المثقف والسلطه .. كلاكيت عاشر مرّه

imported_على ماجداب · 17-03-2011, 06:58 PM

الإتحاد الوطنى للشباب السودانى إبن عاتى وفتىّ للنظام ..واحد من أدواته لإقناع (استعباط) الآخر بتغلغل وهمى داخل مجتمع غريب هو عنه كما السلطه ايضا غريبه غربة ليست كتلك التى هى سترة حال باى حال ...
ولئلا يكون التعريف ناقصا فهو إذاً مقابل مشابه موازى (مافرقت)..لإتحاد الشباب السودانى أوان إن كان كما حكوا لنا والعهده على الحاكى .. وهو الآن رافد مهم لإستهدافه لفئه عمريه صارت بقدرة قادر الى تغيير حكومات وثورات وكلام فارغ بالشكل دا ... إذاً هو تنظيم غارق فى الغرضيه والتوجيه من ساسو والى ما شاء الله له.. ويصر القائمون على تسميات مثل إتحاد ونقابه والإسم يوحى باى شئ آخر غير التعيين ..يعنى ان ليس ثمة من يصدق ان هذا الإتحاد طوعى مدنى ..ودى براها سلامه .. ولكى لا أنسى ان هذا الاتحاد ايضا من مهامه توفير مراكز وهميه لمن يمسك على السلطه منّة ان قاتل لها وجاهد ويريد الثمن ..فلا مكان بعد إمتلاء الوظائف التشريفيه وخلو الخزائن من النياشين وصكوك النبلاء.. ماعلينا
سيف الجامعه .. ركيزه وهيطة من ركايز ثقافة الديمقراطيه لجيل محدد على الأقل .. ارتبط أسمه وسيرته بمصطفى صاحب النصيب الأكبر من الغناء النبيل والديمقراطى .. الذى يدعم فقط القيم .. ولا يتوجه لغيرها .. تغنى سيف لمحجوب .. مريم محمود .. ومريم ومى .. ثم نال جيل كامل من الديمقراطيين عندما تغنى ب(محمد أحمد شفتو كيف).. الشاهد انه من اتنبر سيف الوثوب مطاعنا ومضى لتلك الساحة بى كرعيهو .. لم ينصبه أحد قيّما على تلك الثقافه الحساسه جدا لحالة الأحرف .. حال تصرف محدد منه بينه وبين (مريم ومى) و(مريم محمود) ..فمنع من ترديدهما وللشاعر الحق كما وللمغنى الحق رغم اننا حاصرنا محجوباً بالأسئله .. ماعلينا
محمد محى الدين .. مفكر ومسرحى وشاعر وصابر.. مدنى (نسبه الى المدينه) .. كتب الرحيل على صوت فاطمه .. النص والرجل معاً مدعى لإعجاب فخم ..ويعضد إعجابك به حكايات (صالح على صالح )التى لا تنقطع .. و(صالح على صالح) حكايه أخرى ..
الفقرات دى بلمعها شنو ؟
الخبر :
فى فعاليه كبيره جدا لإتحاد الشباب الوطنى تحت رعاية الزبير بشير طه .. نقلتها قناة النيل الأزرق .. قام بإحياء الحفل سيف الجامعه والفعاليات التى كان من ضمنها زواج جماعى وغيره ممّا تعرفون .. قام الاتحاد ممثلا فى الوالى بتكريم رموز المدينه الثقافيه وعلى راسهم الأستاذ محمد محى الدين .. مصافحا ومحييا
ان الاتحاد لا يُسأل .. والزبير لا يُسأل .. ولكن ياسيف انت تُسال وأستاذى محمد محى الدين يُسأل ..البتسوو فيهو دا شن نفرو؟
ثم نوجد معاً تعاريف جديده لعلاقة المثقف بالسلطه ..واسبسيفك كدا المثقف السودانى والسلطه السودانيه واسبسفك اكتر سيف ومحى الدين واتحاد الشباب الوطنى .. وعلاقة النص بصاحبه .. وعلاقتنا نحن بصاحب النص ..والبودينا ليهو النص ويجيبنا .. هذا طبعا بعد ان تنجلى الزعله شويه لنستطيع التفكيرعلنا ..

الرشيد اسماعيل محمود · 18-03-2011, 10:58 AM

اقتباس:

المشاركة الأصلية كتبت بواسطة على ماجداب

ثم نوجد معاً تعاريف جديده لعلاقة المثقف بالسلطه ..واسبسيفك كدا المثقف السودانى والسلطه السودانيه واسبسفك اكتر سيف ومحى الدين واتحاد الشباب الوطنى .. وعلاقة النص بصاحبه .. وعلاقتنا نحن بصاحب النص ..والبودينا ليهو النص ويجيبنا .. هذا طبعا بعد ان تنجلى الزعله شويه لنستطيع التفكيرعلنا ..

ماجداب سلامات..
وإلي أن تنجلي الزعلة شويّة..
تجدني من المنتظرين لعودتك أكثر تحديداً وتماسكاً في تناول المشكل..
تحيّاتي.

imported_على ماجداب · 18-03-2011, 12:41 PM

اقتباس:

المشاركة الأصلية كتبت بواسطة الرشيد اسماعيل محمود

ماجداب سلامات..
وإلي أن تنجلي الزعلة شويّة..
تجدني من المنتظرين لعودتك أكثر تحديداً وتماسكاً في تناول المشكل..
تحيّاتي.

الرشيد إزيك ياخ ومشتاقين ياصديق
عارف ..انا كنت أعلى صوتا فى إمكانية مشاركة المبدع فى مسميات قوميه حتى وان لم تكن كذلك ..يعنى فعاليات وزارة الثقافه ما مشكله .. مسابقات الأغنيه (ميلاد الاغنيات )دا كلو كان شغل كويس ومافيهو مشكله..يعنى فى فرق واضح فى المشاركه .. بس الإحتفال بتاع امس دا ما محلهم كلو كلو ياخ .. يالرشيد المنظر بتاع الناس دى ما كان حلو.. طيب ياخ ممكن الحاجات دى تكون فلكسبل لحدى وين ؟

17-03-2011, 06:58 PM	#[1]
imported_على ماجداب :: كــاتب نشــط::	المثقف والسلطه .. كلاكيت عاشر مرّه الإتحاد الوطنى للشباب السودانى إبن عاتى وفتىّ للنظام ..واحد من أدواته لإقناع (استعباط) الآخر بتغلغل وهمى داخل مجتمع غريب هو عنه كما السلطه ايضا غريبه غربة ليست كتلك التى هى سترة حال باى حال ... ولئلا يكون التعريف ناقصا فهو إذاً مقابل مشابه موازى (مافرقت)..لإتحاد الشباب السودانى أوان إن كان كما حكوا لنا والعهده على الحاكى .. وهو الآن رافد مهم لإستهدافه لفئه عمريه صارت بقدرة قادر الى تغيير حكومات وثورات وكلام فارغ بالشكل دا ... إذاً هو تنظيم غارق فى الغرضيه والتوجيه من ساسو والى ما شاء الله له.. ويصر القائمون على تسميات مثل إتحاد ونقابه والإسم يوحى باى شئ آخر غير التعيين ..يعنى ان ليس ثمة من يصدق ان هذا الإتحاد طوعى مدنى ..ودى براها سلامه .. ولكى لا أنسى ان هذا الاتحاد ايضا من مهامه توفير مراكز وهميه لمن يمسك على السلطه منّة ان قاتل لها وجاهد ويريد الثمن ..فلا مكان بعد إمتلاء الوظائف التشريفيه وخلو الخزائن من النياشين وصكوك النبلاء.. ماعلينا سيف الجامعه .. ركيزه وهيطة من ركايز ثقافة الديمقراطيه لجيل محدد على الأقل .. ارتبط أسمه وسيرته بمصطفى صاحب النصيب الأكبر من الغناء النبيل والديمقراطى .. الذى يدعم فقط القيم .. ولا يتوجه لغيرها .. تغنى سيف لمحجوب .. مريم محمود .. ومريم ومى .. ثم نال جيل كامل من الديمقراطيين عندما تغنى ب(محمد أحمد شفتو كيف).. الشاهد انه من اتنبر سيف الوثوب مطاعنا ومضى لتلك الساحة بى كرعيهو .. لم ينصبه أحد قيّما على تلك الثقافه الحساسه جدا لحالة الأحرف .. حال تصرف محدد منه بينه وبين (مريم ومى) و(مريم محمود) ..فمنع من ترديدهما وللشاعر الحق كما وللمغنى الحق رغم اننا حاصرنا محجوباً بالأسئله .. ماعلينا محمد محى الدين .. مفكر ومسرحى وشاعر وصابر.. مدنى (نسبه الى المدينه) .. كتب الرحيل على صوت فاطمه .. النص والرجل معاً مدعى لإعجاب فخم ..ويعضد إعجابك به حكايات (صالح على صالح )التى لا تنقطع .. و(صالح على صالح) حكايه أخرى .. الفقرات دى بلمعها شنو ؟ الخبر : فى فعاليه كبيره جدا لإتحاد الشباب الوطنى تحت رعاية الزبير بشير طه .. نقلتها قناة النيل الأزرق .. قام بإحياء الحفل سيف الجامعه والفعاليات التى كان من ضمنها زواج جماعى وغيره ممّا تعرفون .. قام الاتحاد ممثلا فى الوالى بتكريم رموز المدينه الثقافيه وعلى راسهم الأستاذ محمد محى الدين .. مصافحا ومحييا ان الاتحاد لا يُسأل .. والزبير لا يُسأل .. ولكن ياسيف انت تُسال وأستاذى محمد محى الدين يُسأل ..البتسوو فيهو دا شن نفرو؟ ثم نوجد معاً تعاريف جديده لعلاقة المثقف بالسلطه ..واسبسيفك كدا المثقف السودانى والسلطه السودانيه واسبسفك اكتر سيف ومحى الدين واتحاد الشباب الوطنى .. وعلاقة النص بصاحبه .. وعلاقتنا نحن بصاحب النص ..والبودينا ليهو النص ويجيبنا .. هذا طبعا بعد ان تنجلى الزعله شويه لنستطيع التفكيرعلنا ..
imported_على ماجداب :: كــاتب نشــط::	التوقيع: [frame="1 80"]إن بكى قلبى عليه بدموع من لهيب فى وجيب لا غرابه عُشرة كانت بحق جاوزت حد القرابه[/frame]