راكوبة المجادعات.. النمة والدوباي

[سجمان]

المشاركة الأصلية كتبت بواسطة عكــود

سلام سجمان والشباب،

ياخوانّا المجادعات الفي البوست ده يجب أن لا تُهمل.

توثيقها مهم، أقترح لمّها في مكان واحد بصورة متناسقة تسهل مطالعتها.

ممكن الإستعانة بالباذخ فيصل سعد.

كل الإعجاب والله.

ممنونين يا سيد العكداب..
ونورت أم شعب..

ما بنهمل كلامك ونختو فوق الرف
وشاكرين اهتمامك من الشباب بالصف
كان نميت معانا حَمّسْ معانا الدُف
باكر نشوفلنا زول يعملّو بي دي إف

[طارق صديق كانديك]

المشاركة الأصلية كتبت بواسطة سجمان

لي شوفتو بـ نرِح من لا صباح لا غربنا
أب ديساً مكلق في ريدو كم ربربنا
المن صدرو قام مكسيم جلل ضاربنا
زايد في الجمال فاق العجم وعربنا

من شوفتو بـ تزِح الغمة بت فارقنا
كتال الرجال بي نظرة بس حارقنا
الوزين يعوم .. حَاحينا لما غرقنا
والجرح القبيييل قام تاني جا معاقبنا

[تماضر حمزة]

عاجبني الأصم المافي شيتن عابو
المابجيب الفسل حتمن عليهو الجابو
رايداهو البنات من ريدو يوم ماتابوا
شاحدة الكريم مااشوفو يوم فِ غيابو

[سماح محمد]

ياخوانا متل حديثكم ده..بالجد غالبنا
ممكن نتاوك بس..نقول عاجبنا؟

معجبة بالبوست شديد والله

[آخـر المواني]

دا نظام حفظ حقوق وكدا ... لامن نتم **الأربعين الباقية














**المقصود بالأربعين صفحة المتبقية لي من القراية النعمنو انا في صحفة 10
والشرح دا قطع طريق لي ناس هناي عشان ما يأولو الاربعين دي بي طريقتهم

[طارق صديق كانديك]

المشاركة الأصلية كتبت بواسطة تماضر حمزة

عاجبني الأصم المافي شيتن عابو
المابجيب الفسل حتمن عليهو الجابو
رايداهو البنات من ريدو يوم ماتابوا
شاحدة الكريم مااشوفو يوم فِ غيابو

عاجباني العيون في زول جدع نشابو
خفسن لي الضلوع زولن صغير دابو
شقيش من نظر ضربنوا أذو صوابو
والعشاق كتااار راجفين بعد ما شابو*



* نسخة لوجدي الأسعد وآخرين

[تماضر حمزة]

المشاركة الأصلية كتبت بواسطة طارق صديق كانديك

عاجباني العيون في زول جدع نشابو
خفسن لي الضلوع زولن صغير دابو
شقيش من نظر ضربنوا أذو صوابو
والعشاق كتااار راجفين بعد ما شابو*

من قومة الجهل دايمن بوقر شيبو
الزول الوقور في حلمي شالو نصيبو
العود الطرح فارع وهادلو وضيبو
كان مال للعشق مااظنو ميلو يعيبو

[بابكر مخير]

اقتباس:
المشاركة الأصلية كتبت بواسطة طارق صديق كانديك

عاجباني العيون في زول جدع نشابو
خفسن لي الضلوع زولن صغير دابو
شقيش من نظر ضربنوا أذو صوابو
والعشاق كتااار راجفين بعد ما شابو*



* نسخة لوجدي الأسعد وآخرين



والنسخة الأصلية لي "توحة وروفي ومن لفا لفهم"
بث

[بابكر مخير]

اقتباس:
المشاركة الأصلية كتبت بواسطة تماضر حمزة
من قومة الجهل دايمن بوقر شيبو
الزول الوقور في حلمي شالو نصيبو
العود الطرح فارع وهادلو وضيبو
كان مال للعشق مااظنو ميلو يعيبو



جيتن جيتي يما اللي أبوكي مشتاقالوا
ديل الجنون كم نضموا وقدر ما قالوا
وييييين للدرر المنك سلسبيلن سالوا
يتلئلئن في ضو النهار أتقول،، شمعدانن صاروا

[عبدالله وداعه الامين]

[تماضر حمزة]

[سجمان]

المشاركة الأصلية كتبت بواسطة طارق صديق كانديك

من شوفتو بـ تزِح الغمة بت فارقنا
كتال الرجال بي نظرة بس حارقنا
الوزين يعوم .. حَاحينا لما غرقنا
والجرح القبيييل قام تاني جا معاقبنا

بي شوفتو اللرض شربت لمع بارقنا
استسلمنا جينا عديل رافعين بياض بارقنا
الصدر أب مدافع كم منو إدّرقنا
لو ما ربي اللطيف بي سهمو كان خارقنا

[بابكر مخير]

اقتباس:
المشاركة الأصلية كتبت بواسطة عبدالله وداعه الامين

[glint] شووووووووووووووووووووووووووق[/glint]

[glint]
[/glint]

[أبو دعد]

المشاركة الأصلية كتبت بواسطة تماضر حمزة

من قومة الجهل دايمن بوقر شيبو
الزول الوقور في حلمي شالو نصيبو
العود الطرح فارع وهادلو وضيبو
كان مال للعشق مااظنو ميلو يعيبو

من قومت الجهل الشكرة هولا
تقديل بالشيش و ديمة ممهولا
ما بتتلفت فى مشيها وايدا مجدولا
دى الخلت كل الشباب مزهولا

[أبو دعد]

المشاركة الأصلية كتبت بواسطة سجمان

بي شوفتو اللرض شربت لمع بارقنا
استسلمنا جينا عديل رافعين بياض بارقنا
الصدر أب مدافع كم منو إدّرقنا
لو ما ربي اللطيف بي سهمو كان خارقنا

شوفت عيونو المرسومة ذى الصاد
وسهام لحظو تقول مدفع القصاد
الشافو كلو استسلم و جاهو صاد
احفظو ربنا بى يس ونون وصاد