كاريكتيرات العيد..

[مرافي]

[CENTER]

[عبدالعزيز خطاب]

مرافي الشوق

كل سنة وانتم طيبين
وعيد مبارك ومن عواده يارب..

أضحك الله أيامك..
وقولي لي صديقتي العيد الجاب الناس لينا ما جابك يعني نسيتنا خلاص..

موده وأمنيات

[مرافي]

المشاركة الأصلية كتبت بواسطة عبدالعزيز خطاب

مرافي الشوق

كل سنة وانتم طيبين
وعيد مبارك ومن عواده يارب..

أضحك الله أيامك..
وقولي لي صديقتي العيد الجاب الناس لينا ما جابك يعني نسيتنا خلاص..

موده وأمنيات

كل سنة وانت طيب يا عزيز
ربنا يحقق احلامكم وامانيكم انت والاخت سحر وعقدكم الفريد
بلسان صديقتك اقول
ننساك هو انت انت بتتنسي..
مودتي واحترامي
وكن دوماً بالقرب
في ساحة الخالد دوماً
ودي

[جيجي]

مرافي كل سنة وانتي طيبة
ويخلي ليك وليداتك
قالوا بمناسبة غلاء سعر الخرفان
الجماعة يسمعوا ليك الثكلي والحي ووب نص الليل في بيت جيرانهم
الحلة كلها قامت تجري لبيت البكى
دفروا الباب ودخلوا ياجماعة في شنو
المات منو
الخروووف
الخروف ياود امي
المربنه ليه ستة شهور
مات قبال مايحضر العيد
الليلة ياحليلوا
وااااا قماحنا في الخروف
واسجمنا الماحضر معانا العيد
والترابة دي في خشمنا يايمة

[مرافي]

المشاركة الأصلية كتبت بواسطة جيجي

مرافي كل سنة وانتي طيبة
ويخلي ليك وليداتك
قالوا بمناسبة غلاء سعر الخرفان
الجماعة يسمعوا ليك الثكلي والحي ووب نص الليل في بيت جيرانهم
الحلة كلها قامت تجري لبيت البكى
دفروا الباب ودخلوا ياجماعة في شنو
المات منو
الخروووف
الخروف ياود امي
المربنه ليه ستة شهور
مات قبال مايحضر العيد
الليلة ياحليلوا
وااااا قماحنا في الخروف
واسجمنا الماحضر معانا العيد
والترابة دي في خشمنا يايمة

جيجي كل سنة وانتي طيبة وترفلين سعادة وهناء
والله الترابة في خشمن وبس
كر عليهو صغير وجاهل
وسعرو ما ساهل
كر علي الدفع حقو كامل
كر عليهو* يايمة كر..
* المضحي

[سفيان ابوقصيصة]

المشاركة الأصلية كتبت بواسطة مرافي

كر علي الدفع حقو كامل
كر عليهو* يايمة كر..
* المضحي

بدل ما نضحي بيهو..ضحى بينا..

عيد سعيد يا مرافئ..انت وزوارك..

[مرافي]

المشاركة الأصلية كتبت بواسطة سفيان ابوقصيصة

بدل ما نضحي بيهو..ضحى بينا..

عيد سعيد يا مرافئ..انت وزوارك..

عيد سعيد وينعاد عليك بكل خير اخ سفيان ابو قصيصة

والله البيشتروا الخراف هم الضحية...

كل سنة والجميع مٌضحين وليس مٌضّحى بهم

تحياتي واحترامي...

[منال]

وحات الله يا مرافى

الشية مسيخه كانت بشكل
و المرارة غلبتم الناس عزوف كامل ترجع فى السرويس ذاتو

بس اكلو لحمة الصاج
وام رقيقه و الشربوت غالى الاداك كبايه هدا ليك كنز

هو العيد فرحة اطفال
و الاطفال ما عيدوا خروف و باع ماف العيد شنو كمان غير لمة حبان و بهجة اطفال لابسين حلوين

عيدك انت احلى و اجمل
و تحقق كل امانيك و يخلى ليك الوليدات و اختك الغاليه

[منال]

الجاب خروفو حسب ظروفو
أكلوه ضيوفو، ما خلوا صوفو
***
كبشي البجيبو ماكن مدغلب
شحمو البمرقو ودكا يتعلب
شافوا السماني قام جاط وجقلب
شرق الحلفايا شارب لو مقلب
غشوه جماعة وباعو لو ثعلب
***
الجاب خروفو حسب ظروفو
اكلوه ضيوفو ما خلو صوفو
كُلُّنْق كُلُّنْق كُلُّنْق * كُلُّنْق كُلُّنْق كُلُّنْق
***
خروفنا داير اورنيك جمارك
سيدو اب عريريق بسوطو بارِك
كم فيه راغب كم ليه تارك
سماسرة خايضين جنبو المعارك
ما بشتريه أستاذ مشارك
إلا المقاول او دكتور مسالك
***
الجاب خروفو حسب ظروفو
اكلوه ضيوف ما خلوا صوفو
***
كُلُّنْق كُلُّنْق كُلُّنْق * كُلُّنْق كُلُّنْق كُلُّنْق
***
الناس غلبانة تجف وتعرقْ
الما بضحي بصبح مطلَّقْ
لازم ضبيحة وفرار مطَرَّقْ
لو ما قدرت اضبح ود ابرقْ
***
الجاب خروفو حسب ظروفو
اكلوه ضيوفو ما خلو صوفو
كُلُّنْق كُلُّنْق كُلُّنْق * كُلُّنْق كُلُّنْق كُلُّنْق



هاك دى