نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > خـــــــالد الـحــــــاج

 
 
أدوات الموضوع انواع عرض الموضوع
قديم 28-02-2011, 11:47 PM   #[1]
imported_شوقي بدري
:: كــاتب نشــط::
الصورة الرمزية imported_شوقي بدري
 
افتراضي 28 فبراير عيد ميلاد خالد الحاج ...

28 فبراير عيد ميلاد خالد الحاج ...

قبل ايام غادرنا خالد الحاج . وكعادة السودانيين بدأنا فى الاشاده به بعد موته . العميد يوسف بدرى قال قديماً (( السودانيه شكارين ترب . بعد ما الزول يموت حتى يبدو يشكروا فيه . اهو حسى اخوى دكتور محمد عبد الحليم ده قدامكم . قدم فى الطب والسياسه والرياضه والادب والشعر مافى زول مهتمى بيهو . اول ما يموت حتبدو تكرمو . كرمو وهو حى حسى )) . ومات اللدكتور محمد عبد الحليم الذى كان عنواناً للسودان فى الاولمبياد والرياضه العالميه لاكثر من نصف قرن . ولم يكرم .
امثال خالد يأتون بعد كل فتره . انهم بشر مميزون . يقدمون لنا الكثير . ويعصرون روحهم ويقدموها لنا فى كأس جميل . خالد وثق ، وسافر وضحى بوقته وماله القليل . وعاش طيلة حياته ورسالته رساله عطاء . وعاش فى هولندا فى بلدته الصغيره رورموند . عاش حياة بسيطه . ذهب الى عمله كل يوم . ورجع لكى يجلس الساعات الطويله خلف الكمبيوتر . يوثق ويراجع ويكتب .
كان يشارك فى سودانيز اون لان . ثم خلق منتدى سودانيات . وهو المنتدى الوحيد الذى لم يكن لصاحبه سلطه عليه . لدرجة ان الاداره قد حرمت خالد من الكتابه لمدة شهر . بسبب ما اعتبر تجاوز عضو . والتزم خالد بقرار اللجنه . كان ديمقراطياً حتى النخاع . قدم كل شئ يمكن ان يقدمه فرد ، وقته وجهده وماله . ولكن قبل كل هذا قدم حبه وعواطفه واحساسه الجميل للجميع .
بعد ان ذهب خالد صدمنا . وانا اكبر المصدومين . وبدأت افكر . خالد لم يكن يزيد عن ان يقول جملته المشهوره _( الشكيه لى الله ) . وكان كثيراً ما يقول لى عندما احتد معه وانتقده والومه . والله يا شوقى انا بحبك لله . كم اتمنى لو ان خالد عاد للحظه واحده لكى اخبره عن كميه الحب التى اكنها له .
لماذا لا نستطيع نحن السودانيين ان نعبر عن شعورنا ؟ . لماذا لم اقل انا والآخرون لخالد اننا نحبه حباً كثيراً ؟. انا متأكد من ان خالد وآخرين الآن كانوا يتوقعون ان نقول لهم ( والله انى احبك ) . ولكن تربيتنا السودانيه لا تسمح بهذا . خالد كان عظيماً . لهذا كان يعبر عن حبه للآخرين . وكان يفكر فى الآخرين كثيراً . فهو على سرير المرض طلب من الاخ ناصر يوسف الذى كان يمارضه فى الخرطوم ويلازمه ، بأن يتصل بى لكى يطمئن على صحتى . لاننى عندما كنت فى منزله فى ديسمبر الماضى ، تواجد معنا الاخ الدكتور محمد جميل . ولاول مره تعرضت لكشف لضغط الدم . واكتشفنا ان ضغطى عالى جداً جداً . ونسيت انا الامر . ولكن خالد كان على فراش المرض وهو يفكر فى شوقى ، الذى فشل ان يقول له كل هذه السنين والله اننى احبك يا خالد .
لقد قلت لخالد فى ديسمبر بأننى اريد ان اكتب موضوعاً بمناسبه مرور خمسه سنوات على وفاة توأم الروح بله الذى غادرنا فى ينابر 2006 . فوعدنى خيراً وقال انه ذاهب الى السودان وسيعود بعد خمسه اسابيع . فقلت له خمسه اسابيع كثيره انحنا عاوزينك عشان نكتب وفى حاجات نعملها سوا . فقال لى ياخى انا ماشى ارتاح شويه فى السودان . انا صباح وعصر فى الكمبيوتر . شى البركل وشى سودانيات وشى بعمل مواقع لناس تانيين ، ياخى خلينى شويه ارتاح بجى راجع وبنكتب عن بله . ولم اكن اعرف ان فبراير الشهر الغادر سيأخذ خالد .
اذكر ان الخال الصحفى الكبير محجوب عثمان رحمة الله عليه قد قال لى انه عندما سمع بموت عبد الخالق محجوب ، قد اصابته حاله غريبه . بل لقد مرت بخاطره فكره الانتحار بسبب الحزن القاسى .وتذكرت اننى قد قمت بتصرف غير عقلانى ولكنه كان تصرف غير شعورى . وكأننى اريد ان اؤكد شيئاً لنفسى . فبعد سته ايام فى هولندا رجعت الى السويد . الذى خفف على كثيراً اننى شاهدت خالد . وبجانب الاخ عبد القادر كابو الذى لازمنى وخفف على الالم ، كنت آخر من شاهد خالد قبل قفل كفنه . ولكن بالرغم من كل هذا ، وعندما رجعت للسويد ، امسكت بالتلفون واتصلت بتلفون خالد النقال . وعندما فتحت الاسكايب ، طالعتنى صورة خالد الحاج . وخالد هو الذى اشركنى فى الاسكايب حتى نتحدث . وقمت بالاتصال بخالد . ثم اعدت الكره . ولم يرد على خالد . فبكيت ثم بكيت وبكيت . وتمنيت لو اننى قد قلت لخالد فى كل يوم اننى كنت احبه كثيراً . واكتشفت ان خالد هو الشخص الوحيد فى هذا الكوكب الذى اعرف تاريخ ميلاده . واحفظ عنوانه عن ظهر قلب ورقم تلفونه فى المنزل والنقال . فقد اعرف شئ او شيئين عن الآخرين . ولكن خالد كان جزءً منى وكنت جزءً منه . له الرحمه بقدر ما قدم للآخرين .

فبراير الشهر الجاير ...

كلما يجينا نبى نقولو ، مين ؟
كلما يجينا صادق نقولو ، متين ؟
كلما يجينا دليل نقولو ، وين ؟
فقدنا خالد الكان بيملا العين
***
منو الكان للظلم بيعارض
ومنو البى إسمنا كان بيفاوض
ديمقراطى ولى رايك ما فارض
ومنو الفى مرضو كان بيمارض
***
مقدام متجرد وكمان متواضع
فى الدنيا ابداً ما كنت طامع
نطلب وما بتزيد من قول سامع
نشفت العين والقلب هو الدامع
***
ما غشيت ولا اتآمرت بليل
شبهك ماهو كثير بالحيل
ركزت وما هماك كثير وقليل
فارس الحوبه وكت عدمنا الخيل
***
خالد ، رحيلك اكبر عارض
لو ترجع لحظه يا خالد
عشان نملا العين ونقالد
يا كبير مافى غيرك قايد
***
الله يقطعك يا فبراير
والله انت الشهر الجاير
كيف تشيل خالد الناير
باقى العمر، انا ليك بعاير
***

شوقى ..



التوقيع: [frame="6 80"]

العيد الما حضرو بله اريتو ما كان طله
النسيم بجى الحله عشان خاطر ناس بله
انبشقن كوباكت الصبر
وتانى ما تلمو حتى مسله
قالوا الحزن خضوع ومذله
ليك يا غالى رضينا كان ننذله



[/frame]


http://sudanyat.org/maktabat/shwgi.htm

رابط مكتبة شوقي بدري في سودانيات
imported_شوقي بدري غير متصل  
قديم 01-03-2011, 12:08 AM   #[2]
imported_محمد مصطفي
:: كــاتب نشــط::
الصورة الرمزية imported_محمد مصطفي
 
افتراضي

يا الله ,,,,
رحم الله خالد
واعلم ان من القلب للقلب رسول
ويقيني ان خالد قد ادرك حبك لله قبل الممات
وتيقن منه تماماً بعد الممات
تعيش وتفتكر يا عم شوقي



التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي
أشواق يضحك الفجر لها وتضمها مدائن الفرح

اشراق ضرار

ستبقي في قلوبنا ابداً يا خال
imported_محمد مصطفي غير متصل  
قديم 01-03-2011, 12:16 AM   #[3]
imported_عبدالعزيز خطاب
:: كــاتب نشــط::
الصورة الرمزية imported_عبدالعزيز خطاب
 
افتراضي



http://www.sudanorg.tk/upload/upload...f DSC00401.jpg

لله درك يا شوقي

هربت انا من النظرة الأخيرة عندما كان خالد مسجى على سريرة بعد صعود روحه الطاهرة لبارئها بالمستشفى .. كنت على بعد خطوات من سريرة ولكن لم استطع أن اقف امام سريرة وكنت حريص على وصولك ولقائه الذي لم تحملنى قواي على تحمل تلك اللحظة وقت غسله..
أحسن الله عزاك وليرحم الله خالدا وأن يجعل الفردوس الأعلى منزله..
إنا لله وإنا اليه راجعون



التوقيع:
[frame="1 80"]مكلوم محزون لفقدك يا خالــ د[/frame]
imported_عبدالعزيز خطاب غير متصل  
قديم 01-03-2011, 01:14 AM   #[4]
imported_عزو الحاج
:: كــاتب نشــط::
 
افتراضي الصاحب ما مات

عمنا شوقى وعبد العزير
مرحبا كيف اخبارك
حقيقى شكرا ليكم كثير لانو كل ما بكون متضايقة بقرأ بوستراتكم بتخفف على كثير
فاليوم كان بالنسبة لى اصعب مما يتخيل الاخرون
فعندما قرأت كلام عمنا شوقى كان الدواء لجروحى
وعندما فتحت بوستر عبد العزيز فكانت الصور بلسم المى
وكم تمنيت لو خالو خالد المرحوم العايش بداخلنا
لو انه موجود امامى بدل صوره كنت حضنته بشدة
مثلما كنت افعل لما اشوفه
الله يخليكم ويدوم بيننا المحبة والتواصل فانا اصبحت احبكم بشدة
فلكم منى كل الود والاحترام والتقدير


حبيبتى ايمان ام جعفر لكى منى فى هذه الذكرى كل الدعوات الطيبة وربنا يخلى ليكى جعفر وحباب
ويرحمك يا خالو الله يرحمك الله يرحمك


عزيزة فؤاد دياب



imported_عزو الحاج غير متصل  
قديم 01-03-2011, 09:13 AM   #[5]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة عبدالعزيز خطاب


http://www.sudanorg.tk/upload/uploads/Copy of DSC00401.jpg

لله درك يا شوقي

هربت انا من النظرة الأخيرة عندما كان خالد مسجى على سريرة بعد صعود روحه الطاهرة لبارئها بالمستشفى .. كنت على بعد خطوات من سريرة ولكن لم استطع أن اقف امام سريرة وكنت حريص على وصولك ولقائه الذي لم تحملنى قواي على تحمل تلك اللحظة وقت غسله..
أحسن الله عزاك وليرحم الله خالدا وأن يجعل الفردوس الأعلى منزله..
إنا لله وإنا اليه راجعون



الصلع بي جمال، تلالي
والواقفين،
إتنينتهم،،
حبيب وغالي.....

وآني، ما بغالي
إن قلتا
فيكم صنع!!!
أبدع العالي
وأحسن في خياره ليكم المتعالي............


بحب أشوف صورة خلودي، ديمة
لأنه بتكامل الفي القلب مع شوف العين..
لكني كمان بتحرق من جووووووووا..
وآآآآآآآآآآ حليلك يابا



التوقيع:
بابكر مخير غير متصل  
قديم 01-03-2011, 10:43 AM   #[6]
imported_kabashi
:: كــاتب نشــط::
الصورة الرمزية imported_kabashi
 
افتراضي

اقتباس:
[frame="2 80"] المشاركة الأصلية كتبت بواسطة شوقي بدري
28 فبراير عيد ميلاد خالد الحاج ...

قبل ايام غادرنا خالد الحاج . وكعادة السودانيين بدأنا فى الاشاده به بعد موته . العميد يوسف بدرى قال قديماً (( السودانيه شكارين ترب . بعد ما الزول يموت حتى يبدو يشكروا فيه . اهو حسى اخوى دكتور محمد عبد الحليم ده قدامكم . قدم فى الطب والسياسه والرياضه والادب والشعر مافى زول مهتمى بيهو . اول ما يموت حتبدو تكرمو . كرمو وهو حى حسى )) . ومات اللدكتور محمد عبد الحليم الذى كان عنواناً للسودان فى الاولمبياد والرياضه العالميه لاكثر من نصف قرن . ولم يكرم .
امثال خالد يأتون بعد كل فتره . انهم بشر مميزون . يقدمون لنا الكثير . ويعصرون روحهم ويقدموها لنا فى كأس جميل . خالد وثق ، وسافر وضحى بوقته وماله القليل . وعاش طيلة حياته ورسالته رساله عطاء . وعاش فى هولندا فى بلدته الصغيره رورموند . عاش حياة بسيطه . ذهب الى عمله كل يوم . ورجع لكى يجلس الساعات الطويله خلف الكمبيوتر . يوثق ويراجع ويكتب .
كان يشارك فى سودانيز اون لان . ثم خلق منتدى سودانيات . وهو المنتدى الوحيد الذى لم يكن لصاحبه سلطه عليه . لدرجة ان الاداره قد حرمت خالد من الكتابه لمدة شهر . بسبب ما اعتبر تجاوز عضو . والتزم خالد بقرار اللجنه . كان ديمقراطياً حتى النخاع . قدم كل شئ يمكن ان يقدمه فرد ، وقته وجهده وماله . ولكن قبل كل هذا قدم حبه وعواطفه واحساسه الجميل للجميع .
بعد ان ذهب خالد صدمنا . وانا اكبر المصدومين . وبدأت افكر . خالد لم يكن يزيد عن ان يقول جملته المشهوره _( الشكيه لى الله ) . وكان كثيراً ما يقول لى عندما احتد معه وانتقده والومه . والله يا شوقى انا بحبك لله . كم اتمنى لو ان خالد عاد للحظه واحده لكى اخبره عن كميه الحب التى اكنها له .
لماذا لا نستطيع نحن السودانيين ان نعبر عن شعورنا ؟ . لماذا لم اقل انا والآخرون لخالد اننا نحبه حباً كثيراً ؟. انا متأكد من ان خالد وآخرين الآن كانوا يتوقعون ان نقول لهم ( والله انى احبك ) . ولكن تربيتنا السودانيه لا تسمح بهذا . خالد كان عظيماً . لهذا كان يعبر عن حبه للآخرين . وكان يفكر فى الآخرين كثيراً . فهو على سرير المرض طلب من الاخ ناصر يوسف الذى كان يمارضه فى الخرطوم ويلازمه ، بأن يتصل بى لكى يطمئن على صحتى . لاننى عندما كنت فى منزله فى ديسمبر الماضى ، تواجد معنا الاخ الدكتور محمد جميل . ولاول مره تعرضت لكشف لضغط الدم . واكتشفنا ان ضغطى عالى جداً جداً . ونسيت انا الامر . ولكن خالد كان على فراش المرض وهو يفكر فى شوقى ، الذى فشل ان يقول له كل هذه السنين والله اننى احبك يا خالد .
لقد قلت لخالد فى ديسمبر بأننى اريد ان اكتب موضوعاً بمناسبه مرور خمسه سنوات على وفاة توأم الروح بله الذى غادرنا فى ينابر 2006 . فوعدنى خيراً وقال انه ذاهب الى السودان وسيعود بعد خمسه اسابيع . فقلت له خمسه اسابيع كثيره انحنا عاوزينك عشان نكتب وفى حاجات نعملها سوا . فقال لى ياخى انا ماشى ارتاح شويه فى السودان . انا صباح وعصر فى الكمبيوتر . شى البركل وشى سودانيات وشى بعمل مواقع لناس تانيين ، ياخى خلينى شويه ارتاح بجى راجع وبنكتب عن بله . ولم اكن اعرف ان فبراير الشهر الغادر سيأخذ خالد .
اذكر ان الخال الصحفى الكبير محجوب عثمان رحمة الله عليه قد قال لى انه عندما سمع بموت عبد الخالق محجوب ، قد اصابته حاله غريبه . بل لقد مرت بخاطره فكره الانتحار بسبب الحزن القاسى .وتذكرت اننى قد قمت بتصرف غير عقلانى ولكنه كان تصرف غير شعورى . وكأننى اريد ان اؤكد شيئاً لنفسى . فبعد سته ايام فى هولندا رجعت الى السويد . الذى خفف على كثيراً اننى شاهدت خالد . وبجانب الاخ عبد القادر كابو الذى لازمنى وخفف على الالم ، كنت آخر من شاهد خالد قبل قفل كفنه . ولكن بالرغم من كل هذا ، وعندما رجعت للسويد ، امسكت بالتلفون واتصلت بتلفون خالد النقال . وعندما فتحت الاسكايب ، طالعتنى صورة خالد الحاج . وخالد هو الذى اشركنى فى الاسكايب حتى نتحدث . وقمت بالاتصال بخالد . ثم اعدت الكره . ولم يرد على خالد . فبكيت ثم بكيت وبكيت . وتمنيت لو اننى قد قلت لخالد فى كل يوم اننى كنت احبه كثيراً . واكتشفت ان خالد هو الشخص الوحيد فى هذا الكوكب الذى اعرف تاريخ ميلاده . واحفظ عنوانه عن ظهر قلب ورقم تلفونه فى المنزل والنقال . فقد اعرف شئ او شيئين عن الآخرين . ولكن خالد كان جزءً منى وكنت جزءً منه . له الرحمه بقدر ما قدم للآخرين .

فبراير الشهر الجاير ...

كلما يجينا نبى نقولو ، مين ؟
كلما يجينا صادق نقولو ، متين ؟
كلما يجينا دليل نقولو ، وين ؟
فقدنا خالد الكان بيملا العين
***
منو الكان للظلم بيعارض
ومنو البى إسمنا كان بيفاوض
ديمقراطى ولى رايك ما فارض
ومنو الفى مرضو كان بيمارض
***
مقدام متجرد وكمان متواضع
فى الدنيا ابداً ما كنت طامع
نطلب وما بتزيد من قول سامع
نشفت العين والقلب هو الدامع
***
ما غشيت ولا اتآمرت بليل
شبهك ماهو كثير بالحيل
ركزت وما هماك كثير وقليل
فارس الحوبه وكت عدمنا الخيل
***
خالد ، رحيلك اكبر عارض
لو ترجع لحظه يا خالد
عشان نملا العين ونقالد
يا كبير مافى غيرك قايد
***
الله يقطعك يا فبراير
والله انت الشهر الجاير
كيف تشيل خالد الناير
باقى العمر، انا ليك بعاير
***

شوقى ..

[/frame]


الأستاذ شوقي بدري
أحسن الله العزاء و أعطاك طول العمر تفتكر وتترحم على الفقيد
ما أجمل ما خط قلمك كلمات من قلب مكلوم مداده دموع تنهمر
من كل عين قرأتها .
رحم الله خالد أضعاف ما خلده في قلوب عارفيه من حب وما تركه من حزن وكمد
وجعل البركة فيكم أبناء وأصدقاء ومعارف
ولله ما أعطا ولله ما أخذ




imported_kabashi غير متصل  
قديم 01-03-2011, 10:54 AM   #[7]
imported_عثمان
:: كــاتب نشــط::
 
افتراضي

إنت عارف يا عم شوقي أنا دايماً عندي قناعة إنو
الحياة دي بالنسبة لي محطات وفي ناس بتجبرك
إنك تقيف في محطتهم وتفضل تتأمل فيهم وتغوص في دواخلهم
من ضمن الناس ديل كان خالد الحاج رحمة الله عليه بالرغم من إنو
ما قابلته ولا كان بينا اتصال أبداً وعرفته وحسيت بيهو من خلال سطوره هنا
وعزاي قبل وفاته كان لي هذا البوست
http://sudanorg.tk/vb/showthread.php?t=17640

لك الرحمة يا خالد وربنا يجعل مثواك الجنة إنشاء الله

عم شوقي سلامات



imported_عثمان غير متصل  
قديم 01-03-2011, 09:40 PM   #[8]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

عمّنا شوقي حارّ التعازي..
كنتُ أترقب أن تكتب عن خالد، وعن تفاصيل الأيّام الاخيرة..
ففي ذلك بعض سلوي.
أكتب ياعم شوقي عن خالد، حياته، معاناته، حبه للآخرين.
عن خالد رجل المعرفة الطموح..
خالد الذي اتفق الناسُ علي حبه كما لم يتفقوا علي غيره..
خالد رائد المعرفة الإسفيرية..
خالد الذي بذل وقته واهتمامه من أجل الوطن والإنسان والمعرفة والحق.
خالد الإنسان الذي سبقنا للضفة الاخري.
تعازيّ عمنا شوقي.



الرشيد اسماعيل محمود غير متصل  
 

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:59 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.