نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 18-01-2009, 09:34 PM   #[1]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي أغنية .. وقصة أغنية ..

طولت ماجانى مسنجر داخلى .. قلت يا ربى الجكس مقاطعنى مالو ..
اليوم رفعت راسى بالصدفة .. لقيت مكتوب:

اقتباس:
صندوق الرسائل لديك مستخدم بنسبة 100%
ما أغشكم فرحت .. أصلو الجكس بتاعى الستينى ده ما لاقى منو غير وجع الدماغ

الله يستر منهم فى بوستى ده وبحيتم الشديد .. خاصة أولاد حلة حلب .. خاصة البوست ده أمدرمانى خااااااالص ..

ياريت المدام عندنا فى السويد تحن علينا .. وتفك فينا الأستاذ شوقى بدرى لأنه وجوده هنا مهم شديد

أما الجكس الصغار ناس أمال ومنال يطعمونا بشوية فلفل وشمار .. ومنال عارفا كلام الزمان ده بتريدو شديد

أما بعد ..

بالمناسبة: كل الجاى فى البوست ده



التعديل الأخير تم بواسطة رأفت ميلاد ; 19-01-2009 الساعة 07:56 AM.
التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 18-01-2009, 09:38 PM   #[2]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

الشاعر صالح عبد السيد (أبو صلاح)

بدور القلعة

أعتقد المغنى الأصلى عبيد الطيب

هنا بصوت الفنان محمد الأمين .. ولا شك هى من الأغنيات التى وجد نفسه فيها


[flash1=http://www.rafatmilad.com/Bedor.mp3]WIDTH=400 HEIGHT=50[/flash1]



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 18-01-2009, 09:41 PM   #[3]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

القصيدة

[align=center]العيون النوركن بجهرا .... غير جمالكن من السهرا
يا بدور القلعة وجوهرا


السيوف ألحاظك تشهرا على الفؤاد المن بدري انهرا
أخفي ريدك مرة و أجهرا نار غرامك ربك يقهرا

**************
عالي صدرك لي خصرك برا فيهو جوز رمان جلّ البرا
الخطيبة وردفك منبرا الشعور البسطل عنبرا
**************
الصدير أعطافك فترا والنهيد باع فينا وأشترا
الوضيب إقدامك سترا لقطيبو قلوبنا البعثرا

************
صيده غيرك ايه الجسرا تستلم أفكارنا وتأسرا
حال محاسنك مين الفسرا يا الثريا الفوق أهل الثرى

**************
جارحة صالح كل ما يحضرا في مدينة الجوف ساكن الضرا
الرشيم والرشمة الخضرا ذي فريع في موية منضرا

************
هل حبيبي نسى ام لي طرا يا أم شلوخا عشرة مسطرا
النسايم بالند عطرا دا الدافق لي دموعي ومطرا

****************
حفلة يا ابو الحاج إتذكرا ورنة الصفارة إتفكرا
وهبه بي مزيكتو إتحكرا كم طرب افكارنا وسكرا

*****************
البدور النارت مسفرا قاصدة تشتري قلوبنا تسفرا
عبد الرحمن دمت يتظفرا بي نعيم وحظوظ متوفرا
[/align]



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 18-01-2009, 09:43 PM   #[4]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

كتب : zahi فى منتدى مزيكا سودنية

أغنية العيون النوركن بجهرا من أغاني أبو صلاح التي تدفقت فيها دموعه وسالت كالأمطار وقال إن سبب نزول هذه الدموع هي الشلوخ العشرة المسطرة والنسائم المتعطرة برائحة المحبوبة الجميلة والشلوخ العشرة المسطرة يشرحها مبارك المغربي ويقول إنها المطارق وهى ستة شلوخ على الخدين ثلاث على كل خد مع عارض أفقي ليكون المجموع ثمانية وتحت ذلك العارض عارض آخر ليكون المجموع عشرة والمقطع الذي سكب فيه الدموع هو السادس ويقول فيه ...
هل حبيبي نسى أم لي طرا ......يا ام شلوخا عشرة مسطرة
النسائم بالند عطرا.........دا الدفق لدموعي ومطرا
يقول الأستاذ مبارك المغربي إن هذه الأغنية لا ترتقى إلي مستوى أغنيات أبو صلاح الأخرى بالرغم من انتشارها ولكنني أقول إنها أغنية جميلة وقوية وصادقة وذات ألفاظ ومعاني جميلة أبدع أبو صلاح وصف محبوبته وهى في ساحة الرقص وفى الأغنية صورا بديعية جميلة وللأغنية قصة رواها لي الفنان مبارك حسن بركات حيث قال إن أبو صلاح طلب من إحدى البنات الرقص ولكنها استنكرت ذلك وعابت عليه حول عينيه فانشد أبو صلاح هذه الأغنية على الفور وقال إن سبب حول عينه وسهره هو نور وجمال هذه الملهمة وقال الأستاذ مبارك حسن بركات إن كرومه لحن وغنى هذه الأغنية في نفس الحفلة ورقصت هذه الملهمة على إيقاعها ....وفى الأغنية وصف رائع لقوام هذه الملهمة حيث يصف صدرها بانه عالي وكبير حتى انه اتعب الأعطاف وبرا الخصر حتى اصبح رقيقا وعلى هذا الصدر جوز رمان جل الذي خلقه وهذه النهود باعت واشترت في الشاعر اى أنها أتعبته وسلبته لبه وفكره أما الشعر فمن طوله فانه يستر الأقدام وطلب منها أن تلقط القلوب التى بعثرها هذا الشعر ويصف الشاعر الجزء الأعلى من قوام الملهمة مع الأرداف كأنها خطيبة في منبر والمنبر هو الأرداف.... أما الرشيم والرشمة كما يشرحهما مبارك المغربي فالرشيم هو فصدتين تحت شلخ صغير على اعلى الخد ( نقرابى ) اما الرشمة فهي سلسلة ذهبية تصل ما بين الزمام والميسرة ويقول الشاعر إن الرشيم لشدة خضرته غير لون السلسلة الذهبية فصارت خضراء اللون مثل فرع الشجرة الأخضر على سطح المرآة... أما ابو الحاج المذكور في الأغنية فهو الحاج محمد احمد سرور ووهبة هو عازف الملوديكا وهى نوع من الأكورديون ابوزراير كما يسميه البعض ووهبة هو والد لاعب المريخ المشهور بشرى وهبة اما عبدالرحمن فهو العريس .... الأغنية من الحان كروم وسجلها للإذاعة مبارك حسن بركات كما أبدع فيها الفنان محمد الامين .اخبرنى الاستاذ مبارك حسن بركات ان ملهمة الاغنية اسمها جواهر وقد قابلها فى الستينات فى تاكسى اجرة وبالصدفة كانت هذه الاغنية تذاع على راديو السيارة بصوته فقالت هذه المراة كل شئ فى الدنيا يفنى عدا الشعر فسألها مبارك انت بدور ام جواهر فقالت انا بدور اما الشاعر مبارك المغربى فقد اشار ان اسم الملهمةهو مدينة ومذكور فى الاغنية (مدينة الجوف) ولكنى ارجح رواية الفنان مبارك حسن بركات.

د . /أحـمد القرشـى



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 18-01-2009, 09:46 PM   #[5]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

يإسم صدفة البحر فى منتدى عشاق السودان
حكت أو حكى:

على بركة الله ابدا اسرد ليكم اول قصة

سنبدأ برواية قصة قصيدة بدور القلعة

حكى لى عم حنفى (عم تحفة كدة ربنا يديه العافية) ان شاعر الاغنية هو صالح عبد السيد وكان مدعو لحفل بالقلعة (أم درمان) وزميله الشاعر المعروف محمد ود الرضى.
وشاعرنا كانت جفون عيونو كبيرة وبتدى العين شكل النوم. فقام صاحبه ود الرضى قال للبنات الفى الحفلة: انو الزول دة نايم والحفلة شغالة (تقريق يعنى) فضحك البنات فيه.

فعرف طوالى انو بضحكوا فى عيونو فقام طلع نوتو وكتب فيها مطلع القصيدة:

العيون النوركن بجهـرا
غير جمالكن مين السهرة
يا بدور القلعة وجوهرا


وشاعرنا كان متعود يكتب مطلع القصيدة ويمشى يوريها لزوجته اذا وافقت يواصلا .. وفعلا وافقت وتم القصيدة الرائعة وكتب فيها اجمل الاوصاف والابيات.. وبعد داك وداها الإذاعة والتلفزيون .. وكل من سمع الأغنية يكون قد لاحظ مدى دقة الاوصاف والجمال الذى تحتويه كلمات الاغنية

المهم فى الأمر أنو الاغنية دى اشتهر بها العملاق: الموسيقار ود الامين لكن فى الاصل غناها الثنائى: مرغنى المأمون واحمد حسين جمعة

والطريف انو عازف الكمان (الزمن داك) اسمه وهبا قد وجد نفسه منظوم فى القصيدة:

وهبا بمزيقتـو اتحكـرا
كم طرب افكارنا وسكرا


وطبعا شاعرنا ما نسى نفسو وفى أحد الابيات قال:


جارح صالح كل مـا يحضـرا
وفى مدينة الجوف ساكنة الضرا


مدينة الجوف: القلب (للبلدة فى المفاهيم الذى دى ههههههههى )
وال اللقاء فى قصة أخرى .. القصص كتااااااااااااا ر



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 18-01-2009, 09:49 PM   #[6]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

كتب على محمد على بشير بسودانيز أونلاين دوت كوم

قال راوى الحكايه انو زمان الشعراء كانوا بيمشوا مع الفنانين
للحفلات وبيختوا ليهم عنقريب بى وراء الفنان
المهم مشى ابو صلاح مع كرومه على ما اعتقد فى ذلك اليوم الى حفل
بحى القلعه بامدرمان والذى كانت تمثل فيهو الفتاه بدور ملكة جماله
الغير متوجه
وطلبت بدور ان ترى الشاعر المشهور ابو صلاح عن قرب وطبعا معروف انو
الشاعر كان مصاب بالعشى الليلى .. ولما اصبحت قريبه من الشاعر فوجئت
بمنظر عينيه ولم تتمالك نفسها وقالت فى صوت مسموع وبخيبة امل
- هو ياهو دا
وقالتها بشئ من خيبة الامل

وبعدها كتب ابو صلاح تلك القصيده



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 19-01-2009, 07:47 AM   #[7]
منال
:: كــاتب نشــط::
الصورة الرمزية منال
 
افتراضي

البوست تحفة و المادة دسمة ( امسك قوى فى غنا الحقيبة)

البداية خطيرة ادييييييييييييل كدا العيون كمان ( السبب الاذانى ) و محمد الامين حلقت فى عالم تانى

اقتباس:
وشاعرنا كان متعود يكتب مطلع القصيدة ويمشى يوريها لزوجته اذا وافقت يواصلا .. وفعلا وافقت وتم القصيدة الرائعة وكتب فيها اجمل الاوصاف والابيات.. وبعد داك وداها الإذاعة والتلفزيون .. وكل من سمع الأغنية يكون قد لاحظ مدى دقة الاوصاف والجمال الذى تحتويه كلمات الاغنية
ده بيت القصيد و انا اقول ابو صلاح ده واصف قدر ده ( الحسى و الجمالى و المعنوى ) و عرفت انو دافرو الجمال كلو و بقاسمو مفاصل الحروف ( ابداع جندرى و باين بدور)ههههههههه

تعرف يا رافت بحتل هنا و نش ما يمرقنى و كدا و ذاد وجدى

بس ما تشعتف رويحتى ... و تسيبنى فى هجرانى.

الاغنية دى عجبت حبوبتى ( الروضة بت مالك) و اصرت اسمو بنت ولدها ( بدور و تناديها بدور القلعة)



التوقيع: [mark=#050000]
يا خالدا تحت الثرى
[/mark]
منال غير متصل   رد مع اقتباس
قديم 19-01-2009, 08:26 AM   #[8]
wadosman
:: كــاتب نشــط::
 
افتراضي

اقتباس:
المشاركة الأصلية كتبت بواسطة رأفت ميلاد مشاهدة المشاركة
طولت ماجانى مسنجر داخلى .. قلت يا ربى الجكس مقاطعنى مالو ..
اليوم رفعت راسى بالصدفة .. لقيت مكتوب:



ما أغشكم فرحت .. أصلو الجكس بتاعى الستينى ده ما لاقى منو غير وجع الدماغ

الله يستر منهم فى بوستى ده وبحيتم الشديد .. خاصة أولاد حلة حلب .. خاصة البوست ده أمدرمانى خااااااالص ..

ياريت المدام عندنا فى السويد تحن علينا .. وتفك فينا الأستاذ شوقى بدرى لأنه وجوده هنا مهم شديد

أما الجكس الصغار ناس أمال ومنال يطعمونا بشوية فلفل وشمار .. ومنال عارفا كلام الزمان ده بتريدو شديد

أما بعد ..

بالمناسبة: كل الجاى فى البوست ده
[align=center]رافت...

ههههههههههههه

مقدمة من ابو كديس...ما هو باين..

فعلا اغنية تستحق بوست و من لا يعرف بدور القلعة و من لا يعرف القلعة
فى ام درمان التى اشتهرت بسماحة ناسها...و ما بنمشى لناس ما بيجونا
فى القلعة رجعوا يعذبونا...شفت كيف...!!!!

انت عارف لمن يقول ليك ام درمان اصل الغنا و الكلااام السمح دا كلااام ابدا
ما فيهو اختلااف..و شوف كم فنان و كم شاعر وكم اغنية جميلة خرجت من ام درمان
و كمان شوف كم زول سمح كان فى ام درمان...!!!

فبل فترة ليست بالقصيرة التقيت مصادفة بشابة جميلة جدا جمعتى معها الظروف صدفة
و عرفت من خلال الونسة و النقاش انها من ام درمان و بالتحديد من القلعة فجاءت سيرة
اغنية بدور القلعة فعرفت منها ان بدور موضوع القصيده هى حبوبتها لامها وذكرت حكاية
طويله عن هذه الاغنية الامر الجديد بالنسبة لى انها ذكرت ان بدور هذه كان لها ستة
اخوات وكلهم جاء ذكرهم فى هذه الاغنية لكن ابو صلااح خوفا من المشاكل اخفى ذلك
و اى زول نبيه اذا فلفل القصيدة ممكن يعرفهم منو..؟؟؟ طبعا ذكرت لى جميع الاساامى
و انا ما حاقول التزاما بحقوق النشر...هههههههههههههه
الونسة طبعا جرت عن القلعة و حكايات اخرى طويلة عن شعراء اخرين و فناين اخرين
و منو فيهم الكان مكسر هنااك و عند ناس منو و قصة طويلة يمكن كلها ما بتتقال هنا..

المهم دا جزء من حكاية الاغنية..و الاغنية طبعا لحنها كرومة و غناها و بعده غناها بركات
و التسجيل القديم الموجود بالاذاعة بصوت بركات بالرق طبعا...

ود الامين طبعا اضاف للاغنية الكثير مع المحافظة على اللحن الاساسى للاغنية
فقط يوخذ عليه انه لم يغنى القصيدة كاملة بل ادى جزء منها فقط..و هذا بالطبع لا يمنع
انها خرجت بصورة جميلة و بها شحنة خيالية من التطريب و الموسيقى الما خمج..

و الله يخلى ناس على شمو فلولاهم ما خرجت هذه الاعمال الجميلة من فناين من امثال
محمد الامين و وردى..فهم كانوا قد اشترطو على اى فنان من الفناين الكبار ان يغنى
واحدة من اغنيات الحقيبة فكان ان اختار محمد الامين هذه الاغنية و اختار وردى اغنية
محيك البدرى و اختار الفنان عثمان حسين زيدنى فى هجرانى...

يلا يا زول و ما قلت لينا انت مكتول وين....؟؟؟ ايام كنت فى ام درمان...
ما تقول لى مدرسة التقدم....

سلاااااااااااااااام[/align]



wadosman غير متصل   رد مع اقتباس
قديم 19-01-2009, 08:59 AM   #[9]
عثمان
:: كــاتب نشــط::
 
افتراضي

العزيز رأفت ميلاد يديك الصحة والعافية والله الليلة كالعادة اتقلبت الهوبة عديل في البوست دا وفي كل بوستاتك رأفت سمعت مناسبة القصيدة أو الأغنية الأتغنى بيها أكتر من فنان وهي لسيد عبد العزيز البيقول فيها (أفكر فيه وأتأمل أره اتجلى واتجمل) يقال إنو كان على علاقة بقبطية مسيحية من حي المسالمة أمدرمان والبت اتزوجت ومشى الكنيسة حضر مراسيم زواجها وكانت القصيدة أو الأغنية (افكر فيه وأتامل) ياريت تفيدني أصلو الأغنية دي كاسرة فيني ضلع عدييييل كدة.
تحياتي/ عثمان الطيب



عثمان غير متصل   رد مع اقتباس
قديم 19-01-2009, 09:46 AM   #[10]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة منال مشاهدة المشاركة
البوست تحفة و المادة دسمة ( امسك قوى فى غنا الحقيبة)

البداية خطيرة ادييييييييييييل كدا العيون كمان ( السبب الاذانى ) و محمد الامين حلقت فى عالم تانى
صباحاتك هناء يا منال ..
ده زوقك السمح .. ومحمد الأمين زولك .. وود حلتنا برضو "قرية ود النعيم" وود حلتنا يطلع ود حلكتم برضو .. على وزن صاحب صاحبك

اقتباس:
المشاركة الأصلية كتبت بواسطة منال مشاهدة المشاركة

ده بيت القصيد و انا اقول ابو صلاح ده واصف قدر ده ( الحسى و الجمالى و المعنوى ) و عرفت انو دافرو الجمال كلو و بقاسمو مفاصل الحروف ( ابداع جندرى و باين بدور)ههههههههه
بس صدفة البحر بالغت شوية .. الراجل الحوام يمشى بكراعه للرقابة .. وبعدين إذاعة "وتلفزيون" فى زمن أبوصلاح .. ياها الجندرة زااااتا وبتلعب صالح ورقا
اقتباس:
المشاركة الأصلية كتبت بواسطة منال مشاهدة المشاركة

تعرف يا رافت بحتل هنا و نش ما يمرقنى و كدا و ذاد وجدى

بس ما تشعتف رويحتى ... و تسيبنى فى هجرانى.

الاغنية دى عجبت حبوبتى ( الروضة بت مالك) و اصرت اسمو بنت ولدها ( بدور و تناديها بدور القلعة)
كده أنا مرتااح ومطمئن على سلامة البوست .. وصوت إشادة للحجة ( الروضة بت مالك) .. ما ديل البطلعوا ليك باقى القصة .. والدتى الله يرحما .. وصفت لى درب الخليل من علايل أبروف للمزالق حته حته .. قريت برضو قصص مغايرة .. وطبعآ رمزية خليل فرح تكثر فيها القصص ..

خليكى قريبة .. بس ما بوعدك أفضل جوة الحقيبة .. القصص كتااااار زى ما قالت صدفة البحر ..



التعديل الأخير تم بواسطة رأفت ميلاد ; 19-01-2009 الساعة 10:43 AM.
التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 19-01-2009, 10:12 AM   #[11]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة wadosman مشاهدة المشاركة
[align=center]
مقدمة من ابو كديس...ما هو باين..
[/align]
ود عثمان مرات بتحيرنى كدة .. أنت من زمن أبو كديس ومريت بى أبو تركتر ..
اقتباس:
المشاركة الأصلية كتبت بواسطة wadosman مشاهدة المشاركة
[align=center]
انت عارف لمن يقول ليك ام درمان اصل الغنا و الكلااام السمح دا كلااام ابدا
ما فيهو اختلااف..و شوف كم فنان و كم شاعر وكم اغنية جميلة خرجت من ام درمان
و كمان شوف كم زول سمح كان فى ام درمان...!!!
[/align]
أها ده الكلام البنكت ناس بحرى .. ويجوا يختوا ليك لستة طوييييلة من الشعراء والفنانيين .. وما بتزعلم إلا جملة "الأغنية الأمدرمانية وتأثيرها فى الأغنية السودانية" .. لكن بينى وبينك حقهم محفوظ
اقتباس:
المشاركة الأصلية كتبت بواسطة wadosman مشاهدة المشاركة
[align=center]
فبل فترة ليست بالقصيرة التقيت مصادفة بشابة جميلة جدا جمعتى معها الظروف صدفة
و عرفت من خلال الونسة و النقاش انها من ام درمان و بالتحديد من القلعة فجاءت سيرة
اغنية بدور القلعة فعرفت منها ان بدور موضوع القصيده هى حبوبتها لامها وذكرت حكاية
طويله عن هذه الاغنية الامر الجديد بالنسبة لى انها ذكرت ان بدور هذه كان لها ستة
اخوات وكلهم جاء ذكرهم فى هذه الاغنية لكن ابو صلااح خوفا من المشاكل اخفى ذلك
و اى زول نبيه اذا فلفل القصيدة ممكن يعرفهم منو..؟؟؟ طبعا ذكرت لى جميع الاساامى
و انا ما حاقول التزاما بحقوق النشر...هههههههههههههه
الونسة طبعا جرت عن القلعة و حكايات اخرى طويلة عن شعراء اخرين و فناين اخرين
و منو فيهم الكان مكسر هنااك و عند ناس منو و قصة طويلة يمكن كلها ما بتتقال هنا..

المهم دا جزء من حكاية الاغنية..و الاغنية طبعا لحنها كرومة و غناها و بعده غناها بركات
و التسجيل القديم الموجود بالاذاعة بصوت بركات بالرق طبعا...
[/align]
دى إضافة نوعية وكدة والله .. وطلعت لى كم إسم كده من الغنية .. تعرف الناس زمان بدسوا المعلومات لأنها خصوصية ومستمرة مع العوائل .. هذه القصة مهضومة لى كتير من المتناقل .. عندنا فى المسالمة كتير من الشخصيات رأيتهم بعينى مثل بت ملوك النيل وظبية المسالمة .. وبنعرف القصص الدقاقا .. الممنوع تناولها .. رغم عدم سوئها .. تجى مرات تقرا تلقى بت ملوك النيل مرت الصديق المهدى
اقتباس:
المشاركة الأصلية كتبت بواسطة wadosman مشاهدة المشاركة
[align=center]و الاغنية طبعا لحنها كرومة و غناها و بعده غناها بركات
و التسجيل القديم الموجود بالاذاعة بصوت بركات بالرق طبعا...

ود الامين طبعا اضاف للاغنية الكثير مع المحافظة على اللحن الاساسى للاغنية
فقط يوخذ عليه انه لم يغنى القصيدة كاملة بل ادى جزء منها فقط..و هذا بالطبع لا يمنع
انها خرجت بصورة جميلة و بها شحنة خيالية من التطريب و الموسيقى الما خمج..

و الله يخلى ناس على شمو فلولاهم ما خرجت هذه الاعمال الجميلة من فناين من امثال
محمد الامين و وردى..فهم كانوا قد اشترطو على اى فنان من الفناين الكبار ان يغنى
واحدة من اغنيات الحقيبة فكان ان اختار محمد الامين هذه الاغنية و اختار وردى اغنية
محيك البدرى و اختار الفنان عثمان حسين زيدنى فى هجرانى...
[/align]
ده كل الكلام .. ما قصرت فى حقهم وحقنا .. شكرآ كتير وخليك قريب ..
اقتباس:
المشاركة الأصلية كتبت بواسطة wadosman مشاهدة المشاركة
[align=center]
يلا يا زول و ما قلت لينا انت مكتول وين....؟؟؟ ايام كنت فى ام درمان...
ما تقول لى مدرسة التقدم....

سلاااااااااااااااام[/align]
مدرسة التقدم بسسسس .. ما تفتح الورق وتحوم بينا للمظاهر وحى العمدة .. وكان عندنا "نقادية" حااارة بنسميها تورية "سيد البلد" .. متورة نفس الحلة كلها ..

وعليك دوام السلام .. وما تفوت



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 19-01-2009, 10:21 AM   #[12]
همس الشوق
:: كــاتب نشــط::
الصورة الرمزية همس الشوق
 
افتراضي

اقتباس:
المشاركة الأصلية كتبت بواسطة رأفت ميلاد مشاهدة المشاركة

.. عندنا فى المسالمة كتير من الشخصيات رأيتهم بعينى مثل بت ملوك النيل وظبية المسالمة .. وبنعرف القصص الدقاقا .. الممنوع تناولها .. رغم عدم سوئها .. تجى مرات تقرا تلقى بت ملوك النيل مرت الصديق المهدى


[B][size=5][color=#00008B[color=#00008B [/color]
سجمي رسمي

رأفت الهجان أقصد ..........ميلاد من المسالمة



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل   رد مع اقتباس
قديم 19-01-2009, 10:28 AM   #[13]
فيصل علي
:: كــاتب نشــط::
 
افتراضي

الاخ رأفت
سلامات
كتر لينا من الحقيبة دي وقصصا
لكن يا اخوي برضو وقفت شوية في حكاية يوديها للجماعة يشوفوها دي .لا أدري هل الغرض من المراجعه كما إستنتجت منال لتقييم نواحي فنية وجمالية أم المسألة نواحي رقابية يستلزمها الوضع الامني الداخلي ؟أنا أرجح التانية لأنو الاستاذ شوقي بدري قال نسوان أم درمان ديل ما بيفرطوا ..وماسكات مفاصل اللعبة تمام
والله أعلم
تحياتي



فيصل علي غير متصل   رد مع اقتباس
قديم 19-01-2009, 10:28 AM   #[14]
AMAL
:: كــاتب نشــط::
الصورة الرمزية AMAL
 
افتراضي

اقتباس:
أما الجكس الصغار ناس أمال ومنال يطعمونا بشوية فلفل وشمار .. ومنال عارفا كلام الزمان ده بتريدو شديد

رافت ازيك

ايه الروقان دا

غايتو جنس رفع معنويات
بس حرام ماتظلم ناس منال ديل ياخي انا بتي قدر منال

قاعدين هنا وبنسمع في الاوصاف العجيبة دي
غايتو الاغنية دي تعبير صارخ لتغير مقاييس الجميل وموازيينو
يعني الزولة دي كان جات في زمنا دا بدوها كرت احمر
صدير واعطاف وبتاع
غايتو كما اداء محمد الامين كان راحت في حق الله



AMAL غير متصل   رد مع اقتباس
قديم 19-01-2009, 10:30 AM   #[15]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة عثمان مشاهدة المشاركة
العزيز رأفت ميلاد يديك الصحة والعافية والله الليلة كالعادة اتقلبت الهوبة عديل في البوست دا وفي كل بوستاتك رأفت سمعت مناسبة القصيدة أو الأغنية الأتغنى بيها أكتر من فنان وهي لسيد عبد العزيز البيقول فيها (أفكر فيه وأتأمل أره اتجلى واتجمل) يقال إنو كان على علاقة بقبطية مسيحية من حي المسالمة أمدرمان والبت اتزوجت ومشى الكنيسة حضر مراسيم زواجها وكانت القصيدة أو الأغنية (افكر فيه وأتامل) ياريت تفيدني أصلو الأغنية دي كاسرة فيني ضلع عدييييل كدة.
تحياتي/ عثمان الطيب
مرحب بيك كتير يا أبو عفان
غايتو قصتك دى بستفيد بيها فى حتة تانية .. بنجمع فيها المعلومات .. وحقك محفوظ ليك كامل .. المكان ما سر .. فى موقع مزيكا سودانية .. برجع وأنكت ليك فيها .. وما تشيل هم مادام ولدك .. ود عثمان .. معانا هنا .. بجيب ليك قرارا .. وهو زاتو طالع ليك بكااااي
طبعآ الأغنية غناها سرور .. وأشتهر بيها خلف الله حمد .. وبنرجع ليها بالمهلة
إتصبر شوية مع سرور .. والغنا سمح فى خشم سيدو

.
[rams]http://www.sudanradio.info/arabic/modules/debaser/upload/haqeeba/afkrfeehRe1.mp3[/rams]



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 02:56 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.