نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 30-01-2013, 01:36 AM   #[1]
imported_طارق جبريل
:: كــاتب نشــط::
الصورة الرمزية imported_طارق جبريل
 
افتراضي الطيب صالح.. كاتب وروائي؟؟


العنوان شكله مستفز شوية..
لكن والله لي كم سنة كدة محتار جدا جدا..
في حوار وونسة مع شيخ الطيب رحمه الله قال لي حرفيا: يا ولدي أنا لا كاتب ولا روائي ولا حاجة
قلت ليه يا شيخ الطيب ياخي صلي علي الحبيب دة كلام شنو..
قال لي: يا ولدي أنا كتبت بدافع الحنين لا أكثر حسيت إنه أنا اتنكرت للبيئة الأنا جيت منها
ما كان في أي سبب يخليني أطلع من الحتة الأنا حبيتها بي عمق كبير..
جيت عشت في عالم ما حقي.. في بيئة بعيدة من الحاجة الكنت عايش فيها ياخي
عشان كدة لمن بدأ الحنين يتعبني بديت أكتب من «نخلة على الجدول» وإنت ماشي
أبدا ما كنت بكتب من أجل الكتابة... كنت بحاول أكتب كنوع من مد الجسور مع عالم جميل
أو ممكن تقول فردوس كنت أنا بحبه جدا.. عالم كنت منغمس فيه بكل حواسي ووجداني
وما كان في سبب منطقي واحد بيخليني أهرب أو أبعد منه..
فكل ما كتبت يا ولدي هو كان عبارة عن جسر لهذا العالم.. كنت كأنه بخاطب البيئة الأنا جيت منها..
عشان كدة ما بكون مستمتع بالإطراء والنقد والهيلمانة العاملنها الناس دي فيما كتبت على علاته
الحاجة دي كنت بحس إنها فيها نوع من التقريع... جواي كان في نوع من ألم الحنين..
عشان كدة لو لاحظت لي ما بحب أقعد في الجلسات الأدبية وجلسات النقد.. بحس بنوع من الألم كدة..
هذا الكلام قاله لي الطيب صالح شخصيا ولحسن الحظ عندي مسجل..
نفس الفكرة ذكرها لي محمد شكري رحمه الله..
اذكر كنت بعمل ليه في تصميم لي كتاب «زمن الأخطاء»..
فقال إنه كتب بعد ما حس إنه ما يحمله جواهو اتعبه جدا جدا
انا يا حبيبي لم أعش حياة.. كانت مأساة.. مأساة موغلة في الألم..
عشت على الهامش وهامش الهامش من الحياة..
حسيت انه أنا مخنوق يا طارق.. ولكي أعيش كان لازم
إنه شخص ما يحمل عني هذا الألم لذا فكرت في إنه أفضل حاجة أكتب
عشان أوزع هذا الألم على الكون كله وكان سيفيض يا ابني..
بعد ما كتبت مأساتي حسيت إنه أنا ارتحت نوعا ما..
ما عاشه شكري صك اتهام كبير للإنسانية جوانا..
السؤال الذي خامرني وودت ان نشترك في الإجابة عليه جميعا..
هل الكتابة مرتبطة بنوع من الألم جوانا؟؟
يعني لولا الآلام دي ما كان حا تكون في كتابة؟؟
لولا ألم الجغريو مثلا ما كنا حا نستمتع بـ«أنا حاولت أنساك قلبي زاد في جروحو»؟؟



imported_طارق جبريل غير متصل   رد مع اقتباس
قديم 30-01-2013, 02:10 AM   #[2]
imported_أبو جعفر
:: كــاتب نشــط::
الصورة الرمزية imported_أبو جعفر
 
افتراضي

اقتباس:
المشاركة الأصلية كتبت بواسطة طارق جبريل

قال لي: يا ولدي أنا كتبت بدافع الحنين لا أكثر هل الكتابة

يعني لولا الآلام دي ما كان حا تكون في كتابة؟؟

لولا ألم الجغريو مثلا ما كنا حا نستمتع بـ«أنا حاولت أنساك قلبي زاد في جروحو»؟؟.
السلام عليكم طارق
موضوع طريف ومفيد .
وفي رأيي تتعدد الأسباب
ونستمتع نحن بإبداع من يبدع



imported_أبو جعفر غير متصل   رد مع اقتباس
قديم 31-01-2013, 01:11 PM   #[3]
imported_طارق صديق كانديك
:: كــاتب نشــط::
الصورة الرمزية imported_طارق صديق كانديك
 
افتراضي


مساك الله بالخير يا ود بت بغداد

ظل ذاك الصالح الطيب عليه الرحمة والرضوان، في تواضعه الّجم حتى رحل.

لكل كتابة -في تقديري- محفزات، ربما الحنين والحزن والألم أكثرها تأثيراً، غير أن عوامل شتى غيرها تدفع للكتابة بدون شك.

تحياتي



التوقيع: الشمس زهرتنا التي انسكبت على جسد الجنوب
وأنت زهرتنا التي انسكبت على أرواحنا
فادفع شراعك صوبنا
كي لا تضيع .. !
وافرد جناحك في قوافلنا
اذا اشتد الصقيع
واحذر بكاء الراكعين الساجدين لديك
إن الله في فرح الجموع



الفيتوري .. !!
imported_طارق صديق كانديك غير متصل   رد مع اقتباس
قديم 31-01-2013, 03:02 PM   #[4]
imported_GamarBoBa
:: كــاتب نشــط::
 
افتراضي

لو اتحملتني يا صاحب بدخل اكتب ليك
الطيب صالح دا زيه وزي سد مروي في تقييمي الخاص
مشروع ادبي في شكل ماسورة..





_
اجيب عدتي واكتب ولا افرتق يا حبيب!!!!



imported_GamarBoBa غير متصل   رد مع اقتباس
قديم 31-01-2013, 05:44 PM   #[5]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة GamarBoBa مشاهدة المشاركة
_
اجيب عدتي واكتب ولا افرتق يا حبيب!!!!
تفرتق وين يا قمر!!، ياخي تعال أكتب..
سلام يا طارق:
موضوع دوافع الكتابة موضوع معقد ومشربك، ما أظن في حاجة محدّدة يُتفق علي انها سبب الكتابة أو العامل المسبِّب الأساس، لكن في ظنِّي الخاص يا طارق، كلام الطيب صالح دة كلام طبيعي جدّاً وما أظن مُدهش أو مفارق لحاجة معيّنة، لأنو حكاية إنو فلان كاتب وروائي، ما بتحددها دوافع الكتابة بالنسبة للكاتب، بل المنتوج الأدبي وأثره في الوسط (ثقافياً/إجتماعيا.. إلخ).
ولا يوجد كاتب باستطاعته القول بأنني كتبت لأنني أردتُ أن أكون كاتباً. البيصبغ علي شخص ما صفة روائي مثلاً، ليس دافع الكتابة الخاص به، بل أثر ما كتب.
المهم:
موضوع طويل ويحتمل إضافات كثيرة ونماذج أيضاً، سنحاول العودة مرّة ثانية بشكل أكثر توسُّعاً وإحاطة، كان الأمور إتسهّلت.

تحياتي



الرشيد اسماعيل محمود غير متصل   رد مع اقتباس
قديم 31-01-2013, 09:26 PM   #[6]
imported_طارق جبريل
:: كــاتب نشــط::
الصورة الرمزية imported_طارق جبريل
 
افتراضي

اقتباس:
المشاركة الأصلية كتبت بواسطة أبو جعفر مشاهدة المشاركة
السلام عليكم طارق
موضوع طريف ومفيد .
وفي رأيي تتعدد الأسباب
ونستمتع نحن بإبداع من يبدع
حبيبنا ابو جعفر كيفنك
موضوع الكتابة شائك جدا جدا
والشئ الاكيد أن الألم باشكاله المختلف أحد دعائمه



imported_طارق جبريل غير متصل   رد مع اقتباس
قديم 31-01-2013, 09:27 PM   #[7]
بابكر عباس
:: كــاتب نشــط::
 
افتراضي

اقتباس:
المشاركة الأصلية كتبت بواسطة GamarBoBa مشاهدة المشاركة
اجيب عدتي واكتب ولا افرتق يا حبيب!!!!
عليك الله تعال، وما تنسى الواسوق؛ عشان (نواسي) بيهو الردم الراجيك.
لقمربوبا الحق في نقد الطيب صالح أو سد مروي، دون ادنى وصاية.



بابكر عباس غير متصل   رد مع اقتباس
قديم 31-01-2013, 09:43 PM   #[8]
imported_طارق جبريل
:: كــاتب نشــط::
الصورة الرمزية imported_طارق جبريل
 
افتراضي

اقتباس:
المشاركة الأصلية كتبت بواسطة طارق صديق كانديك مشاهدة المشاركة

مساك الله بالخير يا ود بت بغداد

ظل ذاك الصالح الطيب عليه الرحمة والرضوان، في تواضعه الّجم حتى رحل.

لكل كتابة -في تقديري- محفزات، ربما الحنين والحزن والأم أكثرها تأثيراً، غير أن عوامل شتى غيرها تدفع للكتابة بدون شك.

تحياتي
ود كانديك كيفنك
متفق معاك في كل القلته
بس لدي احساس قوي إنه الألم دافع كبير للكتابة



imported_طارق جبريل غير متصل   رد مع اقتباس
قديم 31-01-2013, 09:45 PM   #[9]
imported_طارق جبريل
:: كــاتب نشــط::
الصورة الرمزية imported_طارق جبريل
 
افتراضي

اقتباس:
المشاركة الأصلية كتبت بواسطة GamarBoBa مشاهدة المشاركة
لو اتحملتني يا صاحب بدخل اكتب ليك
الطيب صالح دا زيه وزي سد مروي في تقييمي الخاص
مشروع ادبي في شكل ماسورة..





_
اجيب عدتي واكتب ولا افرتق يا حبيب!!!!
حبيبنا
ياخي كيفنك ونعلك طيب
يا حبيب تعال كب حاجاتك هنا كلها
قشة ما تعتر ليك





تليشة:
والله مافي ماسورة اكتر منك ومن حكيم تولا
وبقية ناس «مصل» الانا ناسبتهم ديل



imported_طارق جبريل غير متصل   رد مع اقتباس
قديم 31-01-2013, 09:52 PM   #[10]
imported_طارق جبريل
:: كــاتب نشــط::
الصورة الرمزية imported_طارق جبريل
 
افتراضي

اقتباس:
المشاركة الأصلية كتبت بواسطة الرشيد اسماعيل محمود مشاهدة المشاركة
تفرتق وين يا قمر!!، ياخي تعال أكتب..
سلام يا طارق:
موضوع دوافع الكتابة موضوع معقد ومشربك، ما أظن في حاجة محدّدة يُتفق علي انها سبب الكتابة أو العامل المسبِّب الأساس، لكن في ظنِّي الخاص يا طارق، كلام الطيب صالح دة كلام طبيعي جدّاً وما أظن مُدهش أو مفارق لحاجة معيّنة، لأنو حكاية إنو فلان كاتب وروائي، ما بتحددها دوافع الكتابة بالنسبة للكاتب، بل المنتوج الأدبي وأثره في الوسط (ثقافياً/إجتماعيا.. إلخ).
ولا يوجد كاتب باستطاعته القول بأنني كتبت لأنني أردتُ أن أكون كاتباً. البيصبغ علي شخص ما صفة روائي مثلاً، ليس دافع الكتابة الخاص به، بل أثر ما كتب.
المهم:
موضوع طويل ويحتمل إضافات كثيرة ونماذج أيضاً، سنحاول العودة مرّة ثانية بشكل أكثر توسُّعاً وإحاطة، كان الأمور إتسهّلت.

تحياتي
يا الرشيد ياخي كلامك سمح تعال تمو
انا قصدت يا حبيب في الغالب الألم بكون أحد أقوى محفزات الكتابة
التقييم دة بيجي بعدين من خلال المتلقي أو النقاد المتخصصين
عموما منتظر عودتك



imported_طارق جبريل غير متصل   رد مع اقتباس
قديم 01-02-2013, 01:11 AM   #[11]
imported_أبو جعفر
:: كــاتب نشــط::
الصورة الرمزية imported_أبو جعفر
 
افتراضي

اقتباس:
المشاركة الأصلية كتبت بواسطة طارق جبريل
حبيبنا ابو جعفر كيفنك
موضوع الكتابة شائك جدا جدا
والشئ الاكيد أن الألم باشكاله المختلف أحد دعائمه.
مرحبا طارق

كما قلت ألم الغربة الذي عاناه الضخم الطيب صالح يفترش مساحة كبيرة من أبداعه فتجد الوطن برجاله وحريمه في كتاباته كما قال خالد الباشا:

محل سافرت لقيتك شوق ** مشتت في الشوارع ضي

رحم الله شيخ الطيب الذي عانى حرمان معايشة تلك التركيبة العجيبة التي يتكون منها أهل السودان الشمالي .. وأذكر قول أحد الأصدقاء متزوج من أجنبية: "السودانية لون نسائي متميز .. ولدينا حنين خاص نحوها"

كذلك يصر الطيب صالح على إظهار المساهمة المتميزة للغريب في البلاد التي ينزل بها..



imported_أبو جعفر غير متصل   رد مع اقتباس
قديم 01-02-2013, 02:51 PM   #[12]
imported_GamarBoBa
:: كــاتب نشــط::
 
افتراضي

في البداية وللتوضيح لست ناقد ولا عندي علاقة بالنقد الادبي..انا مجرد قاريء ..اهوي القراءة واحللها بطريقتي الخاصة والتي تخصني كزول سوداني -ساي- كدا.
كتير من الناس لا يقبل علي الطيب صالح كلمة سالبة ومع حقهم في كدا ح اقول العندي.

الطيب صالح عندي كمواطن في دولة السودان واتحدث بلغة غير العربية تعلمت بها وصليت لربي بها ودرست بها الرياضيات والانجليزي والفيزياء..هو كاتب يتحدث باسم العروبيين السودانيين،حتي انه لم يملك اداة فضح حين دخل قري الشمال الممتدة بثقافات متداخلة الا واستعملها،رحمه الله كان كثير الاعتداد بالمتنبي وابوتمام والزمخشري و و و،ولم يكن ولو ثانية عنده الاستعداد أن يصّور لسودان به زنوج وبجة ونوبة وحلب.
حين يقول انا اكتب لأوجاعي وحنيني فهو صادق ولكن بطريقته..لا اعتقد أن تلك اوجاوعه فقط..كانت ايضا احلامه...الطيب كان اديبا محترفا ومهنيا كبيرا في كل كلمة كتبها وكما يريد..
دخل حلالنا ولم يكتب عنها بدافع الحنين..كتب عنها باحثاً عن مشهد مثير.زعن جريمة.زعن إمراة تحكي عني الجنس..عن اما جامع..عن الزين وعرسه ببت الوجيه..الطيب كان يبحث في سوداننا التناقض والاجرام..دخل حلالانا الطيبة ولم يكتب عن تكافلها،دخلها آمناً وخرج منها بزبالة الحكاوي وتصاوير يحاول اهل القري قتلها يوما بعد يوم..تابع النشاذ وقتل ما يمكن قتله.

لم يكن مثله والمولودين في العام 29 وأتتهم الفرصة لرتق نسيج السودان في اللغات والسحنات..بل كان يسلط الضوء كثيرا علي سودانه العروبي الذي يتمناه لنفسه لاجل ان يجالس في مقاهي بيروت والقاهرة بعض مثقفين العرب.

الطيب كان يخدرنا حين يقول من أين اتوا هؤلاء ويسالم بنفس الايدي التي كتبت تطلعاتنا كجيل تربي في كنف الانقاذ..بنفس اليد كان يسالم البشير لاجل العشيرة ويعطيه صفة ود البلد..رجل اباد الغرب بسكانه،فصل الجنوب بأرضه،جلد الحراير،اعدم الابرياء..اعطاه صفة ود البلد وذهب ولا يسأل عن شي..

_
سأواصل يا طارق



imported_GamarBoBa غير متصل   رد مع اقتباس
قديم 01-02-2013, 03:00 PM   #[13]
imported_GamarBoBa
:: كــاتب نشــط::
 
افتراضي

http://www.youtube.com/watch?v=wqf2IZrv6U4


احمد الله..لست وحدي..اقرو التعليقات في الفيدو المصاحب
اقتباس:
انا اعذرك يا طيب ياصالح لأنك عشت طول عمرك منعم بين الخليج واوربا ولاتعرف ولو القليل عن معاناة الإنسان السوداني ولذلك تقول اشياء غير مفهومة عن رجل يرأس نظام تفنن في تعذيب وتجويع وتشريد السودانيين فضلا عن تأجيج الحروب القبلية وتفتيت الأراضي السودانية ولازال يفسد هو ونظامه ومن والاهم نحن يا استاذنا نحبك ونحترمك ككاتب مبدع ولكن كسياسي لك وجهة نظر في مايحدث في وطنك فأنت ابعد ما يكون عن الحقيقة لأنك ببساطة بعيد كل البعد عن ما يدور في السودان ولك الرحمة والمغفرة
_
ما ينط لي زول اشتر ويقول انت منو ذاتك..التعريف فوق بالله..سوداني ولسة بقرا



imported_GamarBoBa غير متصل   رد مع اقتباس
قديم 01-02-2013, 03:13 PM   #[14]
imported_أمير الأمين
:: كــاتب نشــط::
 
افتراضي

اقتباس:
المشاركة الأصلية كتبت بواسطة GamarBoBa مشاهدة المشاركة

احمد الله..لست وحدي..اقرو التعليقات في الفيدو المصاحب

_
ما ينط لي زول اشتر ويقول انت منو ذاتك..التعريف فوق بالله..سوداني ولسة بقرا
الكثيرون منا تابعوا ذلك الفيديو وتداعياته ..
اعتقد استشهادك به فى محاولة نقد كتابات
الطيب صالح...ليس فى مكانه..!!
موقفه السياسى من النظام(وكثيرون قبله فى مواقفهم من النظم القائمة
ابتدءا من المتنبى الى احمد شوقى الى وردى الخ)
لا يقلل مطلقاً من قيمة منتوجه الادبى..



imported_أمير الأمين غير متصل   رد مع اقتباس
قديم 01-02-2013, 03:35 PM   #[15]
imported_GamarBoBa
:: كــاتب نشــط::
 
افتراضي

اقتباس:
الكثيرون منا تابعوا ذلك الفيديو وتداعياته ..
اعتقد استشهادك به فى محاولة نقد كتابات
الطيب صالح...ليس فى مكانه..!!
موقفه السياسى من النظام(وكثيرون قبله فى مواقفهم من النظم القائمة
ابتدءا من المتنبى الى احمد شوقى الى وردى الخ)
لا يقلل مطلقاً من قيمة منتوجه الادبى..
_
أمير الامين
انت دايرني اتكلم في منتوجه الادبي دا كناقد!!!دا شعر ما عندي ليه رقبة
لكن لساني دا بطلعه عديل في منتوجه الممسوخ بعروبيته ونكرانه لشعوب السودان الباقية...وقادر علي دي

داير تقارن لي وردي المات ماسك مايك وبغني وطنا الباسمك كتبنا ورطنا..ومع الطيب صالح الكتب كل كتاباته كأنه قحطاني والوطن عنده شوق كتابة وتصالح مع الدكتاتورية!!
ثم شوقي والمتنبي ما يخشوا في ذمتي بمليم بالمناسبة.
منتوجه الادبي دا لو ماسقي الحيضان ةلجم حكم العسكر بالنسبة لا يعني شي

_
اتمناك طيب يا الامير



imported_GamarBoBa غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 05:53 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.