أساكة معاوية

[حافظ حسين]

المشاركة الأصلية كتبت بواسطة سارة

يسكك بعاتى شحدت ربى عليك

ومبارك عليك الاستخدام بارك الله فى بابكر عباس العلمكم المتن والشرح
والنجوم..عالم ما بتتثقف اصلو قال كوارع قال البوش حق بلدنا مالو
عيبو لى

بالمناسبة يا سجم انا لسة زعلانة وزادت بسلكك بتاع الكضب دا

بابكر عباس علم منو و علم شنو؟!!!!!!!!!
بارك الله فينا نحن الرسلنا ليه مبر كخبير أجنبي في علم النحو و الإعراب.... عليك الله اليومين دي ما ملاحظة لغته إتحسنت كيف يعني إعتقادات و إفتكارات ما تديك الدب ... هسي أنا اليومين دي مساكك أساكة كان نحسن لغتنا دي .... نتثقف قلت لي و بعد نثقف نرجع البوش ... يا سارة إستهدي بالله في زول بعزموه كوارع بجي شايل صحن بوشه ... نحنا و الله أتراك بس ناس نور ديل نفوتهم مفلقين .... هسي أنا أقنعت الرشيد , مبر و أخرون و تحت تحت كدا دايرين ندبل لعباس الشريف بتركية ... الا الكلام دا بينا هنا في المنبر ما يطلع...

-----------------
أساكة الكلام دا انا راجعته مرتين يعني خالي من الأخطاء النحوية و الإملائية و بروميد البوتاسيوم و الله علي ما أقوله شهيد .... يا خي بمناسبة بروميد البوتاسيوم دا داير أعمل لي فرن ما في حد بتبرع بعمل لي دراسة جدوي.....

سارة أنا ماخد تكليف من الجيلي رأساً اني أحرف البوست دي .... و هسي بنادي معاي شلة الإنحراف نحرفه لأم طرقاً عراض ....

[حافظ حسين]

المشاركة الأصلية كتبت بواسطة سارة

يا هموس يا جميلة

ياخ اساكة دا ياخ احلى اساكة فى الدنيا

ثمن كيلو الثلج 5 جنيهات
ثمن البدال جنيهان

[الرشيد اسماعيل محمود]

المشاركة الأصلية كتبت بواسطة حافظ حسين
يعني إعتقادات و إفتكارات ما تديك الدب ...

وانت داير بيهو شنو..؟؟
الدب طبعا.
ــ
سارة سلامات..؟

[همس الشوق]

المشاركة الأصلية كتبت بواسطة أسامة معاوية الطيب

يا همس الشوق ياخي نحن ورانا شنو ؟
اهو
والرزق تلاقيط زاتو
كيفك انت ؟ ... مع انك ما سلمتي نهائي

يأأطعني ... يا اسامه الوريف



لكن كان باريت جنس دا
فأنك مرزّق لا محالة من ذلك

[الجيلى أحمد]

اقتباس:
المشاركة الأصلية كتبت بواسطة حافظ حسين سارة أنا ماخد تكليف من الجيلي رأساً اني أحرف البوست دي .... و هسي بنادي معاي شلة الإنحراف نحرفه لأم طرقاً عراض ....

أردم يازول ,
سارة دى من زمان عايزين لينا فيها لمة ..


ياسارة
كتاب شنو؟ (معاهم وش رايح )وواحد غمران

[همس الشوق]

المشاركة الأصلية كتبت بواسطة سارة

يا هموس يا جميلة

ياخ اساكة دا ياخ احلى اساكة فى الدنيا

عليك الله يا ساره اساكتكم دي بتعملوها بالسمن ولا الزيت
عشان اقارن

[الجيلى أحمد]

تحياتى يااساكة

وامعنآ فى حرف هذا البوست ,
سوف أبدأ لك من الغلاف..


اللوحة فى الغلاف صعبة شوية ,
وبتدى احساس بتاع تسابق وجرى ..!

لوحة الغلاف لم تنصف عملك فى داخل الكتاب ..
لو كان كان اسم الكتاب اتدون جوة اللوحة كان بيكون أعمق..

وبعدين شايفك وقعتا فى خطأ مدهش ,
اسمك كان فى أعلى الكتاب !! وكمان بالأحمر !!!
العنوان هو من يجب أن يحتل صدر الكتاب (بظنى)

غايتو شغل الغلاف دا ماعجبنى
وبجيهو أكيد بى ملاحظات تانية ..

[أسامة معاوية الطيب]

المشاركة الأصلية كتبت بواسطة الجيلى أحمد

تحياتى يااساكة

وامعنآ فى حرف هذا البوست ,
سوف أبدأ لك من الغلاف..


اللوحة فى الغلاف صعبة شوية ,
وبتدى احساس بتاع تسابق وجرى ..!

لوحة الغلاف لم تنصف عملك فى داخل الكتاب ..
لو كان كان اسم الكتاب اتدون جوة اللوحة كان بيكون أعمق..

وبعدين شايفك وقعتا فى خطأ مدهش ,
اسمك كان فى أعلى الكتاب !! وكمان بالأحمر !!!
العنوان هو من يجب أن يحتل صدر الكتاب (بظنى)

غايتو شغل الغلاف دا ماعجبنى
وبجيهو أكيد بى ملاحظات تانية ..

الجيلي الشديق
طبعا كلما تحدثت عنه يخص دار النشر ... وطبعا لضعف التجربة ما طلبت أصلا إطلاعي على شكل الغلاف المنتظر ... حتما كانت ستكون لي ملاحظات على صورة الغلاف التي لم اتصالح معها حتى اللحظة
أما مسألة الاسم فوق تحت دي ما اظن الفكرة وقفا على كتابي ...
وقت لي الغلاف بتجيهو تاني ؟
غايتو ماتلقو فرقة شداقة ... ما تشدقوا
ياخي انا مهتم جدا بوجود الكتاب بين يديك

[سارة]

المشاركة الأصلية كتبت بواسطة حافظ حسين

بابكر عباس علم منو و علم شنو؟!!!!!!!!!
بارك الله فينا نحن الرسلنا ليه مبر كخبير أجنبي في علم النحو و الإعراب.... عليك الله اليومين دي ما ملاحظة لغته إتحسنت كيف يعني إعتقادات و إفتكارات ما تديك الدب ... هسي أنا اليومين دي مساكك أساكة كان نحسن لغتنا دي .... نتثقف قلت لي و بعد نثقف نرجع البوش ... يا سارة إستهدي بالله في زول بعزموه كوارع بجي شايل صحن بوشه ... نحنا و الله أتراك بس ناس نور ديل نفوتهم مفلقين .... هسي أنا أقنعت الرشيد , مبر و أخرون و تحت تحت كدا دايرين ندبل لعباس الشريف بتركية ... الا الكلام دا بينا هنا في المنبر ما يطلع...

-----------------
أساكة الكلام دا انا راجعته مرتين يعني خالي من الأخطاء النحوية و الإملائية و بروميد البوتاسيوم و الله علي ما أقوله شهيد .... يا خي بمناسبة بروميد البوتاسيوم دا داير أعمل لي فرن ما في حد بتبرع بعمل لي دراسة جدوي.....

سارة أنا ماخد تكليف من الجيلي رأساً اني أحرف البوست دي .... و هسي بنادي معاي شلة الإنحراف نحرفه لأم طرقاً عراض ....

انت بالمنافسة انا قنعت منك تعمل فرن ولا يدخلوك الفرن وتبقى زول حنكوش
برضها بقت ما فارقة معاى طالما انك باريت الجيلى خلاص عليهو العوض ومنو
العوض قال نحرف البوست قال ..ليه؟؟ رقشة ولا حنطور؟؟ ولا زى حمارك
الجيت بيهو امدرمان؟؟ عالم ما بتترقى اصلو!! يا ناس هوى اشهدوا انا قطعتوا
ناشف مع المدعو الجيلى وهانذى الحقه بحافظ *
* هانذى معناها انا سارة { شكرا بكور}

[الرشيد اسماعيل محمود]

المشاركة الأصلية كتبت بواسطة أسامة معاوية الطيب


وقت لي الغلاف بتجيهو تاني ؟

شكلو غلاف جوِّي عديل كدة ..

ياخي انا مهتم جدا بوجود الكتاب بين يديك

ونحن لينا الله..
أو كما قال الحكيم.

[سارة]

المشاركة الأصلية كتبت بواسطة حافظ حسين

ثمن كيلو الثلج 5 جنيهات
ثمن البدال جنيهان

ثمن رطل اللبن سبعة جنيه
ثمن الشوربة مية وخمسين قرش
ثمن الكوارع سفرة تذكرة طيارة لاتاتورك مرورا بــ عوج الدرب

[سارة]

الجيلى يا محروف اساسا
اساكة يا اجمل سديق وكت الديق
استغلالا اى مساحة فى البوست بغرض حرفه
تصب فى مصلحتنا

[أسامة معاوية الطيب]

[QUOTE=الرشيد اسماعيل محمود;347614][SIZE=4][COLOR=blue]ونحن لينا الله..
[SIZE=4][COLOR=blue]

الرشيد حننتني *


ــــــــــــــــــــــــ
* الرقم 55

[سارة]

المشاركة الأصلية كتبت بواسطة الرشيد اسماعيل محمود

وانت داير بيهو شنو..؟؟
الدب طبعا.
ــ
سارة سلامات..؟

الرشيد يا صديقى العزيز جدا

سلمك الله من كل شر وأذى

[همس الشوق]

السلام عليكم ( هرشته من الوريف)

شامه لي ريحة محلبيه
الحننو منو؟