نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > مكتبات > مكتبة أسامة معاوية الطيب

إضافة رد
 
أدوات الموضوع انواع عرض الموضوع
قديم 29-04-2011, 07:50 AM   #[16]
أسامة معاوية الطيب
:: كــاتب نشــط::
الصورة الرمزية أسامة معاوية الطيب
 
افتراضي

اقتباس:
المشاركة الأصلية كتبت بواسطة مي هاشم مشاهدة المشاركة
أسامة كعادته!!

لكن القراءة هذه المرة أثرها أكبر بالنسبة لي..

فالحياة أحياناً تُلبسنا شيئاً من (غباش)، أو نُلبسها نحن شيئاً من (طشاش) فلا نرى بوضوح في كلتا الحالتين..

يحدث أن (أزعل) من كلامها أحياناً، لكني دائماً أجد كل الحق معها، فهي عندما تغضب لا تغضب علي وإنما لي، وعندما تقسو علي بنظرة فإن قلبها يحنو علي أكثر..
هي أمي ولا أستطيع وصفها بشيء أكثر عظمة من كلمة ( أم )..


أمي الطلعتا البتسر قلوبنا حبابا
صالحة تقية لي باريها يوت في إجابه
للدني والبعيد ديمة فاتح بابا
من الشناف مبريّه سادله حجابا


حفظها الله وكل أمهاتنا وربنا يديهن العافية ويرحم الأموات..
مي هاشم نضر الله أيامك
تثقلين موازيننا بمجيئك ... فافعلي دائما الله يرضى عليك
وأمنياتنا لكل الأمهات بجميل الحياة



أسامة معاوية الطيب غير متصل   رد مع اقتباس
قديم 29-04-2011, 03:51 PM   #[17]
Sahar
:: كــاتب نشــط::
الصورة الرمزية Sahar
 
Smile حياك الله يا اسامة

امهاتنا شموس تنير لنا في دروب الحياة نرجو لهن خير الحياة ونعيم الاخرة



التوقيع: الإهداء إلى ست الحبايب

أُمي
يامن رأيتُها تسير
وكُلها إباء
وكُلها إزدهاء

في دربها الطويل
يُحفها السناء


كنجمةٍ مضئيةٍ
قديمة جديدة

كهذه الثُريا
قريبة بعيدة

تُنير ليًّ السماء
Sahar غير متصل   رد مع اقتباس
قديم 17-11-2012, 02:56 PM   #[18]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة أسامة معاوية الطيب مشاهدة المشاركة

أمي
تنشر ألف أمٍ في حبال الفرحة الكبری
وتبقی في وسائد حزنها
أبداً وحيدة

دة إيثار عجيب يا أسامة!!
التعبير المعتمِد علي المقابلة قاعد يحصل كتير في الكتابات، لكن الطريقة هنا فريدة.
النشر/الانتشار مقابل البقاء* (السكون)
الحبال للفرح مقابل الوسائد للحزن
طبعاً مداخلة أزهري ذكيّة، مع إنو ردّك عليهو ما بتماشي مع المداخلة حقتو الأنا قريت فيها إشارتو لتماسك النص ووحدتو (علي المستوي التقني)، وانا متفق معاهو في الحتّة دي.
عموماً: دة كلام زيّ العجب

__
*كمان ما تقراها النفط مقابل الغذاء



الرشيد اسماعيل محمود غير متصل   رد مع اقتباس
قديم 17-11-2012, 03:15 PM   #[19]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

سلام يا اسامة تاني،،،
أعدت قراية القصيدة تاني بشكل أكتر تركيز، إكتشفت إني قريت الجزء الأوّل وما مرّيت علي التاني. حاجة غريبة، مش!!
ملاحظات:
- القصيدة دي يبدو لي كتبتها زمان شديد، لأنو اسلوب تركيب الجملة الشعرية ما بشبه كتاباتك حالياً.
- الكوبليه الشعري الأوّل، بيختلف إيقاعو عن التاني، حتي إنو الاختلاف الباين دة، أدّاني إحساس إنو في مساحة زمنية بين الجزء الأوّل والتاني.
- في إحساس كبير بالنسبة لي إنّك حاولت تكتب أكتر في النص دة، لكن فشلت في إنك تعمل أكتر من كدة. ودة بالنسبة لي فشل مبرّر في الكتابات عن الأمهات. ليس لعدم توفر أدوات الكتابة، بل بفعل الحنين غالباً.
وممكن كلامي كلّو يطلع (أوف بوينت)
المهم:
قريت مداخلة أزهري تاني، وردّك عليهو، الظاهر إنو حديثو معاك في منحي مشترك بيناتكم، لكن برضو ردّك ما عجبني



الرشيد اسماعيل محمود غير متصل   رد مع اقتباس
قديم 18-11-2012, 05:38 AM   #[20]
أمين محمد سليمان
:: كــاتب نشــط::
الصورة الرمزية أمين محمد سليمان
 
افتراضي

والله يا أسامة حيرتني رسمي !!
قصيدة مكتوبة باحساس عالي و بلغة جميلة و بسيطة و عميقة ... حسيت بيها في العضام ياخي ...



التوقيع: ربما لو لم يكن هذا الجدار .. ما عرفنا قيمة الضوء الطليق !!
أمين محمد سليمان غير متصل   رد مع اقتباس
قديم 18-11-2012, 06:45 PM   #[21]
أسامة معاوية الطيب
:: كــاتب نشــط::
الصورة الرمزية أسامة معاوية الطيب
 
افتراضي

اقتباس:
المشاركة الأصلية كتبت بواسطة الرشيد اسماعيل محمود مشاهدة المشاركة
سلام يا اسامة تاني،،،
أعدت قراية القصيدة تاني بشكل أكتر تركيز، إكتشفت إني قريت الجزء الأوّل وما مرّيت علي التاني. حاجة غريبة، مش!!
ملاحظات:
- القصيدة دي يبدو لي كتبتها زمان شديد، لأنو اسلوب تركيب الجملة الشعرية ما بشبه كتاباتك حالياً.
- الكوبليه الشعري الأوّل، بيختلف إيقاعو عن التاني، حتي إنو الاختلاف الباين دة، أدّاني إحساس إنو في مساحة زمنية بين الجزء الأوّل والتاني.
- في إحساس كبير بالنسبة لي إنّك حاولت تكتب أكتر في النص دة، لكن فشلت في إنك تعمل أكتر من كدة. ودة بالنسبة لي فشل مبرّر في الكتابات عن الأمهات. ليس لعدم توفر أدوات الكتابة، بل بفعل الحنين غالباً.
وممكن كلامي كلّو يطلع (أوف بوينت)
المهم:
قريت مداخلة أزهري تاني، وردّك عليهو، الظاهر إنو حديثو معاك في منحي مشترك بيناتكم، لكن برضو ردّك ما عجبني
الرشيد الحبيب
أولا ديل مقطعين مختلفين تماماً ... قصيدتين يعني
ثانيا متفق معاك تماماً مع أني ما متذكر والله الحصل شنو
ثالثا ياخي انا أزهري دا بالنسبة لماح بدرجة شاعر كبير عشان كدا اعتبرت تعليقو المقتضب جداً قصيدة كاملة .... بس
مشتاقين يشهد الله يوجد ( فيلينغ)



التعديل الأخير تم بواسطة أسامة معاوية الطيب ; 18-11-2012 الساعة 06:48 PM.
أسامة معاوية الطيب غير متصل   رد مع اقتباس
قديم 18-11-2012, 06:47 PM   #[22]
أسامة معاوية الطيب
:: كــاتب نشــط::
الصورة الرمزية أسامة معاوية الطيب
 
افتراضي

اقتباس:
المشاركة الأصلية كتبت بواسطة أمين محمد سليمان مشاهدة المشاركة
والله يا أسامة حيرتني رسمي !!
قصيدة مكتوبة باحساس عالي و بلغة جميلة و بسيطة و عميقة ... حسيت بيها في العضام ياخي ...
ياخي كتر خيرك
والله القصيدة سعيدة تماماً
وفكرة الكتابة عن الأم برغم صعوبتا الشديدة لكنها ساهلة جداً لانها لاصقة في الدم
والله مبسوط بمرورك



أسامة معاوية الطيب غير متصل   رد مع اقتباس
قديم 18-11-2012, 09:21 PM   #[23]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة أسامة معاوية الطيب مشاهدة المشاركة

ثانيا متفق معاك تماماً مع أني ما متذكر والله الحصل شنو

مصدقنّك، من غير حليفة. قلت لي تماماً!! يا زول (الفيلينغ) وصل



الرشيد اسماعيل محمود غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:45 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.