الإخوان وسعار فقدان الكرسي....مصر الجديدة وزلازل متتابعة...حركة تمرد وصناعة النصر

[أمين محمد سليمان]

المشاركة الأصلية كتبت بواسطة بابكر عباس

يا لنا، فتح العليم، نبيل وأمال، ما عندكم مبادئ ديمقراطية ثابتة وموقفكم كما موقف الأمريكان والاوربيين والقوى الليبرالية (بالقديم) المصرية منطلق من كراهيتكم للأخوان فقط
الذي حدث في مصر هو إنقلاب على الديمقراطية وسوف لن تعود أبدا مرة أخرى وفرحكم لكنس الجيش للريس المنتخب وأجهزة الإعلام؛ بباينكم والأيام بيننا.

يا بروف، لو الناس ديل ما جاوبوا ليك على سؤالك الجوهري بتاع منو هو الشعب الطلع؟ ما تستمر معاهم في حوارهم الهتافي دا.

ــــــــــــــــــــــــــــــــــــــ
يا أخوانا لو في زول سمع برأي السيد الصادق المهدي وحسن موسى بما حدث، يجيبوا لينا

تعرف يا بكة شنآن الكيزان مخلي الجماعة ديل ما شايفين الحاصل !!
غايتو زول بدعو للديمقراطية في مكان، و في مكان تاني بهلل و يتلقى التهاني على ازاحة العسكر لرئيس منتخب ديمقراطيا دي، حسن دلاقين ما عملها !!

[لنا جعفر]

يا بروف العسكر كانو حارسين لرغبات الشعب المصري
و منذ متي يؤتمن الذئب على الغنم ؟!
الزول البفرض إرادتو بالسلاح لا أمان له، انتو هسي فرحانين لانو الكيزان إتبلو، بكرة لمن تتغير الادوار ببقى ليكم بمبي !!
لمن يحصل أنا كان حي، إلا تخلو المنتدي ده

يابروف يصبحك بي رضا ربك
وانا واللهي حمرتي دي قباااال اسمي النحدثك
ما قضية ائتمان من عدمو ...في سابقة اللي هي قبل سنتين ياباشا في ثورة يناير مسكو السلطة وعملو مجلس وحكموا
وبعد سنة بالضبط عملو انتخابات وبيدهم سلمو السلطة لمرسي
صح الكلام؟؟؟
وتيب؟؟؟ الح يخليهم هسا بعد شوكة الثورة والثوار قويت وشافو وعي الشعب انهم يحتكروها شنو ؟؟؟؟
جاوب لي يا بروف ولا دي كانت مافي بالك؟؟؟

الجيش وعد في بيانات سابقة انه لاعلاقة له بالسياسة وعين رئيس مدني زوقاشي محكمة دستورية عليا

واعلنو بالواضح انهم لايريدون الحكم ولا يتدخلون بالسياسة
الجيش شاف الحشود وساند شعبو....
كذلك قادة الانقاذ، اعلنو انها هي لله، لا للسلطة و لا للجاه و انهم ما جاءو إلا لصلاح البلاد و العباد !!

قادة الإنقاذ يا امين لمن جابم اليوم الأسود أعلنو انهم ح يعملو حكومة انتقالية وانتخابات رئاسية او برلمانية مبكرة؟؟؟
انت بتبالغ ولا شنو؟؟؟ ديل جو قاصدين انقلاب يا حبيب...وانقلبو وقعدو
لكن ماكان شكلوا مجلس انتقالي ولا قدمو وعود بانتقال سلمي للسلطة
امين وحاة الله انت نعسان
ثم انه الجيش المصري جيش ذو عقيدة وبيخاف على سمعتو
والأهم من سمعتو بيخاف جداً من حكاية سحب الدعم البيشكل ليهو
سند وسبب استمرار...الامريكان بيدعموهم وهم واحد من اسباب خشيتهم يتسحب الدعم...عشان كده الناس دي جابت البرادعي وكهنة الرب وناس تمرد
لانها واجهات مدنية وهي الطالبت بحماية الجيش واستجدت حماية وحراسة المطلب الدستوري اللي بيتلخص في انتخابات رئاسية مبكرة...
يا امين واللااااهي يسلمو في سنة لي حكومة منتخبة انت وبابمر الما بشيلكم معاي البكان
ح اتابع الرد عليك

[لنا جعفر]

الجيش إنقلب على الحكم يا لنا، و بقوة السلاح اكرر بقوة السلاح ازاح رئيس منتخب و بشرعية لا يرقى إليها الشك !
بعدين يا لنا، عمك البرادعي و (أطياف من القوى الوطنية) ديل مش نزلو الإنتخابات و الشعب المصري - الصحي صحي - فضل عليهم مرسي و الكيزان ؟!!
باي حق الجيش يسلمها ليهم بقوة السلاح ؟!!

بتقدر تثبت انه الجيش انقلب ؟؟؟؟
الجيش ما انقلب وسمات الإنقلاب هنا ما متوافرة يا بروف
سمات الانقلابات شنو؟؟؟ تعطيل نهائي للدستور
اعلان حالة الطوارئ
اعلان الاحكام العرفية
اعتقالات للسياسيين
تشكيل محاكم خاصة
الحصا في مصر الآتي
وقف الدستور مؤقتاً وماعطلوا نهائياً
ما اعلن طوارئ ولا احكام عرفية
ترك حريات التعبير وسمح بالتظاهر السلمي بالمناسبة
قدم ضمانات لاجراء انتخابات رئاسية مبكرة
عين رئيس انتقالي هو قاضي الدستورية العليا يا سعادتك
وما نصب نفسو كمجلس عسكري انتقالي
عرفتا انه ما انقلاب؟؟؟؟
عند الاستراتيجيين ده ما انقلاب يا امين والا تكون بتغالط الكتب
عم برادعي فعلا ما نجح في الانتخابات لكن لم ينصبه العسكر رئيس !!
العسكر ح يعملوا حكومة تكنوقراط يا باشا لابرادعي ولا بطيخ
وفوز مرسي يا امين ماكان ديمقراطية اسبرطة ...فوز مرسي جا
نتاج اصطفاف القوى الوطنية اللي عاداها معاهو ضد الجنرال الفلولي
يبقى زااااتو مرسي ماديمقراطية اصلا مثالية
وجا طمبجا وعادى الجيش والقوى الوطنية والشرطة والقضاة
والمواطن المصري....وعمل دستور نشاز ورفض يفاوض
وتعالى واستكبر هو وحزبو ومهوسييه

كيف الجيش ما اقصى الكيزان و هم بقوة سلاح هذا الجيش، تم ازاحتهم عن السلطة .
بعدين قصة رفضو فاوضو مع القوى الوطنية ما صاح، أنا بعيوني ديل اول امبارح في الجزيرة شفت المتحدث الرسمي للرئاسة المصرية في مؤتمر صحفي بقر باخطاء من الرئاسة و استعدادهم للحوار مع المعارضة حولها و قال رسلنا ليهم كذا مره و هم برفضو الجلوس للحوار .
بعدين حمام الدم الصحي صحي جاي بكرة لمن الكيزان يرفضو ما حدث.

أمين انا بقصد اقصاء من الحوار يعني الحصل مع الكهنة وتمرد ودكتور برادعي
لكن برضو جملتك ما صحيحة
صاحب الشرعية هو الشعب والبيقصي هو والبيمنح هو
اللي اقصى مرسي هو الشعب وزحفو
وأخطاء الرئاسة لو كان اعترف بيها قبل التلويح بالثورة كان بيكون
شي جميل ومقدر ....الراجل اعترف وهو واقع تحت تهديد زوال العرش
والاعتراف هنا مارضوخ لي رغبات الناس لكن خوف وجزع
رفضو يفاوضو العسكر والقوى الوطنية الا على اساس الشرعية
المزعومة......والناس كانت بتقول بالانتخابات المبكرة
اللي لا هي بدعة ولا اجراء ماديمقراطي او ما دستوري
رفض الكيزان هو الما دستوري ولو كانو واثقين من انهم عصبة
كانو عرضو الموضوع لااستفتاء
هو في احلى من انه تسحق مناوئك وتفوز تاني في الانتخابات المبكرة؟؟؟
انت يا امين ما بتجاوب على الاسئلة الحارة واللهي

[أبوبكر عباس]

ناوي أحرد الكتابة نهائيا حزناً على ما حصل بمصر
قلت قبل أفوت أوضح نقطة للنا:
صحي بعد سنة، العساكر الحاكمين من ورا حجاب ديل، ح يدعوا لإنتخابات، لكن البقنع منو الأخوان يجوا يخوضوها؟
الأخوان حاليا ما عندهم غير سكة العنف

إشراك المحكمة الدستورية في الحكم هو تسييس لها وإعتراف منها بدستورية ما جرى

[لنا جعفر]

الجيش براهو ما بقدر يحكم، الشعب كلو كان ح يعارضو، لكن اهودا جاتو الفرصة الذهبية و القوى اللبرالية - للاسف - أصبحت تهلل للتدخلات العسكرية بحجة حقن الدماء و القضاء على الفوضى العملهوها هم أساسا !! و لو ما إستلم المرة دي، المرة الجاية ما بعيدة طالما المبدأ بقى مبرر !

ده ماتدخل عسكري والقوى الليبرالية مبدئية وثابتة
وعشان تعرف الأبعاد الحقيقية لحكاية التدخل دي
اسمع كلمة حزب النور قدام السيسي وكلمة ناس تمرد
وكلمة البرادعي واحمد الطيب والبابا تواضروس
وبعدها بيقع ليك معادلة الجمع ده
الحكم عند واحد مدني والانتخابات جاية والشعب الكنس الكيزان بيكنس العسكر
والعسكر ما بيتورطو في حكم لانه الخارج بيرفض يتعامل معاهم
وده واقع جيوسياسي ماخافي عليك
والامريكان بيعطوهم مساعدات لابعادهم عن القفز للسلطة وتهديد اسرائيل
وماف عبد الناصر هنا عشان يمشي الحال بدون مساعدات امريكية
والمساعدات الامريكية للجيش المصري عمود الفقري وبقت شي نفسي للمصريين
العساكر ومابيتخلوا عنها
ده اضافة لي الضغوطات التانية والمختلفة من الجهات الغربية
يبقى لا المعارضة راغبة في العسكر حسب تركيبتها العضوية
والاخلاقية والوطنية
ولا العسكر بيقدرو يحكمو مصر
الفوضى عملا المرشد يا امين لمن قرر يلعب بالدستور لصالح عقيدتو
السياسية وتنظيمو والتنظيم العالمي للأخوان
والفوضى عملا المرشد لمن جوع شعبو وعمل ليهو الازمات المعيشية الخانقة
وخان برنامج دميتو (مرسي) الانتخابي
الفوضى عملوها الكيزان بغطرستهم ورفضهم للحوار طول السنة الفاتت
ومعاداتهم للجميع شرطة وجيش وشعب واحزاب ديمقراطية وقضاة
وكنيسة
بعدين حكاية تكرر انتخابات مبكرة او غيرها استباق للاحداث
وافتراض يا امين....
الكيزان تاني ما بيجو في المشهد السياسي المصري عشان تتكرر
حكاية انتخابات مبكرة ومبادرات عسكر لحماية الثورة...
العسكر ح يفكرو مليار مرة قبلما يحاولوا يسلبوا الحكم
من يدين شعب دي مواصفاتو ...ثبت لبطش مبارك في الثورة وبطش الكيزان
طول العام الفات وثبت في ميادينو وعمل معجزة
العسكر واقعين تحت معادلات اقليمية محتاجين فيها لشعبو ليدعموا
لانه الجيش الاكبر والاقوى والمواجه لاسرائيل
الأخوان انضربو في ظرف شهر هنا وفي قطر وتونس جاية
واندحارهم في سوريا واضح ...
محتاجين معجزة بس عشان يستمرو متماسكين تنظيمياً
الناس ديل كوادرهم كانت بتشتمهم الليلة في الميادين
وبتحملهم الأخطاء....
ووردت تقارير عن استقالة عارف ونفر من الصف القيادي
اخطاؤوا واعتراف مرسي بالخطاء ومذلة ذهابو ح يقضوا عليهم
الله لاعاهم ولا كسبهم اينما ثقفوا

سئيلي الله شفت صور لمؤيدي مرسي في ميدان رابعة و ميادين تانية في المحافظات أكاد أجزم إنو مجموعهم أكتر من بتاعين التحرير، ولا بتاعين المحافظات ديل ما مصريين؟!!!
بعدين يا لنا القصة مبدأ ما غلاط منو كانو في الشارع أكتر من منو !!

أمين انت شايف حاجة نحن ما شايفنها؟؟؟
الكيزان في ميدان رابعة حصرا كانو الليلة
والفي المحافظات ديل معارضين ليهم
انت شكلو الصورة مختلطة ليك
وانا البقول ليك ماغلاط تسجيلات ياخي شايفنها الناس على مدى اربعة ايام
اكتر القوى المعارضة واسأل قوقل يا بروف ...

والله أجد من الجداد ذاتو
إذا انتو بتأيدو دخول العسكر لازاحة رئيس منتخب، معترضين على الانقاذ مالكم ؟!
غايتو يا لنا و آمال طلعتو بتاعين عسكر، أحرجتوني مع عسوم !!

خلينا نثبت راي يا بروف
انا ضد العسكر وضد الانقلابات بشكل واضح
البيحصل ده لا هو انقلاب ولا هو حكم عسكر
برهن انه انقلاب يا امين وفق المعطيات اللي قدمتها ليك ديك
وقول لي علم الاستراتيجيات غلط وما صحيح
العسكر ما ازاحو رئيس منتخب ...
العسكر حموا رغبة شعب واغلبية ...وتبراءوا من الحكم
زهدوا فيه وترفعوا عنه
وده ما شعب بيحكمو عسكري بعد كده
ده شعب مارد جدا وثائر وشبابو ما بخلوا بالدم وثبتوا
ولقنوا الساسة درس في النضال والقوة والاصرار
شعب متمرد.....بقيادة شباب متمرد
وتعيش تمرد ويعيش التمرد
محبتنا يابروف....

[لنا جعفر]

المشاركة الأصلية كتبت بواسطة بابكر عباس

ناوي أحرد الكتابة نهائيا حزناً على ما حصل بمصر
قلت قبل أفوت أوضح نقطة للنا:
صحي بعد سنة، العساكر الحاكمين من ورا حجاب ديل، ح يدعوا لإنتخابات، لكن البقنع منو الأخوان يجوا يخوضوها؟
الأخوان حاليا ما عندهم غير سكة العنف

إشراك المحكمة الدستورية في الحكم هو تسييس لها وإعتراف منها بدستورية ما جرى

بابكر تحايا يارومانسي
الأخوان من اصلوا ما حيخوضو ولو خاضو ماهم فايزين تاني
الكيزان في مواجهة شاملة مع كل النسيج المجتمعي والسياسي
والعسكري والقضائي ....متصادمين وبرنامج صدام جاهز وماشي برجلينو
وده حال كل اللابسين توب سياسة شايباهو قداسة
هم اول من دنسا .....
العنف بديل محترم ليهم لو بيقدرو ليهو بدل حسرتهم دي
واشكالهم التحنن وهم بيلطموا
وبينفيهم ويعزلهم زيادة العنف وبيقضي عليهم...
ولو ما دماء الابراياء كنت ح ادعو واصلي
واخد بالك من اصلي دي ؟؟؟
كنت ح ادعي انهم ينتهجو العنف عشان يتعزلوا زي جبهة النصرة
او حماس او القاعدة في بلاد الرافدين ويتم القضاء عليهم نهائياً كفكرة سياسية شائهة
ربنا ينجي الأبراياء من حقدهم وبربريتهم وحبهم للسلطة البيدفعهم للدم
عشان يشربوهو ويرقصوا بعدها في حلقات زار مجنونة اسمها العنف
وحب السلطة
النبي فيك ما تمشي يادكتور بتمسخ علي الحتة

[لنا جعفر]

المشاركة الأصلية كتبت بواسطة بابكر عباس

ناوي أحرد الكتابة نهائيا حزناً على ما حصل بمصر
قلت قبل أفوت أوضح نقطة للنا:
صحي بعد سنة، العساكر الحاكمين من ورا حجاب ديل، ح يدعوا لإنتخابات، لكن البقنع منو الأخوان يجوا يخوضوها؟
الأخوان حاليا ما عندهم غير سكة العنف

إشراك المحكمة الدستورية في الحكم هو تسييس لها وإعتراف منها بدستورية ما جرى

حكاية المحكمة الدستورية دي برجع ليك ليها بتوسع يابابكر
لكن في عجالة ح اقول ليك
المحكمة الدستورية ما بتحكم يابابكر ككيان
ده كلام شنو؟؟؟
قاضيها بشخصو وكونو رمزية للدستور....هو البيحكم
انا ماشة اشتغل عشان مايرفدوني
عن اذنكم الساعة بقت تسعة وماشة مانايمة..
الله لاتريح المرشد سهرني
الجرى دستوري يا بابكر
الانتخابات الرئاسية المبكرة مادة دستورية يامولانا...
اجراء عادي وطبيعي وديمقراطي ومنصوص عليهو
عيبو لي ؟؟؟
ديغول حصلت ليهو...ايش مورسي ده؟؟
بعدين يعني ح يكرروا مذابح 54 و 81؟؟؟
يادوبهم انقرضوا...
لانخشى شيئاً يا أخا العرب .

يوم سعيد كان ياثوّار
وأمسية جيفارية حالمة
شكرا ليكم عليها
والعقبى ليك يا الابن عينيك النوم هلعاً وتوجسا

[عبدالمنعم الطيب حسن]

نرفع القبعات عالية، تحية وتقدير،
لهذا الشعب العملاق،
الذي قال لا، في اعظم هبة، لا باكرة جدا ...
لعل هذه التجمعات هي الاعظم والاكبر، والاكثرتنظيما وتدفقا،
في تاريخ البشرية كلها...
كل الميادين بمحافظات مصر من الاسكندرية حتى اسوان،
ومن السلوم حتى السويس،
خرجت وقالت بصورة واحد لا للاخوان...
هذه هبة ديمقراطية هي الاعظم تابعها كل العالم على الهواء مباشرة،
ما كان للجيش المصري، ولا الشرطة المصرية، اما هذه الحشود، الا المباركة واستلام زمام المبادرة حتى لا يقتتل الشعب ...
نهني الشعب المصري بانجاز ثورته العظيمة...
وقد سبق ان قلنا ان الديمقراطية تملك اليات التغيير داخلها...
هذا تغيير ديمقراطي بشرعية الميادين،
وعقبال عندنا ...
سي سي
للعصابة بطرف الخرطوم عموم ...

[فتح العليم]

المشاركة الأصلية كتبت بواسطة بابكر عباس

يا لنا، فتح العليم، نبيل وأمال، ما عندكم مبادئ ديمقراطية ثابتة وموقفكم كما موقف الأمريكان والاوربيين والقوى الليبرالية (بالقديم) المصرية منطلق من كراهيتكم للأخوان فقط
الذي حدث في مصر هو إنقلاب على الديمقراطية وسوف لن تعود أبدا مرة أخرى وفرحكم لكنس الجيش للريس المنتخب وأجهزة الإعلام؛ بباينكم والأيام بيننا.

يا بروف، لو الناس ديل ما جاوبوا ليك على سؤالك الجوهري بتاع منو هو الشعب الطلع؟ ما تستمر معاهم في حوارهم الهتافي دا.

ــــــــــــــــــــــــــــــــــــــ
يا أخوانا لو في زول سمع برأي السيد الصادق المهدي وحسن موسى بما حدث، يجيبوا لينا

سلام عباس بابكر
بالنسبة لي موقفى كان واضحاً من تلك الاحداث الجارية في مصر اوضحته في بوست عادل عسوم وبوست لنا / وخلاصته ان مرسى اتى عن طريق الديمقراطية ويجب ازاحته عن طريق الديمقراطية ايضاً والفيصل صندوق الانتخابات .
الانتخابات التى جرت في مصر كانت نزيه بمراقبة العالم كله وشهادة معظم قوى المعارضة في مصر ، نعم مرسى سلك طريق مغاير للديمقراطية واوضحته .
ان ماحدث في مصر يعتبر ضربة قاضية للديمقراطية .
نعم اتفقت مع لنا بفقد مرسى للديمقراطية عندما سالت دماء المصريين في الشوارع وحدث الكثير الذي تعرفه ولكن لايرقى لاقتلاع الرجل بتلك الطريقة .
عند الانتخابات قال الشعب كلمته وانتهى هذه الديمقراطية التى نعرفها .
كرهنا للاخوان لايصل مرحلة انكار حقيقة وصولهم في مصر عن طريق الانتخابات .
وبالامس دعوت الزميلة لنا لفتح بوست عن مفهوم الديمقراطية متناولة تجربة الجزائر ومصر الاخيرة .

.
احترامي للجميع

[طارق صديق كانديك]

سلام يا ريس وضيوفك

كيف تحتفون بإجهاض الديمقراطية؟

إن الذي يجري في مصر الآن انقلاب على العملية الانتخابية السابقة، وتغليب بواسطة الجيش لأقلية خاسرة في الانتخابات، ونزع الحق الدستوري من صاحبه الأصيل، غض النظر عمن هو.

الآن تأكد للجميع، أن الذين وقفوا ضد رئاسة مرسي الشرعية، يؤمنون أن الديمقراطية هي رؤيتهم فقط، أما الرأي الآخر، فيسكتونه بالجيش.

[النور يوسف محمد]

المشاركة الأصلية كتبت بواسطة طارق صديق كانديك

سلام يا ريس وضيوفك

كيف تحتفون بإجهاض الديمقراطية؟

الآن تأكد للجميع، أن الذين وقفوا ضد رئاسة مرسي الشرعية، يؤمنون أن الديمقراطية هي رؤيتهم فقط، أما الرأي الآخر، فيسكتونه بالجيش.

وفى المقابل ينبغى ألا نسمع أصواتاً تنوح وتنعى ديمقراطية لم تكن بكتها فى الثلاثين من يونيو 89 ،،

مش كده يا ريس .

[صديق عيدروس]

المشاركة الأصلية كتبت بواسطة لنا جعفر

ده ماتدخل عسكري والقوى الليبرالية مبدئية وثابتة
.
الكيزان تاني ما بيجو في المشهد السياسي المصري ...

انا ضد العسكر وضد الانقلابات بشكل واضح

[/COLOR][/B]

طيب يا استاذة لنا ، ماذا لوفاز الاخوان مرة اخرى ...؟
برضو حانطلب من الجيش التدخل لحماية رغبة الشعب (الباقي ) الذي لم يصوت لهم ..؟

[أبوبكر عباس]

المشاركة الأصلية كتبت بواسطة فتح العليم الإمام

سلام عباس بابكر
بالنسبة لي موقفى كان واضحاً من تلك الاحداث الجارية في مصر اوضحته في بوست عادل عسوم وبوست لنا / وخلاصته ان مرسى اتى عن طريق الديمقراطية ويجب ازاحته عن طريق الديمقراطية ايضاً والفيصل صندوق الانتخابات .
[/COLOR]

طيب يا عليم موش اتّا برضو القائل:

ولكن في تقديري الشخصى ارى ان الديمقراطية هي التى اتت بمرسى للحكم وكان يجب ان يكون عزله ايضا عن طريق الانتخابات .
لا املك الا ان اقول مبروك لثوار مصر للتخلص من جرثومة الاخوان وعليهم المحافظة على تلك النعمة بالتوحد في الانتخابات المقبلة لكسح الاخوان ديمقراطياً .
عليم

سعيد بزوال جرثومة الأخوان وتقول "للثوار" حافظوا على تلك النعمة!!
يعني عادي ممكن تبارك لزول سرق؟!
يا أخي والله، أخير منك خرخرة لنا ونبيل وآمال

[أبوبكر عباس]

المشاركة الأصلية كتبت بواسطة عبدالمنعم الطيب حسن

وقد سبق ان قلنا ان الديمقراطية تملك اليات التغيير داخلها...
هذا تغيير ديمقراطي بشرعية الميادين،
وعقبال عندنا ...
سي سي
للعصابة بطرف الخرطوم عموم ...

من العصابة بطرف الخرطوم لنعوم، لنا، نبيل، وآمال وساير "الثوار"
نقول:
الخرطوم أنجزت ثورتها قبل ربع قرن بإحدى آليات الديمقراطية المختفية داخلها ومن غير ما نتدارى خلف البرادعي والمحكمة الدستورية
كدا حُمرة عين وزندية
جربتا لحسة كوعك؟
وقرب أطلع الشارع، عشان نكسر ليك كرعينك

ثورة حتى النصر

[فتح العليم]

المشاركة الأصلية كتبت بواسطة بابكر عباس

طيب يا عليم موش اتّا برضو القائل:

سعيد بزوال جرثومة الأخوان وتقول "للثوار" حافظوا على تلك النعمة!!
يعني عادي ممكن تبارك لزول سرق؟!
يا أخي والله، أخير منك خرخرة لنا ونبيل وآمال

مرحبا بك يادكتور
لا يوجد تناقض بين السعادة بزوال جرثومة الاخوان والحزن على الديمقراطية التى ضاعت بسبب غباء تلك الجرثومة .
ومازلت عند موقفى الذي كررته في كل مداخلاتى بإن الديمقراطية هى التى جاءت بمرسى ويجب احترام الديمقراطية .
في جميع مشاركتى التى ذكرتها لك ابتداء من بوست عادل عسوم وانتهاء بهذا البوست موقفى واحد مع الديمقراطية واحترام صندوق الانتخابات وعليك بمراجعة تلك المشاركات سوف تجد ماذكرت لك .