نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 08-04-2013, 08:58 AM   #[1]
أميرى
:: كــاتب نشــط::
الصورة الرمزية أميرى
 
افتراضي سوق الله أكبر...الحساب ولد

في البدء كانت الكلمة
وكان ...الخنجر

البوست ده حيكون بلغة شديدة السوقية
فعذرا مقدما

كحلفاوي سب الدين مقدم عندي علي الدين..أو هكذا إنطبع في أذهان الناس
ولكني سأخيب ظني اليوم
و سأكتفي بالدين
أما السب فغيري كفيل به

ده عرض ليوم واحد بس علي فكرة

بسم الله نبدأ و ليغفر لنا الخالد الحاج



أميرى غير متصل   رد مع اقتباس
قديم 08-04-2013, 09:08 AM   #[2]
يحي عثمان عيسي
:: كــاتب نشــط::
الصورة الرمزية يحي عثمان عيسي
 
افتراضي

ينصر دينك



التوقيع: أكان ما جور زمان وناسا فهمها قليل
شرك أم قيردون كيفن بقبض الفيل


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ياحليل زولا دفقلي رحو
يحي عثمان عيسي غير متصل   رد مع اقتباس
قديم 08-04-2013, 09:16 AM   #[3]
أميرى
:: كــاتب نشــط::
الصورة الرمزية أميرى
 
افتراضي

بدلا أن تلعن الظلام أوقد شمعة

ده حنك نمل ساي
فإنا سنلعن الظلام و سنترك مهمة الشمع لآخرين أقدر منا علي إشعال عود الثقاب
و مياهنا جاهزة للإطفاء علي كل حال

...
و نهار أمس يضع حدا فاصلا بين سودانيات عرفناها و سودانيات ما بعد حافظ حسين

و نعود لنفكك أحجية العار
و فض غشاء أخلاقيتنا المقدودة من دبر



أميرى غير متصل   رد مع اقتباس
قديم 08-04-2013, 09:52 AM   #[4]
أميرى
:: كــاتب نشــط::
الصورة الرمزية أميرى
 
افتراضي

إتعودت علي أن أبدا البوستات ولا أكملها
و أكتفي أن تظل مبتوره هكذا تحكي عن قلقي العظيم
لكني هنا سأحاول أن أتلافي الإكمال و أحتفي بالبتر
غلوتية صح؟

...
التهديد بنشر بخصوصيات الناس خارج المنبر ده درس عصر جديد لن يشرفنا حضوره
ولن نسمح به هنا و نتجاوز الأمر بالطبطبة و حكاية الناس أخوان و دي لحظات زعل
هذا شئ لن نسمح به في منبر الخالد و إن تلكأت الإدارة في الحسم و مدت حبال حرية الرأي
فإنا غير

فإن إنزلق المنبر لهذا فسنسبق بالإنزلاق و نخش الإنداية برجلنا اليمين و بدون بسم الله

أن لا يري كثيرون سوء الأمر الذي إبتدره فتحي و محاولاتهم سد باب الريح بالطبطبه ف ده شي خطير سيتمادي بعده الناس حتي يجي اليوم النقرا فيهو مداخلة من شاكلة
يا نقط نقط نقط أنتي مش فلان شحدك يومتها و فصلتي؟

سيأتي هذا اليوم

و قبل أن نكون شهود عليه
سنمضي مع حافظ خارجا ولن نلتفت إلي الوراء

...
والصاحب اللي ما كسبت مودته لا تخسره

وإنا يكفينا حافظ من كل هذا
و تكفينا مودته

ولا سلام



أميرى غير متصل   رد مع اقتباس
قديم 08-04-2013, 10:36 AM   #[5]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
سوق الله أكبر...الحساب ولد
دا تمييز ذكوري ما أكتر!، ليه الحساب ما ممكن يكون بت؟!
أسمع:
لو السلفي مرق وقال مع السلامة لأيّ سبب تاني، كان الموضوع حيكون مقبول وإن شاءالله يشرب ما يروي، لكن:
الاتعرّض ليهو حافظ دا، مفروض الناس تتوقف عندو كتير، لأنها حركة ما عندها علاقة بالأخلاق ولا الانسانية في شي، مشكلتنا المزمنة هي تساهلنا مع الاشياء تحت شعار التواصل والمحبّة وهيك شغلات.

عندي رغبة أجي البوست دا تاني، أها، تجي ولّا نجي؟!



الرشيد اسماعيل محمود غير متصل   رد مع اقتباس
قديم 08-04-2013, 11:52 AM   #[6]
AMAL
:: كــاتب نشــط::
الصورة الرمزية AMAL
 
افتراضي

ياولد سميرة
ان شاء الله يدك ماتوجعك
لي كم يوم محتجبة وطمامي ليمون العالم مابكفيه
ماغااظني شي قدر السادة
الملطفاتية والمهوناتية والمهظراتية
وبتوع الونسة في بيت البكا
واكثر الاماكن حزنا ومأساوية
الناس لازم تقيف الف احمر
شنو هو اصلو هو العروض السمجة دي
مرة فاتيات ومرة تهديد وابتزاز
ونحن ولا نحن هنا
لا ويقول ليك زول كبير وقدر ابوك
الكبير اولي بان يحترم نفسو
وكبرو عليه مش ليه
وبطن بيتو اولي بيه
enough is enough



AMAL غير متصل   رد مع اقتباس
قديم 08-04-2013, 12:56 PM   #[7]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة أميرى مشاهدة المشاركة
و نعود لنفكك أحجية العار
و فض غشاء أخلاقيتنا المقدودة من دبر
اللائحة قبل أن تكون نصاً يُقرأ، هي بالأساس خلقاً قويماً وضميراً يوخز كلّما مالت الرغبة لـ الإنطلاق (أو الإنطلاقة) بالقاف الدارجة.
إذا مرّ ما حدث لحافظ حسين عضو سودانيات مرور الريح الخفيفة، يبقي السلام علي شعار التواصل والمحبّة، والسلام علي رقابة الضمائر وقبله الاخلاق والحياء، والفاتحة علي كل من يختشي.
الوقائع:
فتحي مسعد حنفي يقوم بتهديد حافظ حسين بنشر حيثيات حياتية خاصة (لا علاقة لها بالمنبر) في الإسفير عموماً (بما فيه سودانيات طبعاً)، هذه الحيثيات ستجعل حافظ حسين يعتزل الحياة الإسفيرية ويلعن اليوم اللمّاهو في فتحي (التعبير الاخير من عندي).
النتيجة حسب الترتيب:
- دخول الاعضاء مطالبين فتحي بالاعتذار
- استيضاح من حافظ وموافقة علي نشر التفاصيل كاملة.
- رفض فتحي مسعد ليس للإعتذار فقط، بل في التوضيح لحافظ (سيد الحق)
طيّب:
ما الفائدة (علي المستوي المعرفي) من التلويح بذلك من قبل فتحي مسعد حنفي؟
وإذا كان يعرف سلفاً عدم مقدرته علي نشر حيثياته التهديدية، لماذا قام بالتلويح بها؟
وماذا تعنيني حياة حافظ حسين الخاصة في إطار التحاور والتجاور الاسفيري وتدوير المعرفة فيه؟
وما علاقة حياة حافظ الخاصة بالمنتدي حتي يهدَّد بها؟
إفتراض:
نفترض أنّ شيئاً من تلك القوالات التي هدّد فتحي مسعد بنشرها، نفترض حقيقيتها، ماذا يعني ذلك؟
يعني خلاص الباقيين ملايكة (بما فيهم فتحي مسعد) ومفروض يرموا حافظ بحجار القوالة البتشبه قوالة لمّة الجبنة في سوئها وبياختها ولا اخلاقيتها وشطحها؟
ياخي أسوأ ما يمكن حدوثه في الإسفير، ما حدث لحافظ حسين، والبعض يضحك ويطبطب ويهوِّن الأمر، بالرغم من إمتناع فتحي مسعد عن التوضيح، لا، بل حتي الاعتذار. لا بالله!!!!
نقطة:
لا يضطلع علي خصوصيات الناس، إلا الراغبين في مسِّ أعراض الناس، ولا يهتم بأسرار الآخرين، سوي المترصدين الباحثين عن ثغرات وعيوب الآخرين لتمنحهم ميزة إضافية عليهم (نظام أعمل حسابك، أنا ماسك عليك حاجة)، وذلك أسوأ ما في الإنسان.
أسوأ ما في الانسان هو ما أتي به فتحي مسعد حنفي الذي هو في مقام والد حافظ (عُمْراً طبعاً)، فمن تسوِّل له نفسه إيذاء الآخرين عن طريق تصيّد خصوصياتهم، يصبح في عداد المرضي المهووسين، أولئك الذين يعانون من نقص ليس بوسعهم إكماله سوي عبر آلية رخيصة ولا أخلاقية.
وهل الأخلاق سوي احترام الذات أوّلاً!
العضو فتحي مسعد علي أقل الفروض قام باختراق اللائحة المنظة للمنتدي، ولم تتحرّك منظومة الادارة حتي الآن!!!
السؤال:
ما المانع من ذلك؟!!
لماذا لم تتخذ إجراءات لتلافي ما حدث؟؟
وإذا افترضنا عدم وضع المآلات الراهنة في اعتبار أنها ستحدث، لماذا لم تتحرّك بعد حدوثها إذن؟؟
هل ما قام به فتحي مسعد حنفي هيناً (زيّ شراب الزبادي بالسفن أب)، ولّ الموضوع ما بستحق؟!
وهل نحن كعضوية سودانيات، يجب أن ندين ونشجب (لأننا سودانيين) ولّ هناك أكثر من ذلك؟؟
وهل لأنّ العضو المتعدِّي قال بمغادرة سودانيات يعني إراحة الإدارة من إبداء وجهة نظرها لائحياً علي ما حدث؟
بعد الذي حدث:
بتفرق شنو مثلا لو مشي فتحي مسعد ولّا قعد؟، هل إنتفي الخطأ؟، هل سقط التعدِّي، هل جبّت مغادرة فتحي مسعد (غير المؤكّدة) تعريضه وتهديداته لحافظ حسين؟، هل سيعود للزجاج الذي انكسر لمعانه وصفوه؟، هل بإمكاني الوثوق بشعار المحبّة والتواصل لاحقاً؟!!
اللائحة في أبسط تعريفاتها ليست "لمنع الآخر، ولكنها لحماية الآخر" ، ليست لمنع فتحي مسعد، بل لحماية حافظ حسين، والعكس.
بالنسبة لي في الحالة دي؛ ما فرقت كونو فتحي مسعد يمشي، لكن بتفرق لمّا حافظ حسين يمشي مكسور الخاطر، إثر شطحات فتحي مسعد حنفي (المعهودة)، ونحن (عضوية علي إدارة) لا نحرّك ساكناً.
فتحي مسعد هدّد حافظ حسين ورفض يعتذر، فوق لكدة كابر وعاند، واتحدّي الإدارة والجنّ الاحمر (كمقياس لعدم الخوف حسب تعبيره) وحتي أسألوا شوقي بدري، قوّم المنتدي ليلة وضحاها، رفض يتنازل عن موقفو، وفي النهاية جا قال "والله ممكن كلامي يكون نتيجة إنفعال وزعل"!!!!!
طيّب:
الضمان شنو بكرة يجي عضو يقول للناس "الرشيد دا بتاع" ويقوِّم نفس المنتدي وتاني يوم يجي يكب ليهو إعتذار "أو يتبرّع عضو بكتابة إعتذار يليق بسودانيات" إنابة عنو والأمور تمشي زيّ القطر!

في حاجات كدا، ما بحسّ بيها إلا الزول الواطيها، لذلك يبدو أننا لن نحس إلا بعد أن نطأ، وسيكون ذلك قريباً طالما الحاجات ماشة علي هذه الشاكلة.
مش قلت سوق الله أكبر!!
ياخي الله أكبر علي أيّ حاجة!!



الرشيد اسماعيل محمود غير متصل   رد مع اقتباس
قديم 08-04-2013, 01:19 PM   #[8]
سارة
:: كــاتب نشــط::
الصورة الرمزية سارة
 
افتراضي

الرشيد انا معك فى كل حرف كتبته
موافقة تماما

وزى ماقال اميرى
سنمضى مع حافظ ولن نلتفت الى الوراء
ودا اسلم حل

حافظ يمشى انا بمشى



التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا
لك الرحمة ياخالد ولنا صبرا جميلا
سارة غير متصل   رد مع اقتباس
قديم 08-04-2013, 01:22 PM   #[9]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة أميرى مشاهدة المشاركة
التهديد بنشر بخصوصيات الناس خارج المنبر ده درس عصر جديد لن يشرفنا حضوره
ولن نسمح به هنا و نتجاوز الأمر بالطبطبة و حكاية الناس أخوان و دي لحظات زعل
هذا شئ لن نسمح به في منبر الخالد و إن تلكأت الإدارة في الحسم و مدت حبال حرية الرأي
فإنا غير
يا شاب:
الاعضاء عليهم (بشكل غير مُلزِم) مهمّة تحقيق شعار التواصل والمحبّة، أمّا حماية الشعار، فهي مسؤولية الإدارة المنوط بها تطبيق القانون المنظم، التواصل هو حجر زاوية منتدي سودانيات دون غيرها من الأسافير الممتدّة، وحين لا تتحرّك الادارة في تلافي كل ما من شأنه زعزعة ذلك الحجر، سيحل التوجُّس محل الشعار بعد حذفه في أعلي المنبر (التوجس خلِّي بالك نائب فاعل التواصل)، وسنجد أنفسنا في درس عصر لا يشرّفنا حضوره.
إقتراح:
أيّ عضو يكتب خصوصياتو في البروفايل، عشان مافي زول يتهدّد عبرها، وبكدا نكون حققنا حاجتين:
شلنا بند تهديد الاعضاء بخصوصياتهم من اللائحة لأنو ما قاعدين نستخدمو (لعدم الحوجة)..
كسبنا زمنا في حاجات تانية ليس من ضمنها ميزة إنك تمسك عليّ حاجة.
فهل:
ستعمل توتة علي إكمال الحدُّوتة!



الرشيد اسماعيل محمود غير متصل   رد مع اقتباس
قديم 08-04-2013, 02:27 PM   #[10]
جيجي
:: كــاتب نشــط::
 
افتراضي

لا والله يا ناس الحارة
ياخ اتكلموا عن نفسكم ودافعوا عن حافظ مافي زول بيسالكم
لكن
كل زول عنده طريقته ووجهة نظره واسلوبه ونظرته وثقافته البعالج بيها الحاجة حاف ظ مازول صغير عشان الناس تقيف ليه على حيلها فقط بنحاول نهديء الوضع كل على طريقته ثم ا نه ا اللوائح دي مش كلو شيء
وهي البتحكم الناس بعيدا عن كل شيء لي الناس هنا جرت تفتش عن الاخلاق



جيجي غير متصل   رد مع اقتباس
قديم 08-04-2013, 05:45 PM   #[11]
AMAL
:: كــاتب نشــط::
الصورة الرمزية AMAL
 
افتراضي

اقتباس:
المشاركة الأصلية كتبت بواسطة جيجي مشاهدة المشاركة
لا والله يا ناس الحارة
ياخ اتكلموا عن نفسكم ودافعوا عن حافظ مافي زول بيسالكم
لكن
كل زول عنده طريقته ووجهة نظره واسلوبه ونظرته وثقافته البعالج بيها الحاجة حاف ظ مازول صغير عشان الناس تقيف ليه على حيلها فقط بنحاول نهديء الوضع كل على طريقته

قاصدة منو تحديدا بالمخاطبة دي
فترنا من الطواقي

اقتباس:
ثم ا نه ا اللوائح دي مش كلو شيء
وهي البتحكم الناس بعيدا عن كل شيء لي الناس هنا جرت تفتش عن الاخلاق
الكلام دا تم استهلاكو لما بقي باهت
بس مافي مانع نناقشك فيه اذا بقيتي واضحة اكتر
ورينا ياتو مداخلة الزعلتك ووين اتكلمنا عن لوائح واخلاق
ولعلمك زول بدافع عن حافظ مافي
لانو لا متهم ولا محتاج محامي
بندافع عن حقنا في اننا نعيش في حتة نضيفة
لا مكان فيها للمبتزين ومنتهكي الخصوصية والبرمو الكلام علي عواهنه
اتخيل لي معانا في دا مش؟



AMAL غير متصل   رد مع اقتباس
قديم 08-04-2013, 06:14 PM   #[12]
أبو أماني
:: كــاتب نشــط::
 
Thumbs up سارة والرشيد وحافظ كان مشيتو أنا القاعدلها شني؟؟

اقتباس:
المشاركة الأصلية كتبت بواسطة سارة
الرشيد انا معك فى كل حرف كتبته
موافقة تماما

وزى ماقال اميرى
سنمضى مع حافظ ولن نلتفت الى الوراء
ودا اسلم حل

حافظ يمشى انا بمشى

والله ياني المطبق نعلاتي وحفيان وراءكم .. يعني معقول بس مافي حل غير كده ..؟ القضية في غاية البساطة .. كلنا خطأء وخيرنا التواب .. لا ده يمشي لا ده يزعل الغلطان بإجماع الكل فتحي مسعد .. إذن فتحي ينعل الشيطان ويتواضع للذي خلقه (لكي يرفعه ثانية) ويعتذر للعزيز حافظ حسين .. في بوست خاص به ويبرر فعلته تلك بغير العذر الواهي الوارد سلفا .. وأفتكر فتحي رجل عاقل جدا ويعرف جيدا أن الحق حق .. وإن الباطل باطل .. وذهق ربك الباطل لأنه خلق ذهوقا .. ولتعد سودانيات منبرا للتواصل والتوادد والتراحم لا للتجافي والتنابذ والخوض في أعراض الآخرين رجما بالغيب لأن لا يعلمه إلا الله .. وكل ذلك من أجلنا وأجلكم وأجل الراحل المقيم مفترع هذا المنتدي وباريه .. يرحمني ويرحمكم الله من كل شر بدأ بالإنقاذ .. آمييييين يا رب العالمين ويا حافظ يا أخوي لا طبطبة لا جبجبة .. هات رأسك .. وهاااااك
.. الله؟ ده شنو؟.. القمل ما قالوا إنتهى ...!!gap



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 10-04-2013, 06:50 AM   #[13]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة جيجي مشاهدة المشاركة
ا نه ا اللوائح دي مش كلو شيء
وهي البتحكم الناس بعيدا عن كل شيء لي الناس هنا جرت تفتش عن الاخلاق
تعبير (ليه الناس هنا)، بيستلزم وجود تعبير (ليه الناس هناك) كمعادل ظرفي بالضرورة، قامت عليهو المقارنة، يبقي عشان ما نمشي ساي، بتبرّع وأقول إنو الـ (هناك) بتعني متلازمة لائحة/اخلاق إبّان فترة الانتخابات وحشدها، وانا من ضمن الناس الإتمسّكت وطالبت باللائحة كمرجعية وما زلت متمسِّك.
أقول ليك السبب
التوضيح:
النصوص اللائحية هي نصوص اخلاقية بالضرورة، لمّا نتكلم عن اللائحة، بدون شك بنتكلم عن الاخلاق، لأنو لمّا البنود تمنع الكذب، الإساءة، الابتزاز، التهديد، السب، التمييز.. إلخ، هي بالاساس بتمنع الممارسات اللا أخلاقية لا غير.
يبقي هنا يا جيجي لمّا نتكلم عن الاخلاق، يبقي الكلام بكون برضو عن اللائحة دي ذاتها.
في الانتخابات، كلُّ ما تمّ كان في إطار اللائحة "سارية المفعول" شئنا أم أبينا، وكانت مطالبتي بالإلتزام بيها، ما عشان أنا ما شايف غلط، بل عشان نحترم اللائحة "الموجودة" أوّلاً، وما نلتف عليها، حتي بعديها الناس تفكِّر في تعديلها وفقاً للمستجدّات.
النتيجة:
عدم الالتزام باللائحة هو عدم إلتزام بالأخلاق، لذلك، لو زول إتجاوز اللائحة وجيت أنا قلت ليهو حركتك دي ما أخلاقية، وجيتي قلتي لي :
مالك ومال الاخلاق هنا، اللائحة موجودة؟
طوالي بسألك: طيب الفرق هنا شنو بين اللائحة والاخلاق؟ (والسؤال مفتوح للإجابة)
لكن لمّا زول ما يتجاوز اللائحة هناك، وتجي جيجي تتكلم عن الاخلاق، بجي بقول ليك طيب مش في لائحة؟، خلينا نلتزم بيها الأوّل وبعد داك نشوف إمكانية استحداث وتضمين يُتفق عليهو.
يعني ما حتقدري تقولي لي الفرق شنو، لأنو الفرق حينها إنو أنا بتكلم عن نص موجود، وجيجي بتتكلم عن نص يجب أن يكون موجوداً.
بس، دا الفرق ما بين هنا و هناك

تحياتي



التعديل الأخير تم بواسطة الرشيد اسماعيل محمود ; 10-04-2013 الساعة 07:21 AM.
الرشيد اسماعيل محمود غير متصل   رد مع اقتباس
قديم 10-04-2013, 10:16 AM   #[14]
همس الشوق
:: كــاتب نشــط::
الصورة الرمزية همس الشوق
 
افتراضي

اقتباس:
المشاركة الأصلية كتبت بواسطة الرشيد اسماعيل محمود مشاهدة المشاركة
اللائحة قبل أن تكون نصاً يُقرأ، هي بالأساس خلقاً قويماً وضميراً يوخز كلّما مالت الرغبة لـ الإنطلاق (أو الإنطلاقة) بالقاف الدارجة.
إذا مرّ ما حدث لحافظ حسين عضو سودانيات مرور الريح الخفيفة، يبقي السلام علي شعار التواصل والمحبّة، والسلام علي رقابة الضمائر وقبله الاخلاق والحياء، والفاتحة علي كل من يختشي.
الوقائع:
فتحي مسعد حنفي يقوم بتهديد حافظ حسين بنشر حيثيات حياتية خاصة (لا علاقة لها بالمنبر) في الإسفير عموماً (بما فيه سودانيات طبعاً)، هذه الحيثيات ستجعل حافظ حسين يعتزل الحياة الإسفيرية ويلعن اليوم اللمّاهو في فتحي (التعبير الاخير من عندي).
النتيجة حسب الترتيب:
- دخول الاعضاء مطالبين فتحي بالاعتذار
- استيضاح من حافظ وموافقة علي نشر التفاصيل كاملة.
- رفض فتحي مسعد ليس للإعتذار فقط، بل في التوضيح لحافظ (سيد الحق)
طيّب:
ما الفائدة (علي المستوي المعرفي) من التلويح بذلك من قبل فتحي مسعد حنفي؟
وإذا كان يعرف سلفاً عدم مقدرته علي نشر حيثياته التهديدية، لماذا قام بالتلويح بها؟
وماذا تعنيني حياة حافظ حسين الخاصة في إطار التحاور والتجاور الاسفيري وتدوير المعرفة فيه؟
وما علاقة حياة حافظ الخاصة بالمنتدي حتي يهدَّد بها؟
إفتراض:
نفترض أنّ شيئاً من تلك القوالات التي هدّد فتحي مسعد بنشرها، نفترض حقيقيتها، ماذا يعني ذلك؟
يعني خلاص الباقيين ملايكة (بما فيهم فتحي مسعد) ومفروض يرموا حافظ بحجار القوالة البتشبه قوالة لمّة الجبنة في سوئها وبياختها ولا اخلاقيتها وشطحها؟
ياخي أسوأ ما يمكن حدوثه في الإسفير، ما حدث لحافظ حسين، والبعض يضحك ويطبطب ويهوِّن الأمر، بالرغم من إمتناع فتحي مسعد عن التوضيح، لا، بل حتي الاعتذار. لا بالله!!!!
نقطة:
لا يضطلع علي خصوصيات الناس، إلا الراغبين في مسِّ أعراض الناس، ولا يهتم بأسرار الآخرين، سوي المترصدين الباحثين عن ثغرات وعيوب الآخرين لتمنحهم ميزة إضافية عليهم (نظام أعمل حسابك، أنا ماسك عليك حاجة)، وذلك أسوأ ما في الإنسان.
أسوأ ما في الانسان هو ما أتي به فتحي مسعد حنفي الذي هو في مقام والد حافظ (عُمْراً طبعاً)، فمن تسوِّل له نفسه إيذاء الآخرين عن طريق تصيّد خصوصياتهم، يصبح في عداد المرضي المهووسين، أولئك الذين يعانون من نقص ليس بوسعهم إكماله سوي عبر آلية رخيصة ولا أخلاقية.
وهل الأخلاق سوي احترام الذات أوّلاً!
العضو فتحي مسعد علي أقل الفروض قام باختراق اللائحة المنظة للمنتدي، ولم تتحرّك منظومة الادارة حتي الآن!!!
السؤال:
ما المانع من ذلك؟!!
لماذا لم تتخذ إجراءات لتلافي ما حدث؟؟
وإذا افترضنا عدم وضع المآلات الراهنة في اعتبار أنها ستحدث، لماذا لم تتحرّك بعد حدوثها إذن؟؟
هل ما قام به فتحي مسعد حنفي هيناً (زيّ شراب الزبادي بالسفن أب)، ولّ الموضوع ما بستحق؟!
وهل نحن كعضوية سودانيات، يجب أن ندين ونشجب (لأننا سودانيين) ولّ هناك أكثر من ذلك؟؟
وهل لأنّ العضو المتعدِّي قال بمغادرة سودانيات يعني إراحة الإدارة من إبداء وجهة نظرها لائحياً علي ما حدث؟
بعد الذي حدث:
بتفرق شنو مثلا لو مشي فتحي مسعد ولّا قعد؟، هل إنتفي الخطأ؟، هل سقط التعدِّي، هل جبّت مغادرة فتحي مسعد (غير المؤكّدة) تعريضه وتهديداته لحافظ حسين؟، هل سيعود للزجاج الذي انكسر لمعانه وصفوه؟، هل بإمكاني الوثوق بشعار المحبّة والتواصل لاحقاً؟!!
اللائحة في أبسط تعريفاتها ليست "لمنع الآخر، ولكنها لحماية الآخر" ، ليست لمنع فتحي مسعد، بل لحماية حافظ حسين، والعكس.
بالنسبة لي في الحالة دي؛ ما فرقت كونو فتحي مسعد يمشي، لكن بتفرق لمّا حافظ حسين يمشي مكسور الخاطر، إثر شطحات فتحي مسعد حنفي (المعهودة)، ونحن (عضوية علي إدارة) لا نحرّك ساكناً.
فتحي مسعد هدّد حافظ حسين ورفض يعتذر، فوق لكدة كابر وعاند، واتحدّي الإدارة والجنّ الاحمر (كمقياس لعدم الخوف حسب تعبيره) وحتي أسألوا شوقي بدري، قوّم المنتدي ليلة وضحاها، رفض يتنازل عن موقفو، وفي النهاية جا قال "والله ممكن كلامي يكون نتيجة إنفعال وزعل"!!!!!
طيّب:
الضمان شنو بكرة يجي عضو يقول للناس "الرشيد دا بتاع" ويقوِّم نفس المنتدي وتاني يوم يجي يكب ليهو إعتذار "أو يتبرّع عضو بكتابة إعتذار يليق بسودانيات" إنابة عنو والأمور تمشي زيّ القطر!

في حاجات كدا، ما بحسّ بيها إلا الزول الواطيها، لذلك يبدو أننا لن نحس إلا بعد أن نطأ، وسيكون ذلك قريباً طالما الحاجات ماشة علي هذه الشاكلة.
مش قلت سوق الله أكبر!!
ياخي الله أكبر علي أيّ حاجة!!
100% يا الرشيد
كعهدنا بك

أولاً انا بعتذر للأخ حافظ عن ما أصابه في سمعته وشرفه
بجد الموضوع مؤلم جداً ولا يقبله أي إنسان

وحته الإعتذار دي أنا ما موافقة عليها أبداً
ولا حته التدخلات ومحاولات تلطيف الجو
تلطيف أي جو ؟؟؟؟؟

رغم أنه عم فتحي هو أكبرنا سناً ولكن هذا لا يمنع ان يعاقب على فعلته
ولا يجدي الإعتذار في مثل هذا الوجع
ولا الإعتذار دائماً مطلوب
المطلوب هو رد إعتبار الأخ حافظ بقدر ما إنكسر
وللأسف الناس مأخده الموضوع ضحك وهزار بأسم تلطيف الجو

رسالة للعم فتحي
للأسف يا عم فتحي أخطأت في حق حافظ ..... وهي بصراحه ليست من شيم الرجال .. أن نهدد بخصوصياتنا .... وحتى لو كان حافظ يلبس كل علات العالم ... نحن يكفينا حافظ أسفيرياً ... يكفينا أنه رجل متعلم وفاهم وله حوبات كثيره هنا في سودانيات ..
فعيب علينا أن نتخذ من خصوصيات الناس سهام نهابي بها في كل محك
بجد تصرف لا يشبه سنك



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل   رد مع اقتباس
قديم 10-04-2013, 10:22 AM   #[15]
همس الشوق
:: كــاتب نشــط::
الصورة الرمزية همس الشوق
 
افتراضي

اقتباس:
المشاركة الأصلية كتبت بواسطة جيجي مشاهدة المشاركة
لا والله يا ناس الحارة
ياخ اتكلموا عن نفسكم ودافعوا عن حافظ مافي زول بيسالكم
لكن
كل زول عنده طريقته ووجهة نظره واسلوبه ونظرته وثقافته البعالج بيها الحاجة حاف ظ مازول صغير عشان الناس تقيف ليه على حيلها فقط بنحاول نهديء الوضع كل على طريقته ثم ا نه ا اللوائح دي مش كلو شيء
وهي البتحكم الناس بعيدا عن كل شيء لي الناس هنا جرت تفتش عن الاخلاق
يا جيجي الناس ما وقفت حيلها عشان حافظ صغير
أبدا
وقفت عن بشاعة المنظر وخطورة الأسلوب في التحاور والتشاكل حتى لو سميناهو
وقفت حيلها عشاني وعشانك وعشان كل عضو في المنتدى
عادي جدا بكره اجيك أقول ليك يا جيجي انا لو كتبته البعرفوا عنك
تاني ما بتفتحي الكمبيوتر خلي النت
الموضوع دا بالنسبة ديل عادي؟؟؟؟؟
وما بتحتاجي لوقفة الناس معاك؟؟؟
وهنا حتلتزمي باللوائح والقوانين

أي مس في الأعراض أو الخصوصيات لا يخدع لأي نظرية يا جيجي
ولا نقبل به على الإطلاق إذا كان في حق عضو أو عضوة
عشان الموضوع ما يبقى سايب ساكت وكل يوم يجي شخص يقول يا فلان انا بعرف عنك حاجة ....... وبعد شوية يقول كنت زعلان



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:40 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.