (حاجة مريحة جداً.. أحسن من إكتيفيا)
اللداية : مجموعة من الحجارة توضع عليها حلة الطعام (لزوم رفعا قليلاً عن الجمر)
السيارة : ما تفتكروها العربية ، السيارة هي الطايووق الذي يمسح به صاج الكسرة (عشان الطرقة تسير بسرعة وسهولة) عارفين الطايوق؟ شكراً
الكُنُش : المُفراكة
أم تكشو : وجبة طعام من الماء الحار المضاف إليه مسحوق الخُضرة (الملوخية) الجافة (لا لحمة ولا يحزنون)
أم شعيفة : وجبة طعام من الماء الحار المضاف إليه مسحوق البامية الجافة (نفس شرح أم تكشو)

وشكراً لكم مرة تانية لأنكم أرجعتمونا لتراثنا الجميل الذي نتمنى أن لا يندثر .. ولنا عودة مع المزيد إن شاء الله

imported_شبارقة · 13-12-2007, 11:54 AM

اقتباس:

المشاركة الأصلية كتبت بواسطة إيمان صالح

ووووووب علي
عاد يا فيصل ياخوي
نكتوا لينا كلاما يطرشني عمري ما سمعت بيه ولا بعرفه
ده اظنه من زمن حفروا البحر
وانا صغيرة وجاهلة وحنكوشة
بري يا يمة من جنس كلامكم ده
شعرة جلدي كلبت وحاة نظري

ايمان

الحمد لله نجحت في الإقتباس ومعذرة للأخت إيمان

07-12-2007, 09:36 AM	#[1]
imported_فيصل سعد :: كــاتب نشــط::	* مصطلحات عامّية سودانية * الاحباب الكرام : تحية طيبة ،، اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها و بسم الله نبدأ :- ود اللحد : المكان الذي يوضع فيه الجثمان داخل القبر. الضانقيل : الطوب الاحمر. الانداية : محل لبيع و تعاطى الخمور البلدية . المريسة : خمرة بلدية تتكون من تخمير الذرة . الصارقيل : دودة صغيرة تعيش في الطين تستخدم كطعم لصيد الأسماك. المساير : الجزء الامامى للشعر فى المشاط. العنقريب : سرير من الخشب ينسج بالحبال . القرقريبة : تصنع من السعف وتستخدم في العواسه. السعن : جلد يستخدم في حمل الماء او اللبن. الصاج : قطعة من الحديد توضع على اربع حجارة وتعاس عليه الكسرة و الحلومر. الكشف : المشاركة المادية فى المآتم و الافراح. القدوم : آلة نجارة لقطع الاخشاب.
imported_فيصل سعد :: كــاتب نشــط::	التوقيع: [frame="5 80"]اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة[/frame]

09-12-2007, 06:20 PM	#[2]
imported_فيصل سعد :: كــاتب نشــط::	التكل : المطبخ النملية: دولاب لحفظ ادوات المطبخ مترار: جهاز يدوي لغزل الخيوط برطوش: حذاء الاستبالة: المستشفى سبلوقة: مجري تصريف المياه في راس البيت المستراح: الادبخانة ، بيت الادب، الحمام السهلة: الحوش، ساحة كبيرة داخل البيت اللقيمات: فطائر تقدم عند الصباح مع الشاى
imported_فيصل سعد :: كــاتب نشــط::	التوقيع: [frame="5 80"]اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة[/frame]

09-12-2007, 06:55 PM	#[3]
imported_omrashid :: كــاتب نشــط::	المعراكه -بضم الميم --قطعه من القماس لزوم مسح الصاج قبل العواسه المشلعيب---علاقه مصنوعه من الحبل لوضع الطعام وحفظه (تلاجة المساكين الخماره --بضم الميم --اناء مصنوع من الفخار لتخمير العجين لزوم العواسه
imported_omrashid :: كــاتب نشــط::

09-12-2007, 08:22 PM	#[4]
imported_Haimoura :: كــاتب نشــط::	البو البو ربما نطق الكلمة يختلف قليلا من كتابتها ويمكن تسكين الواو.. وهو تحنيط وليد البقرة الميت واحضاره بالقرب من البقرة لتدر اللبن ...
imported_Haimoura :: كــاتب نشــط::

12-12-2007, 11:53 AM	#[5]
imported_فيصل سعد :: كــاتب نشــط::	كونشبر : قفة صغيرة يستخدمها المزارع في نقل التراب لسد الماء. الهضليم : الشعر التكم : قفل الباب. الدوكه : مكان لوقد النار علي الارض. التيوه : نواه ثمره الدوم الدافوري : لعب كره القدم في شوارع او ميدان وسط الحله. كدندارة : حشرة تطير حول الزرع جربوكس : ترس ناقل السرعة في العربات. دكوة : زبدة الفول السوداني. مررو : فول حاجات ، فول مدمس الدفتر : ورق شفاف رهيف يستعمل في نظافة النظارات
imported_فيصل سعد :: كــاتب نشــط::	التوقيع: [frame="5 80"]اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة[/frame]

12-12-2007, 03:43 PM	#[6]
imported_أشتر :: كــاتب نشــط::	سمعت اغنية لمحمد النصري فيها كلمة العميوق فما هو العميوق يا فيصل ؟
imported_أشتر :: كــاتب نشــط::

12-12-2007, 05:31 PM	#[9]
عكــود Administrator	سلام يا فيصل، بوست جميل ومهم للجميع . . وشايفك ما قصّرت وما دام السبلوقة والأسبتالية بقوا دايرين شرح . . ما ألوم أبو عاقلة ونسايم في سؤالهم عن العميوق الأغنية بتقول في واحدة من مقاطعها: "قام إتمطّق العميوق" العميوق: شجيرة طفيلية تقوم في المزارع وتنتشر بسرعة ريحتها بطّالة وطعمها تعافِه البهايم سلام وبجيك راجع أدّيك من القديم.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

12-12-2007, 07:36 PM	#[11]
imported_إيمان صالح :: كــاتب جديـــد ::	ووووووب علي عاد يا فيصل ياخوي نكتوا لينا كلاما يطرشني عمري ما سمعت بيه ولا بعرفه ده اظنه من زمن حفروا البحر وانا صغيرة وجاهلة وحنكوشة بري يا يمة من جنس كلامكم ده شعرة جلدي كلبت وحاة نظري ايمان
imported_إيمان صالح :: كــاتب جديـــد ::

13-12-2007, 08:47 AM	#[14]
imported_شبارقة :: كــاتب نشــط::	تراثنا الجميل ووووووب علي عاد يا فيصل ياخوي نكتوا لينا كلاما يطرشني عمري ما سمعت بيه ولا بعرفه ده اظنه من زمن حفروا البحر وانا صغيرة وجاهلة وحنكوشة بري يا يمة من جنس كلامكم ده شعرة جلدي كلبت وحاة نظري تشكروا على هذا البوست الجميل بالله يا إيمان هسع ده كلام حنكوشة .. نكتوا لينا .. وشعرة جلدي كلبت ..ده ذاتو ما تراث وعاوز ليهو ترجمة وهاكم:- التبروقة : مصلاية من السعف (بت عم البرش) ما تقولوا لي البرش ده شنو؟ الفروة : مصلاية من الجلود الدردقو : ود عم العجور ، ينبت في الجروف .. وما تقولوا لي الجروف دي شنو؟ الغباشة : الروب المضاف إليه قليل من الماء وقليل من السكر (حاجة مريحة جداً.. أحسن من إكتيفيا) اللداية : مجموعة من الحجارة توضع عليها حلة الطعام (لزوم رفعا قليلاً عن الجمر) السيارة : ما تفتكروها العربية ، السيارة هي الطايووق الذي يمسح به صاج الكسرة (عشان الطرقة تسير بسرعة وسهولة) عارفين الطايوق؟ شكراً الكُنُش : المُفراكة أم تكشو : وجبة طعام من الماء الحار المضاف إليه مسحوق الخُضرة (الملوخية) الجافة (لا لحمة ولا يحزنون) أم شعيفة : وجبة طعام من الماء الحار المضاف إليه مسحوق البامية الجافة (نفس شرح أم تكشو) وشكراً لكم مرة تانية لأنكم أرجعتمونا لتراثنا الجميل الذي نتمنى أن لا يندثر .. ولنا عودة مع المزيد إن شاء الله
imported_شبارقة :: كــاتب نشــط::