ثرثرات عن أغانى وأغانى..

[الجيلى أحمد]

المشاركة الأصلية كتبت بواسطة احمد زين

بالامس كنت مشارك في نقاش ونقد مباشر للبرنامج مع مخرجه الفنان والمخرج الشاب مجدي عوض صديق استمر النقاش منذ الثامنة والنصف مساء الجمعة ( زمن ختام الحلقة) وحتى الخامسة والنصف من صباح اليوم السبت وكان حقيقة نقاش ثر سيستفيد منه الاخ مجدي في السنوات القادمة اذا ربنا مد في الاعمار
ساحاول ان شاء الله رفد هذا المفترع بجملة من آراء المتحاورين جنبا الى فكرة المخرج

تحياتى يادوك,
ياريت تقدر تعكس فكرة الشاب دا وطريقة إخراجو المثيرة للتساؤل
كلنا انتظار

[الجيلى أحمد]

المشاركة الأصلية كتبت بواسطة خال فاطنة

حسين يمكننا انصافه كزول مجود شأنه شأن الكثير من المبدعين الذين مروا على البرنامج...و لكنه لا يمتلك الذي يجعله بوصفك اعلاه...

بسمع ياخالا فى أغنية أسحار الجمال من سماعة مكربة .. الآن .. ناو
ياخ دا تطريب عجيب من الود الصغنبوتى دا..
وانت سيد المدركين للفرق العظيم بين التطريب والغناء..ز
تطريب تانى كيف؟

و لكنه لا يمتلك الذي يجعله بوصفك اعلاه

كزول أضانك نضيفة, ممكن اسألك؟
أين الذى لايمتلكه فى وصفى أعلاه؟

[الجيلى أحمد]

المشاركة الأصلية كتبت بواسطة حافظ حسين

غايتو عصام محمد نور مفروض يبقي مؤذن و عاصم البنا يبقي مسحراتي

من يوم بهدلتو لأغنية المهرجان بقيت مابقرش صوتو..
بيديك إحساس إنك قاعد فى طابية وبيقوقى فى راسك سيدو الحسن

[الجيلى أحمد]

المشاركة الأصلية كتبت بواسطة فيصل سعد

يمكن فك احتكار اغنية الوسط الإمدرمانية و التنويع بالتراث السوداني الغني شمالا و شرقا و غربا و جنوبا..

تحايا و ود و احترام..

يامسافة
أغنية الوسط دى واحدا من إشكاليات البرامج المختصة دى..
يعنى عمك قدور مابيعرف غير حكاوى أمدرمان, ودا مردود طبيعى للنشأة بتاعتو,
مامطلوب إنو يكسر رقبتو عشان يبحت وهو فى عمرو دا, يوثق فيه للمتاح من ثقافته والأداوات التى تمكنه من إدارة برنامج بطول وعرض, كزول حكاى وعندو مقدرة إنو يتحول لحبوبة...

الاغنية الأمدرمانية تعتنى بتوصيف حالها.
وهو حال متفرد فى الانكفاء على المجتمع المغلق
إعادة تدوير لاتكل ولاتمل

[اروي حامد عبد الله حامد]

المشاركة الأصلية كتبت بواسطة الجيلى أحمد

الود حسين الصادق..
صوت كالمأس..
أو كما جاء فى الأثر
صوت حسين إخيولة ونبع

ازيكم
الوصف دا ما واسع عليه ياجاليلو
صوته جميل بس لايخلو من الهنات
مؤيدة جدا لي كلام ادم مجود
حسين عشا البرنامج مقيده بي اغاني انت شايفه مبدا واخيولة سمعته خارج البرنامج ؟ سمعت ليه اغنيات غير الطرحها؟
لو جاوبت علي السؤالين ديل احتمال ارتفاع اعجباك بيه ينخفض
برنامج اغاني واغاني كان جاذب جدا او يكون تاثيره اكبر لو اتعدي حدود الفنانيين الممرحلي ي عمر البرنامج يعي مفروض يكون في اتاحت فرص لي اصوات تانية تقدر تجدد في عمر البرنامج غير كدا ماممكن سنة فنان يكون في قمة الهرم السنة البعدها اسفله السني مثال حسين السنة الفاتت لايذكر السنة دي في التوب طه محافظ
الفكرة العايزة اقولها لو كل سنة بتكون في اوجه واصوات جديدة البرنامج بيشد انتباه ناس اكتر حاليا اسهم اابرنامج في النازل لانه ماشابه اليوم بالامس مافي جديد

[الجيلى أحمد]

حسين عشا البرنامج مقيده بي اغاني انت شايفه مبدا واخيولة سمعته خارج البرنامج ؟ سمعت ليه اغنيات غير الطرحها؟

ملاحظتك جيدة يافردة..
أول مرة أسمعو ياأروى

[الجيلى أحمد]

المشاركة الأصلية كتبت بواسطة عبد المنعم حضيري

حسين ما زالت هنالك مفازة بينه وبين اذن المتذوق الحصيف عليه وحده يقع عبئ تقصيرها او ازالتها كليا ... نشجعه نعم ... نطلق عليه الالقاب في هذه المرحلة كو.

تحياتي جيلي القوم

ليك التحيا يامنعم
ياجماعة يمكن تتكلمو عربى؟
مفازة شنو ياخ

[الجيلى أحمد]

المشاركة الأصلية كتبت بواسطة خالد غالي

والحركة دي انا وجعتني شديد خلاص وقرر ما اكمل باقي الحلقات

كيف ماتوجعك وانت قاعد فى السعودية بنين؟

[اروي حامد عبد الله حامد]

خلاص يافردة
ولا يغرنك
انا اللفت نظري ليه الشباب البيسمعوه فقلت اسمعه وتابعته متابعة جيدة في اغاني بيقطعها واغاني بيضرسك فيها لسسسسه عايز شغل عشان يجود اداءه مابحب الفنان طالع نازل مجتهد مع نفسه بدي ينتقي شعراء مسموع ليهم عبر ريحة البن يعني بيسندوا في بعض
علي العموم برسل ليك اغنياته وتعال اديني قرايتك

[الجيلى أحمد]

ولا يغرنك

ريحة البن كويسة..

أشارطك يافردة على صوت حسين وموهبتو الطاغية.
الود دا حايكون نمبر ون فى الغناء السودانى
والأيام بيننا دول

[الجيلى أحمد]

حديد لاقا حديد

YouTube

...

YouTube

___
يحليل محمدية.. حليلك يابا وحيليل كمنجتك

[احمد سيداحمد]

. هناك عبارة مهمة يا الجيلي قالها السر قدور عندما كان يقدم حلقة الفنان ( النعام آدم)...قال ان النعام ادم قدر ينقل غنية الطمبور من غنية مناطق لغنية ذات طابع قومي...لم افهم مقصده بالضبط، و هو لم يفسر معنى غنية قومية...لكن بالطبع هنا تكمن رؤيته الشخصية للغنية القومية...

سلام يا آدم وكيف حالك ؟
ما فهمته من كلمة اغنية قومية ، انه النعام آدم طلع اغنية الطمبور من مناطق الشايقية والبديرية الى كل السودان ، بمعنى انه اغنية الطمبور كان يستمع لها الشايقية والبديرية ومن يجاورهم فقط ، ولكن بعد ظهور النعام آدم ومجيئه الى الاذاعة ، اصبحت اغنية الطمبور مسموعة في كل اقاليم السودان ، واصبح فناني الطمبور معروفين على نطاق السودان ، والدليل على كدة انه اكتر فنان لديه جمهور في الوقت الحالي هو فنان طمبور ، وهو الفنان محمد النصري.
تحياتي

[عبد المنعم حضيري]

المشاركة الأصلية كتبت بواسطة الجيلى أحمد

ليك التحيا يامنعم
ياجماعة يمكن تتكلمو عربى؟
مفازة شنو ياخ

كدي بعد ترسل ليك أختنا أروى اغاني ليهو غير السمعتها عبر البرنامج وحكمت بيها عليهو وصنفتو ولبستو جلابية أكبر منو .... بعدين بتضح ليك المفازة .... وكان ما وضحت برضو بتلقانا حاضرين

كسرة: البوست فيهو آراء رهيبة... وما ساهلة ....فشنو ....خليك حاضر طوالي بقدر الإمكان ما تشر الناس يومين تلاتة ...
تحياتي

[عايد عبد الحفيظ]

أستاذنا الجيلي
أسعد الله اوقاتك
تعرض اغاني واغاني لهجوم متعدد الأغراض
والأهداف شارك فيه حتى أئمة المساجد . .
كان في بداياته ثورة على برامج الغناء والحوار
الخفيف التقليدية الباردة . . كانت حتى ضحكة
السر قدور المنطلقة ثورة وتغيير على الانضباط
غير المبرر الذي ساد هذه البرامج .
حينما كان السودان بحدوده القديمة وثقافاته
المختلفة . . المتصالحة مع بعضها البعض . . .
كانت العاصمة . . امدرمان . . تستقبل الثقافات
الواردة إليها . . أدبا وغناءا ورقصا فتطفو على
سطح الحياة الثقافية الاجتماعية في العاصمة
لكنها سرعان ما تنصهر وتندمج مع الثقافة السائدة
ويخفت صوتها المنفرد ولكنها تكون قد شكلت للصوت
الجماعي . .
هذا ما كان قبل تقسيم السودان وتنامي النزعات
القبلية والجهوية ومرحلة الحروب المستمرة السدي
أما الآن . . فقد طفت على سطح الحياة الثقافية
حالة التشرزم والتشتت كانعكاس لواقع الحياة في
السودان .
وأنا امدرمان . . أنا السودان . .و يا ليتها تعود

[خال فاطنة]

يا الجيلي ركز على كلام منعم و خليك مرابط...اسئلة ماكنة و خلاصات كبيرة زي الجيت بيها دي دايره زول يصاقر البوست ...
كلام اروى مهم في كون حسين و لا حتى حتى طه يستطيعون حمل راية الغناء لقدام...نظرا لاختياراتهم و انتاجهم البعيد من الغناء الرصين الجيد من حيث الكلمة و الجمل الموسيقة و اللحن...الغناء القاعد تسمعو منهم دا فارضو جو البرنامج...
البرنامج تطرق لالوان غنائية ذات طابع مناطقي يا الجيلي...و لسه قدامو الكتير...
عيبو في اختيتر الفنانين المجيدين، و الاختيار ربما تدخل فيه مقاييس و اعتباراات اخرى غير الامكانات و غير مرئية...
شباب مثل عمر جعفر.. مبارك الشيخ ... محمد تبيدي يجب ان يكونو ضمن المجموعة...ربما تكون الكلمة الفصل هنا ليست لقدور وحده، و ربما تدخل المجاملات في اختيار المجموعة...
هناك من دخل المجموعة مرة واحدة و لم يكررها مثل شموس احمد الصادق عمر جعفر فصل ايوب ياسر تمتام سميرة دنيا. لا ندري كيف يتم الاحلا و الابدال...و لماذا ثبات اسماء مثل طه عاصم البنا عصام محمد نور افراح ريماز منار حسين...يمكنك الاتفاق معي ان جودة الاداء و الامكانات الفردية ما حاضرة في الفلترة و الريبليسمنت الحاصل دا.