وآحة الترابلة،، مزارع بالواتساب!!

ود الخير · 28-11-2014, 02:19 PM

من منا لا يوجد بداخله (تربال) ؟! صغيراً كان أم كبير ؟! صراحة في ناس التربال الجواهم متملكهم وتلقى ظااااهر في مشيتهم ، وفي ناس من شدة ما تربالهم "ماكن"

وظاهر مشيتهم في الواطة دي "غير" وحتى ولو اشتغل شغل واجباري اللبس يكون "بدلة كاملة" تلقاهو من دون ما يشعر يخلي القميص "بره البنطلون" ، ولو رابط " الكرفته" وعلى ذكر "البدلة" في ناس "ترابلة" لكن ظروفهم ساقتهم للمدينة تلقاهو لابس البدلة وأحد الكتفين بيكون مرفوع لي فوق " من الواسوق طبعاً" ويكون مُصر انو يواصل حياة المدن ، زي دا بدلتو أو بِدلو إلا يلبسهم هو !! لانها بيكونن إتفتلن من تركيبة الجسم وتغيّر شكلها وهو مازال ما مقتنع انو البدلة مااااا بدلة ترابلة !! القصة ومافيها سادتي ، التربال الجواي حماني (الهجعة) ، ومسّخ عليّ طعم النوم ، وخلاني (ازازي) لا قادر اندمج في حياة ومجتمع المدينة ! ولاني قادر على الرجعة !

السنة دي قلت أمهد للرجعة للبلد ، وآآاااااااااه يا البلد ، البلد يعني الريف ، أية ريف (ولو إني أفضّل ريفي ود حامد) ! والصورة المرفقة وصور حا تليها ، من (جزيرة نسري) جزيرة واقعة على نهر النيل ، في منطقة (ود حامد) ، غرب شندي ، شمال أم درمان ، فاجأة ابن عمي بأني عاوز أزرع السنة دي ، أزرع وانا في الغربة البعيدة " غرب أوربا" وباريس بالتحديد ، وأخترت ان ازرع بطاطس " ما ود مدن" ، حا أنقل ليكم مراحل الزراعة ، وتكلفتها ، وطريقة زراعتها وريّها ، وحراثتها ، وطرحها ، وجرها ، وتقنقتها ، ولفها ، ونظافتها ، وتسميدها ، الى حصادها إنشاء الله ، والى أن تصل لي ناس الخرطوم

(إنشاء الله تنفعهم)

علماً بأن تيراب البطاطس جاي من هولندا ، والسماد من الصين ، والتراكتور من فرنسا ، " طبعاً في ناس ما حا يصدقوا"

عادل عسوم · 28-11-2014, 03:03 PM

انا مصدق لاني متاابع وكان المفروض اشتري التراكتور الاولاني

مثل هذه التجارب الشخصية تفيد الاخرين كثيرا يا اخ خالد واخص منهم من لم يبارح السودان فسيفيد كثيرا من الرؤي الجديدة عليه فيتسع ماعون الخبرات وتتناقل الفائدة فيكون لك اجر السنة الحسنة ياحبيب...
اسال الله رحمن الدنيا والاخرة ان يبارك لك في الغرس ويكلاه بعينه ويجزل لك العطاء
ان الله ولي ذلك والقادر عليه

ود الخير · 28-11-2014, 03:59 PM

اقتباس:

المشاركة الأصلية كتبت بواسطة عادل عسوم

انا مصدق لاني متاابع وكان المفروض اشتري التراكتور الاولاني

مثل هذه التجارب الشخصية تفيد الاخرين كثيرا يا اخ خالد واخص منهم من لم يبارح السودان فسيفيد كثيرا من الرؤي الجديدة عليه فيتسع ماعون الخبرات وتتناقل الفائدة فيكون لك اجر السنة الحسنة ياحبيب...
اسال الله رحمن الدنيا والاخرة ان يبارك لك في الغرس ويكلاه بعينه ويجزل لك العطاء
ان الله ولي ذلك والقادر عليه

☝️الله أكبر "بالقديم"

يا سلام يا باشمهندس ،، آمين ،، امين ،، والله متعة الزراعة والبلد ، يا اخ عادل متعة واستمتاع ، والمجربة صعب يتحمل حياة المدن ،،

بالنسبة للتراكتور " حبيب الشعب السوداني الماسي 290 ، شبه انعدم في أوربا هنا ،) ، لكن في الان ال 165 ، وال 188 ماسي فيرجسون ، الى ان يصل بورسودان بيكلف 54 الف سوداني ،، عند ناس الخرطوم ما عليهو جمارك ،، لكن رسوم الميناء و و و ، بتكلف 20 الف سوداني ، جملة 74 الف س ،،،

شكراً يا حبيب وانشاء الله تزورنا في نسري انشاء الله

كسرة

قضية الأخ ماجد تاج عملتو فيها شنو؟!

عبد المنعم حضيري · 28-11-2014, 04:35 PM

مننا يا مزارع ليك ألف تحية

مننا يا مزارع ليك إلف تحية
مادام كل حياتنا أسبابه في الطوريه
يا رمز الوجود تخضر فروع مروية
يا أمل البﻼد عاقدين عليك النية
تخدم فى الهجير ﻻ ضل وﻻ شمسية
كل املك تشوف بلدك عﻼهو ثرية
دايرنك دوام تعمل بكل همية
أنت تنظر للتراب في وحدتوالوطنية
كل همك يكون تصبح مكانتو عليه
تسنّدو بى قواعد فى الزراعه قوية
خيراتك دوام معروفة ماها شوية
زيد لينا النتاج تصبح بﻼدنا غنيه
ﻻتضيع ثقتنا الفيك زمان محريه
يا دخرينا بيك عيشتنا تبقى رخيه
دايرين الفقر يمشى ويروح غير جيه
فى الخير والنعيم ترفل صباح وعشيه
ﻻ تقول نحن ديل ناسين فضايلك ديه
ابدا حاشا كيفن ؟ وهية ماها شوية

وألف ألف تحية خاصة مننا ليك يا ود الخير وفعلاً لكلٍ من إسمه نصيب.

ود الخير · 28-11-2014, 05:14 PM

اقتباس:

المشاركة الأصلية كتبت بواسطة عبد المنعم حضيري

مننا يا مزارع ليك ألف تحية

وليك مليون تحية أخ عبد المنعم ، وانت تهدينا هذه الكلمات الرائعة ، إذا دُرست هذه الكلمات مع الصوت الرائع للمرحوم عثمان اليمني ، أظنها كافية ليعلم الجميع ان حياتنا فعلاً اسبابها بالطورية ، وممكن تصلح تكون نشيد وطني!
شكراً تاني والف تحية

عبد المنعم حضيري · 28-11-2014, 05:21 PM

ناس ود حامد طبعاً أهلنا ..... ومعروف تأريخياً أن هنالك هجرات وهجرات معاكسة بين بعض قبائل الشمال مثل هجرة قبائل العوضية ذات الأصول الجعلية وإستوطانهم بمناطق الشايقية وكذلك هجرة القبائل الشايقية المختلفة وإستوطانهم في مناطق الجعليين مثل ود حامد والحقنة وسَلَوَىَ وحجر العسل وحوش بانقا وجوير ود ضبعة وكلي وغيرها.

ومن الأسر التي ما زالت تحتفظ بتواصلها معنا في الشمال أسرة أبناء الشيخ ود العامل في ود حامد .... وأسرة العكوداب في سلوى وعِبدِ الله ومنهم دكتور محمد بادي عكود

تحياتي

قرقاش · 07-12-2014, 08:26 AM

اقتباس:

المشاركة الأصلية كتبت بواسطة عادل عسوم

انا مصدق لاني متاابع

مثل هذه التجارب الشخصية تفيد الاخرين كثيرا يا اخ خالد واخص منهم من لم يبارح السودان فسيفيد كثيرا من الرؤي الجديدة عليه فيتسع ماعون الخبرات وتتناقل الفائدة فيكون لك اجر السنة الحسنة ياحبيب...
اسال الله رحمن الدنيا والاخرة ان يبارك لك في الغرس ويكلاه بعينه ويجزل لك العطاء
ان الله ولي ذلك والقادر عليه

ومن القلب اكرررماقاله عسوم ..

ود الخير · 04-01-2015, 05:24 PM

اقتباس:

المشاركة الأصلية كتبت بواسطة قرقاش

ومن القلب اكرررماقاله عسوم ..

التحية ليك أخ قرقاش،، إنت راجل بركة والله،، ودائماً ،، بتفاءل بحضورك..

بس طمئنا ،، البرد عندكم كيف!؟

ود الخير · 04-01-2015, 06:24 PM

ِ"ويوماً ذهبت الى مكاني الاثير، عند
جذع شجرة طلح على ضفة النهر. كم
عدد الساعات التي قضيتها في طفولتي
تحت تلك الشجرة ، أرمي الحجارة في
النهر واحلم، ويشرد خيالي في الأفق
البعيد، أسمع أنين السواقي على النهر ،
وتصايح الناس في الحقول : وخوار
ثور أو نهيق حمار. كان الجظ يسعدني
احياناً ، فتمر الباخرة أمامي صاعدة أو
نازلة. من مكاني تحت الشجرة، رأيت
البلد يتغير في بطء. راحت السواقي.
وقامت على ضفة النيل طلمبات لضخ الماء.
كل مكنة تؤدي عمل مائة ساقية. ورأيت
الضفة تتقهقر عاماً بعد عامأمام لطمات الماء ،
وفي جانت اخر يتقهقر الماء أمامها. وكانت
تخطر في ذهني احياناً أفكار غريبة. كنت
أفكر ، وأنا ارى الشاطي يضيق في مكان
ويتسع في مكان ، أن ذلك شأن الحياة ،
تعطي بيد وتأخذ باليد الأخرى. لكن لعلني
أدركت ذلك فيما بعد. انا الان ، على أي
حال،أدرك هذه الحكمة، لكن بذهني فقط،،
إذ أن عضلاتي تحت جلدي مرنة مطواعة
وفلبي متفائل. انني اريد ان اخذ حقي من
الحياة عنوة....

ود الخير · 28-11-2014, 03:13 PM

بعد إستيجار الارض الزراعية " 6 فدان" ب10 الف سوداني ، مايعادل 990 يورو ، 1130 بالدولار، 4455 بالريال السعودي ، ( لمدة موسم واحد شتوي ، 4 شهور)

شراء بابور زراعة (صيني) بمبلغ 6000 ج ،ما يعادل ، 545 باليورو ، 681 بالدولار ، 2450 بالريال السعودي0

تركيب البابور على النيل ، وحرث ونظافة الارض ، ولا حقاً "تطريد الارض" وتسريبها "لاولاد المدن تقسيمها لأحواض" وترفيع الجدول الناقل للموية من النيل ، وعمل "الفاسقية" ، وأصبحت الارض جاهزة للزراعة الشغل دا كلّف 14 الف جنيه سوداني ،،، 1270 باليورو ،،، 1590 بالدولار ،،، 5715 بالريال السعودي ،،
"بواسطة 13 عامل ، ولمدة 5 أيام"
مرفق جولات البطاطس " 60 شوال تيراب بطاطس ماركة تسمى زافيرا وهي هولندية سعرها 40 الف جنيه سوداني ،،مايعادل 3630 باليورو ،،،، 4540 بالدولار ،، 16330 بالريال السعودي.

ود الخير · 28-11-2014, 03:24 PM

تيراب مورد بواسطة البنك الزراعي السوداني.

28-11-2014, 01:29 PM	#[1]
ود الخير :: كــاتب نشــط::	وآحة الترابلة،، مزارع بالواتساب!!
ود الخير :: كــاتب نشــط::	التوقيع: Qui s'engage sur le chemin arrive من مشى على الدرب وصل.

28-11-2014, 02:19 PM	#[2]
ود الخير :: كــاتب نشــط::	من منا لا يوجد بداخله (تربال) ؟! صغيراً كان أم كبير ؟! صراحة في ناس التربال الجواهم متملكهم وتلقى ظااااهر في مشيتهم ، وفي ناس من شدة ما تربالهم "ماكن" وظاهر مشيتهم في الواطة دي "غير" وحتى ولو اشتغل شغل واجباري اللبس يكون "بدلة كاملة" تلقاهو من دون ما يشعر يخلي القميص "بره البنطلون" ، ولو رابط " الكرفته" وعلى ذكر "البدلة" في ناس "ترابلة" لكن ظروفهم ساقتهم للمدينة تلقاهو لابس البدلة وأحد الكتفين بيكون مرفوع لي فوق " من الواسوق طبعاً" ويكون مُصر انو يواصل حياة المدن ، زي دا بدلتو أو بِدلو إلا يلبسهم هو !! لانها بيكونن إتفتلن من تركيبة الجسم وتغيّر شكلها وهو مازال ما مقتنع انو البدلة مااااا بدلة ترابلة !! القصة ومافيها سادتي ، التربال الجواي حماني (الهجعة) ، ومسّخ عليّ طعم النوم ، وخلاني (ازازي) لا قادر اندمج في حياة ومجتمع المدينة ! ولاني قادر على الرجعة ! السنة دي قلت أمهد للرجعة للبلد ، وآآاااااااااه يا البلد ، البلد يعني الريف ، أية ريف (ولو إني أفضّل ريفي ود حامد) ! والصورة المرفقة وصور حا تليها ، من (جزيرة نسري) جزيرة واقعة على نهر النيل ، في منطقة (ود حامد) ، غرب شندي ، شمال أم درمان ، فاجأة ابن عمي بأني عاوز أزرع السنة دي ، أزرع وانا في الغربة البعيدة " غرب أوربا" وباريس بالتحديد ، وأخترت ان ازرع بطاطس " ما ود مدن" ، حا أنقل ليكم مراحل الزراعة ، وتكلفتها ، وطريقة زراعتها وريّها ، وحراثتها ، وطرحها ، وجرها ، وتقنقتها ، ولفها ، ونظافتها ، وتسميدها ، الى حصادها إنشاء الله ، والى أن تصل لي ناس الخرطوم (إنشاء الله تنفعهم) علماً بأن تيراب البطاطس جاي من هولندا ، والسماد من الصين ، والتراكتور من فرنسا ، " طبعاً في ناس ما حا يصدقوا"
ود الخير :: كــاتب نشــط::	التوقيع: Qui s'engage sur le chemin arrive من مشى على الدرب وصل.

28-11-2014, 03:03 PM	#[3]
عادل عسوم :: كــاتب نشــط::	انا مصدق لاني متاابع وكان المفروض اشتري التراكتور الاولاني مثل هذه التجارب الشخصية تفيد الاخرين كثيرا يا اخ خالد واخص منهم من لم يبارح السودان فسيفيد كثيرا من الرؤي الجديدة عليه فيتسع ماعون الخبرات وتتناقل الفائدة فيكون لك اجر السنة الحسنة ياحبيب... اسال الله رحمن الدنيا والاخرة ان يبارك لك في الغرس ويكلاه بعينه ويجزل لك العطاء ان الله ولي ذلك والقادر عليه
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)

28-11-2014, 04:35 PM	#[5]
عبد المنعم حضيري :: كــاتب نشــط::	مننا يا مزارع ليك ألف تحية مننا يا مزارع ليك إلف تحية مادام كل حياتنا أسبابه في الطوريه يا رمز الوجود تخضر فروع مروية يا أمل البﻼد عاقدين عليك النية تخدم فى الهجير ﻻ ضل وﻻ شمسية كل املك تشوف بلدك عﻼهو ثرية دايرنك دوام تعمل بكل همية أنت تنظر للتراب في وحدتوالوطنية كل همك يكون تصبح مكانتو عليه تسنّدو بى قواعد فى الزراعه قوية خيراتك دوام معروفة ماها شوية زيد لينا النتاج تصبح بﻼدنا غنيه ﻻتضيع ثقتنا الفيك زمان محريه يا دخرينا بيك عيشتنا تبقى رخيه دايرين الفقر يمشى ويروح غير جيه فى الخير والنعيم ترفل صباح وعشيه ﻻ تقول نحن ديل ناسين فضايلك ديه ابدا حاشا كيفن ؟ وهية ماها شوية وألف ألف تحية خاصة مننا ليك يا ود الخير وفعلاً لكلٍ من إسمه نصيب.
عبد المنعم حضيري :: كــاتب نشــط::

28-11-2014, 05:21 PM	#[7]
عبد المنعم حضيري :: كــاتب نشــط::	ناس ود حامد طبعاً أهلنا ..... ومعروف تأريخياً أن هنالك هجرات وهجرات معاكسة بين بعض قبائل الشمال مثل هجرة قبائل العوضية ذات الأصول الجعلية وإستوطانهم بمناطق الشايقية وكذلك هجرة القبائل الشايقية المختلفة وإستوطانهم في مناطق الجعليين مثل ود حامد والحقنة وسَلَوَىَ وحجر العسل وحوش بانقا وجوير ود ضبعة وكلي وغيرها. ومن الأسر التي ما زالت تحتفظ بتواصلها معنا في الشمال أسرة أبناء الشيخ ود العامل في ود حامد .... وأسرة العكوداب في سلوى وعِبدِ الله ومنهم دكتور محمد بادي عكود تحياتي التعديل الأخير تم بواسطة عبد المنعم حضيري ; 28-11-2014 الساعة 05:27 PM.
عبد المنعم حضيري :: كــاتب نشــط::

04-01-2015, 06:24 PM	#[10]
ود الخير :: كــاتب نشــط::	مع الطيب صالح ِ"ويوماً ذهبت الى مكاني الاثير، عند جذع شجرة طلح على ضفة النهر. كم عدد الساعات التي قضيتها في طفولتي تحت تلك الشجرة ، أرمي الحجارة في النهر واحلم، ويشرد خيالي في الأفق البعيد، أسمع أنين السواقي على النهر ، وتصايح الناس في الحقول : وخوار ثور أو نهيق حمار. كان الجظ يسعدني احياناً ، فتمر الباخرة أمامي صاعدة أو نازلة. من مكاني تحت الشجرة، رأيت البلد يتغير في بطء. راحت السواقي. وقامت على ضفة النيل طلمبات لضخ الماء. كل مكنة تؤدي عمل مائة ساقية. ورأيت الضفة تتقهقر عاماً بعد عامأمام لطمات الماء ، وفي جانت اخر يتقهقر الماء أمامها. وكانت تخطر في ذهني احياناً أفكار غريبة. كنت أفكر ، وأنا ارى الشاطي يضيق في مكان ويتسع في مكان ، أن ذلك شأن الحياة ، تعطي بيد وتأخذ باليد الأخرى. لكن لعلني أدركت ذلك فيما بعد. انا الان ، على أي حال،أدرك هذه الحكمة، لكن بذهني فقط،، إذ أن عضلاتي تحت جلدي مرنة مطواعة وفلبي متفائل. انني اريد ان اخذ حقي من الحياة عنوة....
ود الخير :: كــاتب نشــط::	التوقيع: Qui s'engage sur le chemin arrive من مشى على الدرب وصل.

28-11-2014, 03:13 PM	#[11]
ود الخير :: كــاتب نشــط::	بعد إستيجار الارض الزراعية " 6 فدان" ب10 الف سوداني ، مايعادل 990 يورو ، 1130 بالدولار، 4455 بالريال السعودي ، ( لمدة موسم واحد شتوي ، 4 شهور) شراء بابور زراعة (صيني) بمبلغ 6000 ج ،ما يعادل ، 545 باليورو ، 681 بالدولار ، 2450 بالريال السعودي0 تركيب البابور على النيل ، وحرث ونظافة الارض ، ولا حقاً "تطريد الارض" وتسريبها "لاولاد المدن تقسيمها لأحواض" وترفيع الجدول الناقل للموية من النيل ، وعمل "الفاسقية" ، وأصبحت الارض جاهزة للزراعة الشغل دا كلّف 14 الف جنيه سوداني ،،، 1270 باليورو ،،، 1590 بالدولار ،،، 5715 بالريال السعودي ،، "بواسطة 13 عامل ، ولمدة 5 أيام" مرفق جولات البطاطس " 60 شوال تيراب بطاطس ماركة تسمى زافيرا وهي هولندية سعرها 40 الف جنيه سوداني ،،مايعادل 3630 باليورو ،،،، 4540 بالدولار ،، 16330 بالريال السعودي.
ود الخير :: كــاتب نشــط::	التوقيع: Qui s'engage sur le chemin arrive من مشى على الدرب وصل.

28-11-2014, 03:24 PM	#[12]
ود الخير :: كــاتب نشــط::	تيراب مورد بواسطة البنك الزراعي السوداني.
ود الخير :: كــاتب نشــط::	التوقيع: Qui s'engage sur le chemin arrive من مشى على الدرب وصل.